Aliro̍om 9
9
Ɔwɔ ba̍la āchɛ yī nū nīi o̍ hōhu ma̍
1Lɛlā nūma̍ nīi n yɛ ē ka ma̍ - ichɛ̄ɛhi nɛ. Ami - ɔ̄chɛ yī Ikra̍yisi nɛ, n i̍ yɛ ē warīmɛ̄ ni̍. Uhu Ɔnɛ̄ɛhɛhi yī Ɔwɔ bī wɔhu̍ yī ɛri̍ya̍ yī ūkpɔ̄tū yī u a̍nɛ. Ɔla̍ā ya̍ nīi n gba̍a jo̍ōkū gblɛ̍ɛgblɛ̍ɛ hīka n i̍ yɛ ē warīmɛ̄ ni̍ a̍nɛ. 2Īlāanyī nīi yɛ amu ē lā u ma̍ de glɛbɛta̍. Lɛlā ohwōhwō nīi hɔ̄ amu la ūkpɔ̄tū yī u ma̍ i̍ tū ɔchlɛhu̍ ni̍. 3Wu̍chē yī āchɛ yī ami ɔlɔjā nīi - ayɔ̍ɔcha yī u la ɔmɔ̄ma ma̍ nɛ. Ɔwɔ ge̍ u̍tu gbo u yɛka, de u wu̍ligbo̍ hī Ikra̍yisi wu̍chē yī wā, o̍ ge̍ē lɛ u wɔnyɛ. 4Aa̍ re̍ka āchɛ nīi Ɔwɔ hōhu a̍nɛ. Ɔwɔ ɔlɔjā de wa̍ pīya ayi̍ yī nū, ya̍ nīi e̍ nāa rīgā bāa anu̍ ɔlɔjā ma̍. O̍ gwi̍yɛka yī nū ba̍la aa̍. O̍ de Lihɔ yī Imo̍sīisi de wa̍. Aa̍ lɛ ɔpɔ̄pū olēchi̍ lēchi̍ obī ya̍ otūlichō de Ɔwɔ a̍nɛ. Aa̍ nāa oko̍o ochōche wa̍a̍ nīi ɔwɔ che ma̍ a̍nɛ. 5Aa̍ bū la wɔma yī a̍dɔ̄kū yī alɔ ɛla̍ā a̍nɛ. Bāa ɔ̄chɛ̄ɛchɛ ma̍, Ikra̍yisi titi bū la wɔma yī wā ɔla̍ā. Ɔwɔ nīi bī wɔhu̍ yī ɛjā wa̍a̍ ma̍, o̍gbo̍ ge̍ - iyī nū kpɛɛ ku yɛ̄grāa ɔha̍lɔha̍! O̍ ge̍ lɛ i̍ngɔ̍ɔ.
6N i̍ yɛ ē kɔ̄ka hīka oko̍o nīi Ɔwɔ che ma̍ ngmɛ̍rɛ̍ gɛ ni̍ ni̍. Wu̍chē oji̍ nɛ, i̍ āchɛ wa̍a̍ nīi - Ali̍sɛ̄rɛli ma̍ re̍ka āchɛ nīi Ɔwɔ hōhu a̍ni̍. 7I̍ āchɛ wa̍a̍ nīi bū la wɔma yī A̍brahāam ma̍ chī - ayi̍ yī Ɔwɔ a̍ni̍. I̍ngɛ̍ɛ̄nɛ̄ nīi Ɔwɔ koko̍o de A̍brahāam ɔlɔjā a̍nɛ: “Āchɛ nīi ge̍ē bū la wɔma yī A̍yi̍sāaki ma̍, aa̍ ke̍e̍ ge̍ē re̍ka ayi̍ yī wɔ a̍nɛ.” 8Ɔla̍ā chabɔ̄ hīka ayi̍ nīi A̍brahāam ma la ɛbɛ ɔlamu ji ma̍ i̍ re̍ka ayi̍ yī Ɔwɔ ni̍; ayi̍ nīi o̍ ma gala ɔgɔgu lɔkɔ nīi Ɔwɔ choko̍o de ɔ̍ ma̍, aa̍ - ayi̍ yī nū la olēchi̍ lēchi̍ a̍nɛ. 9Lɛlā nīi Ɔwɔ choko̍o de A̍brahāam ma̍ re̍ka, “Yɛ̄grāa kpakpa ɔla̍ā ge̍ de gbajɛ mɛ̍, n ge̍ē ku̍chē wā. Bɛ̍ɛ̄nɛ̄ ma̍, Isa̍ra ɔnyā yī wɔ ge̍ē ma ɔyi̍ ɔnɔ̄ngrɔ̄ɔ.”
10O̍ i̍ gba̍a - onūma̍ ke̍e̍ ni̍. A̍dɔ̄kū yī alɔ ɔla̍ā nīi re̍ka A̍yi̍sāaki ma̍, anu̍ trīpu̍ yī ayɛ̍ɛpa anāngrɔ̄ɔ ɛla̍ā nīi Irɛbɛ̍ka ma ma̍ a̍nɛ. 11,12Yɛ̄grāa nīi o̍ i̍ ma ayi̍ ɛla̍ā we̍ ni̍, kɛ̄ɛ nīi ayi̍ ɛ̍lɛma̍ i̍ jyɛ̍ɛ̄lā ɔnɛ̄ɛhɛhi kɛ̄ɛ ɔdwɔ̄bi̍ ɔyɔ̍ɔ̄ya̍ we̍ ni̍ ma̍, Ɔwɔ koko̍o yī lɛlā ɔha̍ de Irɛbɛ̍ka. Ɔwɔ ka de Irɛbɛ̍ka hīka, Oho̍bū ɔ̍lɔ ge̍ē hɔ̍chɛ̍ yī Ogwīihi. Ɔwɔ ya̍ i̍ngɔ̍ɔ hɛ̄ɛbɛ ge̍ē de ochi̍chi̍ yī lɛlā yī nū lɔkɔ nīi o̍ ē hu āchɛ ohōhu ke̍e̍ ma̍ ē lā brii gāa iyɔ̄bū iyɔ̄bū. Ohōhu nīi Ɔwɔ ē hu āchɛ ma̍ i̍ bū lɛlā nīi āchɛ ɛlɛjā ya̍ o̍bū ma̍ ni̍; o̍ bū la ɛra̍ nīi Ɔwɔ hī ɔ̄chɛ ke̍e̍ ji ma̍. 13Īpū yī Ɔwɔ gba̍a ka Ɔwɔ ɔ̍lɔ ka hīka, “Ije̍kɔ̄ɔpu hi um ɔtū a̍nɛ; I̍sɔ ma̍ ta̍ um anyī.”
14Kana̍ nīi alɔ chī ge̍ē ka bɛ̍ɛ̄nɛ̄ ma̍? O̍ re̍ka Ɔwɔ i̍ ē hlɛ̍ɛ̄pɔ̄ kpakpa ni̍ kɛ̄ɛ? Īchāha̍ īchāha̍! 15Ɔwɔ ɔlɔjā koko̍o de Imo̍sīisi i̍chɔ̍lɔ hīka, “Ma̍ ko̍ō! Ɔ̄chɛ nīi o̍ ge̍ rīya ami la ɔmlɛ̍ha̍ yī nū, n ge̍ē mlɛ̍ha̍ yī nū. Ɔ̄chɛ nīi o̍ ge̍ rīya ami la ɔjrɛha̍ de ɔ̍, n ge̍ē jrɛha̍ ē de ɔ̍.” 16Bū la ɛbɛ ɔla̍ā, ohōhu nīi Ɔwɔ ē hu ɔ̄chɛ ma̍ i̍ lā bū lɔkɔ nīi ɔlɔjā chikpo̍ ma̍, kɛ̄ɛ bū la ɔjā nīi ɔlɔjā ya̍ o̍bū ma̍ ni̍; o̍ bū lɛhi ɔyɔ̍ɔ̄ya̍ yī Ɔwɔ ɔlɔjā ke̍e̍. 17Wu̍chē oji̍ nɛ, lɛlā nīi Ɔwɔ da Ife̍ro nīi e̍ ta̍tū la Īpū yī Ɔwɔ ma̍ re̍ka, “N de wɔ re̍ ɔchwɔ̄lɛ̍ wu̍chē yī lɛlā nūma̍ pi̍i̍. N ya̍ i̍ngɔ̍ɔ hɛ̄ɛbɛ ge̍ē de wɔhu̍ ɔnɔ̄kɔ̄kū nīi n lɛ ma̍ ē chabɔ̄ bū la lɛlā ɔyɔ̍ɔ̄ya̍ ba̍la awɔ. N ya̍ i̍ngɔ̍ɔ hɛ̄ɛbɛ nīi alipu̍ yī yɛchɛ wa̍a̍ ge̍ē po̍ ohu yī riyī yī u.” 18Wu̍chē yī ɔla̍ā, ɔ̄chɛ nīi o̍ rīya Ɔwɔ la ɔlɛ̍ɛhi tāa anu̍ ma̍ nīi o̍ ē lɛ̍ɛhi ē tāa anu̍ a̍nɛ. Ɔ̄chɛ nīi o̍ chī rīya anu̍ la ɔya̍ nīi ɔlɔjā darɔ̄lɛhu̍ ma̍ nīi o̍ ē ya̍ nīi ɔlɔjā darɔ̄lɛhu̍ a̍nɛ.
Lɛpɔ̄ ɔhɔ̍ɔ̄hɛ̍ ba̍la lɛha̍ ɔma̍ ɔ̄chɛ ɔmɔ̍ɔ̄ma̍ yī Ɔwɔ
19Bū la ɛbɛ ɔla̍ā, ɔ̄chɛ ɔha̍ yī ala̍ ge̍ē che um ikpo̍ mɛ hīka, ɔ̍lɔ lɛ i̍ngɔ̍ɔ bɛ̍ɛ̄nɛ̄ nɛ ma̍, kana̍ nīi Ɔwɔ ɔ̍lɔ ge̍ ya̍ ɔ̄chɛ lɛfiyɛ ē mɛ ma̍? Ɔ̄chɔ̄chɛ ɔ̍lɔ i̍ chī ge̍ē hi̍hi̍yo̍ yī ɔjā nīi Ɔwɔ ɔlɔjā ɔ̍lɔ chikpo̍ ma̍ ē mɛ ni̍! 20Ɔya ami, awɔ u̍tu - ɔ̄nyɛ kpɛ̍ɛ nɛ nīi ge̍ē rɛ ē hīya Ɔwɔ ɔkɔlɛ̄lā ma̍/? Yɛ̄hī nīi e̍ mɔ̄ma la ajɛ ma̍ hāa da ɔ̄chɛ nīi ya̍ ɔ̄ ma̍ hīka, “A ya̍ u i̍ngɛ̍ɛ̄nɛ̄ ge̍ ya̍ oji̍?” 21A ge̍ ka ge̍ē ka, je̍ka ɔ̄chɛ nīi ē ma yɛ̄hī ma̍ lwɔhu̍ ge̍ē bī ajɛ ɔmɔjā ɔla̍ā ya̍ lɔkɔ nīi o̍ hi ɔ̍ ɔtū ma̍? O̍ ge̍ rīya anu̍, o̍ ē de ajɛ ɔmɔjā ɔla̍ā ma yɛ̄hī ɛpa: Ɔha̍ - obī tū ɔjā la yɛ̄grāa ɔlamu ɔlamu ɛha̍; ɔha̍ chī - obī tū ɔjā la yɛ̄grāa ɔha̍lɔha̍ ji.
22 I̍ngɔ̍ɔ ke̍e̍ nīi lɛlā nīi Ɔwɔ ya̍ ma̍ lɛ a̍nɛ. Ɔwɔ chikpo̍ ge̍ē de ɔtū ngurangura lɛpɔ̄ ɔhɔ̍ɔ̄hɛ̍ yī nū chabɔ̄. O̍ chikpo̍ ge̍ē ya̍ nīi āchɛ ē jo̍ōkū yī wɔhu̍ ɔnɔ̄kɔ̄kū nīi o̍ lɛ ma̍. Ɔwɔ chī mlɔtū hīdīdū kpɔ̍ɔ̍ hī āchɛ ɛla̍ā nīi ta̍tu̍tu̍ yī ɔtū ngurangura yī nū ma̍. Ɔchāajɛ yī wā ma̍ chī lā nyaa. 23Ɔwɔ gba̍a chikpo̍ ge̍ē de rīgā yī nū ɔla̍ā nīi mwɛbɛ mwɛbɛ ma̍ ē hi̍yɛchɛ. Rīgā yī nū ɔla̍ā nīi o̍ de mwɛbɛ ke̍ke̍ni̍ de alɔ nīi - āchɛ nīi o̍ mlɛ̍ha̍ yī alɔ ma̍ nɛ. Alɔ āchɛ nīi o̍ de alɔ gbɔ̍ɔ̄gbla̍a lɔ̄lā nīi alɔ ge̍ē nāa rīgā yī nū ma̍ nɛ. 24Wu̍chē oji̍ nɛ, alɔ re̍ka āchɛ nīi Ɔwɔ hɛ̄ra̍ a̍nɛ. O̍ i̍ hɛ̄ra̍ nūma̍ bū lipu̍ yī āchɛ yī Iju̍u ka̍ta̍ ni̍; o̍ hī āchɛ ɛra̍ bū lipu̍ yī Ɛchɛkɔcha titi kpa̍a. 25I̍ngɛ̍ɛ̄nɛ̄ nīi Ɔwɔ ka abɔ̍ɔ la īpū ɔha̍ nīi re̍ka Īpū yī Ihose̍ya ma̍ a̍nɛ.
“Āchɛ ɛla̍ā nīi i̍ āchɛ yī u ni̍ o̍bū ma̍,
n ge̍ē hī wā ka ‘Āchɛ yī u.’
Ɔcha nīi i̍ hi um ɔtū ni̍ o̍bū ma̍,
n ge̍ē hī wā ka ‘Ehiyumɔtū.’
26Abɔ̍ɔ la ɛbɛ pi̍i̍ nīi n da āchɛ ɛla̍ā hīka,
‘Ala̍ i̍ āchɛ yī u ni̍’ ma̍.
N ge̍ē de wa̍ ē re̍ka,
‘Ayi̍ yī Ɔwɔ nīi - Ɔwɔ ɔhɔ̄leyī ma̍’ abɔ̍ɔ.”
27I̍ngɛ̍ɛ̄nɛ̄ nīi Ayisa̍ya chī kɛlā ɔha̍ ku̍ Ali̍sɛ̄rɛli a̍nɛ: “Ali̍sɛ̄rɛli ge̍ lɔ̄lyɛ̄mɛ̄ bāa wɔjɛ nīi gblāa la oko̍o yī li̍hu ma̍, āchɛ ɛha̍ yī wā nīi ge̍ hōhī kplɛ̄ɛ̄ ji ma̍ ge̍ē lɛ ɔhɛ̍ta̍ a̍nɛ. 28Wu̍chē oji̍ nɛ, Ādādā ɔlɔjā ge̍ē de lɛpɔ̄ yī alipu̍ yī yɛchɛ nūma̍ hɛ̍ gbra ɔpɔ̄ɔpɛ̄.” 29Ɔla̍ā lɛ bāa lɛlā ɔha̍ nīi Ayisa̍ya ka lɔ̄lā o̍bū ma̍. O̍ hīka, “O̍ ge̍ re̍ka Ādādā ɔlɔjā nīi - Ɔgɔnyɛ Ɔnɔ̄kɔ̄kū ma̍ i̍ ge̍ tu̍ hī wɔma yī alɔ ɛha̍ gblāa amu ni̍ nɛ, alɔ ge̍ē de ya̍ bāa alipwo̍gra nīi re̍ka Iso̍dɔm ba̍la Igomo̍ra ma̍ mɛ̍.”
Ali̍sɛ̄rɛli ba̍la Wɔ̄kā Ɔlwɔnyɛ yī Ikra̍yisi
30Bɛ̍ɛ̄nɛ̄ ma̍, kana̍ nīi alɔ chī ge̍ē ka ma̍? Ɛchɛkɔcha nīi i̍ yɛ ē nyiya hɛ̄ɛbɛ ge̍ē de ē lɛ kpakpa ba̍la Ɔwɔ ni̍ ma̍ hɔ̄ɔ̄hɔ̄ de lɛ kpakpa ba̍la Ɔwɔ bū la ɔtū nīi e̍ de che ɔ̍ ma̍. 31Ali̍sɛ̄rɛli nīi re̍ka āchɛ nīi Ɔwɔ hōhu, aa̍ nīi yɛ ē kwɔgu yī lihɔ nīi ge̍ē ya̍ nīi e̍ ē de ē lɛ kpakpa ba̍la Ɔwɔ ma̍ i̍ chī ma̍ ɔla̍ā gɛ ni̍. 32Oji̍ chī - ohu̍ ma̍? Ɔjā nīi hu̍ ma̍, e̍ de ihi gbō la ɔjā nīi aa̍ ɛlɛjā yɛ ē ya̍ ma̍; e̍ i̍ chɛ̄ de ihi gbō la ɔtū ode che Ɔwɔ ochōche ke̍e̍ ni̍. Bū la ɛbɛ ɔla̍ā, e̍ hu̍kōowu gwāajɛ la “lɛchɔ̄ ɔta̍ ɔ̄chɛ ingla̍ gwāajɛ” ɔla̍ā 33nīi Īpū yī Ɔwɔ kɛlā ku̍ ɔ̄ ma̍. O̍ ka ɔ̍lɔ ge̍,
“Ala̍ ma̍ ko̍ō!
N de lɛchɔ̄ ɔha̍ lā abɔ̍ɔ la Isa̍yɔn!
Lɛchɔ̄ nīi ge̍ē ya̍ nīi āchɛ ē ti̍ingla̍ ma̍!
Lɛchɔ̄ ɔlwɔhɔ̍hu̍ nīi ge̍ē nāa āchɛ ē gwāajɛ ma̍!
Ɔ̄chɛmɔ̄chɛ nīi ge̍ē chī de ɔtū che ɔ̍,
n i̍ ge̍ē de liwēyī de ɔlɔjā ge̍ē gbo̍ ni̍.”
Currently Selected:
Aliro̍om 9: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
Aliro̍om 9
9
Ɔwɔ ba̍la āchɛ yī nū nīi o̍ hōhu ma̍
1Lɛlā nūma̍ nīi n yɛ ē ka ma̍ - ichɛ̄ɛhi nɛ. Ami - ɔ̄chɛ yī Ikra̍yisi nɛ, n i̍ yɛ ē warīmɛ̄ ni̍. Uhu Ɔnɛ̄ɛhɛhi yī Ɔwɔ bī wɔhu̍ yī ɛri̍ya̍ yī ūkpɔ̄tū yī u a̍nɛ. Ɔla̍ā ya̍ nīi n gba̍a jo̍ōkū gblɛ̍ɛgblɛ̍ɛ hīka n i̍ yɛ ē warīmɛ̄ ni̍ a̍nɛ. 2Īlāanyī nīi yɛ amu ē lā u ma̍ de glɛbɛta̍. Lɛlā ohwōhwō nīi hɔ̄ amu la ūkpɔ̄tū yī u ma̍ i̍ tū ɔchlɛhu̍ ni̍. 3Wu̍chē yī āchɛ yī ami ɔlɔjā nīi - ayɔ̍ɔcha yī u la ɔmɔ̄ma ma̍ nɛ. Ɔwɔ ge̍ u̍tu gbo u yɛka, de u wu̍ligbo̍ hī Ikra̍yisi wu̍chē yī wā, o̍ ge̍ē lɛ u wɔnyɛ. 4Aa̍ re̍ka āchɛ nīi Ɔwɔ hōhu a̍nɛ. Ɔwɔ ɔlɔjā de wa̍ pīya ayi̍ yī nū, ya̍ nīi e̍ nāa rīgā bāa anu̍ ɔlɔjā ma̍. O̍ gwi̍yɛka yī nū ba̍la aa̍. O̍ de Lihɔ yī Imo̍sīisi de wa̍. Aa̍ lɛ ɔpɔ̄pū olēchi̍ lēchi̍ obī ya̍ otūlichō de Ɔwɔ a̍nɛ. Aa̍ nāa oko̍o ochōche wa̍a̍ nīi ɔwɔ che ma̍ a̍nɛ. 5Aa̍ bū la wɔma yī a̍dɔ̄kū yī alɔ ɛla̍ā a̍nɛ. Bāa ɔ̄chɛ̄ɛchɛ ma̍, Ikra̍yisi titi bū la wɔma yī wā ɔla̍ā. Ɔwɔ nīi bī wɔhu̍ yī ɛjā wa̍a̍ ma̍, o̍gbo̍ ge̍ - iyī nū kpɛɛ ku yɛ̄grāa ɔha̍lɔha̍! O̍ ge̍ lɛ i̍ngɔ̍ɔ.
6N i̍ yɛ ē kɔ̄ka hīka oko̍o nīi Ɔwɔ che ma̍ ngmɛ̍rɛ̍ gɛ ni̍ ni̍. Wu̍chē oji̍ nɛ, i̍ āchɛ wa̍a̍ nīi - Ali̍sɛ̄rɛli ma̍ re̍ka āchɛ nīi Ɔwɔ hōhu a̍ni̍. 7I̍ āchɛ wa̍a̍ nīi bū la wɔma yī A̍brahāam ma̍ chī - ayi̍ yī Ɔwɔ a̍ni̍. I̍ngɛ̍ɛ̄nɛ̄ nīi Ɔwɔ koko̍o de A̍brahāam ɔlɔjā a̍nɛ: “Āchɛ nīi ge̍ē bū la wɔma yī A̍yi̍sāaki ma̍, aa̍ ke̍e̍ ge̍ē re̍ka ayi̍ yī wɔ a̍nɛ.” 8Ɔla̍ā chabɔ̄ hīka ayi̍ nīi A̍brahāam ma la ɛbɛ ɔlamu ji ma̍ i̍ re̍ka ayi̍ yī Ɔwɔ ni̍; ayi̍ nīi o̍ ma gala ɔgɔgu lɔkɔ nīi Ɔwɔ choko̍o de ɔ̍ ma̍, aa̍ - ayi̍ yī nū la olēchi̍ lēchi̍ a̍nɛ. 9Lɛlā nīi Ɔwɔ choko̍o de A̍brahāam ma̍ re̍ka, “Yɛ̄grāa kpakpa ɔla̍ā ge̍ de gbajɛ mɛ̍, n ge̍ē ku̍chē wā. Bɛ̍ɛ̄nɛ̄ ma̍, Isa̍ra ɔnyā yī wɔ ge̍ē ma ɔyi̍ ɔnɔ̄ngrɔ̄ɔ.”
10O̍ i̍ gba̍a - onūma̍ ke̍e̍ ni̍. A̍dɔ̄kū yī alɔ ɔla̍ā nīi re̍ka A̍yi̍sāaki ma̍, anu̍ trīpu̍ yī ayɛ̍ɛpa anāngrɔ̄ɔ ɛla̍ā nīi Irɛbɛ̍ka ma ma̍ a̍nɛ. 11,12Yɛ̄grāa nīi o̍ i̍ ma ayi̍ ɛla̍ā we̍ ni̍, kɛ̄ɛ nīi ayi̍ ɛ̍lɛma̍ i̍ jyɛ̍ɛ̄lā ɔnɛ̄ɛhɛhi kɛ̄ɛ ɔdwɔ̄bi̍ ɔyɔ̍ɔ̄ya̍ we̍ ni̍ ma̍, Ɔwɔ koko̍o yī lɛlā ɔha̍ de Irɛbɛ̍ka. Ɔwɔ ka de Irɛbɛ̍ka hīka, Oho̍bū ɔ̍lɔ ge̍ē hɔ̍chɛ̍ yī Ogwīihi. Ɔwɔ ya̍ i̍ngɔ̍ɔ hɛ̄ɛbɛ ge̍ē de ochi̍chi̍ yī lɛlā yī nū lɔkɔ nīi o̍ ē hu āchɛ ohōhu ke̍e̍ ma̍ ē lā brii gāa iyɔ̄bū iyɔ̄bū. Ohōhu nīi Ɔwɔ ē hu āchɛ ma̍ i̍ bū lɛlā nīi āchɛ ɛlɛjā ya̍ o̍bū ma̍ ni̍; o̍ bū la ɛra̍ nīi Ɔwɔ hī ɔ̄chɛ ke̍e̍ ji ma̍. 13Īpū yī Ɔwɔ gba̍a ka Ɔwɔ ɔ̍lɔ ka hīka, “Ije̍kɔ̄ɔpu hi um ɔtū a̍nɛ; I̍sɔ ma̍ ta̍ um anyī.”
14Kana̍ nīi alɔ chī ge̍ē ka bɛ̍ɛ̄nɛ̄ ma̍? O̍ re̍ka Ɔwɔ i̍ ē hlɛ̍ɛ̄pɔ̄ kpakpa ni̍ kɛ̄ɛ? Īchāha̍ īchāha̍! 15Ɔwɔ ɔlɔjā koko̍o de Imo̍sīisi i̍chɔ̍lɔ hīka, “Ma̍ ko̍ō! Ɔ̄chɛ nīi o̍ ge̍ rīya ami la ɔmlɛ̍ha̍ yī nū, n ge̍ē mlɛ̍ha̍ yī nū. Ɔ̄chɛ nīi o̍ ge̍ rīya ami la ɔjrɛha̍ de ɔ̍, n ge̍ē jrɛha̍ ē de ɔ̍.” 16Bū la ɛbɛ ɔla̍ā, ohōhu nīi Ɔwɔ ē hu ɔ̄chɛ ma̍ i̍ lā bū lɔkɔ nīi ɔlɔjā chikpo̍ ma̍, kɛ̄ɛ bū la ɔjā nīi ɔlɔjā ya̍ o̍bū ma̍ ni̍; o̍ bū lɛhi ɔyɔ̍ɔ̄ya̍ yī Ɔwɔ ɔlɔjā ke̍e̍. 17Wu̍chē oji̍ nɛ, lɛlā nīi Ɔwɔ da Ife̍ro nīi e̍ ta̍tū la Īpū yī Ɔwɔ ma̍ re̍ka, “N de wɔ re̍ ɔchwɔ̄lɛ̍ wu̍chē yī lɛlā nūma̍ pi̍i̍. N ya̍ i̍ngɔ̍ɔ hɛ̄ɛbɛ ge̍ē de wɔhu̍ ɔnɔ̄kɔ̄kū nīi n lɛ ma̍ ē chabɔ̄ bū la lɛlā ɔyɔ̍ɔ̄ya̍ ba̍la awɔ. N ya̍ i̍ngɔ̍ɔ hɛ̄ɛbɛ nīi alipu̍ yī yɛchɛ wa̍a̍ ge̍ē po̍ ohu yī riyī yī u.” 18Wu̍chē yī ɔla̍ā, ɔ̄chɛ nīi o̍ rīya Ɔwɔ la ɔlɛ̍ɛhi tāa anu̍ ma̍ nīi o̍ ē lɛ̍ɛhi ē tāa anu̍ a̍nɛ. Ɔ̄chɛ nīi o̍ chī rīya anu̍ la ɔya̍ nīi ɔlɔjā darɔ̄lɛhu̍ ma̍ nīi o̍ ē ya̍ nīi ɔlɔjā darɔ̄lɛhu̍ a̍nɛ.
Lɛpɔ̄ ɔhɔ̍ɔ̄hɛ̍ ba̍la lɛha̍ ɔma̍ ɔ̄chɛ ɔmɔ̍ɔ̄ma̍ yī Ɔwɔ
19Bū la ɛbɛ ɔla̍ā, ɔ̄chɛ ɔha̍ yī ala̍ ge̍ē che um ikpo̍ mɛ hīka, ɔ̍lɔ lɛ i̍ngɔ̍ɔ bɛ̍ɛ̄nɛ̄ nɛ ma̍, kana̍ nīi Ɔwɔ ɔ̍lɔ ge̍ ya̍ ɔ̄chɛ lɛfiyɛ ē mɛ ma̍? Ɔ̄chɔ̄chɛ ɔ̍lɔ i̍ chī ge̍ē hi̍hi̍yo̍ yī ɔjā nīi Ɔwɔ ɔlɔjā ɔ̍lɔ chikpo̍ ma̍ ē mɛ ni̍! 20Ɔya ami, awɔ u̍tu - ɔ̄nyɛ kpɛ̍ɛ nɛ nīi ge̍ē rɛ ē hīya Ɔwɔ ɔkɔlɛ̄lā ma̍/? Yɛ̄hī nīi e̍ mɔ̄ma la ajɛ ma̍ hāa da ɔ̄chɛ nīi ya̍ ɔ̄ ma̍ hīka, “A ya̍ u i̍ngɛ̍ɛ̄nɛ̄ ge̍ ya̍ oji̍?” 21A ge̍ ka ge̍ē ka, je̍ka ɔ̄chɛ nīi ē ma yɛ̄hī ma̍ lwɔhu̍ ge̍ē bī ajɛ ɔmɔjā ɔla̍ā ya̍ lɔkɔ nīi o̍ hi ɔ̍ ɔtū ma̍? O̍ ge̍ rīya anu̍, o̍ ē de ajɛ ɔmɔjā ɔla̍ā ma yɛ̄hī ɛpa: Ɔha̍ - obī tū ɔjā la yɛ̄grāa ɔlamu ɔlamu ɛha̍; ɔha̍ chī - obī tū ɔjā la yɛ̄grāa ɔha̍lɔha̍ ji.
22 I̍ngɔ̍ɔ ke̍e̍ nīi lɛlā nīi Ɔwɔ ya̍ ma̍ lɛ a̍nɛ. Ɔwɔ chikpo̍ ge̍ē de ɔtū ngurangura lɛpɔ̄ ɔhɔ̍ɔ̄hɛ̍ yī nū chabɔ̄. O̍ chikpo̍ ge̍ē ya̍ nīi āchɛ ē jo̍ōkū yī wɔhu̍ ɔnɔ̄kɔ̄kū nīi o̍ lɛ ma̍. Ɔwɔ chī mlɔtū hīdīdū kpɔ̍ɔ̍ hī āchɛ ɛla̍ā nīi ta̍tu̍tu̍ yī ɔtū ngurangura yī nū ma̍. Ɔchāajɛ yī wā ma̍ chī lā nyaa. 23Ɔwɔ gba̍a chikpo̍ ge̍ē de rīgā yī nū ɔla̍ā nīi mwɛbɛ mwɛbɛ ma̍ ē hi̍yɛchɛ. Rīgā yī nū ɔla̍ā nīi o̍ de mwɛbɛ ke̍ke̍ni̍ de alɔ nīi - āchɛ nīi o̍ mlɛ̍ha̍ yī alɔ ma̍ nɛ. Alɔ āchɛ nīi o̍ de alɔ gbɔ̍ɔ̄gbla̍a lɔ̄lā nīi alɔ ge̍ē nāa rīgā yī nū ma̍ nɛ. 24Wu̍chē oji̍ nɛ, alɔ re̍ka āchɛ nīi Ɔwɔ hɛ̄ra̍ a̍nɛ. O̍ i̍ hɛ̄ra̍ nūma̍ bū lipu̍ yī āchɛ yī Iju̍u ka̍ta̍ ni̍; o̍ hī āchɛ ɛra̍ bū lipu̍ yī Ɛchɛkɔcha titi kpa̍a. 25I̍ngɛ̍ɛ̄nɛ̄ nīi Ɔwɔ ka abɔ̍ɔ la īpū ɔha̍ nīi re̍ka Īpū yī Ihose̍ya ma̍ a̍nɛ.
“Āchɛ ɛla̍ā nīi i̍ āchɛ yī u ni̍ o̍bū ma̍,
n ge̍ē hī wā ka ‘Āchɛ yī u.’
Ɔcha nīi i̍ hi um ɔtū ni̍ o̍bū ma̍,
n ge̍ē hī wā ka ‘Ehiyumɔtū.’
26Abɔ̍ɔ la ɛbɛ pi̍i̍ nīi n da āchɛ ɛla̍ā hīka,
‘Ala̍ i̍ āchɛ yī u ni̍’ ma̍.
N ge̍ē de wa̍ ē re̍ka,
‘Ayi̍ yī Ɔwɔ nīi - Ɔwɔ ɔhɔ̄leyī ma̍’ abɔ̍ɔ.”
27I̍ngɛ̍ɛ̄nɛ̄ nīi Ayisa̍ya chī kɛlā ɔha̍ ku̍ Ali̍sɛ̄rɛli a̍nɛ: “Ali̍sɛ̄rɛli ge̍ lɔ̄lyɛ̄mɛ̄ bāa wɔjɛ nīi gblāa la oko̍o yī li̍hu ma̍, āchɛ ɛha̍ yī wā nīi ge̍ hōhī kplɛ̄ɛ̄ ji ma̍ ge̍ē lɛ ɔhɛ̍ta̍ a̍nɛ. 28Wu̍chē oji̍ nɛ, Ādādā ɔlɔjā ge̍ē de lɛpɔ̄ yī alipu̍ yī yɛchɛ nūma̍ hɛ̍ gbra ɔpɔ̄ɔpɛ̄.” 29Ɔla̍ā lɛ bāa lɛlā ɔha̍ nīi Ayisa̍ya ka lɔ̄lā o̍bū ma̍. O̍ hīka, “O̍ ge̍ re̍ka Ādādā ɔlɔjā nīi - Ɔgɔnyɛ Ɔnɔ̄kɔ̄kū ma̍ i̍ ge̍ tu̍ hī wɔma yī alɔ ɛha̍ gblāa amu ni̍ nɛ, alɔ ge̍ē de ya̍ bāa alipwo̍gra nīi re̍ka Iso̍dɔm ba̍la Igomo̍ra ma̍ mɛ̍.”
Ali̍sɛ̄rɛli ba̍la Wɔ̄kā Ɔlwɔnyɛ yī Ikra̍yisi
30Bɛ̍ɛ̄nɛ̄ ma̍, kana̍ nīi alɔ chī ge̍ē ka ma̍? Ɛchɛkɔcha nīi i̍ yɛ ē nyiya hɛ̄ɛbɛ ge̍ē de ē lɛ kpakpa ba̍la Ɔwɔ ni̍ ma̍ hɔ̄ɔ̄hɔ̄ de lɛ kpakpa ba̍la Ɔwɔ bū la ɔtū nīi e̍ de che ɔ̍ ma̍. 31Ali̍sɛ̄rɛli nīi re̍ka āchɛ nīi Ɔwɔ hōhu, aa̍ nīi yɛ ē kwɔgu yī lihɔ nīi ge̍ē ya̍ nīi e̍ ē de ē lɛ kpakpa ba̍la Ɔwɔ ma̍ i̍ chī ma̍ ɔla̍ā gɛ ni̍. 32Oji̍ chī - ohu̍ ma̍? Ɔjā nīi hu̍ ma̍, e̍ de ihi gbō la ɔjā nīi aa̍ ɛlɛjā yɛ ē ya̍ ma̍; e̍ i̍ chɛ̄ de ihi gbō la ɔtū ode che Ɔwɔ ochōche ke̍e̍ ni̍. Bū la ɛbɛ ɔla̍ā, e̍ hu̍kōowu gwāajɛ la “lɛchɔ̄ ɔta̍ ɔ̄chɛ ingla̍ gwāajɛ” ɔla̍ā 33nīi Īpū yī Ɔwɔ kɛlā ku̍ ɔ̄ ma̍. O̍ ka ɔ̍lɔ ge̍,
“Ala̍ ma̍ ko̍ō!
N de lɛchɔ̄ ɔha̍ lā abɔ̍ɔ la Isa̍yɔn!
Lɛchɔ̄ nīi ge̍ē ya̍ nīi āchɛ ē ti̍ingla̍ ma̍!
Lɛchɔ̄ ɔlwɔhɔ̍hu̍ nīi ge̍ē nāa āchɛ ē gwāajɛ ma̍!
Ɔ̄chɛmɔ̄chɛ nīi ge̍ē chī de ɔtū che ɔ̍,
n i̍ ge̍ē de liwēyī de ɔlɔjā ge̍ē gbo̍ ni̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)