Aliro̍om 8
8
Ɔhɔ̄leyī gala ɔgɔgu yī Uhu yī Ɔwɔ
1Ala̍ ma̍ gɛ ko̍ō! Āchɛ wa̍a̍ nīi hɔ̄ la ongmo̍tu̍chɛ̄ ba̍la Ikra̍yisi Iji̍sɔ̄ɔsi ma̍, Ɔwɔ i̍ ge̍ē hɛ̍ wā lɛpɔ̄ ɔdwɔ̄bi̍ ni̍. 2Wu̍chē oji̍ nɛ, lihɔ yī Uhu yī Ɔwɔ nīi ē de ɔhɔ̄leyī de alɔ la otū ngmo̍tu̍chɛ̄ yī alɔ ba̍la Ikra̍yisi ma̍ de u hɛ̍ta̍ i̍ngɔ̍ɔ ke̍e̍ hī lihɔ yī lɛlā ɔdwɔ̄bi̍ ba̍la ɔpīyaku̍ ɔla̍ā mɛ̍. 3Ɔjā nīi Lihɔ yī Imo̍sīisi i̍ ya̍ mɛ ni̍ wu̍chē yī ɔlɛkwīkwī yī ɔchɔ̍ɔwɔ yī ɔ̄chɛ̄ɛchɛ ma̍, Ɔwɔ de ya̍ mɛ̍. Lɛlā ɔdwɔ̄bi̍ nīi bī wɔhu̍ yī ɔchɔ̍ɔwɔ yī ɔ̄chɛ̄ɛchɛ ma̍, Ɔwɔ hɛ̍ ɔ̄ lɛpɔ̄ ɔdwɔ̄bi̍ mɛ̍. O̍ ya̍ i̍ngɔ̍ɔ bū la onīi o̍ de Ɔyi̍ yī nū tɛ̄rɔ̄ wā ge̍ de lɛlā ɔdwɔ̄bi̍ ngmo̍nyi̍ ma̍. Ɔyi̍ yī nū tū ibi̍īyē bāa ɔ̄chɛ̄ɛchɛ ɔlamu nīi ē yɛ̍ɛ̄lā ɔdwɔ̄bi̍ ma̍. 4Lɛlā nūma̍, Ɔwɔ ya̍ hɛ̄ɛbɛ nīi lɛlā ɔlɛkpakpa lɔkɔ nīi Lihɔ yī Imo̍sīisi chikpo̍ ma̍ ge̍ē hɔ̄ gɔ̄grāa la ibi̍īyē yī alɔ. Alɔ nīi hɔ̄ gala ɔgɔgu yī Uhu yī Ɔwɔ ma̍, alɔ nīi i̍ chɛ̄ hɔ̄ gala ɔgɔgu yī lɛlā yī ɔchɔ̍ɔwɔ yī ɔ̄chɛ̄ɛchɛ ni̍ ma̍ nɛ. 5Wu̍chē oji̍ nɛ, āchɛ nīi ē hɔ̄ lɔkɔ nīi ɔchɔ̍ɔwɔ yī ɔ̄chɛ̄ɛchɛ ka ɛ̍lɛ ge̍ ya̍ ma̍, ɔjā nīi ɔchɔ̍ɔwɔ yī ɔ̄chɛ̄ɛchɛ chikpo̍ ma̍ nīi ɛri̍ya̍ ogbōgbō yī wā rɛ la anu̍ a̍nɛ. Āchɛ nīi ē chī hɔ̄ lɔkɔ nīi Uhu yī Ɔwɔ ka ɛ̍lɛ ge̍ ya̍ ma̍, ɔjā nīi Uhu yī Ɔwɔ chikpo̍ ma̍ nīi ɛri̍ya̍ ogbōgbō yī wā rɛ la anu̍ a̍nɛ. 6Ɛri̍ya̍ ogbōgbō yī ɔ̄chɛ ge̍ rɛ la ɔjā nīi ɔchɔ̍ɔwɔ yī ɔ̄chɛ̄ɛchɛ chikpo̍ ma̍, ɛpiyabuna yī nū - ɔpīyaku̍ nɛ. Ɛri̍ya̍ ogbōgbō yī ɔ̄chɛ ge̍ chī rɛ la ɔjā nīi Uhu yī Ɔwɔ chikpo̍ ma̍, ɔ̍lɔma̍ ɛpiyabuna yī nū - ɔhɔ̄leyī ba̍la ogbodɔ̍dɔ̍ nɛ. 7Bū la ɛbɛ ɔla̍ā, ɔ̄chɛ nīi ɛri̍ya̍ ogbōgbō yī nū ge̍ rɛ la ɔjā nīi ɔchɔ̍ɔwɔ yī ɔ̄chɛ̄ɛchɛ chikpo̍ ma̍, ɔlɔjā de ē pīya oluji yī Ɔwɔ. Wu̍chē oji̍ nɛ, o̍ i̍ chɛ̄ gbō lihɔ yī Ɔwɔ ni̍. O̍ i̍ u̍tu ge̍ē de ɔ̍ gbōgbō mɛ o̍bo̍o̍bū ni̍. 8Āchɛ wa̍a̍ nīi ē ya̍ lɔkɔ nīi ɔchɔ̍ɔwɔ yī aa̍ ɛlɛjā chikpo̍ ma̍ i̍ ē yɛ̍ɛ̄lā lɛ Ɔwɔ wɔnyɛ ē mɛ ni̍.
9Ala̍ ma̍ i̍ hɔ̄ lɔkɔ nīi ɔchɔ̍ɔwɔ yī ala̍ ɛlɛjā ka ala̍ ɔ̍lɔ ge̍ ya̍ ma̍ ni̍. Lɔkɔ nīi Uhu yī Ɔwɔ ka ala̍ ɔ̍lɔ ge̍ hɔ̄ ma̍ nīi ala̍ yɛ ē ya̍ i̍ngɔ̍ɔ ke̍e̍ a̍nɛ. O̍ lɛ i̍ngɔ̍ɔ ichɛ̄ɛhi nīi o̍ ge̍ re̍ka Uhu yī Ɔwɔ hɔ̄ abɔ̍ɔ la ala̍, ɔ̄chɛ nīi Uhu yī Ikra̍yisi i̍ ge̍ hɔ̄ abɔ̍ɔ la anu̍ ni̍, ɔ̍lɔma̍, ɔlɔjā i̍ ɔ̄chɛ yī Ikra̍yisi ni̍ 10Wu̍chē yī lɛlā ɔdwɔ̄bi̍, ibi̍īyē ɔlamu ē ko̍ōku̍. Ikra̍yisi ge̍ chī hɔ̄ abɔ̍ɔ la ala̍, ɔ̍lɔma̍, Uhu yī nū ɔla̍ā re̍ka ɔhɔ̄leyī de ala̍ a̍nɛ. Wu̍chē oji̍ nɛ, Ɔwɔ ya̍ nīi ala̍ de lɛ kpakpa ba̍la anu̍ ɔlɔjā mɛ̍. 11Uhu yī Ɔwɔ de Iji̍sɔ̄ɔsi ɔlɔjā hye̍ēyī la okū a̍nɛ. Uhu ɔla̍ā ge̍ hɔ̄ abɔ̍ɔ la ala̍, ɔ̍lɔma̍ anu̍ nīi de Iji̍sɔ̄ɔsi ɔlɔjā hye̍ēyī bū la okū ma̍ ge̍ē de ɔhɔ̄leyī tū ibi̍īyē ɛla̍ā nīi ē ko̍ōku̍ ma̍ bū la ɔhɔ̄hɔ̄ nīi Uhu ɔla̍ā hɔ̄ abɔ̍ɔ ba̍la ala̍ ma̍.
12O̍ lɛ i̍ngɔ̍ɔ ma̍, aɛ̍nɛ̍ yī u, o̍ re̍ka alɔ dūre̍ yī lɛlā mɛ̍. Alɔ i̍ ge̍ē hɔ̄ lɔkɔ nīi ɔchɔ̍ɔwɔ yī alɔ āchɛ̄ɛchɛ chikpo̍ ma̍ gɛ ni̍. 13Wu̍chē oji̍ nɛ, a ge̍ hɔ̄ gala ɔgɔgu yī lɛlā ɔchɔ̍ɔwɔ yī ɔ̄chɛ̄ɛchɛ, a ge̍ē pīyēku̍ kpɛɛ. Uhu yī Ɔwɔ ge̍ chī tū wɔ wɔbɔ̄ nīi a de abɔ̄lɛ̄lā abi̍ ɔyɔ̍ɔ̄ya̍ yī wɔ chāajɛ, ɔ̍lɔma̍ a ge̍ē lɛ ɔhɔ̄leyī. 14Āchɛ nīi hɔ̄ gala ɔgɔgu yī Uhu yī Ɔwɔ ma̍, aa̍ - ayi̍ yī Ɔwɔ a̍nɛ. 15Wu̍chē oji̍ nɛ, Uhu ɔla̍ā nīi Ɔwɔ de de wɔ ma̍ i̍ de wɔ ē ku pīya ɔfiyɛ nīi a ē tūuhwi ni̍. Ɔkɔkɔ ɔla̍ā, Uhu ɔla̍ā ē ya̍ nīi a ē de ē pīya ɔyi̍ yī Ɔwɔ. Bū la wɔhu̍ yī Uhu ɔla̍ā nīi alɔ ē drɛ̄ɛgba ē tū Ɔwɔ hīka, “Ādā, A̍dā yī u be̍e” a̍nɛ. 16Bū la ɛbɛ ɔla̍ā, Uhu yī Ɔwɔ ba̍la uhu yī alɔ ē ngmo̍tu̍chɛ̄ de lɛlā chāyenyi hīka aɛ̍lɛ - ayi̍ yī Ɔwɔ nɛ. 17Wu̍chē lɔkɔ nīi alɔ - ayi̍ yī Ɔwɔ nɛ ma̍, alɔ ge̍ē nāa ɔpiyɛ ɔla̍ā wa̍a̍ nīi Ɔwɔ de lā de āchɛ yī nū ma̍. Alɔ chī ge̍ē gba̍a ē bɔ̍ɔ̄ba̍ ē lɛ ɔjā nīi Ɔwɔ de lā de Ikra̍yisi ma̍ ba̍la anu̍. Wu̍chē oji̍ nɛ, alɔ ge̍ mi̍chi̍ ba̍la Ikra̍yisi, ɔ̍lɔma̍ o̍ re̍ka alɔ ge̍ nāa rīgā i̍ngi̍ngɔ̍ɔ ba̍la anu̍ titi.
Rīgā nīi hɔ̄ de alɔ la ɔ̄chī iyɔ̄bū ma̍
18Ami ma̍, n jo̍ōkū gblɛ̍ɛgblɛ̍ɛ hīka ichi̍ ɔmɔ̍ɔ̄ma̍ nīi alɔ yɛ ē ma̍ u̍ma̍ama nūma̍ ma̍, ɔ̄chɛ i̍ ge̍ē nāa anu̍ ge̍ē kwichi̍ tāa rīgā ɔla̍ā nīi Ɔwɔ ge̍ē de ē hi̍yɛchɛ ē de alɔ la ɔ̄chī iyɔ̄bū ma̍ mɛ ni̍. 19Ɛjā wa̍a̍ nīi Ɔwɔ yɔ̍ɔ̄ya̍ ma̍ yɛ ē gbēyī hɔ̍ɔ̄hla̍ gba̍a̍ la oge̍ ma̍ olo̍ nīi Ɔwɔ ge̍ē de ayi̍ yī nū hi̍yɛchɛ ma̍. 20Wu̍chē oji̍ nɛ, ɛjā wa̍a̍ nīi Ɔwɔ ya̍ ma̍, Ɔwɔ hɛ̍ wā lɛpɔ̄ ɔdwɔ̄bi̍ nīi e̍ de pīya a̍kpla yī ɛjā mɛ̍. Wu̍chē lɔkɔ nīi aa̍ ɛlɛjā chikpo̍ ma̍ nīi o̍ lɛ i̍ngɔ̍ɔ a̍ni̍. Lɔkɔ nīi Ɔwɔ ɔlɔjā chikpo̍ ka ɔ̍lɔ ge̍ lɛ ma̍ nɛ. Eyī ode chōche nūma̍ chī e̍e hɔ̄ we̍. 21Wu̍chē oji̍ nɛ, Ɔwɔ ge̍ē de ɛjā nīi o̍ yɔ̍ɔ̄ya̍ wa̍a̍ ma̍ ē hɛ̍ta̍ hī lɛfiyɛ yī ode wɔ̄wa. Bɛ̍ɛ̄nɛ̄ ma̍, aa̍ titi ge̍ē nāa rīgā yī ɔhɔ̄ ke̍e̍ ɔla̍ā nīi - iyī ayi̍ yī Ɔwɔ ma̍. 22Alɔ jo̍ōkū hīka ɔkpɛɛ ku u̍ma̍ama nūma̍, ɛjā wa̍a̍ nīi Ɔwɔ yɔ̍ɔ̄ya̍ ma̍ yɛ ē ti̍iru. Wɔnɔ nīi hɔ̄ de wa̍ ma̍ lɛ bāa iyī ɔnyā nīi yɛ ē lwɔ̄ɔma yī ɔyi̍ ɔmɔ̄ma ma̍. 23I̍ ɛjā nīi Ɔwɔ ya̍ ma̍ ka̍ta̍ yɛ ē ya̍ i̍ngɔ̍ɔ a̍ni̍. Alɔ nūma̍ nīi Ɔwɔ de Uhu yī nū de alɔ bāa ɔjā ɔkɔ̄kɔ̄ ɔrāarāa ma̍ titi yɛ amu ē ti̍iru i̍ngi̍ngɔ̍ɔ lipu̍ yī ibi̍īyē yī alɔ ɛlɛjā. Alɔ yɛ ē ya̍ i̍ngɔ̍ɔ yɛ̄grāa nūma̍ wa̍a̍ nīi alɔ yɛ ē gbēyī nīi Ɔwɔ ge̍ē de alɔ ē pīya ayi̍ yī nū, ē de alɔ ɛlɛjā mɔri̍mɔri̍ ē hīya lɛfiyɛ ma̍. 24Wu̍chē oji̍ nɛ, alɔ deyīche i̍ngɔ̍ɔ kpɛɛ nīi Ɔwɔ de alɔ hɛ̍ta̍ ke̍e̍ mɛ̍. Alɔ ge̍ yɛ ē ma̍ ɔjā nīi alɔ yɛ ē deyīche ma̍, ɔ̍lɔma̍ i̍ eyī ode chōche bī aa̍ ma̍ gɛ ni̍. Ɔjā nīi ɔ̄chɛ yɛ ē ma̍ la eyī ma̍, o̍ gba̍a ē deyīchōche yī nū kana̍? 25Alɔ ge̍ yɛ ē deyīche ɔjā nīi alɔ i̍ ma̍ la eyī we̍ ni̍ ma̍, alɔ ē mlɔtū kpɔ̍ɔ̍ ē gbēyī yī ɔjā ɔ̍lɔma̍.
26Gala ɔpɔ̄pū oli̍ngɛ̍ɛ̄nɛ̄ nīi Uhu yī Ɔwɔ ē wā ge̍ tū alɔ nīi lɛ kwīkwī ma̍ wɔbɔ̄ a̍nɛ. Wu̍chē oji̍ nɛ, alɔ ɛlɛjā i̍ jɔ̍ɔkɔ nīi o̍ ngma̍ nīi alɔ ge̍ē jɔhā de Ɔwɔ ma̍ ni̍. Uhu yī Ɔwɔ ɔlɔjā ē ra̍ābɔ̄ de Ɔwɔ ē kulɛhu̍ yī alɔ. O̍ ē ra̍ābɔ̄ ɔla̍ā kpɛ̍ɛ ɛbɛ̍bɛ̍-ɛbɛ̍bɛ̍ la ɔpɔ̄pū nīi ɔ̄chɛ i̍ ge̍ē kɔ̄ka la oko̍o ē mɛ ni̍. 27Wu̍chē lɔkɔ nīi Ɔwɔ ē ma̍ ūkpɔ̄tū yī āchɛ wa̍a̍ ma̍, o̍ ē je̍ ɔjā nīi Uhu yī Ɔwɔ yɛ ē gbɛri̍ya̍ ma̍. Wu̍chē oji̍ nɛ, Uhu yī Ɔwɔ yɛ ē ra̍ābɔ̄ de Ɔwɔ kulɛhu̍ yī āchɛ yī nū gala ɔgɔgu lɔkɔ nīi Ɔwɔ ɔlɔjā chikpo̍ ke̍e̍ ma̍.
28Alɔ jo̍ōkū hīka, la ɔjāha̍-ɔjāha̍ wa̍a̍, Ɔwɔ ē ya̍ u̍ku̍rɔ̍ ba̍la āchɛ yī nū nīi hi ɔ̍ ɔtū ma̍ wu̍chē yī ɔnɛ̄ɛhɛhi de wa̍. Āchɛ nīi o̍ hī wā ɛra̍ nīi e̍ ge̍ē ya̍ lɔkɔ nīi anu̍ ɔlɔjā miya ma̍ nɛ. 29Āchɛ ɛla̍ā nīi Ɔwɔ hōhu ma̍, Ɔwɔ gba̍a de wa̍ hɛ̍ gblāa lɛ̍kɛ̍kɔ̍, hɛ̄ɛbɛ nīi e̍ ge̍ē de ē lɛ ke̍e̍ bāa Ɔyi̍ yī Ɔwɔ ma̍. Bū la ɛbɛ ɔla̍ā, Ɔyi̍ yī nū ge̍ē de pīya ɔyi̍ rɛ̄ɛya lipu̍ yī aɛ̍nɛ̍ yī nū ehēhī. 30Bū la ɛbɛ ɔla̍ā, āchɛ ɛla̍ā, nīi Ɔwɔ de wa̍ hɛ̍ gblāa lɛ̍kɛ̍kɔ̍ ma̍, o̍ de wa̍ hɛ̄ra̍. Āchɛ ɛla̍ā nīi o̍ chī de wa̍ hɛ̄ra̍ ma̍, o̍ ya̍ nīi e̍ de lɛ kpakpa ba̍la anu̍ ɔlɔjā. Āchɛ ɛla̍ā nīi Ɔwɔ ya̍ nīi e̍ de lɛ kpakpa ba̍la anu̍ ɔlɔjā ma̍, o̍ gba̍a ya̍ nīi e̍ bɔ̍ɔ̄ba̍ nāa rīgā ba̍la anu̍ ɔlɔjā.
Ɔwɔ yɔ̍ɔhɔtū yī alɔ gala abɔ̄ yī Ikra̍yisi Iji̍sɔ̄ɔsi
31Alɔ de onūma̍ ka mɛ̍ ma̍, ɔna̍ bɛ̍ɛ̄nɛ̄ nɛ? Ɔwɔ ge̍ rɛ la ihi yī alɔ mɛ̍, ɔ̄nyɛ ge̍ē gba̍a ē pīyeyīta̍ alɔ ē mɛ ma̍? 32Ɔyi̍ nīi - Ɔyi̍ yī anu̍ ɔlɔjā ma̍, o̍ i̍ de ɔ̍ lā ga okwi̍ihi hī alɔ ni̍, o̍ de ɔ̍ nāa de la ɔpɔ̄pā wu̍chē yī alɔ wa̍a̍. Bū la ɔla̍ā, alɔ jo̍ōkū gblɛ̍ɛgblɛ̍ɛ hīka, lɔkɔ nīi o̍ de Ɔyi̍ yī nū nāa de wu̍chē yī alɔ ma̍, i̍ngi̍ngɔ̍ɔ nīi o̍ ge̍ē de ɔjāha̍-ɔjāha̍ wa̍a̍ ē kɔ̄kɔ̄ de alɔ ē mɛ a̍nɛ. 33Bɛ̍ɛ̄nɛ̄ ma̍, ɔ̄nyɛ chī ge̍ē de lɛpɔ̄ ku̍ āchɛ nīi Ɔwɔ hōhu ma̍? Ɔwɔ ɔlɔjā chī de lɛlā ngma̍ la aa̍ mɛ̍! 34Ɔ̄nyɛ bɛ̍ɛ̄nɛ̄ nɛ nīi chī ge̍ē hɛ̍ wā lɛpɔ̄ ɔdwɔ̄bi̍ ma̍? Ikra̍yisi Iji̍sɔ̄ɔsi pīyaku̍ de alɔ a̍nɛ. O̍ i̍ gba̍a - i̍ngɔ̍ɔ ke̍e̍ ni̍, anu̍ hye̍ēyī bū la okū pīya ge̍ hyāhɔ̄ abɔ̍ɔ la abɔ̄ līre̍ yī Ɔwɔ a̍nɛ. Anu̍ yɛ ē ra̍ābɔ̄ de Ɔwɔ wu̍chē yī alɔ a̍nɛ. 35Bɛ̍ɛ̄nɛ̄ ma̍, oji̍ kpɛ̍ɛ ge̍ē de alɔ ē hwōta̍ hī ɔhɔtū nūma̍ nīi Ikra̍yisi lɛ de alɔ ma̍? Ichi̍ ɔmɔ̍ɔ̄ma̍ ge̍ē hwō alɔ ē ta̍ mɛ ma̍, kɛ̄ɛ akanya, kɛ̄ɛ ichi̍ ɔdwɔ̄bi̍ nīi e̍ ē ya̍ alɔ ma̍? Lɛmiyɛ, kɛ̄ɛ yeklo̍, kɛ̄ɛ ɔkpalɛ̄kā ɔha̍, kɛ̄ɛ ɔpīyaku̍ ge̍ē de alɔ ē hwōta̍ mɛ ma̍? Ɔjɔ̄jā i̍ ge̍ē ya̍ i̍ngɔ̍ɔ ē mɛ ni̍! 36Īpū yī Ɔwɔ ka hīka ɔ̍lɔ ge̍,
“Wu̍chē yī ala̍, alɔ ē tū la ɔkpalɛ̄kā yī ɔpīyaku̍ bū la ɔ̄chɔ̄chī kpɛɛ ge̍ē ku ɔ̄nɛ̄.
E̍ ē ya̍ tāa alɔ bɔ̄ɔkɔ nīi e̍ ē ya̍ anyīyɛrɔ̄ nīi e̍ bī yɛ ge̍ē ngmo̍ ma̍.”
37Alɔ ma̍, lɛlā nūma̍ wa̍a̍ nīi ē hɔ̄ de alɔ ma̍, alɔ yɛ̍ɛ̄ngrɔ̄ɔ la aa̍ gala abɔ̄ yī Iji̍sɔ̄ɔsi Ikra̍yisi nīi yɔ̍ɔhɔtū yī alɔ ma̍ mɛ̍. 38Wu̍chē oji̍ nɛ, n jo̍ōkū gblɛ̍ɛgblɛ̍ɛ hīka ɔjɔ̄jā i̍ hɔ̄ abɔ̍ɔ nīi ge̍ē de alɔ ē hwōta̍ mɛ ē hī ɔhɔtū nīi o̍ lɛ de alɔ ma̍ ni̍. O̍ ge̍ - ɔhɔ̄leyī kɛ̄ɛ ɔpīyaku̍ oo, o̍ ge̍ - ayɛ̍ɛ̄chɛ̄rɔ̄ yī Ɔwɔ kɛ̄ɛ uhu ɛha̍ nīi - alɛhu̍ kɛ̄ɛ enīi bī wɔhu̍ yī ɛbɛ abɔ̍ɔ la ichō ma̍ oo, o̍ ge̍ - lɛlā olu̍ma̍ama kɛ̄ɛ lɛlā yī ɔ̄chī iyɔ̄bū oo, 39o̍ ge̍ē ro̍ōre̍ka yɛchɛ nīi hɔ̄ la ichō ma̍ kɛ̄ɛ onīi hɔ̄ abɔ̍ɔ lipu̍ yī ajɛ ma̍ oo, ɔha̍lɔha̍ i̍ hɔ̄ abɔ̍ɔ nīi ge̍ē de alɔ ē hwōta̍ hī ɔhɔtū yī nū mɛ ni̍. Ɔjɔ̄jā i̍ hɔ̄ abɔ̍ɔ lipu̍ yī ɛjā wa̍a̍ nīi Ɔwɔ ya̍ ma̍ nīi ge̍ē de alɔ ē hwōta̍ mɛ ge̍ē gbo̍ hī ɔhɔtū nīi Ɔwɔ lɛ la alɔ gala abɔ̄ yī Ikra̍yisi Iji̍sɔ̄ɔsi Ādādā yī alɔ ma̍ ni̍.
Currently Selected:
Aliro̍om 8: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
Aliro̍om 8
8
Ɔhɔ̄leyī gala ɔgɔgu yī Uhu yī Ɔwɔ
1Ala̍ ma̍ gɛ ko̍ō! Āchɛ wa̍a̍ nīi hɔ̄ la ongmo̍tu̍chɛ̄ ba̍la Ikra̍yisi Iji̍sɔ̄ɔsi ma̍, Ɔwɔ i̍ ge̍ē hɛ̍ wā lɛpɔ̄ ɔdwɔ̄bi̍ ni̍. 2Wu̍chē oji̍ nɛ, lihɔ yī Uhu yī Ɔwɔ nīi ē de ɔhɔ̄leyī de alɔ la otū ngmo̍tu̍chɛ̄ yī alɔ ba̍la Ikra̍yisi ma̍ de u hɛ̍ta̍ i̍ngɔ̍ɔ ke̍e̍ hī lihɔ yī lɛlā ɔdwɔ̄bi̍ ba̍la ɔpīyaku̍ ɔla̍ā mɛ̍. 3Ɔjā nīi Lihɔ yī Imo̍sīisi i̍ ya̍ mɛ ni̍ wu̍chē yī ɔlɛkwīkwī yī ɔchɔ̍ɔwɔ yī ɔ̄chɛ̄ɛchɛ ma̍, Ɔwɔ de ya̍ mɛ̍. Lɛlā ɔdwɔ̄bi̍ nīi bī wɔhu̍ yī ɔchɔ̍ɔwɔ yī ɔ̄chɛ̄ɛchɛ ma̍, Ɔwɔ hɛ̍ ɔ̄ lɛpɔ̄ ɔdwɔ̄bi̍ mɛ̍. O̍ ya̍ i̍ngɔ̍ɔ bū la onīi o̍ de Ɔyi̍ yī nū tɛ̄rɔ̄ wā ge̍ de lɛlā ɔdwɔ̄bi̍ ngmo̍nyi̍ ma̍. Ɔyi̍ yī nū tū ibi̍īyē bāa ɔ̄chɛ̄ɛchɛ ɔlamu nīi ē yɛ̍ɛ̄lā ɔdwɔ̄bi̍ ma̍. 4Lɛlā nūma̍, Ɔwɔ ya̍ hɛ̄ɛbɛ nīi lɛlā ɔlɛkpakpa lɔkɔ nīi Lihɔ yī Imo̍sīisi chikpo̍ ma̍ ge̍ē hɔ̄ gɔ̄grāa la ibi̍īyē yī alɔ. Alɔ nīi hɔ̄ gala ɔgɔgu yī Uhu yī Ɔwɔ ma̍, alɔ nīi i̍ chɛ̄ hɔ̄ gala ɔgɔgu yī lɛlā yī ɔchɔ̍ɔwɔ yī ɔ̄chɛ̄ɛchɛ ni̍ ma̍ nɛ. 5Wu̍chē oji̍ nɛ, āchɛ nīi ē hɔ̄ lɔkɔ nīi ɔchɔ̍ɔwɔ yī ɔ̄chɛ̄ɛchɛ ka ɛ̍lɛ ge̍ ya̍ ma̍, ɔjā nīi ɔchɔ̍ɔwɔ yī ɔ̄chɛ̄ɛchɛ chikpo̍ ma̍ nīi ɛri̍ya̍ ogbōgbō yī wā rɛ la anu̍ a̍nɛ. Āchɛ nīi ē chī hɔ̄ lɔkɔ nīi Uhu yī Ɔwɔ ka ɛ̍lɛ ge̍ ya̍ ma̍, ɔjā nīi Uhu yī Ɔwɔ chikpo̍ ma̍ nīi ɛri̍ya̍ ogbōgbō yī wā rɛ la anu̍ a̍nɛ. 6Ɛri̍ya̍ ogbōgbō yī ɔ̄chɛ ge̍ rɛ la ɔjā nīi ɔchɔ̍ɔwɔ yī ɔ̄chɛ̄ɛchɛ chikpo̍ ma̍, ɛpiyabuna yī nū - ɔpīyaku̍ nɛ. Ɛri̍ya̍ ogbōgbō yī ɔ̄chɛ ge̍ chī rɛ la ɔjā nīi Uhu yī Ɔwɔ chikpo̍ ma̍, ɔ̍lɔma̍ ɛpiyabuna yī nū - ɔhɔ̄leyī ba̍la ogbodɔ̍dɔ̍ nɛ. 7Bū la ɛbɛ ɔla̍ā, ɔ̄chɛ nīi ɛri̍ya̍ ogbōgbō yī nū ge̍ rɛ la ɔjā nīi ɔchɔ̍ɔwɔ yī ɔ̄chɛ̄ɛchɛ chikpo̍ ma̍, ɔlɔjā de ē pīya oluji yī Ɔwɔ. Wu̍chē oji̍ nɛ, o̍ i̍ chɛ̄ gbō lihɔ yī Ɔwɔ ni̍. O̍ i̍ u̍tu ge̍ē de ɔ̍ gbōgbō mɛ o̍bo̍o̍bū ni̍. 8Āchɛ wa̍a̍ nīi ē ya̍ lɔkɔ nīi ɔchɔ̍ɔwɔ yī aa̍ ɛlɛjā chikpo̍ ma̍ i̍ ē yɛ̍ɛ̄lā lɛ Ɔwɔ wɔnyɛ ē mɛ ni̍.
9Ala̍ ma̍ i̍ hɔ̄ lɔkɔ nīi ɔchɔ̍ɔwɔ yī ala̍ ɛlɛjā ka ala̍ ɔ̍lɔ ge̍ ya̍ ma̍ ni̍. Lɔkɔ nīi Uhu yī Ɔwɔ ka ala̍ ɔ̍lɔ ge̍ hɔ̄ ma̍ nīi ala̍ yɛ ē ya̍ i̍ngɔ̍ɔ ke̍e̍ a̍nɛ. O̍ lɛ i̍ngɔ̍ɔ ichɛ̄ɛhi nīi o̍ ge̍ re̍ka Uhu yī Ɔwɔ hɔ̄ abɔ̍ɔ la ala̍, ɔ̄chɛ nīi Uhu yī Ikra̍yisi i̍ ge̍ hɔ̄ abɔ̍ɔ la anu̍ ni̍, ɔ̍lɔma̍, ɔlɔjā i̍ ɔ̄chɛ yī Ikra̍yisi ni̍ 10Wu̍chē yī lɛlā ɔdwɔ̄bi̍, ibi̍īyē ɔlamu ē ko̍ōku̍. Ikra̍yisi ge̍ chī hɔ̄ abɔ̍ɔ la ala̍, ɔ̍lɔma̍, Uhu yī nū ɔla̍ā re̍ka ɔhɔ̄leyī de ala̍ a̍nɛ. Wu̍chē oji̍ nɛ, Ɔwɔ ya̍ nīi ala̍ de lɛ kpakpa ba̍la anu̍ ɔlɔjā mɛ̍. 11Uhu yī Ɔwɔ de Iji̍sɔ̄ɔsi ɔlɔjā hye̍ēyī la okū a̍nɛ. Uhu ɔla̍ā ge̍ hɔ̄ abɔ̍ɔ la ala̍, ɔ̍lɔma̍ anu̍ nīi de Iji̍sɔ̄ɔsi ɔlɔjā hye̍ēyī bū la okū ma̍ ge̍ē de ɔhɔ̄leyī tū ibi̍īyē ɛla̍ā nīi ē ko̍ōku̍ ma̍ bū la ɔhɔ̄hɔ̄ nīi Uhu ɔla̍ā hɔ̄ abɔ̍ɔ ba̍la ala̍ ma̍.
12O̍ lɛ i̍ngɔ̍ɔ ma̍, aɛ̍nɛ̍ yī u, o̍ re̍ka alɔ dūre̍ yī lɛlā mɛ̍. Alɔ i̍ ge̍ē hɔ̄ lɔkɔ nīi ɔchɔ̍ɔwɔ yī alɔ āchɛ̄ɛchɛ chikpo̍ ma̍ gɛ ni̍. 13Wu̍chē oji̍ nɛ, a ge̍ hɔ̄ gala ɔgɔgu yī lɛlā ɔchɔ̍ɔwɔ yī ɔ̄chɛ̄ɛchɛ, a ge̍ē pīyēku̍ kpɛɛ. Uhu yī Ɔwɔ ge̍ chī tū wɔ wɔbɔ̄ nīi a de abɔ̄lɛ̄lā abi̍ ɔyɔ̍ɔ̄ya̍ yī wɔ chāajɛ, ɔ̍lɔma̍ a ge̍ē lɛ ɔhɔ̄leyī. 14Āchɛ nīi hɔ̄ gala ɔgɔgu yī Uhu yī Ɔwɔ ma̍, aa̍ - ayi̍ yī Ɔwɔ a̍nɛ. 15Wu̍chē oji̍ nɛ, Uhu ɔla̍ā nīi Ɔwɔ de de wɔ ma̍ i̍ de wɔ ē ku pīya ɔfiyɛ nīi a ē tūuhwi ni̍. Ɔkɔkɔ ɔla̍ā, Uhu ɔla̍ā ē ya̍ nīi a ē de ē pīya ɔyi̍ yī Ɔwɔ. Bū la wɔhu̍ yī Uhu ɔla̍ā nīi alɔ ē drɛ̄ɛgba ē tū Ɔwɔ hīka, “Ādā, A̍dā yī u be̍e” a̍nɛ. 16Bū la ɛbɛ ɔla̍ā, Uhu yī Ɔwɔ ba̍la uhu yī alɔ ē ngmo̍tu̍chɛ̄ de lɛlā chāyenyi hīka aɛ̍lɛ - ayi̍ yī Ɔwɔ nɛ. 17Wu̍chē lɔkɔ nīi alɔ - ayi̍ yī Ɔwɔ nɛ ma̍, alɔ ge̍ē nāa ɔpiyɛ ɔla̍ā wa̍a̍ nīi Ɔwɔ de lā de āchɛ yī nū ma̍. Alɔ chī ge̍ē gba̍a ē bɔ̍ɔ̄ba̍ ē lɛ ɔjā nīi Ɔwɔ de lā de Ikra̍yisi ma̍ ba̍la anu̍. Wu̍chē oji̍ nɛ, alɔ ge̍ mi̍chi̍ ba̍la Ikra̍yisi, ɔ̍lɔma̍ o̍ re̍ka alɔ ge̍ nāa rīgā i̍ngi̍ngɔ̍ɔ ba̍la anu̍ titi.
Rīgā nīi hɔ̄ de alɔ la ɔ̄chī iyɔ̄bū ma̍
18Ami ma̍, n jo̍ōkū gblɛ̍ɛgblɛ̍ɛ hīka ichi̍ ɔmɔ̍ɔ̄ma̍ nīi alɔ yɛ ē ma̍ u̍ma̍ama nūma̍ ma̍, ɔ̄chɛ i̍ ge̍ē nāa anu̍ ge̍ē kwichi̍ tāa rīgā ɔla̍ā nīi Ɔwɔ ge̍ē de ē hi̍yɛchɛ ē de alɔ la ɔ̄chī iyɔ̄bū ma̍ mɛ ni̍. 19Ɛjā wa̍a̍ nīi Ɔwɔ yɔ̍ɔ̄ya̍ ma̍ yɛ ē gbēyī hɔ̍ɔ̄hla̍ gba̍a̍ la oge̍ ma̍ olo̍ nīi Ɔwɔ ge̍ē de ayi̍ yī nū hi̍yɛchɛ ma̍. 20Wu̍chē oji̍ nɛ, ɛjā wa̍a̍ nīi Ɔwɔ ya̍ ma̍, Ɔwɔ hɛ̍ wā lɛpɔ̄ ɔdwɔ̄bi̍ nīi e̍ de pīya a̍kpla yī ɛjā mɛ̍. Wu̍chē lɔkɔ nīi aa̍ ɛlɛjā chikpo̍ ma̍ nīi o̍ lɛ i̍ngɔ̍ɔ a̍ni̍. Lɔkɔ nīi Ɔwɔ ɔlɔjā chikpo̍ ka ɔ̍lɔ ge̍ lɛ ma̍ nɛ. Eyī ode chōche nūma̍ chī e̍e hɔ̄ we̍. 21Wu̍chē oji̍ nɛ, Ɔwɔ ge̍ē de ɛjā nīi o̍ yɔ̍ɔ̄ya̍ wa̍a̍ ma̍ ē hɛ̍ta̍ hī lɛfiyɛ yī ode wɔ̄wa. Bɛ̍ɛ̄nɛ̄ ma̍, aa̍ titi ge̍ē nāa rīgā yī ɔhɔ̄ ke̍e̍ ɔla̍ā nīi - iyī ayi̍ yī Ɔwɔ ma̍. 22Alɔ jo̍ōkū hīka ɔkpɛɛ ku u̍ma̍ama nūma̍, ɛjā wa̍a̍ nīi Ɔwɔ yɔ̍ɔ̄ya̍ ma̍ yɛ ē ti̍iru. Wɔnɔ nīi hɔ̄ de wa̍ ma̍ lɛ bāa iyī ɔnyā nīi yɛ ē lwɔ̄ɔma yī ɔyi̍ ɔmɔ̄ma ma̍. 23I̍ ɛjā nīi Ɔwɔ ya̍ ma̍ ka̍ta̍ yɛ ē ya̍ i̍ngɔ̍ɔ a̍ni̍. Alɔ nūma̍ nīi Ɔwɔ de Uhu yī nū de alɔ bāa ɔjā ɔkɔ̄kɔ̄ ɔrāarāa ma̍ titi yɛ amu ē ti̍iru i̍ngi̍ngɔ̍ɔ lipu̍ yī ibi̍īyē yī alɔ ɛlɛjā. Alɔ yɛ ē ya̍ i̍ngɔ̍ɔ yɛ̄grāa nūma̍ wa̍a̍ nīi alɔ yɛ ē gbēyī nīi Ɔwɔ ge̍ē de alɔ ē pīya ayi̍ yī nū, ē de alɔ ɛlɛjā mɔri̍mɔri̍ ē hīya lɛfiyɛ ma̍. 24Wu̍chē oji̍ nɛ, alɔ deyīche i̍ngɔ̍ɔ kpɛɛ nīi Ɔwɔ de alɔ hɛ̍ta̍ ke̍e̍ mɛ̍. Alɔ ge̍ yɛ ē ma̍ ɔjā nīi alɔ yɛ ē deyīche ma̍, ɔ̍lɔma̍ i̍ eyī ode chōche bī aa̍ ma̍ gɛ ni̍. Ɔjā nīi ɔ̄chɛ yɛ ē ma̍ la eyī ma̍, o̍ gba̍a ē deyīchōche yī nū kana̍? 25Alɔ ge̍ yɛ ē deyīche ɔjā nīi alɔ i̍ ma̍ la eyī we̍ ni̍ ma̍, alɔ ē mlɔtū kpɔ̍ɔ̍ ē gbēyī yī ɔjā ɔ̍lɔma̍.
26Gala ɔpɔ̄pū oli̍ngɛ̍ɛ̄nɛ̄ nīi Uhu yī Ɔwɔ ē wā ge̍ tū alɔ nīi lɛ kwīkwī ma̍ wɔbɔ̄ a̍nɛ. Wu̍chē oji̍ nɛ, alɔ ɛlɛjā i̍ jɔ̍ɔkɔ nīi o̍ ngma̍ nīi alɔ ge̍ē jɔhā de Ɔwɔ ma̍ ni̍. Uhu yī Ɔwɔ ɔlɔjā ē ra̍ābɔ̄ de Ɔwɔ ē kulɛhu̍ yī alɔ. O̍ ē ra̍ābɔ̄ ɔla̍ā kpɛ̍ɛ ɛbɛ̍bɛ̍-ɛbɛ̍bɛ̍ la ɔpɔ̄pū nīi ɔ̄chɛ i̍ ge̍ē kɔ̄ka la oko̍o ē mɛ ni̍. 27Wu̍chē lɔkɔ nīi Ɔwɔ ē ma̍ ūkpɔ̄tū yī āchɛ wa̍a̍ ma̍, o̍ ē je̍ ɔjā nīi Uhu yī Ɔwɔ yɛ ē gbɛri̍ya̍ ma̍. Wu̍chē oji̍ nɛ, Uhu yī Ɔwɔ yɛ ē ra̍ābɔ̄ de Ɔwɔ kulɛhu̍ yī āchɛ yī nū gala ɔgɔgu lɔkɔ nīi Ɔwɔ ɔlɔjā chikpo̍ ke̍e̍ ma̍.
28Alɔ jo̍ōkū hīka, la ɔjāha̍-ɔjāha̍ wa̍a̍, Ɔwɔ ē ya̍ u̍ku̍rɔ̍ ba̍la āchɛ yī nū nīi hi ɔ̍ ɔtū ma̍ wu̍chē yī ɔnɛ̄ɛhɛhi de wa̍. Āchɛ nīi o̍ hī wā ɛra̍ nīi e̍ ge̍ē ya̍ lɔkɔ nīi anu̍ ɔlɔjā miya ma̍ nɛ. 29Āchɛ ɛla̍ā nīi Ɔwɔ hōhu ma̍, Ɔwɔ gba̍a de wa̍ hɛ̍ gblāa lɛ̍kɛ̍kɔ̍, hɛ̄ɛbɛ nīi e̍ ge̍ē de ē lɛ ke̍e̍ bāa Ɔyi̍ yī Ɔwɔ ma̍. Bū la ɛbɛ ɔla̍ā, Ɔyi̍ yī nū ge̍ē de pīya ɔyi̍ rɛ̄ɛya lipu̍ yī aɛ̍nɛ̍ yī nū ehēhī. 30Bū la ɛbɛ ɔla̍ā, āchɛ ɛla̍ā, nīi Ɔwɔ de wa̍ hɛ̍ gblāa lɛ̍kɛ̍kɔ̍ ma̍, o̍ de wa̍ hɛ̄ra̍. Āchɛ ɛla̍ā nīi o̍ chī de wa̍ hɛ̄ra̍ ma̍, o̍ ya̍ nīi e̍ de lɛ kpakpa ba̍la anu̍ ɔlɔjā. Āchɛ ɛla̍ā nīi Ɔwɔ ya̍ nīi e̍ de lɛ kpakpa ba̍la anu̍ ɔlɔjā ma̍, o̍ gba̍a ya̍ nīi e̍ bɔ̍ɔ̄ba̍ nāa rīgā ba̍la anu̍ ɔlɔjā.
Ɔwɔ yɔ̍ɔhɔtū yī alɔ gala abɔ̄ yī Ikra̍yisi Iji̍sɔ̄ɔsi
31Alɔ de onūma̍ ka mɛ̍ ma̍, ɔna̍ bɛ̍ɛ̄nɛ̄ nɛ? Ɔwɔ ge̍ rɛ la ihi yī alɔ mɛ̍, ɔ̄nyɛ ge̍ē gba̍a ē pīyeyīta̍ alɔ ē mɛ ma̍? 32Ɔyi̍ nīi - Ɔyi̍ yī anu̍ ɔlɔjā ma̍, o̍ i̍ de ɔ̍ lā ga okwi̍ihi hī alɔ ni̍, o̍ de ɔ̍ nāa de la ɔpɔ̄pā wu̍chē yī alɔ wa̍a̍. Bū la ɔla̍ā, alɔ jo̍ōkū gblɛ̍ɛgblɛ̍ɛ hīka, lɔkɔ nīi o̍ de Ɔyi̍ yī nū nāa de wu̍chē yī alɔ ma̍, i̍ngi̍ngɔ̍ɔ nīi o̍ ge̍ē de ɔjāha̍-ɔjāha̍ wa̍a̍ ē kɔ̄kɔ̄ de alɔ ē mɛ a̍nɛ. 33Bɛ̍ɛ̄nɛ̄ ma̍, ɔ̄nyɛ chī ge̍ē de lɛpɔ̄ ku̍ āchɛ nīi Ɔwɔ hōhu ma̍? Ɔwɔ ɔlɔjā chī de lɛlā ngma̍ la aa̍ mɛ̍! 34Ɔ̄nyɛ bɛ̍ɛ̄nɛ̄ nɛ nīi chī ge̍ē hɛ̍ wā lɛpɔ̄ ɔdwɔ̄bi̍ ma̍? Ikra̍yisi Iji̍sɔ̄ɔsi pīyaku̍ de alɔ a̍nɛ. O̍ i̍ gba̍a - i̍ngɔ̍ɔ ke̍e̍ ni̍, anu̍ hye̍ēyī bū la okū pīya ge̍ hyāhɔ̄ abɔ̍ɔ la abɔ̄ līre̍ yī Ɔwɔ a̍nɛ. Anu̍ yɛ ē ra̍ābɔ̄ de Ɔwɔ wu̍chē yī alɔ a̍nɛ. 35Bɛ̍ɛ̄nɛ̄ ma̍, oji̍ kpɛ̍ɛ ge̍ē de alɔ ē hwōta̍ hī ɔhɔtū nūma̍ nīi Ikra̍yisi lɛ de alɔ ma̍? Ichi̍ ɔmɔ̍ɔ̄ma̍ ge̍ē hwō alɔ ē ta̍ mɛ ma̍, kɛ̄ɛ akanya, kɛ̄ɛ ichi̍ ɔdwɔ̄bi̍ nīi e̍ ē ya̍ alɔ ma̍? Lɛmiyɛ, kɛ̄ɛ yeklo̍, kɛ̄ɛ ɔkpalɛ̄kā ɔha̍, kɛ̄ɛ ɔpīyaku̍ ge̍ē de alɔ ē hwōta̍ mɛ ma̍? Ɔjɔ̄jā i̍ ge̍ē ya̍ i̍ngɔ̍ɔ ē mɛ ni̍! 36Īpū yī Ɔwɔ ka hīka ɔ̍lɔ ge̍,
“Wu̍chē yī ala̍, alɔ ē tū la ɔkpalɛ̄kā yī ɔpīyaku̍ bū la ɔ̄chɔ̄chī kpɛɛ ge̍ē ku ɔ̄nɛ̄.
E̍ ē ya̍ tāa alɔ bɔ̄ɔkɔ nīi e̍ ē ya̍ anyīyɛrɔ̄ nīi e̍ bī yɛ ge̍ē ngmo̍ ma̍.”
37Alɔ ma̍, lɛlā nūma̍ wa̍a̍ nīi ē hɔ̄ de alɔ ma̍, alɔ yɛ̍ɛ̄ngrɔ̄ɔ la aa̍ gala abɔ̄ yī Iji̍sɔ̄ɔsi Ikra̍yisi nīi yɔ̍ɔhɔtū yī alɔ ma̍ mɛ̍. 38Wu̍chē oji̍ nɛ, n jo̍ōkū gblɛ̍ɛgblɛ̍ɛ hīka ɔjɔ̄jā i̍ hɔ̄ abɔ̍ɔ nīi ge̍ē de alɔ ē hwōta̍ mɛ ē hī ɔhɔtū nīi o̍ lɛ de alɔ ma̍ ni̍. O̍ ge̍ - ɔhɔ̄leyī kɛ̄ɛ ɔpīyaku̍ oo, o̍ ge̍ - ayɛ̍ɛ̄chɛ̄rɔ̄ yī Ɔwɔ kɛ̄ɛ uhu ɛha̍ nīi - alɛhu̍ kɛ̄ɛ enīi bī wɔhu̍ yī ɛbɛ abɔ̍ɔ la ichō ma̍ oo, o̍ ge̍ - lɛlā olu̍ma̍ama kɛ̄ɛ lɛlā yī ɔ̄chī iyɔ̄bū oo, 39o̍ ge̍ē ro̍ōre̍ka yɛchɛ nīi hɔ̄ la ichō ma̍ kɛ̄ɛ onīi hɔ̄ abɔ̍ɔ lipu̍ yī ajɛ ma̍ oo, ɔha̍lɔha̍ i̍ hɔ̄ abɔ̍ɔ nīi ge̍ē de alɔ ē hwōta̍ hī ɔhɔtū yī nū mɛ ni̍. Ɔjɔ̄jā i̍ hɔ̄ abɔ̍ɔ lipu̍ yī ɛjā wa̍a̍ nīi Ɔwɔ ya̍ ma̍ nīi ge̍ē de alɔ ē hwōta̍ mɛ ge̍ē gbo̍ hī ɔhɔtū nīi Ɔwɔ lɛ la alɔ gala abɔ̄ yī Ikra̍yisi Iji̍sɔ̄ɔsi Ādādā yī alɔ ma̍ ni̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)