Aliro̍om 10
10
1Aɛ̍nɛ̍ yī u! O̍ yɛ amu ē hla̍ ami kpɛ̍ɛji hīka Iju̍u āchɛ yī ami ɔlɔjā ge̍ lɛ ɔhɛ̍ta̍. N yɛ amu ē jɔhā de Ɔwɔ kpɛ̍ɛji wu̍chē yī wā. 2N chī ge̍ē tū itɛ̍ɛhi̍yɛ̍ yī wā mɛ hīka e̍ de iyī wā kwɔbɔ̄ de Ɔwɔ gba̍a̍. Lɔkɔ nīi e̍ de iyī wā kwɔbɔ̄ de Ɔwɔ ma̍ i̍ chī bū lɛlā yī Ɔwɔ ojo̍ōje̍ tri̍di̍di̍ ni̍. 3E̍ i̍ je̍ ɔpɔ̄pū yī lɛlā lɔkɔ nīi Ɔwɔ ē ya̍ nīi ɔ̄chɛ de ē lɛ kpakpa ba̍la Ɔwɔ ɔlɔjā ma̍ ni̍; e̍ hɔ̄ɔ̄hɔ̄ wu̍ ɔgulɛ̄lā ɔla̍ā ta̍ la abɔ̄ yī aa̍ ɛlɛjā. Bū la ɛbɛ ɔla̍ā, e̍ i̍ chɛ̄ nāa ɔpɔ̄pū nīi Ɔwɔ ē ya̍ nīi ɔ̄chɛ de ē lɛ kpakpa ba̍la anu̍ ɔlɔjā ma̍ gɛ ni̍. 4Wu̍chē oji̍ nɛ, Ikra̍yisi re̍ka ɔchlɛhu̍ yī Lihɔ yī Imo̍sīisi a̍nɛ. O̍ lɛ i̍ngɔ̍ɔ hɛ̄ɛbɛ nīi ɔ̄chɛmɔ̄chɛ ji nīi ge̍ de ɔtū che Ikra̍yisi mɛ̍ ge̍ē de ē lɛ kpakpa ba̍la Ɔwɔ ɔlɔjā.
Ɔhɛ̍ta̍ hɔ̄ de āchɛmāchɛ wa̍a̍
5Lɔkɔ nīi Imo̍sīisi ka tū la īpū ku̍ ode lɛ kpakpa ba̍la Ɔwɔ bū Lihɔ yī Imo̍sīisi ode gbōgbō ma̍ hɔ̄ ma̍ a̍nɛ: “Ɔ̄chɛmɔ̄chɛ nīi ge̍ ya̍ lɔkɔ nīi Lihɔ ka ɔ̄chɛ ɔ̍lɔ ge̍ ya̍ ma̍, ɔlɔjā ge̍ē lɛ ɔhɔ̄leyī bū la anu̍.” 6Ode lɛ kpakpa ba̍la Ɔwɔ nīi bū la ɔtū ode che Ɔwɔ ochōche ma̍, i̍ngɛ̍ɛ̄nɛ̄ nīi e̍ kɛlā ku̍ wɔ a̍nɛ: “A ā che iyī wɔ ikpo̍ hīka, ‘Ɔ̄nyɛ ge̍ē gāa abɔ̍ɔ ā gāa ichō ma̍ ēēe’ ni̍.” Ochi̍chi̍ yī “ɔga abɔ̍ɔ ga ichō” ɔla̍ā re̍ka, ɔgāā ge̍ ya̍ hɛ̄ɛbɛ nīi Ikra̍yisi wā la ajɛ. 7“A ā chī ka hīka, ‘Ɔ̄nyɛ ge̍ē gāa ayekū ma̍ ēēe’ ni̍.” Ochi̍chi̍ yī “ɔga ayekū” ɔla̍ā re̍ka, ɔgāā ge̍ ya̍ hɛ̄ɛbɛ nīi Ikra̍yisi hye̍ēyī la okū wā la yɛchɛ. 8Ɔjā nīi Īpū yī Ɔwɔ ka ma̍ re̍ka, “Ɛrɔ̄ yī Ɔwɔ hɔ̄ abɔ̍ɔ bla̍a ala̍ mɛ̍. O̍ che abɔ̍ɔ la ya̍kla̍ yī oko̍o yī ala̍; o̍ chī tū abɔ̍ɔ la ūkpɔ̄tū yī ala̍ mɛ̍.” Ɛrɔ̄ yī ɔtū ode che Ɔwɔ ochōche nīi alɔ ē koko̍o ē de āchɛ ma̍ bī aa̍ a̍nɛ. 9A ge̍ de ka hi̍yɛchɛ la oko̍nu hīka, Iji̍sɔ̄ɔsi Ikra̍yisi ɔ̍lɔ - Ādādā a̍nɛ, nīi a de chɛ̄ i̍ngɔ̍ɔ abɔ̍ɔ lipu̍ ūkpɔ̄tū yī wɔ hīka Ɔwɔ ɔ̍lɔ de ɔ̍lɔ hye̍ēyī la okū mɛ̍, ɔ̍lɔma̍ a ge̍ lɛ ɔhɛ̍ta̍. 10Wu̍chē oji̍ nɛ, bū la ɔchɛ̄ ku Ɔwɔ la ūkpɔ̄tū yī alɔ nīi alɔ ē de ē lɛ kpakpa ba̍la Ɔwɔ a̍nɛ. Obū la ode ka hi̍yɛchɛ nīi alɔ ē chī lɛ ɔhɛ̍ta̍ a̍nɛ. 11Īpū yī Ɔwɔ ka ɔ̍lɔ ge̍, “Ɔ̄chɛmɔ̄chɛ nīi ge̍ de ɔtū che ɔ̍, o̍ i̍ ge̍ē de liwēyī de ɔlɔjā ni̍.” 12Lɛlā nūma̍ chɛ̄chi̍ yī āchɛmāchɛ wa̍a̍ tū. Ɔpɔ̄pū ɔha̍lɔha̍ i̍ hɔ̄ abɔ̍ɔ de āchɛ Iju̍u kɛ̄ɛ Ɛchɛkɔcha lɛ̍kɛ̍kɔ̍ ni̍. Ɔwɔ ūkpo̍he re̍ka Ādādā yī āchɛ wa̍a̍ a̍nɛ. Anu̍ ē de ɔpiyɛ ē mwɛbɛ mwɛbɛ de āchɛ nīi drɛ̄ɛgba hī ɔ̄ ma̍ a̍nɛ. 13O̍ lɛ lɔkɔ nīi Īpū yī Ɔwɔ ka ma̍, “Ɔ̄chɛmɔ̄chɛ nīi ge̍ drɛ̄ɛgba hī Ādā ɛra̍, o̍ ge̍ē de ɔlɔjā hɛ̍ ē ta̍ ke̍e̍.”
14E̍ i̍ ge̍ chī de ɔtū che Ādā o̍bū ni̍ ma̍ kana̍ nīi e̍ ge̍ē drɛ̄ɛgba ē hī ɔ̄ mɛ ma̍? E̍ i̍ ge̍ chī po̍ ɛrɔ̄ yī nū o̍bū ni̍ ma̍, kana̍ nīi e̍ ge̍ē de ɔtū che ɔ̍ ē mɛ ma̍? Āchɛ i̍ ge̍ chī koko̍o yī ɛrɔ̄ yī nū o̍bū ni̍ ma̍, kana̍ nīi e̍ ge̍ē po̍ ē mɛ ma̍? 15O̍ i̍ ge̍ chī de alɛrɔ̄ yī nū tɛ̄rɔ̄ o̍bū ni̍ ma̍, kana̍ nīi ɛrɔ̄ yī nū ge̍ē ngmɛ̍rɛ̍ la okoko̍o de āchɛ ma̍? O̍ chī lɛ lɔkɔ nīi Īpū yī Ɔwɔ ka ma̍: “Ɔwɔ̄wā nīi āchɛ obī Wɔ̄kā Ɔlwɔnyɛ yī Ɔwɔ yɛ ma̍ ē wā ma̍ hwɔhi kpɛ̍ɛ ɛbɛ̍bɛ̍ ɛbɛ̍bɛ̍!” 16I̍ āchɛ wa̍a̍ chī chɛ̄ nāa Wɔ̄kā Ɔlwɔnyɛ ɔ̍lɔma̍ a̍ni̍. Ayisa̍ya ɔlɔjā ka ɔ̍lɔ ge̍, “Ādā be̍e! Ɔ̄nyɛ u̍tu chɛ̄ku ɛrɔ̄ yī wɔ nīi alɔ yɛ ē ka ma̍?” 17Ala̍ ma̍ gɛ ko̍ō! Ɔtū ode chōche bū la ɛrɔ̄ yī Ɔwɔ opo̍ōpo̍. Ɛrɔ̄ ɔla̍ā chī bū la lɛlā yī Iji̍sɔ̄ɔsi Ikra̍yisi nīi e̍ ē bī koko̍o ē de āchɛ ma̍.
18N chī ge̍ē chikpo̍ o̍bū; o̍ re̍ka e̍ i̍ po̍ ɛrɔ̄ yī nū ni̍ i̍ngɔ̍ɔ ichɛ̄ɛhi? Aba̍? Opo̍ōpo̍ ma̍, e̍ po̍. Wu̍chē oji̍ nɛ, Īpū yī Ɔwɔ ka ɔ̍lɔ ge̍:
“Ɔna nīi e̍ ta̍ ma̍ gbajɛ ga ɛbɛha̍ ɛbɛha̍ wa̍a̍ lipu̍ yī yɛchɛ.
Lɛlā nīi e̍ ka ma̍ gbajɛ ga ɔbɔ̍ɔ̄ba̍ yī yɛchɛ wa̍a̍.”
19N ge̍ē gba̍a ē chikpo̍ yī ɔha̍: O̍ re̍ka Ali̍sɛ̄rɛli i̍ jo̍ōkū ni̍ kɛ̄ɛ? Lɛlā nūma̍ nīi Ɔwɔ ka gala oko̍o yī Imo̍sīisi ma̍ ge̍ē re̍ka ɔhīyɔkɔ ɔrāarāa a̍nɛ:
“N ge̍ē ya̍ nīi ala̍ ē kpi̍ya̍nya ē tāa āchɛ yī ɔcha ɔha̍ nīi i̍ ɔcha ɔlamu ɔlamu ni̍ ma̍.
N ge̍ē ya̍ nīi ala̍ ē ya̍ ɔtū ngurangura ē tāa ɔcha nīi - ali̍bobo ma̍.”
20Ayisa̍ya titi tū ūkpɔ̄tū yɛngrɔ̄ɔ kɛlā brii yɛ̄grāa nīi o̍ kɛlā nūma̍ ma̍:
“Āchɛ nīi i̍ yɛ ē gāla̍ u ni̍ ma̍, aa̍ de u pīyɛ̄ a̍nɛ.
Āchɛ nīi i̍ yɛ ē chōchikpo̍ yī u ni̍ ma̍, aa̍ nīi n de iyī u chabɔ̄ hu̍ wā a̍nɛ.”
21Ɔwɔ gba̍a kɛlā ɔha̍ ku Ali̍sɛ̄rɛli hīka,
“Bū la ɔ̄chɔ̄chī kpɛɛ ge̍ ku ɔ̄nɛ̄,
n nā abɔ̄ kpaa grāa āchɛ i̍pɔ̍ɔkɔ yī u ni̍,
hi̍hi̍hi̍yo̍ yī u kpɛɛ ɛla̍ā i̍ngɔ̍ɔ ji ke̍e̍.”
Currently Selected:
Aliro̍om 10: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
Aliro̍om 10
10
1Aɛ̍nɛ̍ yī u! O̍ yɛ amu ē hla̍ ami kpɛ̍ɛji hīka Iju̍u āchɛ yī ami ɔlɔjā ge̍ lɛ ɔhɛ̍ta̍. N yɛ amu ē jɔhā de Ɔwɔ kpɛ̍ɛji wu̍chē yī wā. 2N chī ge̍ē tū itɛ̍ɛhi̍yɛ̍ yī wā mɛ hīka e̍ de iyī wā kwɔbɔ̄ de Ɔwɔ gba̍a̍. Lɔkɔ nīi e̍ de iyī wā kwɔbɔ̄ de Ɔwɔ ma̍ i̍ chī bū lɛlā yī Ɔwɔ ojo̍ōje̍ tri̍di̍di̍ ni̍. 3E̍ i̍ je̍ ɔpɔ̄pū yī lɛlā lɔkɔ nīi Ɔwɔ ē ya̍ nīi ɔ̄chɛ de ē lɛ kpakpa ba̍la Ɔwɔ ɔlɔjā ma̍ ni̍; e̍ hɔ̄ɔ̄hɔ̄ wu̍ ɔgulɛ̄lā ɔla̍ā ta̍ la abɔ̄ yī aa̍ ɛlɛjā. Bū la ɛbɛ ɔla̍ā, e̍ i̍ chɛ̄ nāa ɔpɔ̄pū nīi Ɔwɔ ē ya̍ nīi ɔ̄chɛ de ē lɛ kpakpa ba̍la anu̍ ɔlɔjā ma̍ gɛ ni̍. 4Wu̍chē oji̍ nɛ, Ikra̍yisi re̍ka ɔchlɛhu̍ yī Lihɔ yī Imo̍sīisi a̍nɛ. O̍ lɛ i̍ngɔ̍ɔ hɛ̄ɛbɛ nīi ɔ̄chɛmɔ̄chɛ ji nīi ge̍ de ɔtū che Ikra̍yisi mɛ̍ ge̍ē de ē lɛ kpakpa ba̍la Ɔwɔ ɔlɔjā.
Ɔhɛ̍ta̍ hɔ̄ de āchɛmāchɛ wa̍a̍
5Lɔkɔ nīi Imo̍sīisi ka tū la īpū ku̍ ode lɛ kpakpa ba̍la Ɔwɔ bū Lihɔ yī Imo̍sīisi ode gbōgbō ma̍ hɔ̄ ma̍ a̍nɛ: “Ɔ̄chɛmɔ̄chɛ nīi ge̍ ya̍ lɔkɔ nīi Lihɔ ka ɔ̄chɛ ɔ̍lɔ ge̍ ya̍ ma̍, ɔlɔjā ge̍ē lɛ ɔhɔ̄leyī bū la anu̍.” 6Ode lɛ kpakpa ba̍la Ɔwɔ nīi bū la ɔtū ode che Ɔwɔ ochōche ma̍, i̍ngɛ̍ɛ̄nɛ̄ nīi e̍ kɛlā ku̍ wɔ a̍nɛ: “A ā che iyī wɔ ikpo̍ hīka, ‘Ɔ̄nyɛ ge̍ē gāa abɔ̍ɔ ā gāa ichō ma̍ ēēe’ ni̍.” Ochi̍chi̍ yī “ɔga abɔ̍ɔ ga ichō” ɔla̍ā re̍ka, ɔgāā ge̍ ya̍ hɛ̄ɛbɛ nīi Ikra̍yisi wā la ajɛ. 7“A ā chī ka hīka, ‘Ɔ̄nyɛ ge̍ē gāa ayekū ma̍ ēēe’ ni̍.” Ochi̍chi̍ yī “ɔga ayekū” ɔla̍ā re̍ka, ɔgāā ge̍ ya̍ hɛ̄ɛbɛ nīi Ikra̍yisi hye̍ēyī la okū wā la yɛchɛ. 8Ɔjā nīi Īpū yī Ɔwɔ ka ma̍ re̍ka, “Ɛrɔ̄ yī Ɔwɔ hɔ̄ abɔ̍ɔ bla̍a ala̍ mɛ̍. O̍ che abɔ̍ɔ la ya̍kla̍ yī oko̍o yī ala̍; o̍ chī tū abɔ̍ɔ la ūkpɔ̄tū yī ala̍ mɛ̍.” Ɛrɔ̄ yī ɔtū ode che Ɔwɔ ochōche nīi alɔ ē koko̍o ē de āchɛ ma̍ bī aa̍ a̍nɛ. 9A ge̍ de ka hi̍yɛchɛ la oko̍nu hīka, Iji̍sɔ̄ɔsi Ikra̍yisi ɔ̍lɔ - Ādādā a̍nɛ, nīi a de chɛ̄ i̍ngɔ̍ɔ abɔ̍ɔ lipu̍ ūkpɔ̄tū yī wɔ hīka Ɔwɔ ɔ̍lɔ de ɔ̍lɔ hye̍ēyī la okū mɛ̍, ɔ̍lɔma̍ a ge̍ lɛ ɔhɛ̍ta̍. 10Wu̍chē oji̍ nɛ, bū la ɔchɛ̄ ku Ɔwɔ la ūkpɔ̄tū yī alɔ nīi alɔ ē de ē lɛ kpakpa ba̍la Ɔwɔ a̍nɛ. Obū la ode ka hi̍yɛchɛ nīi alɔ ē chī lɛ ɔhɛ̍ta̍ a̍nɛ. 11Īpū yī Ɔwɔ ka ɔ̍lɔ ge̍, “Ɔ̄chɛmɔ̄chɛ nīi ge̍ de ɔtū che ɔ̍, o̍ i̍ ge̍ē de liwēyī de ɔlɔjā ni̍.” 12Lɛlā nūma̍ chɛ̄chi̍ yī āchɛmāchɛ wa̍a̍ tū. Ɔpɔ̄pū ɔha̍lɔha̍ i̍ hɔ̄ abɔ̍ɔ de āchɛ Iju̍u kɛ̄ɛ Ɛchɛkɔcha lɛ̍kɛ̍kɔ̍ ni̍. Ɔwɔ ūkpo̍he re̍ka Ādādā yī āchɛ wa̍a̍ a̍nɛ. Anu̍ ē de ɔpiyɛ ē mwɛbɛ mwɛbɛ de āchɛ nīi drɛ̄ɛgba hī ɔ̄ ma̍ a̍nɛ. 13O̍ lɛ lɔkɔ nīi Īpū yī Ɔwɔ ka ma̍, “Ɔ̄chɛmɔ̄chɛ nīi ge̍ drɛ̄ɛgba hī Ādā ɛra̍, o̍ ge̍ē de ɔlɔjā hɛ̍ ē ta̍ ke̍e̍.”
14E̍ i̍ ge̍ chī de ɔtū che Ādā o̍bū ni̍ ma̍ kana̍ nīi e̍ ge̍ē drɛ̄ɛgba ē hī ɔ̄ mɛ ma̍? E̍ i̍ ge̍ chī po̍ ɛrɔ̄ yī nū o̍bū ni̍ ma̍, kana̍ nīi e̍ ge̍ē de ɔtū che ɔ̍ ē mɛ ma̍? Āchɛ i̍ ge̍ chī koko̍o yī ɛrɔ̄ yī nū o̍bū ni̍ ma̍, kana̍ nīi e̍ ge̍ē po̍ ē mɛ ma̍? 15O̍ i̍ ge̍ chī de alɛrɔ̄ yī nū tɛ̄rɔ̄ o̍bū ni̍ ma̍, kana̍ nīi ɛrɔ̄ yī nū ge̍ē ngmɛ̍rɛ̍ la okoko̍o de āchɛ ma̍? O̍ chī lɛ lɔkɔ nīi Īpū yī Ɔwɔ ka ma̍: “Ɔwɔ̄wā nīi āchɛ obī Wɔ̄kā Ɔlwɔnyɛ yī Ɔwɔ yɛ ma̍ ē wā ma̍ hwɔhi kpɛ̍ɛ ɛbɛ̍bɛ̍ ɛbɛ̍bɛ̍!” 16I̍ āchɛ wa̍a̍ chī chɛ̄ nāa Wɔ̄kā Ɔlwɔnyɛ ɔ̍lɔma̍ a̍ni̍. Ayisa̍ya ɔlɔjā ka ɔ̍lɔ ge̍, “Ādā be̍e! Ɔ̄nyɛ u̍tu chɛ̄ku ɛrɔ̄ yī wɔ nīi alɔ yɛ ē ka ma̍?” 17Ala̍ ma̍ gɛ ko̍ō! Ɔtū ode chōche bū la ɛrɔ̄ yī Ɔwɔ opo̍ōpo̍. Ɛrɔ̄ ɔla̍ā chī bū la lɛlā yī Iji̍sɔ̄ɔsi Ikra̍yisi nīi e̍ ē bī koko̍o ē de āchɛ ma̍.
18N chī ge̍ē chikpo̍ o̍bū; o̍ re̍ka e̍ i̍ po̍ ɛrɔ̄ yī nū ni̍ i̍ngɔ̍ɔ ichɛ̄ɛhi? Aba̍? Opo̍ōpo̍ ma̍, e̍ po̍. Wu̍chē oji̍ nɛ, Īpū yī Ɔwɔ ka ɔ̍lɔ ge̍:
“Ɔna nīi e̍ ta̍ ma̍ gbajɛ ga ɛbɛha̍ ɛbɛha̍ wa̍a̍ lipu̍ yī yɛchɛ.
Lɛlā nīi e̍ ka ma̍ gbajɛ ga ɔbɔ̍ɔ̄ba̍ yī yɛchɛ wa̍a̍.”
19N ge̍ē gba̍a ē chikpo̍ yī ɔha̍: O̍ re̍ka Ali̍sɛ̄rɛli i̍ jo̍ōkū ni̍ kɛ̄ɛ? Lɛlā nūma̍ nīi Ɔwɔ ka gala oko̍o yī Imo̍sīisi ma̍ ge̍ē re̍ka ɔhīyɔkɔ ɔrāarāa a̍nɛ:
“N ge̍ē ya̍ nīi ala̍ ē kpi̍ya̍nya ē tāa āchɛ yī ɔcha ɔha̍ nīi i̍ ɔcha ɔlamu ɔlamu ni̍ ma̍.
N ge̍ē ya̍ nīi ala̍ ē ya̍ ɔtū ngurangura ē tāa ɔcha nīi - ali̍bobo ma̍.”
20Ayisa̍ya titi tū ūkpɔ̄tū yɛngrɔ̄ɔ kɛlā brii yɛ̄grāa nīi o̍ kɛlā nūma̍ ma̍:
“Āchɛ nīi i̍ yɛ ē gāla̍ u ni̍ ma̍, aa̍ de u pīyɛ̄ a̍nɛ.
Āchɛ nīi i̍ yɛ ē chōchikpo̍ yī u ni̍ ma̍, aa̍ nīi n de iyī u chabɔ̄ hu̍ wā a̍nɛ.”
21Ɔwɔ gba̍a kɛlā ɔha̍ ku Ali̍sɛ̄rɛli hīka,
“Bū la ɔ̄chɔ̄chī kpɛɛ ge̍ ku ɔ̄nɛ̄,
n nā abɔ̄ kpaa grāa āchɛ i̍pɔ̍ɔkɔ yī u ni̍,
hi̍hi̍hi̍yo̍ yī u kpɛɛ ɛla̍ā i̍ngɔ̍ɔ ji ke̍e̍.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)