11 ALIKƆ̍RĪNTI 6
6
1Bū la u̍ku̍rɔ̍ nīi alɔ yɛ ē ya̍ ba̍la Ɔwɔ ma̍, ala̍ chu̍chu̍u! Ala̍ e̍e pi̍ye̍mā hī uhwa ɔnɛ̄ɛhɛhi yī Ɔwɔ nīi ala̍ nāa ma̍ nīi o̍ ge̍ chāajɛ ji ni̍. 2Ala̍ ā ma̍ lɔkɔ nīi Ɔwɔ ka ma̍ gɛ:
“Yɛ̄grāa nīi n ge̍ē jyɛ̍ɛ̄lā tāa ala̍ ma̍,
anu̍ nīi n ē darɔ̄ku lɛlā yī ala̍ a̍nɛ.
I̍chi̍chɛ nīi n ge̍ē hɛ̍ ala̍ ē ta̍ ma̍,
anu̍ nīi n ē tū ala̍ wɔbɔ̄ a̍nɛ.”
Ala̍ ma̍ gɛ ko̍ō! Yɛ̄grāa ɔ̍lɔma̍ pi̍i̍ nīi Ɔwɔ ge̍ē jyɛ̍ɛ̄lā tāa ala̍ ma̍ hɔ̄ ma̍ a̍nɛ. I̍chɛ - ɔ̄chī nīi Ɔwɔ ge̍ē hɛ̍ ala̍ ē ta̍ a̍nɛ.
3Alɔ i̍ chikpo̍ nīi ɔ̄chɔ̄chɛ ge̍ ya̍ u̍ku̍rɔ̍ yī alɔ lɛfiyɛ ni̍. Wu̍chē yī ɔla̍ā, alɔ i̍ gū ɔ̄chɔ̄chɛ ɔpɔ̄pū yī lɛlɛ̄lā ni̍ lachi̍lachi̍. 4Ɔkɔkɔ ɔla̍ā, alɔ ē ya̍ ɛlāha̍ ɛlāha̍ wa̍a̍ ē chabɔ̄ hīka alɔ āchɛ yī Ɔwɔ nɛ. Alɔ ē mlɔtū kpɔ̍ɔ̍ la akanya ba̍la ichi̍ ba̍la ɔkpalɛ̄kā ɔha̍lɔha̍ wa̍a̍ nīi ē hɔ̄ de alɔ ma̍. 5Ɔha̍, e̍ ē gwō alɔ lijē, ku̍ alɔ ē tū igbakɔbɔ; e̍ ē grēeyī de ɛbɛ ē ti̍yatū wu̍chē yī alɔ. Ɔha̍, e̍ ē bī alɔ ē ya̍ u̍ku̍rɔ̍ ɔlwɔhɔ̍hu̍; alɔ i̍ ē gbwɔlā īkprī ni̍, ē chlɛ̄ɛmiyɛ bɛ̍ɛ̍. 6-7Bū la ɔlɛcha̍ri̍cha̍ri̍ yī alɔ, ba̍la ochi̍chi̍ yī lɛlā ojo̍ōje̍, ba̍la ɔtū ɔmɔ̄mla, ba̍la ɔlɛyaya, ba̍la ɔhɔtū olēchi̍ lēchi̍ nīi alɔ lɛ ma̍, ba̍la ɛrɔ̄ olēchi̍ lēchi̍ nīi alɔ bī ma̍, ba̍la Uhu Ɔnɛ̄ɛhɛhi yī Ɔwɔ, ba̍la la wɔhu̍ yī Ɔwɔ ɔlɔjā, alɔ de chabɔ̄ ke̍e̍ mɛ̍ hīka alɔ - a̍chɛ̍ yī Ɔwɔ nɛ. Ode lɛ kpakpa ba̍la Ɔwɔ lɔkɔ nīi alɔ de lɛ ma̍, anu̍ re̍ka ɔjālɛ̄wu̍ nīi alɔ ge̍ē bī nunu kɛ̄ɛ ē bī gbō iyī alɔ lɛhu̍ a̍nɛ. 8E̍ ē de otūlichō de alɔ; e̍ ē chī de liwēyī de alɔ. E̍ ē pra̍a alɔ ɛcha̍; e̍ ē chī kā alɔ ɔkɔ̄kā. E̍ ē nāa alɔ bāa alarīmɛ̄ ma̍; lɛlā olēchi̍ lēchi̍ ke̍e̍ nīi alɔ ē chī ka a̍nɛ. 9E̍ ē nāa alɔ bāa āchɛ nīi e̍ i̍ je̍ wā ni̍ ma̍; āchɛ wa̍a̍ chī je̍ alɔ. E̍ ē nāa alɔ bāa āchɛ nīi pīyaku̍ mɛ̍ ma̍, je̍ka aa̍ ala̍ ma̍, alɔ chī e̍e wōwi gblāa amu we̍. E̍ yɔ̍ɔ̄ya̍ alɔ ichi̍ nyaa ma̍, e̍ i̍ chī de alɔ ngmo̍ōngmo̍ ni̍. 10E̍ yɔ̍ɔ̄ya̍ nīi alɔ ge̍ē he̍ēyīwɔnɔ nyaa ma̍, alɔ ē lɛ ɔwɔ̄wīyā myɛ̄grāa-myɛ̄grāa. Alɔ lɛ bāa alyeklo̍ ma̍; alɔ ē chī ya̍ nīi āchɛ yɛ̄mɛ̄mɛ̄ de ē gbwɔdu a̍nɛ. Alɔ de ya̍ bɔ̄ɔjā nīi alɔ i̍ lɛ ɔjɔ̄jā ni̍ ma̍, alɔ kpɛ̍ɛ chī lɛ ɔjāmɔjā wa̍a̍ a̍nɛ.
11Aɛ̍ɛya alɔ lēchi̍ lēchi̍ yī ɔcha yī Ikɔ̍rīnti! Alɔ de lɛlā yī alɔ ka hwōō de ala̍ mɛ̍. Alɔ de ūkpɔ̄tū yī alɔ wa̍a̍ ta̍āpāapɛ̄ de ala̍ mɛ̍. 12Alɔ ma̍ de ūkpɔ̄tū yī alɔ ta̍āpāapɛ̄ de ala̍; ala̍ i̍ chɛ̄ de ūkpɔ̄tū yī ala̍ ta̍āpāapɛ̄ de alɔ ni̍ a̍nɛ. 13N ge̍ē kɛlā tāa ala̍ bɔ̄ɔjā nīi ala̍ - ayi̍ yī u ma̍ bɛ̍ɛ̄nɛ̄. Ala̍ ā gbɛri̍ya̍ tū alɔ lɔkɔ nīi alɔ yɛ ē gbɛri̍ya̍ ē tū ala̍ ma̍. Ala̍ ā lwāa ūkpɔ̄tū yī ala̍ ta̍āpāapɛ̄ de alɔ bɛ̍ɛ̄nɛ̄ gɛ.
Ɔna yī lɛlā yī āchɛ i̍je̍ Ɔwɔ ni̍
14Ala̍ ā chɛ̄rī hɛ̄ɛbɛ nīi ala̍ ge̍ e̍e bɔ̍ɔ̄ba̍ la u̍ku̍rɔ̍ ɔyɔ̍ɔ̄ya̍ ba̍la āchɛ nīi i̍ chɛ̄ku Ɔwɔ ni̍ ma̍ ni̍. Lɛlā nīi grāa kpakpa ma̍ ba̍la lɛlā nīi i̍ grāa ni̍ ma̍ gba̍a ē bɔ̍ɔ̄ba̍ tū la ɛbɛ ūkpo̍he? Kɛ̄ɛ ɛbɛ ɔlɛgēdēgēdē ba̍la ɛbɛ odobū tōtū ngmo̍tu̍chɛ̄ ma̍? 15Ikra̍yisi ba̍la Ɔngūwɛ̄gā i̍ āchɛ ɔchɛ̄ lɛlā ku ɔ̍nyīnū ni̍. I̍ngɔ̍ɔ nīi ɔ̄chɛ ɔchɛ̄ ku Ɔwɔ ba̍la ɔ̄chɛ i̍ chɛ̄ku Ɔwɔ ni̍ lɛ otū ngmo̍tu̍chɛ̄ ni̍ a̍nɛ. 16U̍nu̍ yī Ɔwɔ i̍ lɛ lɛlɛ̄lā ge̍ē ya̍ ē ngmo̍tu̍chɛ̄ ba̍la i̍kpe̍ēkū ni̍ kpɛkpɛ. Wu̍chē oji̍ nɛ, alɔ nūma̍ re̍ka u̍nu̍ yī Ɔwɔ nīi hɔ̄leyī ma̍ a̍nɛ. O̍ lɛ lɔkɔ nīi Ɔwɔ ɔlɔjā ka hɔ̄ ma̍ ma̍:
“N ge̍ē lwɔ̄lɛ̍ la āchɛ yī u.
N ge̍ē wā ge̍ē hɔ̄ la olo̍ōlo̍ yī wā.
N ge̍ē de ē re̍ka Ɔwɔ yī wā.
Aa̍ chī ge̍ē de ē re̍ka āchɛ yī u.”
17Wu̍chē yī ɔla̍ā, Ādā ɔlɔjā ka hīka,
“Ala̍ ā pīya hī āchɛ ɛla̍ā!
Ala̍ ā hwō iyī ala̍ ta̍ hī wā!
Ala̍ e̍e tābɔ̄ yī lɛlɛ̄lā ba̍la ɔjā yī lɛbi̍ ni̍!
Bū la ɛbɛ ɔla̍ā, n ge̍ē ku̍ ala̍ ē ba̍ ɔtū.
18N ge̍ē de ē pīya A̍dā yī ala̍.
Ala̍ chī ge̍ē de ē pīya ayi̍ yī u.
Ami - Ādādā nīi - Ɔgɔnyɛ Ɔnɔ̄kɔ̄kū Ma̍ ka a̍nɛ.”
Currently Selected:
11 ALIKƆ̍RĪNTI 6: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALIKƆ̍RĪNTI 6
6
1Bū la u̍ku̍rɔ̍ nīi alɔ yɛ ē ya̍ ba̍la Ɔwɔ ma̍, ala̍ chu̍chu̍u! Ala̍ e̍e pi̍ye̍mā hī uhwa ɔnɛ̄ɛhɛhi yī Ɔwɔ nīi ala̍ nāa ma̍ nīi o̍ ge̍ chāajɛ ji ni̍. 2Ala̍ ā ma̍ lɔkɔ nīi Ɔwɔ ka ma̍ gɛ:
“Yɛ̄grāa nīi n ge̍ē jyɛ̍ɛ̄lā tāa ala̍ ma̍,
anu̍ nīi n ē darɔ̄ku lɛlā yī ala̍ a̍nɛ.
I̍chi̍chɛ nīi n ge̍ē hɛ̍ ala̍ ē ta̍ ma̍,
anu̍ nīi n ē tū ala̍ wɔbɔ̄ a̍nɛ.”
Ala̍ ma̍ gɛ ko̍ō! Yɛ̄grāa ɔ̍lɔma̍ pi̍i̍ nīi Ɔwɔ ge̍ē jyɛ̍ɛ̄lā tāa ala̍ ma̍ hɔ̄ ma̍ a̍nɛ. I̍chɛ - ɔ̄chī nīi Ɔwɔ ge̍ē hɛ̍ ala̍ ē ta̍ a̍nɛ.
3Alɔ i̍ chikpo̍ nīi ɔ̄chɔ̄chɛ ge̍ ya̍ u̍ku̍rɔ̍ yī alɔ lɛfiyɛ ni̍. Wu̍chē yī ɔla̍ā, alɔ i̍ gū ɔ̄chɔ̄chɛ ɔpɔ̄pū yī lɛlɛ̄lā ni̍ lachi̍lachi̍. 4Ɔkɔkɔ ɔla̍ā, alɔ ē ya̍ ɛlāha̍ ɛlāha̍ wa̍a̍ ē chabɔ̄ hīka alɔ āchɛ yī Ɔwɔ nɛ. Alɔ ē mlɔtū kpɔ̍ɔ̍ la akanya ba̍la ichi̍ ba̍la ɔkpalɛ̄kā ɔha̍lɔha̍ wa̍a̍ nīi ē hɔ̄ de alɔ ma̍. 5Ɔha̍, e̍ ē gwō alɔ lijē, ku̍ alɔ ē tū igbakɔbɔ; e̍ ē grēeyī de ɛbɛ ē ti̍yatū wu̍chē yī alɔ. Ɔha̍, e̍ ē bī alɔ ē ya̍ u̍ku̍rɔ̍ ɔlwɔhɔ̍hu̍; alɔ i̍ ē gbwɔlā īkprī ni̍, ē chlɛ̄ɛmiyɛ bɛ̍ɛ̍. 6-7Bū la ɔlɛcha̍ri̍cha̍ri̍ yī alɔ, ba̍la ochi̍chi̍ yī lɛlā ojo̍ōje̍, ba̍la ɔtū ɔmɔ̄mla, ba̍la ɔlɛyaya, ba̍la ɔhɔtū olēchi̍ lēchi̍ nīi alɔ lɛ ma̍, ba̍la ɛrɔ̄ olēchi̍ lēchi̍ nīi alɔ bī ma̍, ba̍la Uhu Ɔnɛ̄ɛhɛhi yī Ɔwɔ, ba̍la la wɔhu̍ yī Ɔwɔ ɔlɔjā, alɔ de chabɔ̄ ke̍e̍ mɛ̍ hīka alɔ - a̍chɛ̍ yī Ɔwɔ nɛ. Ode lɛ kpakpa ba̍la Ɔwɔ lɔkɔ nīi alɔ de lɛ ma̍, anu̍ re̍ka ɔjālɛ̄wu̍ nīi alɔ ge̍ē bī nunu kɛ̄ɛ ē bī gbō iyī alɔ lɛhu̍ a̍nɛ. 8E̍ ē de otūlichō de alɔ; e̍ ē chī de liwēyī de alɔ. E̍ ē pra̍a alɔ ɛcha̍; e̍ ē chī kā alɔ ɔkɔ̄kā. E̍ ē nāa alɔ bāa alarīmɛ̄ ma̍; lɛlā olēchi̍ lēchi̍ ke̍e̍ nīi alɔ ē chī ka a̍nɛ. 9E̍ ē nāa alɔ bāa āchɛ nīi e̍ i̍ je̍ wā ni̍ ma̍; āchɛ wa̍a̍ chī je̍ alɔ. E̍ ē nāa alɔ bāa āchɛ nīi pīyaku̍ mɛ̍ ma̍, je̍ka aa̍ ala̍ ma̍, alɔ chī e̍e wōwi gblāa amu we̍. E̍ yɔ̍ɔ̄ya̍ alɔ ichi̍ nyaa ma̍, e̍ i̍ chī de alɔ ngmo̍ōngmo̍ ni̍. 10E̍ yɔ̍ɔ̄ya̍ nīi alɔ ge̍ē he̍ēyīwɔnɔ nyaa ma̍, alɔ ē lɛ ɔwɔ̄wīyā myɛ̄grāa-myɛ̄grāa. Alɔ lɛ bāa alyeklo̍ ma̍; alɔ ē chī ya̍ nīi āchɛ yɛ̄mɛ̄mɛ̄ de ē gbwɔdu a̍nɛ. Alɔ de ya̍ bɔ̄ɔjā nīi alɔ i̍ lɛ ɔjɔ̄jā ni̍ ma̍, alɔ kpɛ̍ɛ chī lɛ ɔjāmɔjā wa̍a̍ a̍nɛ.
11Aɛ̍ɛya alɔ lēchi̍ lēchi̍ yī ɔcha yī Ikɔ̍rīnti! Alɔ de lɛlā yī alɔ ka hwōō de ala̍ mɛ̍. Alɔ de ūkpɔ̄tū yī alɔ wa̍a̍ ta̍āpāapɛ̄ de ala̍ mɛ̍. 12Alɔ ma̍ de ūkpɔ̄tū yī alɔ ta̍āpāapɛ̄ de ala̍; ala̍ i̍ chɛ̄ de ūkpɔ̄tū yī ala̍ ta̍āpāapɛ̄ de alɔ ni̍ a̍nɛ. 13N ge̍ē kɛlā tāa ala̍ bɔ̄ɔjā nīi ala̍ - ayi̍ yī u ma̍ bɛ̍ɛ̄nɛ̄. Ala̍ ā gbɛri̍ya̍ tū alɔ lɔkɔ nīi alɔ yɛ ē gbɛri̍ya̍ ē tū ala̍ ma̍. Ala̍ ā lwāa ūkpɔ̄tū yī ala̍ ta̍āpāapɛ̄ de alɔ bɛ̍ɛ̄nɛ̄ gɛ.
Ɔna yī lɛlā yī āchɛ i̍je̍ Ɔwɔ ni̍
14Ala̍ ā chɛ̄rī hɛ̄ɛbɛ nīi ala̍ ge̍ e̍e bɔ̍ɔ̄ba̍ la u̍ku̍rɔ̍ ɔyɔ̍ɔ̄ya̍ ba̍la āchɛ nīi i̍ chɛ̄ku Ɔwɔ ni̍ ma̍ ni̍. Lɛlā nīi grāa kpakpa ma̍ ba̍la lɛlā nīi i̍ grāa ni̍ ma̍ gba̍a ē bɔ̍ɔ̄ba̍ tū la ɛbɛ ūkpo̍he? Kɛ̄ɛ ɛbɛ ɔlɛgēdēgēdē ba̍la ɛbɛ odobū tōtū ngmo̍tu̍chɛ̄ ma̍? 15Ikra̍yisi ba̍la Ɔngūwɛ̄gā i̍ āchɛ ɔchɛ̄ lɛlā ku ɔ̍nyīnū ni̍. I̍ngɔ̍ɔ nīi ɔ̄chɛ ɔchɛ̄ ku Ɔwɔ ba̍la ɔ̄chɛ i̍ chɛ̄ku Ɔwɔ ni̍ lɛ otū ngmo̍tu̍chɛ̄ ni̍ a̍nɛ. 16U̍nu̍ yī Ɔwɔ i̍ lɛ lɛlɛ̄lā ge̍ē ya̍ ē ngmo̍tu̍chɛ̄ ba̍la i̍kpe̍ēkū ni̍ kpɛkpɛ. Wu̍chē oji̍ nɛ, alɔ nūma̍ re̍ka u̍nu̍ yī Ɔwɔ nīi hɔ̄leyī ma̍ a̍nɛ. O̍ lɛ lɔkɔ nīi Ɔwɔ ɔlɔjā ka hɔ̄ ma̍ ma̍:
“N ge̍ē lwɔ̄lɛ̍ la āchɛ yī u.
N ge̍ē wā ge̍ē hɔ̄ la olo̍ōlo̍ yī wā.
N ge̍ē de ē re̍ka Ɔwɔ yī wā.
Aa̍ chī ge̍ē de ē re̍ka āchɛ yī u.”
17Wu̍chē yī ɔla̍ā, Ādā ɔlɔjā ka hīka,
“Ala̍ ā pīya hī āchɛ ɛla̍ā!
Ala̍ ā hwō iyī ala̍ ta̍ hī wā!
Ala̍ e̍e tābɔ̄ yī lɛlɛ̄lā ba̍la ɔjā yī lɛbi̍ ni̍!
Bū la ɛbɛ ɔla̍ā, n ge̍ē ku̍ ala̍ ē ba̍ ɔtū.
18N ge̍ē de ē pīya A̍dā yī ala̍.
Ala̍ chī ge̍ē de ē pīya ayi̍ yī u.
Ami - Ādādā nīi - Ɔgɔnyɛ Ɔnɔ̄kɔ̄kū Ma̍ ka a̍nɛ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)