11 ALIKƆ̍RĪNTI 7
7
1Aɛ̍nɛ̍ yī u! Alɔ nīi Ɔwɔ choko̍o yī lɛlā nūma̍ wa̍a̍ de alɔ a̍nɛ. O̍ lɛ i̍ngɔ̍ɔ ma̍, alɔ ā de iyī alɔ lā cha̍ri̍cha̍ri̍ ke̍e̍ hī ɛjāha̍ ɛjāha̍ nīi ē ya̍ nīi ibi̍īyē kɛ̄ɛ uhu yī ɔ̄chɛ ē de ē bri̍īnyī ma̍ gɛ, hɛ̄ɛbɛ nīi alɔ ā tūuhwi yī Ɔwɔ la ɔhɔ̄leyī yī alɔ, de iyī alɔ lā ke̍e̍ de ɔ̍.
Ɔwɔ̄wīyā yī Ipɔ̍ɔli
2Ala̍ ā kɛ̄ɛbɛ ta̍ de alɔ abɔ̍ɔ lipu̍ yī ūkpɔ̄tū yī ala̍ gɛ. Alɔ i̍ ya̍ ɔ̄chɔ̄chɛ ɔjā je̍ ni̍. Alɔ i̍ de ɔ̄chɔ̄chɛ bīya je̍ ni̍. Alɔ i̍ chī ya̍ ɔ̄chɛ ɔha̍ ɔyɔ̍ɔ̄ya̍ je̍ ni̍. 3N i̍ yɛ ē kɔ̄ka hɛ̄ɛbɛ ge̍ē hɛ̍ ala̍ lɛpɔ̄ ni̍. Lɔkɔ nīi n ka i̍gba̍a ma̍, ala̍ - āchɛ gba̍a̍ de alɔ nɛ. Alɔ ngmo̍tu̍chɛ̄ ba̍la ala̍ yɛ̄grāa ɔha̍lɔha̍, nīi alɔ ge̍ hɔ̄leyī kɛ̄ɛ pɔ̄pīyaku̍. 4N jo̍ōkū yī ala̍ hwɔhi hwɔhi. N ē wīyā kpɛ̍ɛ wu̍chē yī ala̍. Akanya ɛla̍ā wa̍a̍ nīi hɔ̄ de alɔ ma̍, ūkpɔ̄tū ku um amu brii kpɔ̍ɔ̍; ɔwɔ̄wīyā yī u mōmu kɔ̄ kpɔ̍tɔ̍kpɔ̍tɔ̍.
5Alɔ gbajɛ ga Imɛsɛdo̍niya ma̍, alɔ i̍ mɔ̍ɔ̄myɛ̍nyɛ̍ o̍bū ni̍, kpɛkpɛ. A̍tu̍tu̍ yī lɛlā ogbōgbo ba̍la apɔ̄ ogbōgbo rɛ abɔ̍ɔ la ɛbɛha̍ ɛbɛha̍ wa̍a̍; uhwi chī rɛ amu la ūkpɔ̄tū yī alɔ. 6Ɔwɔ nīi chī re̍ka otū ɔ̄chɛ ɔlɛkwīkwī wɔbɔ̄ ma̍ tū alɔ ūkpɔ̄tū yī yɛngrɔ̄ɔ brii bū la ɔwɔ̄wā nīi Ita̍yi̍tɔ̄ɔsi wā ma̍. 7I̍ ɔwɔ̄wā yī nū ke̍e̍ ni̍; oko̍o yī lɛlā nīi o̍ ka de alɔ lɔkɔ nīi ala̍ tū ɔ̄ ūkpɔ̄tū yī yɛngrɔ̄ɔ ma̍ nɛ. O̍ gba̍a koko̍o de alɔ hīka ala̍ ɔ̍lɔ yɛ abɔ̍ɔ ē chikpo̍ ge̍ē ma̍ amɔ̍lɔ. Ala̍ ɔ̍lɔ mlɛ̍ha̍ gba̍a̍; ala̍ ɔ̍lɔ tībi̍īyē ge̍ē gbō amɔ̍lɔ lēchi̍ lēchi̍. Wu̍chē yī ɔla̍ā, n lɛ ɔwɔ̄wīyā u̍ma̍ama kpɛ̍ɛ hi̍ ogbo̍gbe̍.
8Lɛlā nīi n ta̍ tū la īpū tɛ̄rɔ̄ hu ala̍ i̍krɔ̍ɔ ma̍ ya̍ nīi ala̍ he̍ēyīwɔnɔ nyaa ma̍, n i̍ hi̍je̍mā yī nū ni̍. N ma̍ nīi ɛrɔ̄ yī u ɔla̍ā ya̍ nīi ala̍ he̍ēyīwɔnɔ yɛ̄grāa ɔha̍ ma̍, n ke̍ ge̍ hi̍je̍mā. 9N chī lɛ ɔwɔ̄wīyā u̍ma̍ama. I̍ owu̍chē lɔkɔ nīi n ya̍ nīi ala̍ he̍ēyīwɔnɔ ma̍ - ohu̍ a̍ni̍. N lɛ ɔwɔ̄wīyā wu̍chē oji̍ nɛ, eyīwɔnɔ ɔla̍ā ya̍ nīi ala̍ pīyabɔ̄ta̍ ke̍e̍ mɛ̍. Ɔwɔ nāa eyīwɔnɔ ɔla̍ā bī ya̍ u̍ku̍rɔ̍ de ala̍ mɛ̍. Bū la ɛbɛ ɔla̍ā, o̍ re̍ka alɔ i̍ ya̍ ala̍ ɔdwɔ̄bi̍ ɔha̍lɔha̍ abɔ̍ɔ ni̍. 10Wu̍chē oji̍ nɛ, eyīwɔnɔ nīi Ɔwɔ nāa bī ya̍ u̍ku̍rɔ̍ ma̍, anu̍ bī ūkpɔ̄tū ɔpīyata̍ nīi - ɔpɔ̄pū yī ɔhɛ̍ta̍ ma̍ wā a̍nɛ. Ɔna̍ ohi̍je̍mā yī nū ma̍? Eyīwɔnɔ nīi - iyī lɛlā yī yɛchɛ nūma̍ ma̍, anu̍ ē bī ɔpīyaku̍ wā a̍nɛ. 11Ala̍ ā ma̍ lɔkɔ nīi Ɔwɔ bī eyīwɔnɔ yī ala̍ ɔla̍ā ya̍ u̍ku̍rɔ̍ ma̍ gɛ. Mɔ̍ɔkɔ nīi lɛlā olēchi̍ lēchi̍ hɔ̄ la ibi̍īyē yī ala̍ gɛ. Mɔ̍ɔkɔ nīi ala̍ yɛ ē hɔ̍ɔ̄hla̍ ge̍ē ma̍ hīka lɛlā ɔ̍lɔ ngma̍ la ala̍ gɛ. Ma̍ ita yī ɔtū ngurangura nīi ala̍ lɛ ma̍ gɛ, ba̍la uhwi ba̍la ɛri̍ya̍ yī lɛlā ba̍la ūkpɔ̄tū ode che lɛlā brii ba̍la ɔchɛ̄ hīka ala̍ ɔ̍lɔ ge̍ē hɛ̍ ɔ̄chɛ ɔdwɔ̄bi̍ lɛpɔ̄. Ala̍ de chabɔ̄ mɛ̍ hīka ala̍ ɔ̍lɔ i̍ ya̍ dwɔ̄bi̍ lipu̍ yī lɛlā nūma̍ wa̍a̍ ni̍.
12N ta̍ īpū ɔgwɔ̄gwā ɔla̍ā tɛ̄rɔ̄ nyaa ma̍, i̍ owu̍chē yī ɔ̄chɛ nīi ya̍ dwɔ̄bi̍ ma̍, kɛ̄ɛ ɔ̄chɛ nīi e̍ ya̍ ɔ̄ dwɔ̄bi̍ ma̍ ni̍. Ɔkɔkɔ ɔla̍ā, n ta̍ īpū ɔla̍ā hɛ̄ɛbɛ ge̍ē de ē chāyenyi la īkprī yī Ɔwɔ lɔkɔ nīi ala̍ de ūkpɔ̄tū che la alɔ brii ma̍. 13Anu̍ ohu̍ nīi ūkpɔ̄tū yī alɔ tu̍ ku brii a̍nɛ.
I̍ alalɔ nīi ala̍ tu̍ ūkpɔ̄tū yī alɔ ku i̍ngɔ̍ɔ ma̍ ni̍. Ita̍yi̍tɔ̄ɔsi ya̍ nīi alɔ wīyā kpɛ̍ɛ bū la ɔwɔ̄wīyā nīi anu̍ ɔlɔjā lɛ wu̍chē wɔbɔ̄ nīi ala̍ tū ɔ̄, mla anu̍ ɔtū ma̍. 14N bī ala̍ gbogū de ɔ̍ je̍; ala̍ i̍ chī de u ya̍ ɛhɛhɛ gɛ ni̍ mɛ̍. Lɛlā olēchi̍ lēchi̍ nīi alɔ ē ka ē de ala̍ yɛ̄grāa ɔha̍lɔha̍ a̍nɛ. Gala ɔgɔgu ɔla̍ā, onīi alɔ bī ala̍ gbogū de Ita̍yi̍tɔ̄ɔsi wa̍a̍ ma̍ de pīya ichɛ̄ɛhi i̍ngɔ̍ɔ ke̍e̍ mɛ̍. 15Bū la ɛbɛ ɔla̍ā, o̍ ge̍ yɛ ē bla lɔkɔ nīi ala̍ tībi̍īyē ge̍ē ya̍ ɔjā nīi o̍ ka ma̍, ba̍la ɔkɔ nīi ala̍ ta̍ ɔ̄ ogo̍go̍o luhwi luhwi hi̍bi̍īyē ejē de ɔ̍ ma̍, o̍ ge̍ē yɔ̍ɔhɔtū yī ala̍ ē gāa iyɔ̄bū iyɔ̄bū. 16Ɔwɔ̄wīyā yī u mwɛbɛ kpɛ̍ɛ nīi n jo̍ōkū hīka ɔtū nīi n de che ala̍ ma̍ de grāa i̍ngɔ̍ɔ ke̍e̍ ma̍.
Currently Selected:
11 ALIKƆ̍RĪNTI 7: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALIKƆ̍RĪNTI 7
7
1Aɛ̍nɛ̍ yī u! Alɔ nīi Ɔwɔ choko̍o yī lɛlā nūma̍ wa̍a̍ de alɔ a̍nɛ. O̍ lɛ i̍ngɔ̍ɔ ma̍, alɔ ā de iyī alɔ lā cha̍ri̍cha̍ri̍ ke̍e̍ hī ɛjāha̍ ɛjāha̍ nīi ē ya̍ nīi ibi̍īyē kɛ̄ɛ uhu yī ɔ̄chɛ ē de ē bri̍īnyī ma̍ gɛ, hɛ̄ɛbɛ nīi alɔ ā tūuhwi yī Ɔwɔ la ɔhɔ̄leyī yī alɔ, de iyī alɔ lā ke̍e̍ de ɔ̍.
Ɔwɔ̄wīyā yī Ipɔ̍ɔli
2Ala̍ ā kɛ̄ɛbɛ ta̍ de alɔ abɔ̍ɔ lipu̍ yī ūkpɔ̄tū yī ala̍ gɛ. Alɔ i̍ ya̍ ɔ̄chɔ̄chɛ ɔjā je̍ ni̍. Alɔ i̍ de ɔ̄chɔ̄chɛ bīya je̍ ni̍. Alɔ i̍ chī ya̍ ɔ̄chɛ ɔha̍ ɔyɔ̍ɔ̄ya̍ je̍ ni̍. 3N i̍ yɛ ē kɔ̄ka hɛ̄ɛbɛ ge̍ē hɛ̍ ala̍ lɛpɔ̄ ni̍. Lɔkɔ nīi n ka i̍gba̍a ma̍, ala̍ - āchɛ gba̍a̍ de alɔ nɛ. Alɔ ngmo̍tu̍chɛ̄ ba̍la ala̍ yɛ̄grāa ɔha̍lɔha̍, nīi alɔ ge̍ hɔ̄leyī kɛ̄ɛ pɔ̄pīyaku̍. 4N jo̍ōkū yī ala̍ hwɔhi hwɔhi. N ē wīyā kpɛ̍ɛ wu̍chē yī ala̍. Akanya ɛla̍ā wa̍a̍ nīi hɔ̄ de alɔ ma̍, ūkpɔ̄tū ku um amu brii kpɔ̍ɔ̍; ɔwɔ̄wīyā yī u mōmu kɔ̄ kpɔ̍tɔ̍kpɔ̍tɔ̍.
5Alɔ gbajɛ ga Imɛsɛdo̍niya ma̍, alɔ i̍ mɔ̍ɔ̄myɛ̍nyɛ̍ o̍bū ni̍, kpɛkpɛ. A̍tu̍tu̍ yī lɛlā ogbōgbo ba̍la apɔ̄ ogbōgbo rɛ abɔ̍ɔ la ɛbɛha̍ ɛbɛha̍ wa̍a̍; uhwi chī rɛ amu la ūkpɔ̄tū yī alɔ. 6Ɔwɔ nīi chī re̍ka otū ɔ̄chɛ ɔlɛkwīkwī wɔbɔ̄ ma̍ tū alɔ ūkpɔ̄tū yī yɛngrɔ̄ɔ brii bū la ɔwɔ̄wā nīi Ita̍yi̍tɔ̄ɔsi wā ma̍. 7I̍ ɔwɔ̄wā yī nū ke̍e̍ ni̍; oko̍o yī lɛlā nīi o̍ ka de alɔ lɔkɔ nīi ala̍ tū ɔ̄ ūkpɔ̄tū yī yɛngrɔ̄ɔ ma̍ nɛ. O̍ gba̍a koko̍o de alɔ hīka ala̍ ɔ̍lɔ yɛ abɔ̍ɔ ē chikpo̍ ge̍ē ma̍ amɔ̍lɔ. Ala̍ ɔ̍lɔ mlɛ̍ha̍ gba̍a̍; ala̍ ɔ̍lɔ tībi̍īyē ge̍ē gbō amɔ̍lɔ lēchi̍ lēchi̍. Wu̍chē yī ɔla̍ā, n lɛ ɔwɔ̄wīyā u̍ma̍ama kpɛ̍ɛ hi̍ ogbo̍gbe̍.
8Lɛlā nīi n ta̍ tū la īpū tɛ̄rɔ̄ hu ala̍ i̍krɔ̍ɔ ma̍ ya̍ nīi ala̍ he̍ēyīwɔnɔ nyaa ma̍, n i̍ hi̍je̍mā yī nū ni̍. N ma̍ nīi ɛrɔ̄ yī u ɔla̍ā ya̍ nīi ala̍ he̍ēyīwɔnɔ yɛ̄grāa ɔha̍ ma̍, n ke̍ ge̍ hi̍je̍mā. 9N chī lɛ ɔwɔ̄wīyā u̍ma̍ama. I̍ owu̍chē lɔkɔ nīi n ya̍ nīi ala̍ he̍ēyīwɔnɔ ma̍ - ohu̍ a̍ni̍. N lɛ ɔwɔ̄wīyā wu̍chē oji̍ nɛ, eyīwɔnɔ ɔla̍ā ya̍ nīi ala̍ pīyabɔ̄ta̍ ke̍e̍ mɛ̍. Ɔwɔ nāa eyīwɔnɔ ɔla̍ā bī ya̍ u̍ku̍rɔ̍ de ala̍ mɛ̍. Bū la ɛbɛ ɔla̍ā, o̍ re̍ka alɔ i̍ ya̍ ala̍ ɔdwɔ̄bi̍ ɔha̍lɔha̍ abɔ̍ɔ ni̍. 10Wu̍chē oji̍ nɛ, eyīwɔnɔ nīi Ɔwɔ nāa bī ya̍ u̍ku̍rɔ̍ ma̍, anu̍ bī ūkpɔ̄tū ɔpīyata̍ nīi - ɔpɔ̄pū yī ɔhɛ̍ta̍ ma̍ wā a̍nɛ. Ɔna̍ ohi̍je̍mā yī nū ma̍? Eyīwɔnɔ nīi - iyī lɛlā yī yɛchɛ nūma̍ ma̍, anu̍ ē bī ɔpīyaku̍ wā a̍nɛ. 11Ala̍ ā ma̍ lɔkɔ nīi Ɔwɔ bī eyīwɔnɔ yī ala̍ ɔla̍ā ya̍ u̍ku̍rɔ̍ ma̍ gɛ. Mɔ̍ɔkɔ nīi lɛlā olēchi̍ lēchi̍ hɔ̄ la ibi̍īyē yī ala̍ gɛ. Mɔ̍ɔkɔ nīi ala̍ yɛ ē hɔ̍ɔ̄hla̍ ge̍ē ma̍ hīka lɛlā ɔ̍lɔ ngma̍ la ala̍ gɛ. Ma̍ ita yī ɔtū ngurangura nīi ala̍ lɛ ma̍ gɛ, ba̍la uhwi ba̍la ɛri̍ya̍ yī lɛlā ba̍la ūkpɔ̄tū ode che lɛlā brii ba̍la ɔchɛ̄ hīka ala̍ ɔ̍lɔ ge̍ē hɛ̍ ɔ̄chɛ ɔdwɔ̄bi̍ lɛpɔ̄. Ala̍ de chabɔ̄ mɛ̍ hīka ala̍ ɔ̍lɔ i̍ ya̍ dwɔ̄bi̍ lipu̍ yī lɛlā nūma̍ wa̍a̍ ni̍.
12N ta̍ īpū ɔgwɔ̄gwā ɔla̍ā tɛ̄rɔ̄ nyaa ma̍, i̍ owu̍chē yī ɔ̄chɛ nīi ya̍ dwɔ̄bi̍ ma̍, kɛ̄ɛ ɔ̄chɛ nīi e̍ ya̍ ɔ̄ dwɔ̄bi̍ ma̍ ni̍. Ɔkɔkɔ ɔla̍ā, n ta̍ īpū ɔla̍ā hɛ̄ɛbɛ ge̍ē de ē chāyenyi la īkprī yī Ɔwɔ lɔkɔ nīi ala̍ de ūkpɔ̄tū che la alɔ brii ma̍. 13Anu̍ ohu̍ nīi ūkpɔ̄tū yī alɔ tu̍ ku brii a̍nɛ.
I̍ alalɔ nīi ala̍ tu̍ ūkpɔ̄tū yī alɔ ku i̍ngɔ̍ɔ ma̍ ni̍. Ita̍yi̍tɔ̄ɔsi ya̍ nīi alɔ wīyā kpɛ̍ɛ bū la ɔwɔ̄wīyā nīi anu̍ ɔlɔjā lɛ wu̍chē wɔbɔ̄ nīi ala̍ tū ɔ̄, mla anu̍ ɔtū ma̍. 14N bī ala̍ gbogū de ɔ̍ je̍; ala̍ i̍ chī de u ya̍ ɛhɛhɛ gɛ ni̍ mɛ̍. Lɛlā olēchi̍ lēchi̍ nīi alɔ ē ka ē de ala̍ yɛ̄grāa ɔha̍lɔha̍ a̍nɛ. Gala ɔgɔgu ɔla̍ā, onīi alɔ bī ala̍ gbogū de Ita̍yi̍tɔ̄ɔsi wa̍a̍ ma̍ de pīya ichɛ̄ɛhi i̍ngɔ̍ɔ ke̍e̍ mɛ̍. 15Bū la ɛbɛ ɔla̍ā, o̍ ge̍ yɛ ē bla lɔkɔ nīi ala̍ tībi̍īyē ge̍ē ya̍ ɔjā nīi o̍ ka ma̍, ba̍la ɔkɔ nīi ala̍ ta̍ ɔ̄ ogo̍go̍o luhwi luhwi hi̍bi̍īyē ejē de ɔ̍ ma̍, o̍ ge̍ē yɔ̍ɔhɔtū yī ala̍ ē gāa iyɔ̄bū iyɔ̄bū. 16Ɔwɔ̄wīyā yī u mwɛbɛ kpɛ̍ɛ nīi n jo̍ōkū hīka ɔtū nīi n de che ala̍ ma̍ de grāa i̍ngɔ̍ɔ ke̍e̍ ma̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)