11 ALIKƆ̍RĪNTI 5
5
1Wu̍chē oji̍ nɛ, ibi̍īyē yī alɔ nūma̍ nīi - a̍ywɔ̍da̍ nīi alɔ tū ma̍ la anu̍ ma̍ ge̍ē ku̍ ē gbo ma̍, Ɔwɔ ge̍ē de wɔlɛ̍ ɔha̍ ē de alɔ abɔ̍ɔ la ichō. Wɔlɛ̍ nīi anu̍ ɔlɔjā gwo̍ nīi ge̍ē ri̍yɛchɛ ē ku yɛ̄grāa ɔha̍lɔha̍ ma̍ nɛ. 2U̍ma̍ama, alɔ yɛ amu ē ta̍pi̍yɔ̍, o̍ yɛ amu ē hla̍ alɔ kpɛ̍ɛ la ɔnāa wɔlɛ̍ yī alɔ nīi hɔ̄ la ichō ma̍ ru bāa aru̍ ma̍. 3Alɔ ge̍ de nāa ru i̍ngɔ̍ɔ mɛ̍, o̍ i̍ ge̍ē gba̍a ē lɛ bɔ̄ɔjā nīi alɔ yɛ la ibi̍īyē ɛwɛwa ma̍ ē gɛ ni̍. 4Onūma̍ nīi alɔ tū ma̍ la a̍ywɔ̍da̍ yī yɛchɛ nūma̍ ma̍, alɔ yɛ amu ē ti̍iru hīka e̍ ē mɔ̍ɔ̄ma̍chi̍ ē ya̍ alɔ ichi̍. Alɔ i̍ yɛ ē chikpo̍ ge̍ē tu̍ ē hī ibi̍īyē yī alɔ yī lipu̍ yī yɛchɛ nūma̍ ta̍anū ni̍. Ɔkɔkɔ ɔla̍ā alɔ yɛ ē chikpo̍ ge̍ē nāa ibi̍īyē ɔla̍ā nīi - iyī ichō ma̍ ē ru hɛ̄ɛbɛ nīi ɔhɔ̄leyī de ɔjā oko̍ōku̍ mɛ nūma̍ nāa ē mlɛ. 5Ɔwɔ ɔlɔjā ya̍ ɔhīyabɔ̄ nūma̍ lā de alɔ a̍nɛ. O̍ de Uhu Ɔnɛ̄ɛhɛhi yī nū de alɔ hɛ̄ɛbɛ nīi alɔ ge̍ē jo̍ōkū hwɔhi hwɔhi hīka alɔ ge̍ē nāa ɔjā nīi o̍ de lā de alɔ ma̍.
6Wu̍chē yī ɔla̍ā, ūkpɔ̄tū ku alɔ brii myɛ̄grāa-myɛ̄grāa. Alɔ jo̍ōkū hīka, kpɛɛ nīi alɔ chī e̍e hɔ̄ amu wɔlɛ̍ la ibi̍īyē nūma̍ ma̍, alɔ hɔ̄ hwɛɛ hī wɔlɛ̍ yī Ādā Nīi - Ɔwɔ Ma̍ we̍. 7Ɔhɔ̄leyī yī alɔ - iyī ɔtū ode chōche nɛ, i̍ iyī ɔma̍ la eyī ni̍. 8Wu̍chē yī ɔla̍ā, ūkpɔ̄tū ku alɔ brii. O̍ ē ngma̍ nīi alɔ ē pīya ē hī wɔlɛ̍ nīi - iyī ibi̍īyē nūma̍ ma̍ gāa ge̍ē hɔ̄ la wɔlɛ̍ yī Ādā Nīi - Ɔwɔ Ma̍. 9O̍ ge̍ chī ro̍ōre̍ka alɔ hɔ̄ la wɔlɛ̍ yī alɔ amu kɛ̄ɛ abɔ̍ɔ oo, onīi - ɔka̍ka̍ gɔ̄ga nīi alɔ chikpo̍ ge̍ē ya̍ ma̍ - ɔyɛ̍ɛ̄lā nīi lɛ Ādā wɔnyɛ ma̍ nɛ. 10Wu̍chē oji̍ nɛ, alɔ wa̍a̍ ge̍ē bīyɛchɛ ge̍ē rɛ la iyɔ̄bū yī Ikra̍yisi nīi o̍ ē hlɛ̍ɛ̄pɔ̄ yī alɔ. Ɔ̄chɛmɔ̄chɛ ge̍ē nāa ɔjā nīi ngma̍ la anu̍ ma̍, gala ɔgɔgu yī lɛlā ɔnɛ̄ɛhɛhi kɛ̄ɛ ɔdwɔ̄bi̍ nīi ɔlɔjā ya̍ la ɔhɔ̄leyī yī ibi̍īyē nūma̍ ma̍.
Lɛya ore̍ tāa Ɔwɔ gala abɔ̄ yī Ikra̍yisi
11Alɔ je̍ ɔjā nīi re̍ka uhwi yī Ādā la otōtū ma̍. Anu̍ - ohu̍ nīi alɔ ē ra̍ābɔ̄ yī lɛlā de āchɛ a̍nɛ. Ɔwɔ ɔlɔjā jo̍ōkū yī alɔ la ɔgɔ̄grāa. N chī de ɔtū che hīka ala̍ jo̍ōkū yī ami i̍ngi̍ngɔ̍ɔ abɔ̍ɔ la ūkpɔ̄tū yī ala̍. 12Alɔ i̍ yɛ gbla̍a iyī alɔ ē chabɔ̄ ochōche ē hu̍ ala̍ ni̍. Alɔ yɛ ē chabɔ̄ yī ochi̍chi̍ yī lɛlā nīi ala̍ ge̍ē bī alɔ ē wīyā ma̍. Bū la onūma̍, ala̍ ge̍ē lɛ ɔkɔlɛ̄lā ɔha̍ ē hīya āchɛ ɛha̍ nīi ē ma̍ āchɛ ji ē bī wā gbogū, nīi i̍ ē ma̍ abɔ̄ lɛlā yī wā o̍bū ni̍ ma̍. 13Alɔ ge̍ de gbɔ̍ɔ̄gbyɛ̍lɛ̍ oo; wu̍chē yī ɔkɔ̄kā yī Ɔwɔ nɛ. Alɔ ge̍ chī ro̍ōre̍ka āchɛ ɛlɛdu̍mɔ̍ oo, ɔ̍lɔma̍ wu̍chē yī ɔnɛ̄ɛhɛhi de ala̍ nɛ. 14U̍ma̍ama, alɔ wa̍a̍ jo̍ōkū hīka Ikra̍yisi ɔ̄chɛ ūkpo̍he pīyaku̍ wu̍chē yī āchɛ̄ɛchɛ wa̍a̍ a̍nɛ. Ɔla̍ā re̍ka āchɛ̄ɛchɛ wa̍a̍ ma̍ ɔpīyaku̍ ɔla̍ā tāa anu̍. Ɔhɔtū nīi Ikra̍yisi lɛ la alɔ ma̍ ē gbō alɔ a̍nɛ. 15Ikra̍yisi pīyaku̍ wu̍chē yī āchɛ̄ɛchɛ wa̍a̍ hɛ̄ɛbɛ nīi āchɛ ɛla̍ā nīi de wōwi ma̍ i̍ ge̍ē hɔ̄leyī de iyī aa̍ ɛlɛjā gɛ ni̍; e̍ ge̍ē hɔ̄leyī de anu̍ nīi pīyaku̍, gba̍a hye̍ēyī la okū wu̍chē yī wā ma̍.
16Wu̍chē yī ɔla̍ā, alɔ i̍ ē myɛ̍ma̍ yī lɛlā ji gala ɔgu nīi alɔ āchɛ̄ɛchɛ ē myɛ̍ma̍ yī lɛlā ma̍ ē gɛ ni̍. Alɔ mɔ̍ɔ̄myɛ̍ma̍ yī lɛlā yī Ikra̍yisi gala ɔgɔgu lɔkɔ nīi alɔ āchɛ̄ɛchɛ ē myɛ̍ma̍ yī lɛlā i̍ngɔ̍ɔ je̍ nyaa ma̍, alɔ i̍ yɛ ē ya̍ i̍ngɔ̍ɔ ē gɛ ni̍. 17Ɔ̄chɛ ge̍ tū ba̍la Ikra̍yisi mɛ̍, ɔlɔjā de ē pīya ɔ̄chɛ onīpīpɛ̄ wa̍a̍ ligbo̍-ligbo̍. Ɔnɛ̄chɛ̄ ē pīyēbi̍ ke̍e̍; onīpīpɛ̄ yī nū wā hɔ̄ aa̍ bɛ̍ɛ̄nɛ̄ a̍nɛ. 18Lɛlā nūma̍ wa̍a̍, Ɔwɔ ya̍ a̍nɛ. Ɔwɔ de alɔ nīi - aluji yī nū o̍bū ma̍ pīya aɛ̍ɛya anu̍ ɔlɔjā gala abɔ̄ yī Ikra̍yisi. Bɛ̍ɛ̄nɛ̄ ma̍, o̍ wā ge̍ de u̍ku̍rɔ̍ nūma̍ de alɔ nīi alɔ ge̍ē ku̍ āchɛ ɛha̍ lɛya ē de ɔ̍ titi. 19Ɛrɔ̄ nīi alɔ yɛ ē ka ma̍ re̍ka, Ɔwɔ yɛ amu ē ku̍ āchɛ lɛya gala abɔ̄ yī Ikra̍yisi mɛ̍. Ɔwɔ i̍ de lɛlā ɔdwɔ̄bi̍ yī wā lā abɔ̍ɔ ga̍nū ni̍. Ɔkɔkɔ ɔla̍ā, o̍ tū alɔ ɛrɔ̄ lɔkɔ nīi o̍ ē ku̍ āchɛ lɛya ma̍.
20Ala̍ ma̍ gɛ! Alɔ yɛ ma̍ ē kɛlā de ala̍ kulɛhu̍ yī Ikra̍yisi mɛ̍. O̍ de ya̍ bɔ̄ɔjā nīi Ɔwɔ ɔlɔjā yɛ ē ta̍ ala̍ ɔna yī lɛlā gala abɔ̄ yī alɔ a̍nɛ ma̍. Ala̍ chu̍chu̍u, alɔ ra̍ābɔ̄ de ala̍ kulɛhu̍ yī Ikra̍yisi! Ala̍ ā pi̍ye̍mā nīi Ɔwɔ ge̍ de ala̍ pīyabɔ̄ta̍ bū la aluji yī nū ga aɛ̍ɛya anu̍ ɔlɔjā gɛ. 21Ikra̍yisi ɔlɔjā i̍ tū abi̍ ni̍ lachi̍lachi̍. Wu̍chē yī alɔ, Ɔwɔ ya̍ ɔ̄ nīi o̍ tū la lɛlā ɔdwɔ̄bi̍ yī alɔ āchɛ̄ɛchɛ, hɛ̄ɛbɛ nīi alɔ ge̍ē bɔ̍ɔ̄ba̍ de ē lɛ kpakpa la eyī Ɔwɔ ɔlɔjā bū la ongmo̍tu̍chɛ̄ yī alɔ ba̍la Ikra̍yisi.
Currently Selected:
11 ALIKƆ̍RĪNTI 5: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALIKƆ̍RĪNTI 5
5
1Wu̍chē oji̍ nɛ, ibi̍īyē yī alɔ nūma̍ nīi - a̍ywɔ̍da̍ nīi alɔ tū ma̍ la anu̍ ma̍ ge̍ē ku̍ ē gbo ma̍, Ɔwɔ ge̍ē de wɔlɛ̍ ɔha̍ ē de alɔ abɔ̍ɔ la ichō. Wɔlɛ̍ nīi anu̍ ɔlɔjā gwo̍ nīi ge̍ē ri̍yɛchɛ ē ku yɛ̄grāa ɔha̍lɔha̍ ma̍ nɛ. 2U̍ma̍ama, alɔ yɛ amu ē ta̍pi̍yɔ̍, o̍ yɛ amu ē hla̍ alɔ kpɛ̍ɛ la ɔnāa wɔlɛ̍ yī alɔ nīi hɔ̄ la ichō ma̍ ru bāa aru̍ ma̍. 3Alɔ ge̍ de nāa ru i̍ngɔ̍ɔ mɛ̍, o̍ i̍ ge̍ē gba̍a ē lɛ bɔ̄ɔjā nīi alɔ yɛ la ibi̍īyē ɛwɛwa ma̍ ē gɛ ni̍. 4Onūma̍ nīi alɔ tū ma̍ la a̍ywɔ̍da̍ yī yɛchɛ nūma̍ ma̍, alɔ yɛ amu ē ti̍iru hīka e̍ ē mɔ̍ɔ̄ma̍chi̍ ē ya̍ alɔ ichi̍. Alɔ i̍ yɛ ē chikpo̍ ge̍ē tu̍ ē hī ibi̍īyē yī alɔ yī lipu̍ yī yɛchɛ nūma̍ ta̍anū ni̍. Ɔkɔkɔ ɔla̍ā alɔ yɛ ē chikpo̍ ge̍ē nāa ibi̍īyē ɔla̍ā nīi - iyī ichō ma̍ ē ru hɛ̄ɛbɛ nīi ɔhɔ̄leyī de ɔjā oko̍ōku̍ mɛ nūma̍ nāa ē mlɛ. 5Ɔwɔ ɔlɔjā ya̍ ɔhīyabɔ̄ nūma̍ lā de alɔ a̍nɛ. O̍ de Uhu Ɔnɛ̄ɛhɛhi yī nū de alɔ hɛ̄ɛbɛ nīi alɔ ge̍ē jo̍ōkū hwɔhi hwɔhi hīka alɔ ge̍ē nāa ɔjā nīi o̍ de lā de alɔ ma̍.
6Wu̍chē yī ɔla̍ā, ūkpɔ̄tū ku alɔ brii myɛ̄grāa-myɛ̄grāa. Alɔ jo̍ōkū hīka, kpɛɛ nīi alɔ chī e̍e hɔ̄ amu wɔlɛ̍ la ibi̍īyē nūma̍ ma̍, alɔ hɔ̄ hwɛɛ hī wɔlɛ̍ yī Ādā Nīi - Ɔwɔ Ma̍ we̍. 7Ɔhɔ̄leyī yī alɔ - iyī ɔtū ode chōche nɛ, i̍ iyī ɔma̍ la eyī ni̍. 8Wu̍chē yī ɔla̍ā, ūkpɔ̄tū ku alɔ brii. O̍ ē ngma̍ nīi alɔ ē pīya ē hī wɔlɛ̍ nīi - iyī ibi̍īyē nūma̍ ma̍ gāa ge̍ē hɔ̄ la wɔlɛ̍ yī Ādā Nīi - Ɔwɔ Ma̍. 9O̍ ge̍ chī ro̍ōre̍ka alɔ hɔ̄ la wɔlɛ̍ yī alɔ amu kɛ̄ɛ abɔ̍ɔ oo, onīi - ɔka̍ka̍ gɔ̄ga nīi alɔ chikpo̍ ge̍ē ya̍ ma̍ - ɔyɛ̍ɛ̄lā nīi lɛ Ādā wɔnyɛ ma̍ nɛ. 10Wu̍chē oji̍ nɛ, alɔ wa̍a̍ ge̍ē bīyɛchɛ ge̍ē rɛ la iyɔ̄bū yī Ikra̍yisi nīi o̍ ē hlɛ̍ɛ̄pɔ̄ yī alɔ. Ɔ̄chɛmɔ̄chɛ ge̍ē nāa ɔjā nīi ngma̍ la anu̍ ma̍, gala ɔgɔgu yī lɛlā ɔnɛ̄ɛhɛhi kɛ̄ɛ ɔdwɔ̄bi̍ nīi ɔlɔjā ya̍ la ɔhɔ̄leyī yī ibi̍īyē nūma̍ ma̍.
Lɛya ore̍ tāa Ɔwɔ gala abɔ̄ yī Ikra̍yisi
11Alɔ je̍ ɔjā nīi re̍ka uhwi yī Ādā la otōtū ma̍. Anu̍ - ohu̍ nīi alɔ ē ra̍ābɔ̄ yī lɛlā de āchɛ a̍nɛ. Ɔwɔ ɔlɔjā jo̍ōkū yī alɔ la ɔgɔ̄grāa. N chī de ɔtū che hīka ala̍ jo̍ōkū yī ami i̍ngi̍ngɔ̍ɔ abɔ̍ɔ la ūkpɔ̄tū yī ala̍. 12Alɔ i̍ yɛ gbla̍a iyī alɔ ē chabɔ̄ ochōche ē hu̍ ala̍ ni̍. Alɔ yɛ ē chabɔ̄ yī ochi̍chi̍ yī lɛlā nīi ala̍ ge̍ē bī alɔ ē wīyā ma̍. Bū la onūma̍, ala̍ ge̍ē lɛ ɔkɔlɛ̄lā ɔha̍ ē hīya āchɛ ɛha̍ nīi ē ma̍ āchɛ ji ē bī wā gbogū, nīi i̍ ē ma̍ abɔ̄ lɛlā yī wā o̍bū ni̍ ma̍. 13Alɔ ge̍ de gbɔ̍ɔ̄gbyɛ̍lɛ̍ oo; wu̍chē yī ɔkɔ̄kā yī Ɔwɔ nɛ. Alɔ ge̍ chī ro̍ōre̍ka āchɛ ɛlɛdu̍mɔ̍ oo, ɔ̍lɔma̍ wu̍chē yī ɔnɛ̄ɛhɛhi de ala̍ nɛ. 14U̍ma̍ama, alɔ wa̍a̍ jo̍ōkū hīka Ikra̍yisi ɔ̄chɛ ūkpo̍he pīyaku̍ wu̍chē yī āchɛ̄ɛchɛ wa̍a̍ a̍nɛ. Ɔla̍ā re̍ka āchɛ̄ɛchɛ wa̍a̍ ma̍ ɔpīyaku̍ ɔla̍ā tāa anu̍. Ɔhɔtū nīi Ikra̍yisi lɛ la alɔ ma̍ ē gbō alɔ a̍nɛ. 15Ikra̍yisi pīyaku̍ wu̍chē yī āchɛ̄ɛchɛ wa̍a̍ hɛ̄ɛbɛ nīi āchɛ ɛla̍ā nīi de wōwi ma̍ i̍ ge̍ē hɔ̄leyī de iyī aa̍ ɛlɛjā gɛ ni̍; e̍ ge̍ē hɔ̄leyī de anu̍ nīi pīyaku̍, gba̍a hye̍ēyī la okū wu̍chē yī wā ma̍.
16Wu̍chē yī ɔla̍ā, alɔ i̍ ē myɛ̍ma̍ yī lɛlā ji gala ɔgu nīi alɔ āchɛ̄ɛchɛ ē myɛ̍ma̍ yī lɛlā ma̍ ē gɛ ni̍. Alɔ mɔ̍ɔ̄myɛ̍ma̍ yī lɛlā yī Ikra̍yisi gala ɔgɔgu lɔkɔ nīi alɔ āchɛ̄ɛchɛ ē myɛ̍ma̍ yī lɛlā i̍ngɔ̍ɔ je̍ nyaa ma̍, alɔ i̍ yɛ ē ya̍ i̍ngɔ̍ɔ ē gɛ ni̍. 17Ɔ̄chɛ ge̍ tū ba̍la Ikra̍yisi mɛ̍, ɔlɔjā de ē pīya ɔ̄chɛ onīpīpɛ̄ wa̍a̍ ligbo̍-ligbo̍. Ɔnɛ̄chɛ̄ ē pīyēbi̍ ke̍e̍; onīpīpɛ̄ yī nū wā hɔ̄ aa̍ bɛ̍ɛ̄nɛ̄ a̍nɛ. 18Lɛlā nūma̍ wa̍a̍, Ɔwɔ ya̍ a̍nɛ. Ɔwɔ de alɔ nīi - aluji yī nū o̍bū ma̍ pīya aɛ̍ɛya anu̍ ɔlɔjā gala abɔ̄ yī Ikra̍yisi. Bɛ̍ɛ̄nɛ̄ ma̍, o̍ wā ge̍ de u̍ku̍rɔ̍ nūma̍ de alɔ nīi alɔ ge̍ē ku̍ āchɛ ɛha̍ lɛya ē de ɔ̍ titi. 19Ɛrɔ̄ nīi alɔ yɛ ē ka ma̍ re̍ka, Ɔwɔ yɛ amu ē ku̍ āchɛ lɛya gala abɔ̄ yī Ikra̍yisi mɛ̍. Ɔwɔ i̍ de lɛlā ɔdwɔ̄bi̍ yī wā lā abɔ̍ɔ ga̍nū ni̍. Ɔkɔkɔ ɔla̍ā, o̍ tū alɔ ɛrɔ̄ lɔkɔ nīi o̍ ē ku̍ āchɛ lɛya ma̍.
20Ala̍ ma̍ gɛ! Alɔ yɛ ma̍ ē kɛlā de ala̍ kulɛhu̍ yī Ikra̍yisi mɛ̍. O̍ de ya̍ bɔ̄ɔjā nīi Ɔwɔ ɔlɔjā yɛ ē ta̍ ala̍ ɔna yī lɛlā gala abɔ̄ yī alɔ a̍nɛ ma̍. Ala̍ chu̍chu̍u, alɔ ra̍ābɔ̄ de ala̍ kulɛhu̍ yī Ikra̍yisi! Ala̍ ā pi̍ye̍mā nīi Ɔwɔ ge̍ de ala̍ pīyabɔ̄ta̍ bū la aluji yī nū ga aɛ̍ɛya anu̍ ɔlɔjā gɛ. 21Ikra̍yisi ɔlɔjā i̍ tū abi̍ ni̍ lachi̍lachi̍. Wu̍chē yī alɔ, Ɔwɔ ya̍ ɔ̄ nīi o̍ tū la lɛlā ɔdwɔ̄bi̍ yī alɔ āchɛ̄ɛchɛ, hɛ̄ɛbɛ nīi alɔ ge̍ē bɔ̍ɔ̄ba̍ de ē lɛ kpakpa la eyī Ɔwɔ ɔlɔjā bū la ongmo̍tu̍chɛ̄ yī alɔ ba̍la Ikra̍yisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)