11 ALIKƆ̍RĪNTI 4
4
Ɔjā ɔlamu ɔlamu ode gbō la yɛ̄hī
1Ɔwɔ ɔlɔjā mlɛ̍ha̍ yī alɔ de u̍ku̍rɔ̍ nūma̍ de alɔ a̍nɛ. Wu̍chē yī ɔla̍ā, ɔjɔ̄jā i̍ ē ti̍ya alɔ ūkpɔ̄tū tū mɛ ni̍. 2Alɔ tu̍labɔ̄ hī lɛlā ɔya̍ fi̍yɛ̍-fi̍yɛ̍ ba̍la lɛlā oliwēyī iwēyī ɔha̍lɔha̍ wa̍a̍ mɛ̍. Lɛlā ɔya̍ la a̍chālā a̍chālā, kɛ̄ɛ ɔya̍ de lɛlā yī Ɔwɔ pīya arīmɛ̄ wa̍a̍, alɔ wa̍ābɔ̄ yī wā mɛ̍. Alɔ ē kɛlā olēchi̍ lēchi̍ la ogēdēgēdē de āchɛ wa̍a̍ la ɔhɔ̄leyī yī alɔ la eyī yī Ɔwɔ. I̍ngɔ̍ɔ nīi alɔ ē chabɔ̄ yī iyī alɔ ē hu̍ ɔ̄chɛmɔ̄chɛ nīi lɛ ɛri̍ya̍ yī ūkpɔ̄tū ma̍ a̍nɛ. 3Wɔ̄kā Ɔlwɔnyɛ yī Ɔwɔ nīi alɔ ē kā ma̍ ge̍ trɛ̍ba, ɔ̍lɔma̍ āchɛ nīi ge̍ē pīyēbi̍ ma̍ nīi o̍ trɛ̍ba hī wā a̍nɛ. 4E̍ i̍ chɛ̄ mɛ ni̍, wu̍chē oji̍ nɛ, ɔwɔ ɔdwɔ̄bi̍ ɔha̍ amu lipu̍ yī yɛchɛ nūma̍ de wa̍ ūkpɔ̄tū gū. O̍ i̍ chɛ̄ nīi e̍ ma̍ ɛbɛ ɔlɛgēdēgēdē nīi yɛ ē fi̍yajɛ ē de wa̍ ma̍ ni̍. Ɛbɛ ɔlɛgēdēgēdē nīi bū la Wɔ̄kā Ɔlwɔnyɛ yī lɛlā yī rīgā yī Ikra̍yisi nīi lɛ ke̍e̍ bāa Ɔwɔ ɔlɔjā ma̍ nɛ. 5Wu̍chē oji̍ nɛ, i̍ lɛlā yī alɔ ɛlɛjā nīi alɔ yɛ ē ka ē de āchɛ a̍ni̍. Alɔ yɛ ē kɛlā yī Iji̍sɔ̄ɔsi Ikra̍yisi nīi re̍ka Ādādā ma̍. Alɔ - a̍chɛ̍ yī ala̍ wu̍chē yī Ādā Iji̍sɔ̄ɔsi nɛ. 6Ɔwɔ ɔlɔjā ka hīka ɛbɛ ɔlɛgēdēgēdē ɔla̍ā ɔ̍lɔ ge̍ē fi̍yajɛ ē gāa ɛbɛ odobū. Ɔwɔ ɔla̍ā pi̍i̍, anu̍ ya̍ nīi ɛbɛ ɔlɛgēdēgēdē ɔla̍ā yɛ ē fi̍yajɛ la ūkpɔ̄tū yī alɔ a̍nɛ. Ɔwɔ ya̍ i̍ngɔ̍ɔ hɛ̄ɛbɛ ge̍ē de ɛbɛ ɔlɛgēdēgēdē ɔla̍ā nīi re̍ka lɛlā ojo̍ōje̍ ka̍ka̍ nīi hɔ̄ la rīgā yī Ɔwɔ yɛ ē fi̍yajɛ la inēyī yī Ikra̍yisi ma̍ ē chabɔ̄ hu̍ alɔ.
7Alɔ nīi chī lɛ ɔjā ɔlamu ɔlamu nūma̍ ma̍ chī lɛ bāa yɛ̄hī yī ajɛ ɔbɔbɔ ma̍. Ɔla̍ā ge̍ē chabɔ̄ hīka wɔhu̍ nīi gɔ̄ga wa̍a̍ ma̍, iyī Ɔwɔ lōri̍īnū nɛ, i̍ iyī alɔ ni̍. 8Akanya ē hɔ̄ de alɔ myɛ̄grāa-myɛ̄grāa, o̍ i̍ ē chī de alɔ chāajɛ ɔ̄chɔ̄chɛ̄ ni̍. Alɔ ē ga ē tū la ahu̍lɛ̄lā ɔtɔ̍ɔ̄ta̍ kpɛɛ, alɔ i̍ ē chī pi̍ye̍mā la eyī ode chōche ni̍. 9Aluji yī alɔ mwɛbɛ mwɛbɛ, alɔ i̍ ē chī wīyatū la lɛya oro̍ōre̍ ni̍. E̍ ē ya̍ alɔ ɔjā dwɔ̄bi̍ dwɔ̄bi̍, e̍ i̍ ē chī de alɔ ē ngmo̍ōngmo̍ ni̍. 10Myɛ̄grāa-myɛ̄grāa, alɔ ē bī ɔpīyaku̍ yī Ikra̍yisi amu la okū ibi̍īyē yī alɔ nūma̍, hɛ̄ɛbɛ nīi ɔhɔ̄leyī yī Ikra̍yisi ge̍ē hɔ̄ la ibi̍īyē yī alɔ i̍ngi̍ngɔ̍ɔ. 11Myɛ̄grāa-myɛ̄grāa la ɔhɔ̄leyī yī alɔ wa̍a̍, alɔ ē tū la obrīihu yī rikū wu̍chē yī Iji̍sɔ̄ɔsi, hɛ̄ɛbɛ nīi ɔhɔ̄leyī yī nū ge̍ē hɔ̄ la okōkū ibi̍īyē yī alɔ nūma̍. 12Ɔla̍ā re̍ka ɔpīyaku̍ yɛ ē ya̍ u̍ku̍rɔ̍ amu la ibi̍īyē yī alɔ; ɔhɔ̄leyī chī yɛ ē ya̍ u̍ku̍rɔ̍ la ibi̍īyē yī ala̍.
13Lɛlā yī Īpū yī Ɔwɔ ɔha̍ re̍ka, “N yɛ ē kɛlā wu̍chē oji̍ nɛ, n de ɔtū che Ɔwɔ.” Gala ɔgɔgu yī ɔtū ode chōche ɔla̍ā, alɔ titi yɛ ē kɛlā wu̍chē lɔkɔ nīi alɔ de ɔtū che Ɔwɔ ma̍. 14Alɔ jo̍ōkū hīka, Ɔwɔ nīi de Ādā Iji̍sɔ̄ɔsi hye̍ēyī bū la okū ma̍ ge̍ē de alɔ ē hye̍ēyī i̍ngi̍ngɔ̍ɔ ba̍la Iji̍sɔ̄ɔsi, ē bī alɔ ba̍la ala̍ ē gāa iyɔ̄bū yī anu̍ ɔlɔjā. 15Onūma̍ wa̍a̍ yɛ ē ya̍ wu̍chē yī ɔnɛ̄ɛhɛhi de ala̍. Lɔkɔ nīi uhwa ɔnɛ̄ɛhɛhi yī Ɔwɔ ge̍ē grāa āchɛ ē gāa iyɔ̄bū iyɔ̄bū ma̍, i̍ngi̍ngɔ̍ɔ nīi e̍ ge̍ē to̍gbo̍ ē de Ɔwɔ ē gāa iyɔ̄bū iyɔ̄bū chabɔ̄ yī rīgā yī nū a̍nɛ.
Ɔhɔ̄leyī lā la ɔtū ode chōche
16Wu̍chē yī lɛlā nūma̍ wa̍a̍, ɔjɔ̄jā i̍ ē ti̍ya alɔ ūkpɔ̄tū tū mɛ ni̍. Alɔ jo̍ōkū nyaa hīka ibi̍īyē yī alɔ ɔlamu nūma̍ yɛ amu ē de ē wɔ̄wa wa̍a̍ yɛ gāa mɛ̍, uhu yī alɔ chī yɛ amu ē mla i̍ngɔ̍ɔ mɔ̄chīmɔ̄chī. 17Akanya ɛha̍ pi̍nyɛ̍ nīi alɔ tū ma̍ la anu̍ yɛ̄grāa ɔha̍ o̍bū ma̍ ge̍ē bī ɔkɔ̄kā ɔnɔ̄kɔ̄kū nīi i̍ ē kwɛ̍ɛjī oko̍ōku̍ ni̍ ma̍ ge̍ē de alɔ la ɔ̄chī iyɔ̄bū. Ɔkɔ̄kā ɔla̍ā ge̍ē ga akanya nūma̍ ɔgɔ̄ga pɛtɛpɛtɛ. 18Wu̍chē oji̍ nɛ, i̍ ɔjā nīi āchɛ ē ma̍ la eyī ma̍ nīi alɔ yɛ ē deyīrɛ yī nū a̍ni̍, i̍ma̍ la eyī ni̍ nīi alɔ yɛ ē deyīrɛ yī nū a̍nɛ. Ɔjā nīi ɔ̄chɛ ē ma̍ la eyī ma̍ i̍ ē ri̍yɛchɛ kpɛɛ ni̍. Onīi ɔ̄chɛ i̍ ē ma̍ la eyī ni̍ ma̍ ē ri̍yɛchɛ kpɛɛ ē ku yɛ̄grāa ɔha̍lɔha̍ a̍nɛ.
Currently Selected:
11 ALIKƆ̍RĪNTI 4: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALIKƆ̍RĪNTI 4
4
Ɔjā ɔlamu ɔlamu ode gbō la yɛ̄hī
1Ɔwɔ ɔlɔjā mlɛ̍ha̍ yī alɔ de u̍ku̍rɔ̍ nūma̍ de alɔ a̍nɛ. Wu̍chē yī ɔla̍ā, ɔjɔ̄jā i̍ ē ti̍ya alɔ ūkpɔ̄tū tū mɛ ni̍. 2Alɔ tu̍labɔ̄ hī lɛlā ɔya̍ fi̍yɛ̍-fi̍yɛ̍ ba̍la lɛlā oliwēyī iwēyī ɔha̍lɔha̍ wa̍a̍ mɛ̍. Lɛlā ɔya̍ la a̍chālā a̍chālā, kɛ̄ɛ ɔya̍ de lɛlā yī Ɔwɔ pīya arīmɛ̄ wa̍a̍, alɔ wa̍ābɔ̄ yī wā mɛ̍. Alɔ ē kɛlā olēchi̍ lēchi̍ la ogēdēgēdē de āchɛ wa̍a̍ la ɔhɔ̄leyī yī alɔ la eyī yī Ɔwɔ. I̍ngɔ̍ɔ nīi alɔ ē chabɔ̄ yī iyī alɔ ē hu̍ ɔ̄chɛmɔ̄chɛ nīi lɛ ɛri̍ya̍ yī ūkpɔ̄tū ma̍ a̍nɛ. 3Wɔ̄kā Ɔlwɔnyɛ yī Ɔwɔ nīi alɔ ē kā ma̍ ge̍ trɛ̍ba, ɔ̍lɔma̍ āchɛ nīi ge̍ē pīyēbi̍ ma̍ nīi o̍ trɛ̍ba hī wā a̍nɛ. 4E̍ i̍ chɛ̄ mɛ ni̍, wu̍chē oji̍ nɛ, ɔwɔ ɔdwɔ̄bi̍ ɔha̍ amu lipu̍ yī yɛchɛ nūma̍ de wa̍ ūkpɔ̄tū gū. O̍ i̍ chɛ̄ nīi e̍ ma̍ ɛbɛ ɔlɛgēdēgēdē nīi yɛ ē fi̍yajɛ ē de wa̍ ma̍ ni̍. Ɛbɛ ɔlɛgēdēgēdē nīi bū la Wɔ̄kā Ɔlwɔnyɛ yī lɛlā yī rīgā yī Ikra̍yisi nīi lɛ ke̍e̍ bāa Ɔwɔ ɔlɔjā ma̍ nɛ. 5Wu̍chē oji̍ nɛ, i̍ lɛlā yī alɔ ɛlɛjā nīi alɔ yɛ ē ka ē de āchɛ a̍ni̍. Alɔ yɛ ē kɛlā yī Iji̍sɔ̄ɔsi Ikra̍yisi nīi re̍ka Ādādā ma̍. Alɔ - a̍chɛ̍ yī ala̍ wu̍chē yī Ādā Iji̍sɔ̄ɔsi nɛ. 6Ɔwɔ ɔlɔjā ka hīka ɛbɛ ɔlɛgēdēgēdē ɔla̍ā ɔ̍lɔ ge̍ē fi̍yajɛ ē gāa ɛbɛ odobū. Ɔwɔ ɔla̍ā pi̍i̍, anu̍ ya̍ nīi ɛbɛ ɔlɛgēdēgēdē ɔla̍ā yɛ ē fi̍yajɛ la ūkpɔ̄tū yī alɔ a̍nɛ. Ɔwɔ ya̍ i̍ngɔ̍ɔ hɛ̄ɛbɛ ge̍ē de ɛbɛ ɔlɛgēdēgēdē ɔla̍ā nīi re̍ka lɛlā ojo̍ōje̍ ka̍ka̍ nīi hɔ̄ la rīgā yī Ɔwɔ yɛ ē fi̍yajɛ la inēyī yī Ikra̍yisi ma̍ ē chabɔ̄ hu̍ alɔ.
7Alɔ nīi chī lɛ ɔjā ɔlamu ɔlamu nūma̍ ma̍ chī lɛ bāa yɛ̄hī yī ajɛ ɔbɔbɔ ma̍. Ɔla̍ā ge̍ē chabɔ̄ hīka wɔhu̍ nīi gɔ̄ga wa̍a̍ ma̍, iyī Ɔwɔ lōri̍īnū nɛ, i̍ iyī alɔ ni̍. 8Akanya ē hɔ̄ de alɔ myɛ̄grāa-myɛ̄grāa, o̍ i̍ ē chī de alɔ chāajɛ ɔ̄chɔ̄chɛ̄ ni̍. Alɔ ē ga ē tū la ahu̍lɛ̄lā ɔtɔ̍ɔ̄ta̍ kpɛɛ, alɔ i̍ ē chī pi̍ye̍mā la eyī ode chōche ni̍. 9Aluji yī alɔ mwɛbɛ mwɛbɛ, alɔ i̍ ē chī wīyatū la lɛya oro̍ōre̍ ni̍. E̍ ē ya̍ alɔ ɔjā dwɔ̄bi̍ dwɔ̄bi̍, e̍ i̍ ē chī de alɔ ē ngmo̍ōngmo̍ ni̍. 10Myɛ̄grāa-myɛ̄grāa, alɔ ē bī ɔpīyaku̍ yī Ikra̍yisi amu la okū ibi̍īyē yī alɔ nūma̍, hɛ̄ɛbɛ nīi ɔhɔ̄leyī yī Ikra̍yisi ge̍ē hɔ̄ la ibi̍īyē yī alɔ i̍ngi̍ngɔ̍ɔ. 11Myɛ̄grāa-myɛ̄grāa la ɔhɔ̄leyī yī alɔ wa̍a̍, alɔ ē tū la obrīihu yī rikū wu̍chē yī Iji̍sɔ̄ɔsi, hɛ̄ɛbɛ nīi ɔhɔ̄leyī yī nū ge̍ē hɔ̄ la okōkū ibi̍īyē yī alɔ nūma̍. 12Ɔla̍ā re̍ka ɔpīyaku̍ yɛ ē ya̍ u̍ku̍rɔ̍ amu la ibi̍īyē yī alɔ; ɔhɔ̄leyī chī yɛ ē ya̍ u̍ku̍rɔ̍ la ibi̍īyē yī ala̍.
13Lɛlā yī Īpū yī Ɔwɔ ɔha̍ re̍ka, “N yɛ ē kɛlā wu̍chē oji̍ nɛ, n de ɔtū che Ɔwɔ.” Gala ɔgɔgu yī ɔtū ode chōche ɔla̍ā, alɔ titi yɛ ē kɛlā wu̍chē lɔkɔ nīi alɔ de ɔtū che Ɔwɔ ma̍. 14Alɔ jo̍ōkū hīka, Ɔwɔ nīi de Ādā Iji̍sɔ̄ɔsi hye̍ēyī bū la okū ma̍ ge̍ē de alɔ ē hye̍ēyī i̍ngi̍ngɔ̍ɔ ba̍la Iji̍sɔ̄ɔsi, ē bī alɔ ba̍la ala̍ ē gāa iyɔ̄bū yī anu̍ ɔlɔjā. 15Onūma̍ wa̍a̍ yɛ ē ya̍ wu̍chē yī ɔnɛ̄ɛhɛhi de ala̍. Lɔkɔ nīi uhwa ɔnɛ̄ɛhɛhi yī Ɔwɔ ge̍ē grāa āchɛ ē gāa iyɔ̄bū iyɔ̄bū ma̍, i̍ngi̍ngɔ̍ɔ nīi e̍ ge̍ē to̍gbo̍ ē de Ɔwɔ ē gāa iyɔ̄bū iyɔ̄bū chabɔ̄ yī rīgā yī nū a̍nɛ.
Ɔhɔ̄leyī lā la ɔtū ode chōche
16Wu̍chē yī lɛlā nūma̍ wa̍a̍, ɔjɔ̄jā i̍ ē ti̍ya alɔ ūkpɔ̄tū tū mɛ ni̍. Alɔ jo̍ōkū nyaa hīka ibi̍īyē yī alɔ ɔlamu nūma̍ yɛ amu ē de ē wɔ̄wa wa̍a̍ yɛ gāa mɛ̍, uhu yī alɔ chī yɛ amu ē mla i̍ngɔ̍ɔ mɔ̄chīmɔ̄chī. 17Akanya ɛha̍ pi̍nyɛ̍ nīi alɔ tū ma̍ la anu̍ yɛ̄grāa ɔha̍ o̍bū ma̍ ge̍ē bī ɔkɔ̄kā ɔnɔ̄kɔ̄kū nīi i̍ ē kwɛ̍ɛjī oko̍ōku̍ ni̍ ma̍ ge̍ē de alɔ la ɔ̄chī iyɔ̄bū. Ɔkɔ̄kā ɔla̍ā ge̍ē ga akanya nūma̍ ɔgɔ̄ga pɛtɛpɛtɛ. 18Wu̍chē oji̍ nɛ, i̍ ɔjā nīi āchɛ ē ma̍ la eyī ma̍ nīi alɔ yɛ ē deyīrɛ yī nū a̍ni̍, i̍ma̍ la eyī ni̍ nīi alɔ yɛ ē deyīrɛ yī nū a̍nɛ. Ɔjā nīi ɔ̄chɛ ē ma̍ la eyī ma̍ i̍ ē ri̍yɛchɛ kpɛɛ ni̍. Onīi ɔ̄chɛ i̍ ē ma̍ la eyī ni̍ ma̍ ē ri̍yɛchɛ kpɛɛ ē ku yɛ̄grāa ɔha̍lɔha̍ a̍nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)