11 ALIKƆ̍RĪNTI 3
3
A̍chɛ̍ yī Yɛka Onīpīpɛ̄ yī Ɔwɔ
1Onūma̍ gba̍a ya̍ bɔ̄ɔjā nīi alɔ ɛlɛjā yɛ ē kā iyī alɔ ɔkɔ̄kā ma̍? Alɔ ge̍ē gba̍a ē bī lɛhu̍ īpū ɔha̍ nīi ge̍ē chabɔ̄ yī alɔ ē hu̍ ala̍ ma̍ o̍bū? Kɛ̄ɛ alɔ ge̍ē nāa lɛhu̍ īpū ɔha̍ la abɔ̄ yī ala̍ bāa ibiha̍ ma̍ o̍bū? 2Je̍ka aa̍ ala̍ re̍ka lɛhu̍ īpū nīi alɔ lɛ ma̍ a̍nɛ? E̍ de ala̍ tɔ̍ɔ̄ta̍ gblāa amu la ūkpɔ̄tū yī alɔ ke̍e̍ nīi āchɛ ge̍ē ma̍ ɔ̄ jo̍ōkū mɛ̍. 3O̍ lā nyaa hīka Ikra̍yisi ɔlɔjā ta̍ īpū nūma̍ de tɛ̄rɔ̄ ga la abɔ̄ yī alɔ a̍nɛ. I̍ yenyi īpū ɔlamu nīi Ikra̍yisi bī ta̍ īpū nūma̍ a̍ni̍; o̍ chī i̍ ichō yī lɛchɔ̄ nīi e̍ ē tɔ̍ɔ̄jā gblāa ma̍ nīi o̍ ta̍ gblāa a̍ni̍. Uhu yī Ɔwɔ nīi - Ɔwɔ ɔhɔ̄leyī ma̍ nīi o̍ bī tɔ̍ɔ̄jā la ūkpɔ̄tū yī āchɛ̄ɛchɛ a̍nɛ.
4Alɔ ka i̍ngɔ̍ɔ wu̍chē oji̍ nɛ, alɔ de ɔtū che Ɔwɔ la olēchi̍ lēchi̍ bū la abɔ̄ yī Ikra̍yisi. 5Ɔjɔ̄jā i̍ hɔ̄ amu la ūkpɔ̄tū yī alɔ nīi ge̍ē ya̍ nīi alɔ ē che ē de iyī alɔ hīka alɔ ge̍ē ya̍ u̍ku̍rɔ̍ nūma̍ mɛ a̍nɛ ni̍. Onīi alɔ ge̍ē ya̍ mɛ wa̍a̍ ma̍ bū la abɔ̄ yī Ɔwɔ ɔlɔjā. 6Anu̍ ya̍ nīi alɔ yɛ ē chrɛ̄ɛrɔ̄ yī yɛka onīpīpɛ̄ yī nū nūma̍ ē mɛ a̍nɛ. I̍ iyī lihɔ nīi e̍ tɔ̍ɔ̄ta̍ tū la īpū ma̍ ni̍; iyī Uhu yī Ɔwɔ nɛ. Lihɔ nīi e̍ tɔ̍ɔ̄ta̍ tū ma̍ ē bī ɔpīyaku̍ ge̍ē de ɔ̄chɛ; Uhu yī Ɔwɔ ma̍ ē de ɔhɔ̄leyī de ɔ̄chɛ.
7Lihɔ yī Imo̍sīisi ma̍, e̍ ta̍ gblāa la ichō yī lɛchɔ̄ ɔlɛpatapata. Yɛ̄grāa nīi e̍ yɛ ē nāa Lihɔ yī Imo̍sīisi ɔla̍ā ma̍, Ɔwɔ de rīgā yī anu̍ ɔlɔjā chabɔ̄. Rīgā yī Ɔwɔ nīi yɛ ē ho̍ōhu̍ la inēyī yī Imo̍sīisi ma̍ i̍ lɔ̄kɔ̄kū i̍ngɔ̍ɔ ni̍ nyaa ma̍, o̍ hu̍ kpɛ̍ɛ nīi Ali̍sɛ̄rɛli i̍ deyīrɛ ɔ̍ mɛ ni̍. Lihɔ yī Imo̍sīisi nīi u̍ku̍rɔ̍ yī nū re̍ka obī ɔpīyaku̍ ge̍ de ɔ̄chɛ ma̍, anu̍ wā la ita yī rīgā i̍ngɔ̍ɔ ke̍ke̍ni̍ a̍nɛ. 8Rīgā nīi ge̍ē hɔ̄ la u̍ku̍rɔ̍ yī Uhu yī Ɔwɔ ma̍ ge̍ lɛ ke̍ke̍ni̍ pɛtɛpɛtɛ kana̍ ma̍ ēēe? 9Rīgā nīi hɔ̄ la ɔjā obī hɛ̍ āchɛ lɛpɔ̄ lɔ̄kū i̍ngɔ̍ɔ ma̍, iyī ɔjā nīi ē de lɛpɔ̄ ngma̍ la āchɛ ma̍ ge̍ē lɔ̄kū kana̍ ma̍ ēēe? 10Lēchi̍, rīgā olu̍ma̍ama gɔ̄ga pɛtɛpɛtɛ a̍nɛ. Wu̍chē oji̍ nɛ, rīgā ɔla̍nū nīi hɔ̄ o̍bū ma̍ kwɛ̍ɛjī mɛ̍. 11Ɔla̍nū nīi - ɔjā ɔhɔ̄ yɛ̄grāa ɔha̍ pi̍nyɛ̍ ji tū rīgā i̍ngɔ̍ɔ ɔ̄kū ma̍, iyī onūma̍ nīi ge̍ē hɔ̄ ku yɛ̄grāa i̍mɔ̄mɛni̍ ma̍ ge̍ tū rīgā ɔ̄kū kana̍ ma̍ ēēe?
12Wu̍chē yī eyī nīi alɔ de che i̍ngɔ̍ɔ ma̍, alɔ ē kɛlā i̍ ē tūuhwi ni̍. 13Alɔ ma̍ i̍ lɛ bāa Imo̍sīisi ma̍ ni̍. Imo̍sīisi de ɔjā kla̍ eyī hɛ̄ɛbɛ nīi Ali̍sɛ̄rɛli i̍ ge̍ē ma̍ oho̍ōhu̍ ɔlɛbɛ̍bi̍ ɔla̍ā nīi - ɔjā oko̍ōku̍ gba̍a yɛ ē kwɛ̍ɛjī ma̍ ni̍. 14Lēchi̍, ɛri̍ya̍ ogbōgbo yī wā wa̍a̍ gōgū. Ɔkpɛɛ ku i̍chɛ nūma̍, ɔjā e̍e kla̍ āā abɔ̍ɔ la ɛri̍ya̍ ogbōgbo yī wā yɛ̄grāa nīi e̍ yɛ ē ma̍ īpū yī yɛka ɔnɛ̄chɛ̄ yī Ɔwɔ ma̍. Ɔ̍chi̍kpa̍kpa̍ yɛ̄grāa nīi ɔ̄chɛ ge̍ pīya ge̍ tū tāa Ikra̍yisi o̍bū ma̍ nīi ɔjā ɔla̍ā nīi gū āchɛ obū ma̍ ge̍ē lwāa a̍nɛ. 15Ɔkpɛɛ ku i̍chɛ nūma̍, e̍ ge̍ yɛ ē kɛlā bū la īpū Lihɔ yī Imo̍sīisi ma̍, ɔjā e̍e kla̍ āā abɔ̍ɔ la ɛri̍ya̍ ogbōgbo yī wā we̍. 16Ɔjā ode kla̍ eyī nūma̍ chī ge̍ē lwāa mɛ, lɔkɔ nīi Īpū yī Ɔwɔ ka hɔ̄ ma̍ ma̍: “Yɛ̄grāa nīi Imo̍sīisi pīyeyīta̍ Ādādā ɔlɔjā ma̍, ɔjā nīi o̍ de kla̍ eyī ma̍ ku̍ lwāa.” 17Ādā nūma̍ nīi e̍ ka hɔ̄ ma̍ ma̍ - Uhu yī Ɔwɔ nɛ. Ɛbɛ nīi Uhu yī Ɔwɔ nīi - Ādādā ma̍ ge̍ hɔ̄ ma̍ - abɔ̍ɔ nīi ɔhɔ̄ ke̍e̍ ē hɔ̄ a̍nɛ. 18Alɔ wa̍a̍ nīi i̍ de ɔjɔ̄jā kla̍ eyī ni̍ ma̍, alɔ ē ho̍ōhu̍ bū la rīgā yī Ādā ɔlɔjā. Rīgā ɔla̍ā pi̍i̍ nīi ē bū la abɔ̄ yī Ādā nīi - Uhu yī Ɔwɔ ma̍, anu̍ ē de alɔ ē pīya āchɛ bāa anu̍ ɔlɔjā la oho̍ōhu̍ ɔlɛbɛ̍bi̍ nīi bū la rīgā ɔnɔ̄kɔ̄kū ke̍ke̍ni̍ ma̍ a̍nɛ.
Currently Selected:
11 ALIKƆ̍RĪNTI 3: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALIKƆ̍RĪNTI 3
3
A̍chɛ̍ yī Yɛka Onīpīpɛ̄ yī Ɔwɔ
1Onūma̍ gba̍a ya̍ bɔ̄ɔjā nīi alɔ ɛlɛjā yɛ ē kā iyī alɔ ɔkɔ̄kā ma̍? Alɔ ge̍ē gba̍a ē bī lɛhu̍ īpū ɔha̍ nīi ge̍ē chabɔ̄ yī alɔ ē hu̍ ala̍ ma̍ o̍bū? Kɛ̄ɛ alɔ ge̍ē nāa lɛhu̍ īpū ɔha̍ la abɔ̄ yī ala̍ bāa ibiha̍ ma̍ o̍bū? 2Je̍ka aa̍ ala̍ re̍ka lɛhu̍ īpū nīi alɔ lɛ ma̍ a̍nɛ? E̍ de ala̍ tɔ̍ɔ̄ta̍ gblāa amu la ūkpɔ̄tū yī alɔ ke̍e̍ nīi āchɛ ge̍ē ma̍ ɔ̄ jo̍ōkū mɛ̍. 3O̍ lā nyaa hīka Ikra̍yisi ɔlɔjā ta̍ īpū nūma̍ de tɛ̄rɔ̄ ga la abɔ̄ yī alɔ a̍nɛ. I̍ yenyi īpū ɔlamu nīi Ikra̍yisi bī ta̍ īpū nūma̍ a̍ni̍; o̍ chī i̍ ichō yī lɛchɔ̄ nīi e̍ ē tɔ̍ɔ̄jā gblāa ma̍ nīi o̍ ta̍ gblāa a̍ni̍. Uhu yī Ɔwɔ nīi - Ɔwɔ ɔhɔ̄leyī ma̍ nīi o̍ bī tɔ̍ɔ̄jā la ūkpɔ̄tū yī āchɛ̄ɛchɛ a̍nɛ.
4Alɔ ka i̍ngɔ̍ɔ wu̍chē oji̍ nɛ, alɔ de ɔtū che Ɔwɔ la olēchi̍ lēchi̍ bū la abɔ̄ yī Ikra̍yisi. 5Ɔjɔ̄jā i̍ hɔ̄ amu la ūkpɔ̄tū yī alɔ nīi ge̍ē ya̍ nīi alɔ ē che ē de iyī alɔ hīka alɔ ge̍ē ya̍ u̍ku̍rɔ̍ nūma̍ mɛ a̍nɛ ni̍. Onīi alɔ ge̍ē ya̍ mɛ wa̍a̍ ma̍ bū la abɔ̄ yī Ɔwɔ ɔlɔjā. 6Anu̍ ya̍ nīi alɔ yɛ ē chrɛ̄ɛrɔ̄ yī yɛka onīpīpɛ̄ yī nū nūma̍ ē mɛ a̍nɛ. I̍ iyī lihɔ nīi e̍ tɔ̍ɔ̄ta̍ tū la īpū ma̍ ni̍; iyī Uhu yī Ɔwɔ nɛ. Lihɔ nīi e̍ tɔ̍ɔ̄ta̍ tū ma̍ ē bī ɔpīyaku̍ ge̍ē de ɔ̄chɛ; Uhu yī Ɔwɔ ma̍ ē de ɔhɔ̄leyī de ɔ̄chɛ.
7Lihɔ yī Imo̍sīisi ma̍, e̍ ta̍ gblāa la ichō yī lɛchɔ̄ ɔlɛpatapata. Yɛ̄grāa nīi e̍ yɛ ē nāa Lihɔ yī Imo̍sīisi ɔla̍ā ma̍, Ɔwɔ de rīgā yī anu̍ ɔlɔjā chabɔ̄. Rīgā yī Ɔwɔ nīi yɛ ē ho̍ōhu̍ la inēyī yī Imo̍sīisi ma̍ i̍ lɔ̄kɔ̄kū i̍ngɔ̍ɔ ni̍ nyaa ma̍, o̍ hu̍ kpɛ̍ɛ nīi Ali̍sɛ̄rɛli i̍ deyīrɛ ɔ̍ mɛ ni̍. Lihɔ yī Imo̍sīisi nīi u̍ku̍rɔ̍ yī nū re̍ka obī ɔpīyaku̍ ge̍ de ɔ̄chɛ ma̍, anu̍ wā la ita yī rīgā i̍ngɔ̍ɔ ke̍ke̍ni̍ a̍nɛ. 8Rīgā nīi ge̍ē hɔ̄ la u̍ku̍rɔ̍ yī Uhu yī Ɔwɔ ma̍ ge̍ lɛ ke̍ke̍ni̍ pɛtɛpɛtɛ kana̍ ma̍ ēēe? 9Rīgā nīi hɔ̄ la ɔjā obī hɛ̍ āchɛ lɛpɔ̄ lɔ̄kū i̍ngɔ̍ɔ ma̍, iyī ɔjā nīi ē de lɛpɔ̄ ngma̍ la āchɛ ma̍ ge̍ē lɔ̄kū kana̍ ma̍ ēēe? 10Lēchi̍, rīgā olu̍ma̍ama gɔ̄ga pɛtɛpɛtɛ a̍nɛ. Wu̍chē oji̍ nɛ, rīgā ɔla̍nū nīi hɔ̄ o̍bū ma̍ kwɛ̍ɛjī mɛ̍. 11Ɔla̍nū nīi - ɔjā ɔhɔ̄ yɛ̄grāa ɔha̍ pi̍nyɛ̍ ji tū rīgā i̍ngɔ̍ɔ ɔ̄kū ma̍, iyī onūma̍ nīi ge̍ē hɔ̄ ku yɛ̄grāa i̍mɔ̄mɛni̍ ma̍ ge̍ tū rīgā ɔ̄kū kana̍ ma̍ ēēe?
12Wu̍chē yī eyī nīi alɔ de che i̍ngɔ̍ɔ ma̍, alɔ ē kɛlā i̍ ē tūuhwi ni̍. 13Alɔ ma̍ i̍ lɛ bāa Imo̍sīisi ma̍ ni̍. Imo̍sīisi de ɔjā kla̍ eyī hɛ̄ɛbɛ nīi Ali̍sɛ̄rɛli i̍ ge̍ē ma̍ oho̍ōhu̍ ɔlɛbɛ̍bi̍ ɔla̍ā nīi - ɔjā oko̍ōku̍ gba̍a yɛ ē kwɛ̍ɛjī ma̍ ni̍. 14Lēchi̍, ɛri̍ya̍ ogbōgbo yī wā wa̍a̍ gōgū. Ɔkpɛɛ ku i̍chɛ nūma̍, ɔjā e̍e kla̍ āā abɔ̍ɔ la ɛri̍ya̍ ogbōgbo yī wā yɛ̄grāa nīi e̍ yɛ ē ma̍ īpū yī yɛka ɔnɛ̄chɛ̄ yī Ɔwɔ ma̍. Ɔ̍chi̍kpa̍kpa̍ yɛ̄grāa nīi ɔ̄chɛ ge̍ pīya ge̍ tū tāa Ikra̍yisi o̍bū ma̍ nīi ɔjā ɔla̍ā nīi gū āchɛ obū ma̍ ge̍ē lwāa a̍nɛ. 15Ɔkpɛɛ ku i̍chɛ nūma̍, e̍ ge̍ yɛ ē kɛlā bū la īpū Lihɔ yī Imo̍sīisi ma̍, ɔjā e̍e kla̍ āā abɔ̍ɔ la ɛri̍ya̍ ogbōgbo yī wā we̍. 16Ɔjā ode kla̍ eyī nūma̍ chī ge̍ē lwāa mɛ, lɔkɔ nīi Īpū yī Ɔwɔ ka hɔ̄ ma̍ ma̍: “Yɛ̄grāa nīi Imo̍sīisi pīyeyīta̍ Ādādā ɔlɔjā ma̍, ɔjā nīi o̍ de kla̍ eyī ma̍ ku̍ lwāa.” 17Ādā nūma̍ nīi e̍ ka hɔ̄ ma̍ ma̍ - Uhu yī Ɔwɔ nɛ. Ɛbɛ nīi Uhu yī Ɔwɔ nīi - Ādādā ma̍ ge̍ hɔ̄ ma̍ - abɔ̍ɔ nīi ɔhɔ̄ ke̍e̍ ē hɔ̄ a̍nɛ. 18Alɔ wa̍a̍ nīi i̍ de ɔjɔ̄jā kla̍ eyī ni̍ ma̍, alɔ ē ho̍ōhu̍ bū la rīgā yī Ādā ɔlɔjā. Rīgā ɔla̍ā pi̍i̍ nīi ē bū la abɔ̄ yī Ādā nīi - Uhu yī Ɔwɔ ma̍, anu̍ ē de alɔ ē pīya āchɛ bāa anu̍ ɔlɔjā la oho̍ōhu̍ ɔlɛbɛ̍bi̍ nīi bū la rīgā ɔnɔ̄kɔ̄kū ke̍ke̍ni̍ ma̍ a̍nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)