11 ALIKƆ̍RĪNTI 2
2
1Wu̍chē yī ɔla̍ā, n miya la ūkpɔ̄tū yī u hīka n i̍ ge̍ē wā ge̍ē ya̍ nīi ala̍ ē he̍ēyīwɔnɔ ni̍. 2N ge̍ wā ge̍ ya̍ nīi ala̍ de he̍ēyīwɔnɔ ma̍, ānyɛ chī ge̍ē ya̍ nīi ūkpɔ̄tū lɛ u yaya bɛ̍ɛ̄nɛ̄ ma̍? O̍ chī - āchāchɛ ɔ̍lɔma̍ nīi n ya̍ nīi e̍ he̍ēyīwɔnɔ ma̍ nɛ! 3Ɔla̍ā - ohu̍ nīi n ta̍ īpū ɔla̍ā tɛ̄rɔ̄ hu ala̍ a̍nɛ. N i̍ chikpo̍ ge̍ē wā ge̍ē de ē he̍ēyīwɔnɔ ni̍. Wu̍chē oji̍ nɛ, ala̍ - āchɛ nīi ge̍ē ya̍ nīi ūkpɔ̄tū lɛ u yaya ma̍ a̍nɛ. N jo̍ōkū hīka ūkpɔ̄tū ge̍ lɛ u yaya mɛ̍, ala̍ titi ge̍ē lɛ ɔwɔ̄wīyā. 4N ta̍ īpū nūma̍ la ūkpɔ̄tū ɔti̍yatū ba̍la ūkpɔ̄tū ɔngmu̍wɔnɔ ɔlamu ɔlamu. Yeje mu um eyī. I̍ ɔya̍ nīi ala̍ he̍ēyīwɔnɔ ni̍; ɔya̍ nīi ala̍ jo̍ōkū yī ɔhɔtū nīi n lɛ de ala̍ ma̍ nɛ.
Lɛlā abi̍ ode kɔ̄kɔ̄
5Ɔ̄chɛ ɔha̍ ge̍ ya̍ nīi ɔ̄chɛ ɔha̍ he̍ēyīwɔnɔ, ɔ̍lɔma̍ ala̍ nīi ɔlɔjā ya̍ i̍ngɔ̍ɔ tāa ala̍ a̍nɛ; i̍ ami ni̍. Kɛ̄ɛ i̍ngɔ̍ɔ ni̍, ɔ̄chɛ ɔha̍ yī ala̍ nīi o̍ ya̍ i̍ngɔ̍ɔ tāa anu̍ a̍nɛ. Wu̍chē oji̍ nɛ, ami i̍ chikpo̍ ge̍ē lwɔnɔnɔ ē tāa ala̍ ni̍. 6Ichi̍ nīi ala̍ āchɛ ɛha̍ de de ɔ̄chɛ oli̍ngɔ̍ɔ ma̍ u̍tu lɔ̄kū mɛ̍. 7U̍ma̍ama, ala̍ de kɔ̄ de ɔ̍ nīi ala̍ ge̍ tū ɔ̄ wɔbɔ̄, hɛ̄ɛbɛ nīi o̍ ge̍ e̍e de he̍ēyīwɔnɔ ɔ̄kɔ̄kū, wa̍ābɔ̄ ligbo̍-ligbo̍ ni̍. 8Ala̍ chu̍chu̍u! Ala̍ ā ya̍ lɛbɛ nīi o̍ ge̍ jo̍ōkū gɛ hīka ala̍ yɔ̍ɔhɔtū yī nū gba̍a̍. 9Lɛlā nūma̍ ohu̍ nīi n ta̍ īpū ɔla̍ā tɛ̄rɔ̄ hu ala̍ a̍nɛ. N yɛ ē kwɔgu ge̍ē jo̍ōkū lɔkɔ nīi ala̍ yarɛ hī otu̍tū ma̍. N gba̍a chikpo̍ ge̍ē jo̍ōkū hīka ala̍ ka̍a yɛ abɔ̍ɔ ē ya̍ lɔkɔ nīi n ka hīka ala̍ ge̍ ya̍ ma̍ oo. 10Ala̍ ge̍ de lɛlā ɔha̍ nīi ɔ̄chɛ ɔha̍ ya̍ abi̍ ma̍ kɔ̄ de ɔ̍ mɛ̍. O̍ re̍ka ami titi de kɔ̄ de ɔlɔjā mɛ̍. Iyī ami ma̍, ɔha̍ ge̍ hɔ̄ i̍ngɔ̍ɔ nīi ngma̍ nīi ami ē de kɔ̄ de ɔlɔjā, n ge̍ē de ē kɔ̄ de ɔlɔjā wu̍chē yī ala̍ la eyī yī Ikra̍yisi ɔlɔjā. 11N ya̍ i̍ngɔ̍ɔ hɛ̄ɛbɛ nīi Isa̍tan i̍ ge̍ē ma̍ ɛbɛ ē bī wɔhu̍ yī ala̍ ē gɛ ni̍. Wu̍chē oji̍ nɛ, alɔ wa̍a̍ je̍ ɔjā nīi Isa̍tan chikpo̍ ge̍ē ya̍ ma̍.
Yɛ̄ngura yī Lɛlā yī Ipɔ̍ɔli abɔ̍ɔ la Itro̍asi
12N gbajɛ ga Itro̍asi la Wɔ̄kā Ɔlwɔnyɛ yī Ikra̍yisi la ɔkɔ̄ka de āchɛ ma̍, n ma̍ hīka Ɔwɔ lwāa ɔpɔ̄pū yī u̍ku̍rɔ̍ ta̍ abɔ̍ɔ kpɛ̍ɛji. 13Ūkpɔ̄tū chī ti̍ya ami tū kpɛ̍ɛji wu̍chē lɔkɔ nīi n i̍ ma̍ Ita̍yi̍tɔ̄ɔsi ni̍ ma̍. Wu̍chē yī ɔla̍ā, n ta̍ alɛbɛ ɔla̍ā ɔhɔ̄lɛhi, pīya yī Imɛsɛdo̍niya.
Yɛngrɔ̄ɔ ɔyɔ̍ɔ̄ya̍ gala abɔ̄ yī Ikra̍yisi
14O̍gbo̍ ge̍ iyī Ɔwɔ! Wu̍chē oji̍ nɛ, bū la otū ngmo̍tu̍chɛ̄ yī alɔ ba̍la Ikra̍yisi, Ɔwɔ ē bī alɔ bāa aligbakɔbɔ ma̍ la ɔ̍gba yī ogrinya ɔhɔ̍ɔ̄hɛ̍ wu̍chē yī yɛngrɔ̄ɔ ɔyɔ̍ɔ̄ya̍ yī Ikra̍yisi. Ɔwɔ ē bī alɔ ē ya̍ lɛbɛ nīi lɛlā yī Ikra̍yisi ojo̍ōje̍ ge̍ē mīyanya ē ga ɛbɛha̍ ɛbɛha̍ wa̍a̍ bāa ɔjā oni̍pī gɛnɛgɛnɛ ma̍. 15Wu̍chē oji̍ nɛ, alɔ nūma̍ lɛ bāa yanɔ̄ oni̍pī gɛnɛgɛnɛ nīi Ikra̍yisi de pā Ɔwɔ ma̍. Li̍pī yī yanɔ̄ ɔlɛgɛnɛgɛnɛ ɔla̍ā ngrāa wa̍a̍ ē de āchɛ nīi ge̍ē lɛ ɔhɛ̍ta̍ ma̍ ba̍la āchɛ nīi ge̍ē pīyēbi̍ ma̍. 16Āchɛ nīi ge̍ē pīyēbi̍ ma̍, li̍pī ɔla̍ā lɛ wa̍ bāa lɛ̍hwa ɔngmɔ̍ɔ̄chɛ ma̍. Āchɛ nīi chī ge̍ē lɛ ɔhɛ̍ta̍ ma̍, o̍ lɛ wa̍ bāa ɔjā oni̍pī gɛnɛgɛnɛ nīi ge̍ē de ɔhɔ̄leyī de wa̍ ma̍. Ɔ̄nyɛ chī ge̍ē ya̍ u̍ku̍rɔ̍ ɔnɔ̄kɔ̄kū ɔla̍ā mɛ ma̍? 17Alɔ ma̍ i̍ lɛ bāa āchɛ ɛha̍ nīi ē bī ɛrɔ̄ yī Ɔwɔ ē ya̍ bāa ɔjā ɔlɛtɛ̍bɛ̍lɛ̍ obī rɔ̍ɔ̄ra̍ ma̍ ni̍. Wu̍chē lɔkɔ nīi Ɔwɔ tū alɔ ɛrɔ̄ otōtū ma̍, alɔ ē kɛlā la olēchi̍ lēchi̍ la eyī yī nū bāa āchɛ nīi - a̍chɛ̍ yī Ikra̍yisi lēchi̍ lēchi̍ ma̍.
Currently Selected:
11 ALIKƆ̍RĪNTI 2: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALIKƆ̍RĪNTI 2
2
1Wu̍chē yī ɔla̍ā, n miya la ūkpɔ̄tū yī u hīka n i̍ ge̍ē wā ge̍ē ya̍ nīi ala̍ ē he̍ēyīwɔnɔ ni̍. 2N ge̍ wā ge̍ ya̍ nīi ala̍ de he̍ēyīwɔnɔ ma̍, ānyɛ chī ge̍ē ya̍ nīi ūkpɔ̄tū lɛ u yaya bɛ̍ɛ̄nɛ̄ ma̍? O̍ chī - āchāchɛ ɔ̍lɔma̍ nīi n ya̍ nīi e̍ he̍ēyīwɔnɔ ma̍ nɛ! 3Ɔla̍ā - ohu̍ nīi n ta̍ īpū ɔla̍ā tɛ̄rɔ̄ hu ala̍ a̍nɛ. N i̍ chikpo̍ ge̍ē wā ge̍ē de ē he̍ēyīwɔnɔ ni̍. Wu̍chē oji̍ nɛ, ala̍ - āchɛ nīi ge̍ē ya̍ nīi ūkpɔ̄tū lɛ u yaya ma̍ a̍nɛ. N jo̍ōkū hīka ūkpɔ̄tū ge̍ lɛ u yaya mɛ̍, ala̍ titi ge̍ē lɛ ɔwɔ̄wīyā. 4N ta̍ īpū nūma̍ la ūkpɔ̄tū ɔti̍yatū ba̍la ūkpɔ̄tū ɔngmu̍wɔnɔ ɔlamu ɔlamu. Yeje mu um eyī. I̍ ɔya̍ nīi ala̍ he̍ēyīwɔnɔ ni̍; ɔya̍ nīi ala̍ jo̍ōkū yī ɔhɔtū nīi n lɛ de ala̍ ma̍ nɛ.
Lɛlā abi̍ ode kɔ̄kɔ̄
5Ɔ̄chɛ ɔha̍ ge̍ ya̍ nīi ɔ̄chɛ ɔha̍ he̍ēyīwɔnɔ, ɔ̍lɔma̍ ala̍ nīi ɔlɔjā ya̍ i̍ngɔ̍ɔ tāa ala̍ a̍nɛ; i̍ ami ni̍. Kɛ̄ɛ i̍ngɔ̍ɔ ni̍, ɔ̄chɛ ɔha̍ yī ala̍ nīi o̍ ya̍ i̍ngɔ̍ɔ tāa anu̍ a̍nɛ. Wu̍chē oji̍ nɛ, ami i̍ chikpo̍ ge̍ē lwɔnɔnɔ ē tāa ala̍ ni̍. 6Ichi̍ nīi ala̍ āchɛ ɛha̍ de de ɔ̄chɛ oli̍ngɔ̍ɔ ma̍ u̍tu lɔ̄kū mɛ̍. 7U̍ma̍ama, ala̍ de kɔ̄ de ɔ̍ nīi ala̍ ge̍ tū ɔ̄ wɔbɔ̄, hɛ̄ɛbɛ nīi o̍ ge̍ e̍e de he̍ēyīwɔnɔ ɔ̄kɔ̄kū, wa̍ābɔ̄ ligbo̍-ligbo̍ ni̍. 8Ala̍ chu̍chu̍u! Ala̍ ā ya̍ lɛbɛ nīi o̍ ge̍ jo̍ōkū gɛ hīka ala̍ yɔ̍ɔhɔtū yī nū gba̍a̍. 9Lɛlā nūma̍ ohu̍ nīi n ta̍ īpū ɔla̍ā tɛ̄rɔ̄ hu ala̍ a̍nɛ. N yɛ ē kwɔgu ge̍ē jo̍ōkū lɔkɔ nīi ala̍ yarɛ hī otu̍tū ma̍. N gba̍a chikpo̍ ge̍ē jo̍ōkū hīka ala̍ ka̍a yɛ abɔ̍ɔ ē ya̍ lɔkɔ nīi n ka hīka ala̍ ge̍ ya̍ ma̍ oo. 10Ala̍ ge̍ de lɛlā ɔha̍ nīi ɔ̄chɛ ɔha̍ ya̍ abi̍ ma̍ kɔ̄ de ɔ̍ mɛ̍. O̍ re̍ka ami titi de kɔ̄ de ɔlɔjā mɛ̍. Iyī ami ma̍, ɔha̍ ge̍ hɔ̄ i̍ngɔ̍ɔ nīi ngma̍ nīi ami ē de kɔ̄ de ɔlɔjā, n ge̍ē de ē kɔ̄ de ɔlɔjā wu̍chē yī ala̍ la eyī yī Ikra̍yisi ɔlɔjā. 11N ya̍ i̍ngɔ̍ɔ hɛ̄ɛbɛ nīi Isa̍tan i̍ ge̍ē ma̍ ɛbɛ ē bī wɔhu̍ yī ala̍ ē gɛ ni̍. Wu̍chē oji̍ nɛ, alɔ wa̍a̍ je̍ ɔjā nīi Isa̍tan chikpo̍ ge̍ē ya̍ ma̍.
Yɛ̄ngura yī Lɛlā yī Ipɔ̍ɔli abɔ̍ɔ la Itro̍asi
12N gbajɛ ga Itro̍asi la Wɔ̄kā Ɔlwɔnyɛ yī Ikra̍yisi la ɔkɔ̄ka de āchɛ ma̍, n ma̍ hīka Ɔwɔ lwāa ɔpɔ̄pū yī u̍ku̍rɔ̍ ta̍ abɔ̍ɔ kpɛ̍ɛji. 13Ūkpɔ̄tū chī ti̍ya ami tū kpɛ̍ɛji wu̍chē lɔkɔ nīi n i̍ ma̍ Ita̍yi̍tɔ̄ɔsi ni̍ ma̍. Wu̍chē yī ɔla̍ā, n ta̍ alɛbɛ ɔla̍ā ɔhɔ̄lɛhi, pīya yī Imɛsɛdo̍niya.
Yɛngrɔ̄ɔ ɔyɔ̍ɔ̄ya̍ gala abɔ̄ yī Ikra̍yisi
14O̍gbo̍ ge̍ iyī Ɔwɔ! Wu̍chē oji̍ nɛ, bū la otū ngmo̍tu̍chɛ̄ yī alɔ ba̍la Ikra̍yisi, Ɔwɔ ē bī alɔ bāa aligbakɔbɔ ma̍ la ɔ̍gba yī ogrinya ɔhɔ̍ɔ̄hɛ̍ wu̍chē yī yɛngrɔ̄ɔ ɔyɔ̍ɔ̄ya̍ yī Ikra̍yisi. Ɔwɔ ē bī alɔ ē ya̍ lɛbɛ nīi lɛlā yī Ikra̍yisi ojo̍ōje̍ ge̍ē mīyanya ē ga ɛbɛha̍ ɛbɛha̍ wa̍a̍ bāa ɔjā oni̍pī gɛnɛgɛnɛ ma̍. 15Wu̍chē oji̍ nɛ, alɔ nūma̍ lɛ bāa yanɔ̄ oni̍pī gɛnɛgɛnɛ nīi Ikra̍yisi de pā Ɔwɔ ma̍. Li̍pī yī yanɔ̄ ɔlɛgɛnɛgɛnɛ ɔla̍ā ngrāa wa̍a̍ ē de āchɛ nīi ge̍ē lɛ ɔhɛ̍ta̍ ma̍ ba̍la āchɛ nīi ge̍ē pīyēbi̍ ma̍. 16Āchɛ nīi ge̍ē pīyēbi̍ ma̍, li̍pī ɔla̍ā lɛ wa̍ bāa lɛ̍hwa ɔngmɔ̍ɔ̄chɛ ma̍. Āchɛ nīi chī ge̍ē lɛ ɔhɛ̍ta̍ ma̍, o̍ lɛ wa̍ bāa ɔjā oni̍pī gɛnɛgɛnɛ nīi ge̍ē de ɔhɔ̄leyī de wa̍ ma̍. Ɔ̄nyɛ chī ge̍ē ya̍ u̍ku̍rɔ̍ ɔnɔ̄kɔ̄kū ɔla̍ā mɛ ma̍? 17Alɔ ma̍ i̍ lɛ bāa āchɛ ɛha̍ nīi ē bī ɛrɔ̄ yī Ɔwɔ ē ya̍ bāa ɔjā ɔlɛtɛ̍bɛ̍lɛ̍ obī rɔ̍ɔ̄ra̍ ma̍ ni̍. Wu̍chē lɔkɔ nīi Ɔwɔ tū alɔ ɛrɔ̄ otōtū ma̍, alɔ ē kɛlā la olēchi̍ lēchi̍ la eyī yī nū bāa āchɛ nīi - a̍chɛ̍ yī Ikra̍yisi lēchi̍ lēchi̍ ma̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)