11 ALIKƆ̍RĪNTI 1
1
Owu̍tu
1Ami Ipɔ̍ɔli nīi - ɔlɛrɔ̄ yī Ikra̍yisi Iji̍sɔ̄ɔsi gala ɔgu lɔkɔ nīi Ɔwɔ ɔlɔjā chikpo̍ ma̍, ami ba̍la Iti̍mōti ɔɔ̍nɛ̍ alɔ tɛ̄rɔ̄ nūma̍ a̍nɛ. Alɔ tɛ̄rɔ̄ nūma̍ hu ogrēeyī yī āchɛ yī Ɔwɔ nīi hɔ̄ la Ikɔ̍rīnti ma̍, ba̍la āchɛ yī Ɔwɔ nīi gblāa la ɔcha yī Igri̍isi wa̍a̍ ma̍.
2Ɔwɔ A̍dā yī alɔ ba̍la Ādādā yī alɔ, Iji̍sɔ̄ɔsi Ikra̍yisi ge̍ de ɔpiyɛ ba̍la ogbodɔ̍dɔ̍ de ala̍ wa̍a̍.
Ipɔ̍ɔli to̍gbo̍ de Ɔwɔ
3Alɔ ā to̍gbo̍ de Ɔwɔ nīi - A̍dā yī Ādādā yī alɔ Iji̍sɔ̄ɔsi Ikra̍yisi ma̍. Anu̍ - A̍dā nīi ē mlɛ̍ha̍ yī āchɛ ka̍ka̍ ma̍ a̍nɛ. Anu̍ - Ɔwɔ nīi wɔbɔ̄ otōtū wa̍a̍ ē bū la abɔ̄ yī nū a̍nɛ. 4Anu̍ ē tū alɔ wɔbɔ̄ yɛ̄grāa yī akanya wa̍a̍ nīi alɔ ē lɛ ma̍ a̍nɛ. O̍ ē ya̍ i̍ngɔ̍ɔ hɛ̄ɛbɛ nīi alɔ ge̍ē tū āchɛ ɛha̍ nīi akanya ita ɔha̍lɔha̍ wa̍a̍ hɔ̄ de wa̍ ma̍ wɔbɔ̄ titi. Alɔ ge̍ē tū wā wɔbɔ̄ bū la wɔbɔ̄ otōtū nīi Ɔwɔ ɔlɔjā tū alɔ o̍bū ma̍. 5Lɔkɔ nīi alɔ titi mi̍chi̍ gba̍a̍ tāa Ikra̍yisi ma̍, i̍ngi̍ngɔ̍ɔ nīi alɔ ge̍ē nāa wɔbɔ̄ otōtū yī nū ba̍la anu̍ a̍nɛ. 6Alɔ ge̍ mi̍chi̍, alɔ mi̍chi̍ wu̍chē yī wɔbɔ̄ otū ala̍ otōtū ba̍la ɔhɛ̍ta̍ yī ala̍. Alɔ ge̍ chī nāa wɔbɔ̄ otōtū, ɔ̍lɔma̍ ala̍ titi nāa wɔbɔ̄ otōtū ba̍la wɔhu̍ nīi ge̍ē ya̍ nīi ala̍ ē mlɔtū kpɔ̍ɔ̍ la ichi̍ ɔmɔ̍ɔ̄ma̍ lɔkɔ nīi alɔ ē mlɔtū ma̍ mɛ̍. 7Alɔ jo̍ōkū hīka, lɔkɔ nīi ala̍ titi yɛ ē mi̍chi̍ bāa alɔ ma̍, i̍ngi̍ngɔ̍ɔ nīi ala̍ titi ge̍ē nāa wɔbɔ̄ otōtū nīi alɔ ē nāa ma̍ a̍nɛ. Wu̍chē yī ɔla̍ā, eyī nīi alɔ de che ala̍ ma̍ i̍ tū ɔhi̍yɛ̄ngura ni̍.
8Aɛ̍nɛ̍ yī u, alɔ chikpo̍ nīi ala̍ ge̍ē bla lɔkɔ nīi akanya hɔ̄ de alɔ la ajɛ yī E̍siya wa̍a̍ ma̍. Iho̍ yī lɛlā ɔnɔ̄kɔ̄kū nīi e̍ de che alɔ ma̍ lyɛnu̍ kpɛ̍ɛ nīi alɔ wa̍ābɔ̄ yī ɔhɔ̄leyī. 9Alɔ gbɛri̍ya̍ kpɛ̍ɛ hīka e̍ hɛ̍ alɔ lɛpɔ̄ yī ɔpīyaku̍ mɛ̍. Onūma̍ wa̍a̍ ya̍ hɛ̄ɛbɛ nīi alɔ i̍ ge̍ē de ihi ē gbō iyī alɔ ɛlɛjā ni̍; o̍ ya̍ hɛ̄ɛbɛ nīi alɔ ge̍ē jo̍ōkū de ihi ē gbō la Ɔwɔ lōri̍īnū nīi ē de okū hye̍ēyī mɛ ma̍. 10Ɔwɔ chī hɛ̍ alɔ ta̍ hī okri yī rikū okwi̍bi̍īyē grigri ɔla̍ā i̍ngɔ̍ɔ ke̍e̍. O̍ chī ge̍ē gba̍a ē hɛ̍ alɔ ē ta̍ we̍. Alɔ de ɔtū che ɔ̍ hīka o̍ ge̍ē gba̍a ē hɛ̍ alɔ ē ta̍ i̍ngɔ̍ɔ ke̍e̍ we̍. 11Ɔla̍ā wa̍a̍ ge̍ē bū la ɔhā nīi ala̍ ge̍ē tū alɔ wɔbɔ̄ ji ē de Ɔwɔ wu̍chē yī alɔ ma̍. Bū la ɔhā yɛ̄mɛ̄mɛ̄ ɔla̍ā nīi ala̍ ge̍ē ji ē de alɔ ma̍, Ɔwɔ ge̍ē lɛ ɔhīyɔkɔ yī nū, ē de ɔpiyɛ ē kla̍ alɔ. Bū la ɛbɛ ɔla̍ā, āchɛ yɛ̄mɛ̄mɛ̄ ge̍ē to̍gbo̍ ē de ɔ̍ bāa ohwōhwō ma̍ wu̍chē yī alɔ.
Ɔmɔ̄miya nīi Ipɔ̍ɔli miya ma̍
12Ɔjā nīi ē bī alɔ wɔ̄wīyā gɔ̄ga ma̍ hɔ̄ ma̍ a̍nɛ: Alɔ jo̍ōkū tɛri̍tɛri̍ bū la ɛri̍ya̍ yī ūkpɔ̄tū yī alɔ hīka, ɔhɔ̄leyī nīi alɔ lɛ la yɛchɛ nūma̍ ma̍, ba̍la lɛlā nīi alɔ ē ya̍ ba̍la ala̍ pi̍i̍ ma̍, ɔha̍lɔha̍ wa̍a̍ lɛ bāa ɔchra̍da̍da̍ ma̍ ba̍la olēchi̍ lēchi̍ ke̍e̍. Ɔla̍ā, Ɔwɔ de de alɔ i̍ngɔ̍ɔ a̍nɛ; o̍ bū la uhwa ɔnɛ̄ɛhɛhi yī Ɔwɔ nīi o̍ ē de ma̍. I̍ lɛlā ojo̍ōje̍ ka̍ka̍ yī ɔ̄chɛ̄ɛchɛ - ohu̍ a̍ni̍. 13Ɔjā nīi ala̍ ge̍ē ma̍ la īpū je̍ ochi̍chi̍ yī nū ma̍ nīi alɔ ē ta̍ tū la īpū tɛ̄rɔ̄ hu ala̍ a̍nɛ. N deyīche hīka ala̍ ge̍ē ya̍ i̍ngɔ̍ɔ ē je̍ ochi̍chi̍ yī lɛlā wa̍a̍ la ɔgɔ̄grāa. 14U̍ma̍ama ma̍, ala̍ i̍ je̍ ochi̍chi̍ yī lɛlā gɔ̄grāa i̍ngɔ̍ɔ we̍ ni̍. Bū la ɛbɛ ɔla̍ā, la Ɔ̄chī yī Ɔwɔ̄wā yī Ādā Iji̍sɔ̄ɔsi, ala̍ ge̍ē wɔ̄wīyā wu̍chē yī alɔ; alɔ chī ge̍ē wɔ̄wīyā wu̍chē yī ala̍ titi.
15N jo̍ōkū i̍ngɔ̍ɔ hwɔhi hwɔhi, anu̍ ohu̍ nīi n miya rāarāa yɛ ē ge̍ē wā ge̍ē ma̍ ala̍, hɛ̄ɛbɛ nīi ala̍ ē re̍ uhwa yī u igbɛpa a̍nɛ. 16Wu̍chē oji̍ nɛ, n miya ge̍ē nyā ge̍ē ma̍ ala̍ nīi n ga yɛ gāa Imɛsɛdo̍niya ma̍. N chī gba̍a miya ge̍ē ma̍ ala̍ la ɔchɔ̄chā i̍ngi̍ngɔ̍ɔ. N ge̍ē wā abɔ̍ɔ i̍ngɔ̍ɔ hɛ̄ɛbɛ nīi ala̍ ē tū u wɔbɔ̄ la ɛyɛ nīi n yɛ gāa Ijudi̍ya ma̍. 17Ɔmɔ̄miya ɔla̍ā nīi n yɛ ē miya ma̍ lɛ kpa̍tākpatā la eyī yī ala̍? Ala̍ gbɛri̍ya̍ ka amɔ̍lɔ yɛ ē miya i̍ngɔ̍ɔ ma̍, ɛri̍ya̍ yī amɔ̍lɔ wa̍a̍ ɔ̍lɔ lā de iyī amɔ̍lɔ amɔ̍lɔ ke̍e̍? Ala̍ gbɛri̍ya̍ ka amɔ̍lɔ ɔ̍lɔ ē de lɛlā chɛ̄ hīka “Ēē, ēē” o̍bū chōo̍chē hīka “Ehe̍, ehe̍”? 18Wu̍chē yī Ɔwɔ nīi - olēchi̍ lēchi̍ ma̍, “oēē” ba̍la “ehe̍” ugbo̍he i̍ngɔ̍ɔ i̍ hɔ̄ lɛlā yī u nīi ē choko̍o ē de ala̍ ma̍ ni̍. 19Lēchi̍, Iji̍sɔ̄ɔsi Ikra̍yisi, Ɔyi̍ yī Ɔwɔ nīi Isa̍yi̍lāasi, ba̍la Iti̍mōti, ba̍la ami yɛ ē kɛlā yī nū de ala̍ ma̍, o̍ i̍ re̍ka “Ēē” ba̍la “Ehe̍” ni̍. Ɔkɔkɔ ɔla̍ā, anu̍ re̍ka “Oēē” yī Ɔwɔ a̍nɛ. 20Wu̍chē oji̍ nɛ, Iji̍sɔ̄ɔsi re̍ka “Oēē” yī oko̍o nīi Ɔwɔ che wa̍a̍ ma̍ a̍nɛ. Ɔla̍ā - ohu̍ nīi alɔ ē ka hīka, “O̍ ge̍ lɛ i̍ngɔ̍ɔ” gala abɔ̄ yī Iji̍sɔ̄ɔsi Ikra̍yisi, ē de rīgā de Ɔwɔ ɔlɔjā a̍nɛ. 21Ɔwɔ ɔlɔjā ya̍ nīi alɔ ba̍la ala̍ jo̍ōkū hwɔhi hwɔhi lɔkɔ nīi ɔhɔ̄leyī yī alɔ lɛ la Ikra̍yisi ma̍ a̍nɛ. Ɔwɔ ɔlɔjā de alɔ lā ke̍e̍ lɛ̍kɛ̍kɔ̍ a̍nɛ. 22Anu̍ ɔlɔjā de ina̍aba ba̍ alɔ ka aɛ̍lɛ - iyī anu̍ a̍nɛ. Anu̍ ɔlɔjā de Uhu Ɔnɛ̄ɛhɛhi yī nū tū alɔ la ūkpɔ̄tū nīi alɔ ge̍ē jɔ̍ɔkɔ ē de ɔtū che ɔjā wa̍a̍ nīi o̍ de lā de alɔ ma̍ a̍nɛ.
23Ɔwɔ - itɛ̍ɛhi̍yɛ̍ yī u a̍nɛ. Wu̍chē oji̍ nɛ, anu̍ je̍ ūkpɔ̄tū yī u a̍nɛ. Ala̍ jo̍ōkū gɛ hīka, wu̍chē yī ala̍ nīi n i̍ ga Ikɔ̍rīnti ni̍ a̍nɛ. 24Alɔ i̍ yɛ ē ku̍ ala̍ wɔhu̍ wɔhu̍ hīka ala̍ ge̍ chɛ̄ lɛlā nīi alɔ yɛ ē ka ma̍ pi̍i̍ ni̍. Je̍ka aa̍ ala̍ yarɛ abɔ̍ɔ brii la ɔtū ode chōche yī ala̍ mɛ̍. Ɔkɔkɔ ɔla̍ā, alɔ yɛ ē ya̍ u̍ku̍rɔ̍ ɔyɔ̍ɔ̄ya̍ ba̍la ala̍ wu̍chē yī ɔwɔ̄wīyā yī ala̍ ke̍e̍.
Currently Selected:
11 ALIKƆ̍RĪNTI 1: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
11 ALIKƆ̍RĪNTI 1
1
Owu̍tu
1Ami Ipɔ̍ɔli nīi - ɔlɛrɔ̄ yī Ikra̍yisi Iji̍sɔ̄ɔsi gala ɔgu lɔkɔ nīi Ɔwɔ ɔlɔjā chikpo̍ ma̍, ami ba̍la Iti̍mōti ɔɔ̍nɛ̍ alɔ tɛ̄rɔ̄ nūma̍ a̍nɛ. Alɔ tɛ̄rɔ̄ nūma̍ hu ogrēeyī yī āchɛ yī Ɔwɔ nīi hɔ̄ la Ikɔ̍rīnti ma̍, ba̍la āchɛ yī Ɔwɔ nīi gblāa la ɔcha yī Igri̍isi wa̍a̍ ma̍.
2Ɔwɔ A̍dā yī alɔ ba̍la Ādādā yī alɔ, Iji̍sɔ̄ɔsi Ikra̍yisi ge̍ de ɔpiyɛ ba̍la ogbodɔ̍dɔ̍ de ala̍ wa̍a̍.
Ipɔ̍ɔli to̍gbo̍ de Ɔwɔ
3Alɔ ā to̍gbo̍ de Ɔwɔ nīi - A̍dā yī Ādādā yī alɔ Iji̍sɔ̄ɔsi Ikra̍yisi ma̍. Anu̍ - A̍dā nīi ē mlɛ̍ha̍ yī āchɛ ka̍ka̍ ma̍ a̍nɛ. Anu̍ - Ɔwɔ nīi wɔbɔ̄ otōtū wa̍a̍ ē bū la abɔ̄ yī nū a̍nɛ. 4Anu̍ ē tū alɔ wɔbɔ̄ yɛ̄grāa yī akanya wa̍a̍ nīi alɔ ē lɛ ma̍ a̍nɛ. O̍ ē ya̍ i̍ngɔ̍ɔ hɛ̄ɛbɛ nīi alɔ ge̍ē tū āchɛ ɛha̍ nīi akanya ita ɔha̍lɔha̍ wa̍a̍ hɔ̄ de wa̍ ma̍ wɔbɔ̄ titi. Alɔ ge̍ē tū wā wɔbɔ̄ bū la wɔbɔ̄ otōtū nīi Ɔwɔ ɔlɔjā tū alɔ o̍bū ma̍. 5Lɔkɔ nīi alɔ titi mi̍chi̍ gba̍a̍ tāa Ikra̍yisi ma̍, i̍ngi̍ngɔ̍ɔ nīi alɔ ge̍ē nāa wɔbɔ̄ otōtū yī nū ba̍la anu̍ a̍nɛ. 6Alɔ ge̍ mi̍chi̍, alɔ mi̍chi̍ wu̍chē yī wɔbɔ̄ otū ala̍ otōtū ba̍la ɔhɛ̍ta̍ yī ala̍. Alɔ ge̍ chī nāa wɔbɔ̄ otōtū, ɔ̍lɔma̍ ala̍ titi nāa wɔbɔ̄ otōtū ba̍la wɔhu̍ nīi ge̍ē ya̍ nīi ala̍ ē mlɔtū kpɔ̍ɔ̍ la ichi̍ ɔmɔ̍ɔ̄ma̍ lɔkɔ nīi alɔ ē mlɔtū ma̍ mɛ̍. 7Alɔ jo̍ōkū hīka, lɔkɔ nīi ala̍ titi yɛ ē mi̍chi̍ bāa alɔ ma̍, i̍ngi̍ngɔ̍ɔ nīi ala̍ titi ge̍ē nāa wɔbɔ̄ otōtū nīi alɔ ē nāa ma̍ a̍nɛ. Wu̍chē yī ɔla̍ā, eyī nīi alɔ de che ala̍ ma̍ i̍ tū ɔhi̍yɛ̄ngura ni̍.
8Aɛ̍nɛ̍ yī u, alɔ chikpo̍ nīi ala̍ ge̍ē bla lɔkɔ nīi akanya hɔ̄ de alɔ la ajɛ yī E̍siya wa̍a̍ ma̍. Iho̍ yī lɛlā ɔnɔ̄kɔ̄kū nīi e̍ de che alɔ ma̍ lyɛnu̍ kpɛ̍ɛ nīi alɔ wa̍ābɔ̄ yī ɔhɔ̄leyī. 9Alɔ gbɛri̍ya̍ kpɛ̍ɛ hīka e̍ hɛ̍ alɔ lɛpɔ̄ yī ɔpīyaku̍ mɛ̍. Onūma̍ wa̍a̍ ya̍ hɛ̄ɛbɛ nīi alɔ i̍ ge̍ē de ihi ē gbō iyī alɔ ɛlɛjā ni̍; o̍ ya̍ hɛ̄ɛbɛ nīi alɔ ge̍ē jo̍ōkū de ihi ē gbō la Ɔwɔ lōri̍īnū nīi ē de okū hye̍ēyī mɛ ma̍. 10Ɔwɔ chī hɛ̍ alɔ ta̍ hī okri yī rikū okwi̍bi̍īyē grigri ɔla̍ā i̍ngɔ̍ɔ ke̍e̍. O̍ chī ge̍ē gba̍a ē hɛ̍ alɔ ē ta̍ we̍. Alɔ de ɔtū che ɔ̍ hīka o̍ ge̍ē gba̍a ē hɛ̍ alɔ ē ta̍ i̍ngɔ̍ɔ ke̍e̍ we̍. 11Ɔla̍ā wa̍a̍ ge̍ē bū la ɔhā nīi ala̍ ge̍ē tū alɔ wɔbɔ̄ ji ē de Ɔwɔ wu̍chē yī alɔ ma̍. Bū la ɔhā yɛ̄mɛ̄mɛ̄ ɔla̍ā nīi ala̍ ge̍ē ji ē de alɔ ma̍, Ɔwɔ ge̍ē lɛ ɔhīyɔkɔ yī nū, ē de ɔpiyɛ ē kla̍ alɔ. Bū la ɛbɛ ɔla̍ā, āchɛ yɛ̄mɛ̄mɛ̄ ge̍ē to̍gbo̍ ē de ɔ̍ bāa ohwōhwō ma̍ wu̍chē yī alɔ.
Ɔmɔ̄miya nīi Ipɔ̍ɔli miya ma̍
12Ɔjā nīi ē bī alɔ wɔ̄wīyā gɔ̄ga ma̍ hɔ̄ ma̍ a̍nɛ: Alɔ jo̍ōkū tɛri̍tɛri̍ bū la ɛri̍ya̍ yī ūkpɔ̄tū yī alɔ hīka, ɔhɔ̄leyī nīi alɔ lɛ la yɛchɛ nūma̍ ma̍, ba̍la lɛlā nīi alɔ ē ya̍ ba̍la ala̍ pi̍i̍ ma̍, ɔha̍lɔha̍ wa̍a̍ lɛ bāa ɔchra̍da̍da̍ ma̍ ba̍la olēchi̍ lēchi̍ ke̍e̍. Ɔla̍ā, Ɔwɔ de de alɔ i̍ngɔ̍ɔ a̍nɛ; o̍ bū la uhwa ɔnɛ̄ɛhɛhi yī Ɔwɔ nīi o̍ ē de ma̍. I̍ lɛlā ojo̍ōje̍ ka̍ka̍ yī ɔ̄chɛ̄ɛchɛ - ohu̍ a̍ni̍. 13Ɔjā nīi ala̍ ge̍ē ma̍ la īpū je̍ ochi̍chi̍ yī nū ma̍ nīi alɔ ē ta̍ tū la īpū tɛ̄rɔ̄ hu ala̍ a̍nɛ. N deyīche hīka ala̍ ge̍ē ya̍ i̍ngɔ̍ɔ ē je̍ ochi̍chi̍ yī lɛlā wa̍a̍ la ɔgɔ̄grāa. 14U̍ma̍ama ma̍, ala̍ i̍ je̍ ochi̍chi̍ yī lɛlā gɔ̄grāa i̍ngɔ̍ɔ we̍ ni̍. Bū la ɛbɛ ɔla̍ā, la Ɔ̄chī yī Ɔwɔ̄wā yī Ādā Iji̍sɔ̄ɔsi, ala̍ ge̍ē wɔ̄wīyā wu̍chē yī alɔ; alɔ chī ge̍ē wɔ̄wīyā wu̍chē yī ala̍ titi.
15N jo̍ōkū i̍ngɔ̍ɔ hwɔhi hwɔhi, anu̍ ohu̍ nīi n miya rāarāa yɛ ē ge̍ē wā ge̍ē ma̍ ala̍, hɛ̄ɛbɛ nīi ala̍ ē re̍ uhwa yī u igbɛpa a̍nɛ. 16Wu̍chē oji̍ nɛ, n miya ge̍ē nyā ge̍ē ma̍ ala̍ nīi n ga yɛ gāa Imɛsɛdo̍niya ma̍. N chī gba̍a miya ge̍ē ma̍ ala̍ la ɔchɔ̄chā i̍ngi̍ngɔ̍ɔ. N ge̍ē wā abɔ̍ɔ i̍ngɔ̍ɔ hɛ̄ɛbɛ nīi ala̍ ē tū u wɔbɔ̄ la ɛyɛ nīi n yɛ gāa Ijudi̍ya ma̍. 17Ɔmɔ̄miya ɔla̍ā nīi n yɛ ē miya ma̍ lɛ kpa̍tākpatā la eyī yī ala̍? Ala̍ gbɛri̍ya̍ ka amɔ̍lɔ yɛ ē miya i̍ngɔ̍ɔ ma̍, ɛri̍ya̍ yī amɔ̍lɔ wa̍a̍ ɔ̍lɔ lā de iyī amɔ̍lɔ amɔ̍lɔ ke̍e̍? Ala̍ gbɛri̍ya̍ ka amɔ̍lɔ ɔ̍lɔ ē de lɛlā chɛ̄ hīka “Ēē, ēē” o̍bū chōo̍chē hīka “Ehe̍, ehe̍”? 18Wu̍chē yī Ɔwɔ nīi - olēchi̍ lēchi̍ ma̍, “oēē” ba̍la “ehe̍” ugbo̍he i̍ngɔ̍ɔ i̍ hɔ̄ lɛlā yī u nīi ē choko̍o ē de ala̍ ma̍ ni̍. 19Lēchi̍, Iji̍sɔ̄ɔsi Ikra̍yisi, Ɔyi̍ yī Ɔwɔ nīi Isa̍yi̍lāasi, ba̍la Iti̍mōti, ba̍la ami yɛ ē kɛlā yī nū de ala̍ ma̍, o̍ i̍ re̍ka “Ēē” ba̍la “Ehe̍” ni̍. Ɔkɔkɔ ɔla̍ā, anu̍ re̍ka “Oēē” yī Ɔwɔ a̍nɛ. 20Wu̍chē oji̍ nɛ, Iji̍sɔ̄ɔsi re̍ka “Oēē” yī oko̍o nīi Ɔwɔ che wa̍a̍ ma̍ a̍nɛ. Ɔla̍ā - ohu̍ nīi alɔ ē ka hīka, “O̍ ge̍ lɛ i̍ngɔ̍ɔ” gala abɔ̄ yī Iji̍sɔ̄ɔsi Ikra̍yisi, ē de rīgā de Ɔwɔ ɔlɔjā a̍nɛ. 21Ɔwɔ ɔlɔjā ya̍ nīi alɔ ba̍la ala̍ jo̍ōkū hwɔhi hwɔhi lɔkɔ nīi ɔhɔ̄leyī yī alɔ lɛ la Ikra̍yisi ma̍ a̍nɛ. Ɔwɔ ɔlɔjā de alɔ lā ke̍e̍ lɛ̍kɛ̍kɔ̍ a̍nɛ. 22Anu̍ ɔlɔjā de ina̍aba ba̍ alɔ ka aɛ̍lɛ - iyī anu̍ a̍nɛ. Anu̍ ɔlɔjā de Uhu Ɔnɛ̄ɛhɛhi yī nū tū alɔ la ūkpɔ̄tū nīi alɔ ge̍ē jɔ̍ɔkɔ ē de ɔtū che ɔjā wa̍a̍ nīi o̍ de lā de alɔ ma̍ a̍nɛ.
23Ɔwɔ - itɛ̍ɛhi̍yɛ̍ yī u a̍nɛ. Wu̍chē oji̍ nɛ, anu̍ je̍ ūkpɔ̄tū yī u a̍nɛ. Ala̍ jo̍ōkū gɛ hīka, wu̍chē yī ala̍ nīi n i̍ ga Ikɔ̍rīnti ni̍ a̍nɛ. 24Alɔ i̍ yɛ ē ku̍ ala̍ wɔhu̍ wɔhu̍ hīka ala̍ ge̍ chɛ̄ lɛlā nīi alɔ yɛ ē ka ma̍ pi̍i̍ ni̍. Je̍ka aa̍ ala̍ yarɛ abɔ̍ɔ brii la ɔtū ode chōche yī ala̍ mɛ̍. Ɔkɔkɔ ɔla̍ā, alɔ yɛ ē ya̍ u̍ku̍rɔ̍ ɔyɔ̍ɔ̄ya̍ ba̍la ala̍ wu̍chē yī ɔwɔ̄wīyā yī ala̍ ke̍e̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)