1 Alikɔ̍rīnti 16
16
Ɔjā odōde ge̍ tu̍ aɛ̍nɛ̍ yī alɔ āchɛ yī Ikra̍yisi wɔbɔ̄
1U̍ma̍ama lɛlā yī okpo obī ge̍ tū āchɛ yī Ɔwɔ wɔbɔ̄ abɔ̍ɔ la Ijudi̍ya bɛ̍ɛ̄nɛ̄ nɛ. Ala̍ ā ya̍ lɔkɔ nīi n ka de ogrēeyī yī āchɛ yī Ɔwɔ nīi hɔ̄ la Igale̍siya ma̍ gɛ. 2I̍kɔ̍ɔbahɛ mi̍kɔ̍ɔbahɛ, ɔ̄chɛmɔ̄chɛ lipu̍ yī ala̍ ge̍ hwō okpo ɔha̍ bū la ɔjā nīi ɔlɔjā lɛ ma̍ nīi e̍ ge̍ de okpo ɔ̍lɔma̍ gbōgbō abɔ̍ɔ ke̍e̍, hɛ̄ɛbɛ nīi n ge̍ wā ma̍ nīi okpo ɔdɔ̄da ɔha̍lɔha̍ i̍ ge̍ gba̍a hɔ̄ gɛ ni̍. 3N ge̍ wā o̍bū mɛ̍, n ge̍ē de āchɛ nīi ala̍ hu ma̍ ē tɛ̄rɔ̄ pīya yī Ijɛru̍sālɛm bɛ̍ɛ̄nɛ̄. N ge̍ē de īpū nīi e̍ ge̍ē bī je̍ wā ma̍ ē de wa̍. 4O̍ ge̍ chī tɛ̄ɛbɛ nīi ami ɔlɔjā ge̍ē yɛ, ɔ̍lɔma̍ e̍ ge̍ē tīkpo̍ ba̍la ami ē gāa.
Lɔkɔ nīi Ipɔ̍ɔli miya ge̍ē ya̍ ma̍
5N ge̍ ga la Imɛsɛdo̍niya wa̍a̍ o̍bū mɛ̍, n ge̍ē wā dikpo̍ ē ba̍ ala̍. Wu̍chē oji̍ nɛ, Imɛsɛdo̍niya nīi n ge̍ē ga a̍nɛ. 6Ɔha̍ni̍, n ge̍ē hɔ̄ tāa ala̍ kpɛ̍ɛ yɛ̍ɛ̍yɛ̍ o̍bū. Ɔha̍ni̍, n ē de yɛ̄grāa yī owu wa̍a̍ ē re̍ abɔ̍ɔ; o̍bū ma̍ nīi ala̍ ge̍ tū u wɔbɔ̄ la ɛyɛ yī u ga ɛbɛha̍ nīi n ge̍ē gba̍a ē yɛ ma̍. 7N i̍ chikpo̍ ge̍ē wā ge̍ē ma̍ ala̍ ji ē ga ē pīya ɔpɔ̄ɔpɛ̄ ni̍. Ɔwɔ ge̍ chɛ̄, n chikpo̍ ge̍ē hɔ̄ tāa ala̍ ligbi̍gbo̍ o̍bū.
8N chī ge̍ē jī hɔ̄ amu la Ɛ̍fɛ̄susi kpɛɛ ē gbo̍ yɛ̄grāa yī Ɔwɔ̄wīyā yī Owu̍lā nūma̍ o̍bū. 9Aluji lɔ̄lyɛ̄mɛ̄mɛ̄ amu nyaa ma̍, yɛ̄grāa yī u̍ku̍rɔ̍ ɔyɔ̍ɔ̄ya̍ lēchi̍ lēchi̍ hɔ̄ amu de u ke̍ke̍ni̍.
10Iti̍mōti ge̍ ga wā abɔ̍ɔ, ala̍ ā chɛ̄rī nīi ala̍ ge̍ ya̍ yaya tāa anu̍. Wu̍chē oji̍ nɛ, anu̍ titi yɛ ē ya̍ u̍ku̍rɔ̍ ē de Ādā Iji̍sɔ̄ɔsi bāa ami ma̍. 11Ɔ̄chɔ̄chɛ ge̍ e̍e nāa anu̍ tɛ̍bɛ̍lɛ̍ ji ni̍. Ala̍ tū ɔ̄ wɔbɔ̄ nīi o̍ ge̍ pīya la ogbodɔ̍dɔ̍, hɛ̄ɛbɛ nīi o̍ ge̍ cha wā dikpo̍ba̍ u. Wu̍chē oji̍ nɛ, n yɛ amu ē gbēyī nīi o̍ ge̍ē wā ba̍la aɛ̍nɛ̍ yī alɔ ɛha̍.
12U̍ma̍ama lɛlā yī Apo̍lōosi bɛ̍ɛ̄nɛ̄ nɛ. N ē mla anu̍ ɔtū myɛ̄grāa-myɛ̄grāa hīka o̍ ge̍ wā ba̍la aɛ̍nɛ̍ yī alɔ āchɛ ehēhī ge̍ ma̍ ala̍. O̍ i̍ chī ku ɔ̍ iko la ūkpɔ̄tū la ɔwā abɔ̍ɔ u̍ma̍ama we̍ ni̍. Yɛ̄grāa ge̍ hɔ̄ de ɔ̍ mɛ̍, o̍ ge̍ē wā ge̍ē ma̍ ala̍.
Ɔchlɛhu̍ yī lɛlā
13Ala̍ ā kū grigri! Ala̍ ā yarɛ brii la ɔtū ode chōche! Ala̍ ā lyɛjɛjɛ! Ala̍ ā lwɔhu̍ brii! 14Ala̍ ā ya̍ u̍ku̍rɔ̍ yī ala̍ wa̍a̍ la ɔhɔtū!
15Je̍ka aa̍ ala̍ je̍ Isitɛfa̍nāasi ba̍la alwɔlɛ̍ yī nū! Aa̍ de pīya Āchɛ yī Ikra̍yisi yɔbɔ̄ɔbɔ̄ɔbū abɔ̍ɔ la ɔcha yī Igri̍isi wa̍a̍ a̍nɛ. E̍ de iyī wā wa̍a̍ lā de u̍ku̍rɔ̍ yī āchɛ yī Ɔwɔ ɔyɔ̍ɔ̄ya̍. 16Ala̍ chu̍chu̍u, aɛ̍nɛ̍ yī u! Ala̍ ā ga la ɔgɔgu yī āchɛ nūma̍ ba̍la āchɛ ɛha̍ nīi ē ya̍ u̍ku̍rɔ̍ kɛ̄ɛ ē chrɛ̄ɛrɔ̄ i̍ngɔ̍ɔ ba̍la aa̍ ma̍.
17N lɛ ɔwɔ̄wīyā kpɛ̍ɛji wu̍chē yī ɔwɔ̄wā yī Isitɛfa̍nāasi ba̍la Ifɔtuna̍tūusi ba̍la Aka̍yi̍kūusi. E̍ ya̍ nīi eyī yī ala̍ nīi yɛ ē bīya ami ma̍ gboba̍. 18E̍ gbo um ūkpɔ̄tū ba̍ lɔkɔ nīi e̍ gbo ala̍ ūkpɔ̄tū ba̍ ma̍. Ita yī āchɛ oli̍ngɛ̍ɛ̄nɛ̄ nūma̍ ngma̍ la ɔkwɛ̍ri̍ya̍ tū wā.
19Ogrēeyī yī āchɛ yī Ɔwɔ wa̍a̍ nīi hɔ̄ amu la ajɛ yī E̍siya ma̍ tɛ̄rɔ̄ yī ɔma̍kpɔɔ hu ala̍. Akwi̍la ba̍la Iprisi̍la tūla āchɛ yī Ɔwɔ nīi ē grēeyī la wɔlɛ̍ yī wā ma̍, aa̍ wa̍a̍ da ala̍ o̍be la ɔgɛnɛgɛnɛ yī āchɛ yī Ikra̍yisi. 20Aɛ̍nɛ̍ yī alɔ nīi gblāa amu wa̍a̍ ma̍ tɛ̄rɔ̄ yī ɔma̍kpɔɔ hu ala̍.
Ala̍ ā da ɔ̍nyīnū o̍be la ɔgɛnɛgɛnɛ bāa aɛ̍nɛ̍ ma̍.
21Onūma̍, n ta̍ la abɔ̄ yī ami ɔlɔjā: AMI IPƆ̍ƆLI, N DA ALA̍ O̍BE WA̍A̍.
22Ɔ̄chɛ nīi i̍ ge̍ yɔ̍ɔhɔtū yī Ādā ni̍, chi̍i de ɔlɔjā!
“Mara̍na tāa!” Ādādā yī alɔ, yewā!
23Ɔpiyɛ yī Ādā Iji̍sɔ̄ɔsi ge̍ hɔ̄ ba̍la ala̍!
24Ɔhɔtū yī u ge̍ hɔ̄ ba̍la ala̍ wa̍a̍ gala abɔ̄ yī Ikra̍yisi Iji̍sɔ̄ɔsi!
Currently Selected:
1 Alikɔ̍rīnti 16: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 16
16
Ɔjā odōde ge̍ tu̍ aɛ̍nɛ̍ yī alɔ āchɛ yī Ikra̍yisi wɔbɔ̄
1U̍ma̍ama lɛlā yī okpo obī ge̍ tū āchɛ yī Ɔwɔ wɔbɔ̄ abɔ̍ɔ la Ijudi̍ya bɛ̍ɛ̄nɛ̄ nɛ. Ala̍ ā ya̍ lɔkɔ nīi n ka de ogrēeyī yī āchɛ yī Ɔwɔ nīi hɔ̄ la Igale̍siya ma̍ gɛ. 2I̍kɔ̍ɔbahɛ mi̍kɔ̍ɔbahɛ, ɔ̄chɛmɔ̄chɛ lipu̍ yī ala̍ ge̍ hwō okpo ɔha̍ bū la ɔjā nīi ɔlɔjā lɛ ma̍ nīi e̍ ge̍ de okpo ɔ̍lɔma̍ gbōgbō abɔ̍ɔ ke̍e̍, hɛ̄ɛbɛ nīi n ge̍ wā ma̍ nīi okpo ɔdɔ̄da ɔha̍lɔha̍ i̍ ge̍ gba̍a hɔ̄ gɛ ni̍. 3N ge̍ wā o̍bū mɛ̍, n ge̍ē de āchɛ nīi ala̍ hu ma̍ ē tɛ̄rɔ̄ pīya yī Ijɛru̍sālɛm bɛ̍ɛ̄nɛ̄. N ge̍ē de īpū nīi e̍ ge̍ē bī je̍ wā ma̍ ē de wa̍. 4O̍ ge̍ chī tɛ̄ɛbɛ nīi ami ɔlɔjā ge̍ē yɛ, ɔ̍lɔma̍ e̍ ge̍ē tīkpo̍ ba̍la ami ē gāa.
Lɔkɔ nīi Ipɔ̍ɔli miya ge̍ē ya̍ ma̍
5N ge̍ ga la Imɛsɛdo̍niya wa̍a̍ o̍bū mɛ̍, n ge̍ē wā dikpo̍ ē ba̍ ala̍. Wu̍chē oji̍ nɛ, Imɛsɛdo̍niya nīi n ge̍ē ga a̍nɛ. 6Ɔha̍ni̍, n ge̍ē hɔ̄ tāa ala̍ kpɛ̍ɛ yɛ̍ɛ̍yɛ̍ o̍bū. Ɔha̍ni̍, n ē de yɛ̄grāa yī owu wa̍a̍ ē re̍ abɔ̍ɔ; o̍bū ma̍ nīi ala̍ ge̍ tū u wɔbɔ̄ la ɛyɛ yī u ga ɛbɛha̍ nīi n ge̍ē gba̍a ē yɛ ma̍. 7N i̍ chikpo̍ ge̍ē wā ge̍ē ma̍ ala̍ ji ē ga ē pīya ɔpɔ̄ɔpɛ̄ ni̍. Ɔwɔ ge̍ chɛ̄, n chikpo̍ ge̍ē hɔ̄ tāa ala̍ ligbi̍gbo̍ o̍bū.
8N chī ge̍ē jī hɔ̄ amu la Ɛ̍fɛ̄susi kpɛɛ ē gbo̍ yɛ̄grāa yī Ɔwɔ̄wīyā yī Owu̍lā nūma̍ o̍bū. 9Aluji lɔ̄lyɛ̄mɛ̄mɛ̄ amu nyaa ma̍, yɛ̄grāa yī u̍ku̍rɔ̍ ɔyɔ̍ɔ̄ya̍ lēchi̍ lēchi̍ hɔ̄ amu de u ke̍ke̍ni̍.
10Iti̍mōti ge̍ ga wā abɔ̍ɔ, ala̍ ā chɛ̄rī nīi ala̍ ge̍ ya̍ yaya tāa anu̍. Wu̍chē oji̍ nɛ, anu̍ titi yɛ ē ya̍ u̍ku̍rɔ̍ ē de Ādā Iji̍sɔ̄ɔsi bāa ami ma̍. 11Ɔ̄chɔ̄chɛ ge̍ e̍e nāa anu̍ tɛ̍bɛ̍lɛ̍ ji ni̍. Ala̍ tū ɔ̄ wɔbɔ̄ nīi o̍ ge̍ pīya la ogbodɔ̍dɔ̍, hɛ̄ɛbɛ nīi o̍ ge̍ cha wā dikpo̍ba̍ u. Wu̍chē oji̍ nɛ, n yɛ amu ē gbēyī nīi o̍ ge̍ē wā ba̍la aɛ̍nɛ̍ yī alɔ ɛha̍.
12U̍ma̍ama lɛlā yī Apo̍lōosi bɛ̍ɛ̄nɛ̄ nɛ. N ē mla anu̍ ɔtū myɛ̄grāa-myɛ̄grāa hīka o̍ ge̍ wā ba̍la aɛ̍nɛ̍ yī alɔ āchɛ ehēhī ge̍ ma̍ ala̍. O̍ i̍ chī ku ɔ̍ iko la ūkpɔ̄tū la ɔwā abɔ̍ɔ u̍ma̍ama we̍ ni̍. Yɛ̄grāa ge̍ hɔ̄ de ɔ̍ mɛ̍, o̍ ge̍ē wā ge̍ē ma̍ ala̍.
Ɔchlɛhu̍ yī lɛlā
13Ala̍ ā kū grigri! Ala̍ ā yarɛ brii la ɔtū ode chōche! Ala̍ ā lyɛjɛjɛ! Ala̍ ā lwɔhu̍ brii! 14Ala̍ ā ya̍ u̍ku̍rɔ̍ yī ala̍ wa̍a̍ la ɔhɔtū!
15Je̍ka aa̍ ala̍ je̍ Isitɛfa̍nāasi ba̍la alwɔlɛ̍ yī nū! Aa̍ de pīya Āchɛ yī Ikra̍yisi yɔbɔ̄ɔbɔ̄ɔbū abɔ̍ɔ la ɔcha yī Igri̍isi wa̍a̍ a̍nɛ. E̍ de iyī wā wa̍a̍ lā de u̍ku̍rɔ̍ yī āchɛ yī Ɔwɔ ɔyɔ̍ɔ̄ya̍. 16Ala̍ chu̍chu̍u, aɛ̍nɛ̍ yī u! Ala̍ ā ga la ɔgɔgu yī āchɛ nūma̍ ba̍la āchɛ ɛha̍ nīi ē ya̍ u̍ku̍rɔ̍ kɛ̄ɛ ē chrɛ̄ɛrɔ̄ i̍ngɔ̍ɔ ba̍la aa̍ ma̍.
17N lɛ ɔwɔ̄wīyā kpɛ̍ɛji wu̍chē yī ɔwɔ̄wā yī Isitɛfa̍nāasi ba̍la Ifɔtuna̍tūusi ba̍la Aka̍yi̍kūusi. E̍ ya̍ nīi eyī yī ala̍ nīi yɛ ē bīya ami ma̍ gboba̍. 18E̍ gbo um ūkpɔ̄tū ba̍ lɔkɔ nīi e̍ gbo ala̍ ūkpɔ̄tū ba̍ ma̍. Ita yī āchɛ oli̍ngɛ̍ɛ̄nɛ̄ nūma̍ ngma̍ la ɔkwɛ̍ri̍ya̍ tū wā.
19Ogrēeyī yī āchɛ yī Ɔwɔ wa̍a̍ nīi hɔ̄ amu la ajɛ yī E̍siya ma̍ tɛ̄rɔ̄ yī ɔma̍kpɔɔ hu ala̍. Akwi̍la ba̍la Iprisi̍la tūla āchɛ yī Ɔwɔ nīi ē grēeyī la wɔlɛ̍ yī wā ma̍, aa̍ wa̍a̍ da ala̍ o̍be la ɔgɛnɛgɛnɛ yī āchɛ yī Ikra̍yisi. 20Aɛ̍nɛ̍ yī alɔ nīi gblāa amu wa̍a̍ ma̍ tɛ̄rɔ̄ yī ɔma̍kpɔɔ hu ala̍.
Ala̍ ā da ɔ̍nyīnū o̍be la ɔgɛnɛgɛnɛ bāa aɛ̍nɛ̍ ma̍.
21Onūma̍, n ta̍ la abɔ̄ yī ami ɔlɔjā: AMI IPƆ̍ƆLI, N DA ALA̍ O̍BE WA̍A̍.
22Ɔ̄chɛ nīi i̍ ge̍ yɔ̍ɔhɔtū yī Ādā ni̍, chi̍i de ɔlɔjā!
“Mara̍na tāa!” Ādādā yī alɔ, yewā!
23Ɔpiyɛ yī Ādā Iji̍sɔ̄ɔsi ge̍ hɔ̄ ba̍la ala̍!
24Ɔhɔtū yī u ge̍ hɔ̄ ba̍la ala̍ wa̍a̍ gala abɔ̄ yī Ikra̍yisi Iji̍sɔ̄ɔsi!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)