1 Alikɔ̍rīnti 2
2
Ɛrɔ̄ yī ɔpīyaku̍ yī Ikra̍yisi la ɔchi̍ ɔhrɛ̍ɛpa
1Aɛ̍nɛ̍ yī u, n wā dikpo̍ba̍ ala̍ ge̍ ka ɛrɔ̄ yī Ɔwɔ de ala̍ ma̍, lɛlā olēchi̍ lēchi̍ yī nū nīi - lɛlā ɔtrɛ̍ba hī ala̍ ma̍ nīi ka a̍nɛ. N i̍ bī oko̍o ojo̍ōje̍ kɛ̄ɛ lɛlā ojo̍ōje̍ ka̍ka̍ ka de ala̍ ni̍. 2Wu̍chē oji̍ nɛ, n tu̍ ūkpɔ̄tū ku iyī u brii hīka n ge̍ē mwanyī hī ɔjāha̍ ɔjāha̍ wa̍a̍ yɛ̄grāa ɔla̍ā nīi hɔ̄ abɔ̍ɔ ba̍la ala̍ ma̍; ɔ̍chi̍kpa̍kpa̍ Iji̍sɔ̄ɔsi Ikra̍yisi nīi n ge̍ē bla ē tū ɔ̄ a̍nɛ. Onīi ge̍ē bla ē tū ɔ̄ ka̍ka̍ka̍ ma̍, ɔpīyaku̍ yī nū la ɔchi̍ ɔhrɛ̍ɛpa nɛ. 3Wu̍chē yī ɔla̍ā, yɛ̄grāa nīi n wā dikpo̍ba̍ ala̍ ma̍, n lɛ bāa okwīkwī ma̍; n hɛ̍ bāa ɔkpa̍kpa̍ ma̍ la uhwi otōtū. 4Lɛlā nīi n yɛ ē ngū āchɛ ba̍la ɛrɔ̄ yī Ɔwɔ nīi n yɛ ē ka wa̍a̍ ma̍, n i̍ bī lɛlā ojo̍ōje̍ ka̍ka̍ nīi - iyī āchɛ̄ɛchɛ ma̍ kɛlā ni̍. Ochi̍chi̍ yī lɛlā nīi hɔ̄ la wɔhu̍ yī Uhu yī Ɔwɔ ma̍ nīi n de chāyenyi de ala̍ ke̍e̍ a̍nɛ. 5Bū la ɛbɛ ɔla̍ā, ɔtū ode chōche yī ala̍ ɔha̍lɔha̍ i̍ ge̍ē de ihi ē gbō la lɛlā ojo̍ōje̍ ka̍ka̍ yī ɔ̄chɛ̄ɛchɛ ni̍. Wɔhu̍ yī Ɔwɔ nīi o̍ de ihi gbō la anu̍ a̍nɛ.
Lɛlā Ojo̍ōje̍ yī Ɔwɔ
6O̍ lɔ̄lɛ i̍ngɔ̍ɔ nyaa ma̍, n chī bī lɛlā ojo̍ōje̍ ka̍ka̍ ē kɛlā de āchɛ nīi de jɛ̄ la ɔpɔ̄pū yī Ɔwɔ mɛ̍ ma̍. Lɛlā ojo̍ōje̍ ka̍ka̍ nūma̍ i̍ iyī yɛchɛ nūma̍ ni̍; i̍ iyī wɔhu̍ nīi bī yɛchɛ nūma̍ ma̍ ni̍. Wɔhu̍ nūma̍ wa̍a̍, wɔhu̍ yī wā yɛ amu ē diya bāa ɔkpɔ̄kɔ̄kpɔ̄kɔ̄ ma̍ mɛ̍. 7Lɛlā ojo̍ōje̍ ka̍ka̍ nūma̍ nīi n yɛ ē ka ma̍, lɛlā ojo̍ōje̍ ka̍ka̍ yī Ɔwɔ nīi - lɛlā ɔtrɛ̍ba hī āchɛ̄ɛchɛ wa̍a̍ ma̍ nɛ. Lɛlā ojo̍ōje̍ ka̍ka̍ nīi Ɔwɔ de lā gbi̍chɛ gbi̍chɛ de alɔ o̍bo̍o̍bū nīi o̍ ya̍ yɛchɛ ma̍ nɛ. O̍ de lā ge̍ē tū alɔ rīgā. 8Ɔ̄chɔ̄chɛ amu lipu̍ yī āchɛ odeyīrɛ yɛchɛ nūma̍ i̍ je̍ ita yī lɛlā ojo̍ōje̍ ka̍ka̍ nūma̍ ni̍. E̍ ge̍ je̍ ɔ̄ nɛ, e̍ i̍ ge̍ de Ādādā yī rīgā gwōba̍ la ɔchi̍ ɔhrɛ̍ɛpa ni̍. 9Bū la ɛbɛ ɔla̍ā, o̍ lɛ lɔkɔ nīi Īpū yī Ɔwɔ ka ma̍,
“Ɔjā nīi ɔ̄chɔ̄chɛ i̍ ma̍ la eyī je̍ ni̍,
kɛ̄ɛ po̍ōpo̍ la arɔ̄ je̍ ni̍ ma̍;
ɔjā nīi ɔ̄chɔ̄chɛ i̍ gbɛri̍ya̍ ka ɔ̍lɔ ge̍ē ya̍ mɛ ni̍ ma̍,
anu̍ pi̍i̍ nīi Ɔwɔ ya̍ lā de āchɛ nīi ywɔ̍ɔnyɛ yī nū ma̍ a̍nɛ.”
10Alɔ nīi Ɔwɔ chī de lɛlā ɔtrɛ̍ba yī nū chabɔ̄ hu̍ alɔ gala abɔ̄ yī Uhu Ɔnɛ̄ɛhɛhi yī nū a̍nɛ. Uhu yī Ɔwɔ nūma̍ ē kwɔgu yī lɛlāha̍-ɛlāha̍ wa̍a̍, pɛtɛɛ ge̍ ku̍ la ohiyuu yī lɛlā nīi Ɔwɔ ɔlɔjā yɛ ē miya ma̍. 11Bɔ̄ɔkɔ nīi - iyī ɔ̄chɛ̄ɛchɛ lɛ ma̍: uhu nīi tū la ibi̍īyē yī ɔ̄chɛ̄ɛchɛ ma̍ ē je̍ ɔjāha̍ ɔjāha̍ wa̍a̍ nīi hɔ̄ la ibi̍īyē yī ɔ̄chɛ̄ɛchɛ ma̍ a̍nɛ. I̍ngi̍ngɔ̍ɔ nīi - iyī Ɔwɔ lɛ a̍nɛ! Uhu yī Ɔwɔ lōri̍īnū je̍ ɔjāha̍ ɔjāha̍ wa̍a̍ ku̍ Ɔwɔ a̍nɛ. 12Alɔ ma̍, alɔ i̍ nāa uhu nīi - iyī yɛchɛ nūma̍ ma̍ ni̍; Uhu nīi Ɔwɔ de tɛ̄rɔ̄ ma̍ nīi alɔ nāa a̍nɛ. Bū la ɛbɛ ɔla̍ā, alɔ ge̍ē je̍ ɔjāha̍ ɔjāha̍ wa̍a̍ nīi Ɔwɔ de de alɔ ma̍.
13Wu̍chē yī ɔla̍ā, alɔ ge̍ yɛ ē ka ochi̍chi̍ yī lɛlā olēchi̍ lēchi̍ yī Ɔwɔ ē de āchɛ nīi lɛ Uhu yī Ɔwɔ ma̍, alɔ i̍ ē bī ɔkɔ yī lɛlā ojo̍ōje̍ ka̍ka̍ yī āchɛ̄ɛchɛ ni̍; ɔkɔ yī lɛlā yī Uhu yī Ɔwɔ nīi alɔ ē bī ka a̍nɛ. 14Ɔ̄chɛ nīi i̍ lɛ Uhu yī Ɔwɔ ni̍ ma̍, ɛjā nīi Uhu yī Ɔwɔ ē de ma̍ i̍ yɛ abɔ̍ɔ ge̍ē grāa anu̍ ni̍. O̍ i̍ je̍ ochi̍chi̍ yī wā ni̍; e̍ lɛ ɔ̍ bāa a̍kpla yī ɔjā ma̍. Wu̍chē yī oji̍ nɛ, bū la wɔhu̍ yī Uhu yī Ɔwɔ lōri̍īnū nīi ɔ̄chɛ jo̍ōkū ka ɛ̍lɛ - ɔjā ɔlamu ɔlamu nɛ a̍nɛ. 15Ɔ̄chɛ nīi lɛ Uhu yī Ɔwɔ ma̍, anu̍ ē jo̍ōkū lɔkɔ nīi ɛjāha̍ ɛjāha̍ ɛla̍ā wa̍a̍ lɛ ma̍ a̍nɛ, e̍ ge̍ hwɔhi kɛ̄ɛ e̍ ge̍ dwɔ̄bi̍. Ɔ̄chɔ̄chɛ i̍ ē chī jo̍ōkū lɔkɔ nīi anu̍ lɛ ma̍ ni̍. 16O̍ lɛ lɔkɔ nīi Īpū yī Ɔwɔ ka ma̍,
“Ɔ̄nyɛ ē je̍ ɛri̍ya̍ ogbōgbo yī Ādā Nīi - Ɔwɔ Ma̍?
Ɔ̄nyɛ chī ge̍ē ngū ɔ̄ lɛlā mɛ ma̍?”
Alɔ ma̍, alɔ lɛ ɛri̍ya̍ yī ūkpɔ̄tū yī Ikra̍yisi.
Currently Selected:
1 Alikɔ̍rīnti 2: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 2
2
Ɛrɔ̄ yī ɔpīyaku̍ yī Ikra̍yisi la ɔchi̍ ɔhrɛ̍ɛpa
1Aɛ̍nɛ̍ yī u, n wā dikpo̍ba̍ ala̍ ge̍ ka ɛrɔ̄ yī Ɔwɔ de ala̍ ma̍, lɛlā olēchi̍ lēchi̍ yī nū nīi - lɛlā ɔtrɛ̍ba hī ala̍ ma̍ nīi ka a̍nɛ. N i̍ bī oko̍o ojo̍ōje̍ kɛ̄ɛ lɛlā ojo̍ōje̍ ka̍ka̍ ka de ala̍ ni̍. 2Wu̍chē oji̍ nɛ, n tu̍ ūkpɔ̄tū ku iyī u brii hīka n ge̍ē mwanyī hī ɔjāha̍ ɔjāha̍ wa̍a̍ yɛ̄grāa ɔla̍ā nīi hɔ̄ abɔ̍ɔ ba̍la ala̍ ma̍; ɔ̍chi̍kpa̍kpa̍ Iji̍sɔ̄ɔsi Ikra̍yisi nīi n ge̍ē bla ē tū ɔ̄ a̍nɛ. Onīi ge̍ē bla ē tū ɔ̄ ka̍ka̍ka̍ ma̍, ɔpīyaku̍ yī nū la ɔchi̍ ɔhrɛ̍ɛpa nɛ. 3Wu̍chē yī ɔla̍ā, yɛ̄grāa nīi n wā dikpo̍ba̍ ala̍ ma̍, n lɛ bāa okwīkwī ma̍; n hɛ̍ bāa ɔkpa̍kpa̍ ma̍ la uhwi otōtū. 4Lɛlā nīi n yɛ ē ngū āchɛ ba̍la ɛrɔ̄ yī Ɔwɔ nīi n yɛ ē ka wa̍a̍ ma̍, n i̍ bī lɛlā ojo̍ōje̍ ka̍ka̍ nīi - iyī āchɛ̄ɛchɛ ma̍ kɛlā ni̍. Ochi̍chi̍ yī lɛlā nīi hɔ̄ la wɔhu̍ yī Uhu yī Ɔwɔ ma̍ nīi n de chāyenyi de ala̍ ke̍e̍ a̍nɛ. 5Bū la ɛbɛ ɔla̍ā, ɔtū ode chōche yī ala̍ ɔha̍lɔha̍ i̍ ge̍ē de ihi ē gbō la lɛlā ojo̍ōje̍ ka̍ka̍ yī ɔ̄chɛ̄ɛchɛ ni̍. Wɔhu̍ yī Ɔwɔ nīi o̍ de ihi gbō la anu̍ a̍nɛ.
Lɛlā Ojo̍ōje̍ yī Ɔwɔ
6O̍ lɔ̄lɛ i̍ngɔ̍ɔ nyaa ma̍, n chī bī lɛlā ojo̍ōje̍ ka̍ka̍ ē kɛlā de āchɛ nīi de jɛ̄ la ɔpɔ̄pū yī Ɔwɔ mɛ̍ ma̍. Lɛlā ojo̍ōje̍ ka̍ka̍ nūma̍ i̍ iyī yɛchɛ nūma̍ ni̍; i̍ iyī wɔhu̍ nīi bī yɛchɛ nūma̍ ma̍ ni̍. Wɔhu̍ nūma̍ wa̍a̍, wɔhu̍ yī wā yɛ amu ē diya bāa ɔkpɔ̄kɔ̄kpɔ̄kɔ̄ ma̍ mɛ̍. 7Lɛlā ojo̍ōje̍ ka̍ka̍ nūma̍ nīi n yɛ ē ka ma̍, lɛlā ojo̍ōje̍ ka̍ka̍ yī Ɔwɔ nīi - lɛlā ɔtrɛ̍ba hī āchɛ̄ɛchɛ wa̍a̍ ma̍ nɛ. Lɛlā ojo̍ōje̍ ka̍ka̍ nīi Ɔwɔ de lā gbi̍chɛ gbi̍chɛ de alɔ o̍bo̍o̍bū nīi o̍ ya̍ yɛchɛ ma̍ nɛ. O̍ de lā ge̍ē tū alɔ rīgā. 8Ɔ̄chɔ̄chɛ amu lipu̍ yī āchɛ odeyīrɛ yɛchɛ nūma̍ i̍ je̍ ita yī lɛlā ojo̍ōje̍ ka̍ka̍ nūma̍ ni̍. E̍ ge̍ je̍ ɔ̄ nɛ, e̍ i̍ ge̍ de Ādādā yī rīgā gwōba̍ la ɔchi̍ ɔhrɛ̍ɛpa ni̍. 9Bū la ɛbɛ ɔla̍ā, o̍ lɛ lɔkɔ nīi Īpū yī Ɔwɔ ka ma̍,
“Ɔjā nīi ɔ̄chɔ̄chɛ i̍ ma̍ la eyī je̍ ni̍,
kɛ̄ɛ po̍ōpo̍ la arɔ̄ je̍ ni̍ ma̍;
ɔjā nīi ɔ̄chɔ̄chɛ i̍ gbɛri̍ya̍ ka ɔ̍lɔ ge̍ē ya̍ mɛ ni̍ ma̍,
anu̍ pi̍i̍ nīi Ɔwɔ ya̍ lā de āchɛ nīi ywɔ̍ɔnyɛ yī nū ma̍ a̍nɛ.”
10Alɔ nīi Ɔwɔ chī de lɛlā ɔtrɛ̍ba yī nū chabɔ̄ hu̍ alɔ gala abɔ̄ yī Uhu Ɔnɛ̄ɛhɛhi yī nū a̍nɛ. Uhu yī Ɔwɔ nūma̍ ē kwɔgu yī lɛlāha̍-ɛlāha̍ wa̍a̍, pɛtɛɛ ge̍ ku̍ la ohiyuu yī lɛlā nīi Ɔwɔ ɔlɔjā yɛ ē miya ma̍. 11Bɔ̄ɔkɔ nīi - iyī ɔ̄chɛ̄ɛchɛ lɛ ma̍: uhu nīi tū la ibi̍īyē yī ɔ̄chɛ̄ɛchɛ ma̍ ē je̍ ɔjāha̍ ɔjāha̍ wa̍a̍ nīi hɔ̄ la ibi̍īyē yī ɔ̄chɛ̄ɛchɛ ma̍ a̍nɛ. I̍ngi̍ngɔ̍ɔ nīi - iyī Ɔwɔ lɛ a̍nɛ! Uhu yī Ɔwɔ lōri̍īnū je̍ ɔjāha̍ ɔjāha̍ wa̍a̍ ku̍ Ɔwɔ a̍nɛ. 12Alɔ ma̍, alɔ i̍ nāa uhu nīi - iyī yɛchɛ nūma̍ ma̍ ni̍; Uhu nīi Ɔwɔ de tɛ̄rɔ̄ ma̍ nīi alɔ nāa a̍nɛ. Bū la ɛbɛ ɔla̍ā, alɔ ge̍ē je̍ ɔjāha̍ ɔjāha̍ wa̍a̍ nīi Ɔwɔ de de alɔ ma̍.
13Wu̍chē yī ɔla̍ā, alɔ ge̍ yɛ ē ka ochi̍chi̍ yī lɛlā olēchi̍ lēchi̍ yī Ɔwɔ ē de āchɛ nīi lɛ Uhu yī Ɔwɔ ma̍, alɔ i̍ ē bī ɔkɔ yī lɛlā ojo̍ōje̍ ka̍ka̍ yī āchɛ̄ɛchɛ ni̍; ɔkɔ yī lɛlā yī Uhu yī Ɔwɔ nīi alɔ ē bī ka a̍nɛ. 14Ɔ̄chɛ nīi i̍ lɛ Uhu yī Ɔwɔ ni̍ ma̍, ɛjā nīi Uhu yī Ɔwɔ ē de ma̍ i̍ yɛ abɔ̍ɔ ge̍ē grāa anu̍ ni̍. O̍ i̍ je̍ ochi̍chi̍ yī wā ni̍; e̍ lɛ ɔ̍ bāa a̍kpla yī ɔjā ma̍. Wu̍chē yī oji̍ nɛ, bū la wɔhu̍ yī Uhu yī Ɔwɔ lōri̍īnū nīi ɔ̄chɛ jo̍ōkū ka ɛ̍lɛ - ɔjā ɔlamu ɔlamu nɛ a̍nɛ. 15Ɔ̄chɛ nīi lɛ Uhu yī Ɔwɔ ma̍, anu̍ ē jo̍ōkū lɔkɔ nīi ɛjāha̍ ɛjāha̍ ɛla̍ā wa̍a̍ lɛ ma̍ a̍nɛ, e̍ ge̍ hwɔhi kɛ̄ɛ e̍ ge̍ dwɔ̄bi̍. Ɔ̄chɔ̄chɛ i̍ ē chī jo̍ōkū lɔkɔ nīi anu̍ lɛ ma̍ ni̍. 16O̍ lɛ lɔkɔ nīi Īpū yī Ɔwɔ ka ma̍,
“Ɔ̄nyɛ ē je̍ ɛri̍ya̍ ogbōgbo yī Ādā Nīi - Ɔwɔ Ma̍?
Ɔ̄nyɛ chī ge̍ē ngū ɔ̄ lɛlā mɛ ma̍?”
Alɔ ma̍, alɔ lɛ ɛri̍ya̍ yī ūkpɔ̄tū yī Ikra̍yisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)