1 Alikɔ̍rīnti 1
1
Owu̍tu
1Ami Ipɔ̍ɔli nīi Ɔwɔ hōhu lɔkɔ nīi anu̍ ɔlɔjā chikpo̍, gba̍a de u pīya ɔlɛrɔ̄ yī Ikra̍yisi Iji̍sɔ̄ɔsi ma̍ ta̍ īpū nūma̍ a̍nɛ. Ami ba̍la Iso̍sītɛnisi ɔɔ̍nɛ̍ yī alɔ tɛ̄rɔ̄ ɔma̍kpɔɔ nūma̍ 2hu ogrēeyī yī āchɛ yī Ɔwɔ nīi hɔ̄ la Ikɔ̍rīnti ma̍ a̍nɛ. Alɔ tɛ̄rɔ̄ nūma̍ hu ala̍ āchɛ wa̍a̍ nīi Ɔwɔ de ala̍ kwɔbɔ̄ bāa āchɛ ɛnɛ̄ɛhɛhi yī nū, āchɛ nīi de pīya āchɛ yī nū ke̍e̍ bū la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi ma̍. Ɛrɔ̄ nūma̍ gba̍a - iyī āchɛmāchɛ nīi gblāa la ɛbɛha̍ ɛbɛha̍ wa̍a̍, nīi - āchɛ ɔjɔhā de Ādādā yī alɔ Iji̍sɔ̄ɔsi Ikra̍yisi ma̍ nɛ. Wu̍chē oji̍ nɛ, anu̍ - Ādādā yī wā i̍ngi̍ngɔ̍ɔ lɔkɔ nīi o̍ - iyī alɔ ma̍ nɛ.
3Ɔwɔ A̍dā yī alɔ ba̍la Iji̍sɔ̄ɔsi Ikra̍yisi Ādādā yī alɔ ge̍ de ɔpiyɛ ba̍la ogbodɔ̍dɔ̍ de ala̍ wa̍a̍.
Ɔpiyɛ nīi bū la abɔ̄ yī Ikra̍yisi ma̍
4N ē da Ɔwɔ yī u o̍be myɛ̄grāa-myɛ̄grāa wu̍chē yī ala̍. N da ɔ̍ o̍be yī uhwa ɔnɛ̄ɛhɛhi nīi o̍ de de ala̍ bū la abɔ̄ yī Ikra̍yisi Iji̍sɔ̄ɔsi ma̍. 5Wu̍chē oji̍ nɛ, bū la ongmo̍tu̍chɛ̄ yī ala̍ ba̍la Ikra̍yisi, ala̍ de gbwɔdu la ɔjāha̍ ɔjāha̍ wa̍a̍, gala lɛlā ɔkɔ̄ka ba̍la ochi̍chi̍ yī lɛlā ojo̍ōje̍ wa̍a̍ mɛ̍. 6Ɛrɔ̄ yī Ikra̍yisi nīi ala̍ po̍ ma̍ gwa̍chɛ̄ ala̍ ūkpɔ̄tū kpɛ̍ɛji. 7Yɛ̄grāa nūma̍ wa̍a̍ nīi ala̍ gblāa yɛ ē gbēyī nīi Iji̍sɔ̄ɔsi Ikra̍yisi Ādādā yī alɔ ge̍ē de iyī nū hi̍yɛchɛ ma̍, ɔpiyɛ nīi hɔ̄ abɔ̍ɔ nīi ala̍ i̍ lɛ ni̍ hɔ̄ ni̍. 8Ɔwɔ chī ge̍ē gba̍a ē ya̍ nīi ala̍ ē lɛ brii la ɔtū ode chōche i̍ngɔ̍ɔ kpɛɛ gbo̍ ɔ̄chī ɔkwɛ̍ɛjī. O̍ ge̍ē ya̍ i̍ngɔ̍ɔ hɛ̄ɛbɛ nīi lɛfiyɛ yī lɛlɛ̄lā i̍ ge̍ē hɔ̄ la ibi̍īyē yī ala̍ la Ɔ̄chī yī Ɔwɔ̄wā yī Ādādā yī alɔ Iji̍sɔ̄ɔsi Ikra̍yisi ni̍. 9Ɔwɔ ngma̍ la ode ihi gbō la anu̍. Ɔwɔ nūma̍, anu̍ hī ala̍ ɛra̍ ge̍ tū tāa Ɔyi̍ yī nū Iji̍sɔ̄ɔsi Ikra̍yisi nīi - Ādādā yī alɔ ma̍ a̍nɛ.
Ogrēeyī yī Āchɛ yī Ɔwɔ de iyī wā yi̍ya
10Ala̍ chu̍chu̍u, aɛ̍nɛ̍ yī u! N de Iji̍sɔ̄ɔsi Ikra̍yisi Ādādā yī alɔ ra̍ābɔ̄ de ala̍: Oko̍o yī ala̍ ge̍ grāa la lɛlāha̍-ɛlāha̍ wa̍a̍ nīi ala̍ ge̍ē ka ma̍, hɛ̄ɛbɛ nīi ala̍ ge̍ e̍e de iyī ala̍ yi̍ya ni̍. Ala̍ ā ngmo̍tu̍chɛ̄ la ɔgɔ̄grāa nīi ūkpɔ̄tū yī ala̍ ba̍la ɛri̍ya̍ ge̍ lɛ ūkpo̍he ūkpo̍he. 11Wu̍chē oji̍ nɛ, āchɛ ɛha̍ nīi bū abɔ̍ɔ la wɔlɛ̍ yī Iklo̍o ma̍ de koko̍o de u mɛ̍ hīka, ala̍ ɔ̍lɔ yɛ abɔ̍ɔ ē gblɛlā tāa iyī ala̍. 12Ɔjā nīi n yɛ ē ka ma̍, i̍ngɛ̍ɛ̄nɛ̄ nīi ala̍ yɛ ē ya̍ a̍nɛ: Ɔ̄chɛ ɔha̍ ē ka anɔ̍lɔ - ɔ̄chɛ yī Ipɔ̍ɔli nɛ; ɔha̍ ē ka anɔ̍lɔ - ɔ̄chɛ yī Apo̍lōosi nɛ; ɔha̍ ē ka anɔ̍lɔ ɔ̄chɛ yī Ipi̍ta nɛ; ɔha̍ ē ka anɔ̍lɔ ɔ̄chɛ yī Ikra̍yisi nɛ. 13O̍ re̍ka ala̍ chōo̍chē de Ikra̍yisi yi̍ya mi̍ni̍mi̍ni̍? Ipɔ̍ɔli nīi e̍ de gwōba̍ la ɔchi̍ ɔhrɛ̍ɛpa de ala̍ a̍nɛ? Kɛ̄ɛ e̍ hu ala̍ yenyi ka ala̍ ɔ̍lɔ - a̍chi̍kpo̍ yī Ipɔ̍ɔli nɛ?
14N da Ɔwɔ o̍be wu̍chē lɔkɔ nīi n i̍ hu ɔ̄chɔ̄chɛ lipu̍ yī ala̍ yenyi ni̍ ma̍, ɔ̍chi̍kpa̍kpa̍ Ikri̍pūusi ba̍la Ige̍yusi. 15Bū la ɛbɛ ɔla̍ā, ɔ̄chɔ̄chɛ i̍ ge̍ē ka hīka ɛ̍lɛ hu ala̍ yenyi la riyī yī amɔ̍lɔ Ipɔ̍ɔli ni̍. 16Ēē, n gba̍a de bla mɛ̍! Āchɛ nīi n gba̍a hu wa̍ yenyi i̍ngi̍ngɔ̍ɔ ma̍, Isitɛfa̍nāasi ba̍la alwɔlɛ̍ yī nū nɛ. N i̍ gbɛri̍ya̍ hīka n gba̍a hu āchɛ ɛha̍ yenyi ba̍la aa̍ gɛ ni̍. 17Ikra̍yisi u̍tu de u tɛ̄rɔ̄ wu̍chē yī yenyi ohōhu kɛ̄ɛ? O̍ de u tɛ̄rɔ̄ nīi ge̍ē kā Wɔ̄kā Ɔlwɔnyɛ yī nū de āchɛ wa̍a̍. N i̍ ge̍ē bī oko̍o yī lɛlā ojo̍ōje̍ ka̍ka̍ yī āchɛ̄ɛchɛ ē ka ɛrɔ̄ yī nū nūma̍ ni̍. N ge̍ ya̍ i̍ngɔ̍ɔ, o̍ re̍ka n i̍ kɔ̄pɛ̄ ta̍ de wɔhu̍ nīi hɔ̄ la lɛlā yī Ikra̍yisi nīi pīyaku̍ la ɔchi̍ ɔhrɛ̍ɛpa ma̍ ni̍.
Ikra̍yisi re̍ka Wɔhu̍ ba̍la lɛlā Ojo̍ōje̍ yī Ɔwɔ a̍nɛ
18Wu̍chē oji̍ nɛ, lɛlā yī Ikra̍yisi ɔpīyaku̍ la ɔchi̍ ɔhrɛ̍ɛpa nūma̍ wa̍a̍, i̍ ɔjɔ̄jā de āchɛ nīi ɔpīyabi̍ hɔ̄ de wa̍ ma̍ ni̍. Alɔ nīi ge̍ē lɛ ɔhɛ̍ta̍ ma̍, anu̍ nīi o̍ re̍ka wɔhu̍ yī Ɔwɔ de alɔ a̍nɛ. 19Īpū yī Ɔwɔ ka hīka,
“Ɔwɔ ka anɔ̍lɔ ge̍ē de lɛlā ojo̍ōje̍ yī
āchɛ ɛjyɛ̍ɛ̄lā ka̍ka̍ ɛla̍ā chāajɛ.
Anɔ̍lɔ chī ge̍ē de ochi̍chi̍ yī lɛlā ojo̍ōje̍ yī
āchɛ eji̍īpū ka̍ka̍ ɛla̍ā chāajɛ.”
20O̍ lɛ i̍ngɔ̍ɔ bɛ̍ɛ̄nɛ̄ nɛ ma̍, oji̍ nīi alɛlā ojo̍ōje̍ ka̍ka̍ yī yɛchɛ nūma̍ ge̍ē bī chabɔ̄ yī lɛlā ojo̍ōje̍ ka̍ka̍ yī wā ma̍? Ɔwɔ de chabɔ̄ mɛ̍ hīka lɛlā ojo̍ōje̍ ka̍ka̍ yī yɛchɛ nūma̍ wa̍a̍ ɔ̍lɔ - i̍bobo ke̍e̍ nɛ.
21Wu̍chē oji̍ nɛ, bū la lɛlā ojo̍ōje̍ ka̍ka̍ yī Ɔwɔ ɔlɔjā, Ɔwɔ ya̍ nīi āchɛ i̍ ge̍ē bī lɛlā ojo̍ōje̍ yī aa̍ ɛlɛjā je̍ ɔ̄ mɛ ni̍. Ma̍ gɛ! Ɔwɔ miya ge̍ē hɛ̍ āchɛ wa̍a̍ nīi de ɔtū che ɔ̍ ma̍ ē ta̍, bū la ɛrɔ̄ yī nū nūma̍ nīi de ya̍ bāa i̍bobo nīi alɔ yɛ ē ka ē de āchɛ ma̍. 22Ma̍ gɛ! Āchɛ yī Iju̍u yɛ ē chikpo̍ yī lɛlā ɔlɛbɛ̍bi̍ ode chabɔ̄ hu̍ wā; āchɛ yī Igri̍iki chī yɛ ē kwɔgu yī lɛlā ojo̍ōje̍ ka̍ka̍. 23Alɔ ma̍, wɔ̄kā yī Ikra̍yisi ɔpīyaku̍ la ɔchi̍ ɔhrɛ̍ɛpa nīi alɔ chī tɔ̍ɔna yī nū de āchɛ a̍nɛ. Wɔ̄kā nūma̍ chī wu̍ āchɛ yī Iju̍u ɔtū kpɛ̍ɛji. Ɛchɛkɔcha ma̍ i̍ chī nɔ̄nāa anu̍ bāa ɔjɔ̄jā ma̍ ni̍. 24Āchɛ nīi Ɔwɔ de abɔ̄ ku wa̍ ma̍, āchɛ yī Iju̍u tōtū la Ɛchɛkɔcha oo, ɛrɔ̄ nūma̍ anu̍ re̍ka Ikra̍yisi nīi wɔhu̍ yī Ɔwɔ ba̍la lɛlā ojo̍ōje̍ ka̍ka̍ yī Ɔwɔ ma̍ a̍nɛ. 25Wu̍chē oji̍ nɛ, lɛlā ɔha̍ nīi ē ya̍ bāa i̍bobo yī Ɔwɔ ma̍ gla lɛlā ojo̍ōje̍ ka̍ka̍ yī āchɛ̄ɛchɛ ta̍ pɛtɛpɛtɛ. Lɛlā ɔha̍ nīi chī ya̍ bāa ɔlɛkwīkwī yī Ɔwɔ ma̍ lwɔhu̍ pɛtɛpɛtɛ hī wɔhu̍ yī āchɛ̄ɛchɛ.
26Je̍ka aa̍ ala̍ jɔ̍ɔkɔ nīi ala̍ lɛ la yɛ̄grāa nīi Ɔwɔ de abɔ̄ ku ala̍ ma̍, aɛ̍nɛ̍ yī u? Bū la ɔpɔ̄pū nīi āchɛ̄ɛchɛ ē gbɛri̍ya̍ yī lɛlā yī wā ma̍, ɔ̄nyɛ lipu̍ yī ala̍ re̍ka ɔ̄chɛ ɔjyɛ̍ɛ̄lā ka̍ka̍ ma̍? Ɔ̄nyɛ lwɔhɔ̍hu̍ ka̍ka̍, kɛ̄ɛ ɔ̄nyɛ bū la wɔma ɔlamu ɔlamu ka̍ka̍ ma̍? 27Ɔjā nīi yɛchɛ wa̍a̍ nāa bāa i̍bobo ma̍, anu̍ nīi Ɔwɔ chōo̍chē mɔ̍ɔ̄ma̍chi̍ nāa hɛ̄ɛbɛ ge̍ē de liwēyī de āchɛ ɛjyɛ̍ɛ̄lā ka̍ka̍ ɛ̍lɛma̍ a̍nɛ. Ɔjā nīi yɛchɛ wa̍a̍ chī nāa bāa ɔjā ɔlɛkwīkwī ma̍, anu̍ nīi Ɔwɔ chōo̍chē mɔ̍ɔ̄ma̍chi̍ nāa hɛ̄ɛbɛ ge̍ē de liwēyī de ala̍ga̍ba̍ a̍nɛ. 28Ɔjā nīi yɛchɛ wa̍a̍ nāa tɛ̍bɛ̍lɛ̍, chi̍hi̍ya̍ yī nū, gbɛri̍ya̍ ka ɔ̍lɔ i̍ ɔjɔ̄jā ni̍ ma̍, anu̍ pi̍i̍ nīi Ɔwɔ nāa hɛ̄ɛbɛ ge̍ē de ɛjā nīi yɛchɛ gbɛri̍ya̍ ka ɔ̍lɔ - ɔka̍ka̍ nɛ ma̍ ē chāajɛ a̍nɛ. 29Ɔla̍ā chabɔ̄ hīka ɔ̄chɔ̄chɛ i̍ ge̍ē bī lɛlɛ̄lā gbogū la iyɔ̄bū yī Ɔwɔ ē mɛ ni̍. 30Ɔwɔ chī de ala̍ bī wā ge̍ ngmo̍tu̍chɛ̄ ba̍la Iji̍sɔ̄ɔsi Ikra̍yisi mɛ̍. Ɔwɔ chī de Ikra̍yisi pīya lɛlā ojo̍ōje̍ ka̍ka̍ yī alɔ mɛ̍. Bū la abɔ̄ yī nū, alɔ de lɛ kpakpa ba̍la Ɔwɔ, alɔ de pīya āchɛ ɔnɛ̄ɛhɛhi yī Ɔwɔ, o̍ de alɔ hɛ̍ta̍ ke̍e̍. 31O̍ lɛ i̍ngɔ̍ɔ ma̍, alɔ ā ya̍ lɔkɔ nīi Īpū yī Ɔwɔ ka ma̍ gɛ, “Ɔ̄chɛmɔ̄chɛ nīi ge̍ chikpo̍ ge̍ē bī lɛlā gbogū, o̍ ge̍ bī lɛlā nīi Ɔwɔ ya̍ mɛ ma̍ gbogū.”
Currently Selected:
1 Alikɔ̍rīnti 1: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 1
1
Owu̍tu
1Ami Ipɔ̍ɔli nīi Ɔwɔ hōhu lɔkɔ nīi anu̍ ɔlɔjā chikpo̍, gba̍a de u pīya ɔlɛrɔ̄ yī Ikra̍yisi Iji̍sɔ̄ɔsi ma̍ ta̍ īpū nūma̍ a̍nɛ. Ami ba̍la Iso̍sītɛnisi ɔɔ̍nɛ̍ yī alɔ tɛ̄rɔ̄ ɔma̍kpɔɔ nūma̍ 2hu ogrēeyī yī āchɛ yī Ɔwɔ nīi hɔ̄ la Ikɔ̍rīnti ma̍ a̍nɛ. Alɔ tɛ̄rɔ̄ nūma̍ hu ala̍ āchɛ wa̍a̍ nīi Ɔwɔ de ala̍ kwɔbɔ̄ bāa āchɛ ɛnɛ̄ɛhɛhi yī nū, āchɛ nīi de pīya āchɛ yī nū ke̍e̍ bū la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi ma̍. Ɛrɔ̄ nūma̍ gba̍a - iyī āchɛmāchɛ nīi gblāa la ɛbɛha̍ ɛbɛha̍ wa̍a̍, nīi - āchɛ ɔjɔhā de Ādādā yī alɔ Iji̍sɔ̄ɔsi Ikra̍yisi ma̍ nɛ. Wu̍chē oji̍ nɛ, anu̍ - Ādādā yī wā i̍ngi̍ngɔ̍ɔ lɔkɔ nīi o̍ - iyī alɔ ma̍ nɛ.
3Ɔwɔ A̍dā yī alɔ ba̍la Iji̍sɔ̄ɔsi Ikra̍yisi Ādādā yī alɔ ge̍ de ɔpiyɛ ba̍la ogbodɔ̍dɔ̍ de ala̍ wa̍a̍.
Ɔpiyɛ nīi bū la abɔ̄ yī Ikra̍yisi ma̍
4N ē da Ɔwɔ yī u o̍be myɛ̄grāa-myɛ̄grāa wu̍chē yī ala̍. N da ɔ̍ o̍be yī uhwa ɔnɛ̄ɛhɛhi nīi o̍ de de ala̍ bū la abɔ̄ yī Ikra̍yisi Iji̍sɔ̄ɔsi ma̍. 5Wu̍chē oji̍ nɛ, bū la ongmo̍tu̍chɛ̄ yī ala̍ ba̍la Ikra̍yisi, ala̍ de gbwɔdu la ɔjāha̍ ɔjāha̍ wa̍a̍, gala lɛlā ɔkɔ̄ka ba̍la ochi̍chi̍ yī lɛlā ojo̍ōje̍ wa̍a̍ mɛ̍. 6Ɛrɔ̄ yī Ikra̍yisi nīi ala̍ po̍ ma̍ gwa̍chɛ̄ ala̍ ūkpɔ̄tū kpɛ̍ɛji. 7Yɛ̄grāa nūma̍ wa̍a̍ nīi ala̍ gblāa yɛ ē gbēyī nīi Iji̍sɔ̄ɔsi Ikra̍yisi Ādādā yī alɔ ge̍ē de iyī nū hi̍yɛchɛ ma̍, ɔpiyɛ nīi hɔ̄ abɔ̍ɔ nīi ala̍ i̍ lɛ ni̍ hɔ̄ ni̍. 8Ɔwɔ chī ge̍ē gba̍a ē ya̍ nīi ala̍ ē lɛ brii la ɔtū ode chōche i̍ngɔ̍ɔ kpɛɛ gbo̍ ɔ̄chī ɔkwɛ̍ɛjī. O̍ ge̍ē ya̍ i̍ngɔ̍ɔ hɛ̄ɛbɛ nīi lɛfiyɛ yī lɛlɛ̄lā i̍ ge̍ē hɔ̄ la ibi̍īyē yī ala̍ la Ɔ̄chī yī Ɔwɔ̄wā yī Ādādā yī alɔ Iji̍sɔ̄ɔsi Ikra̍yisi ni̍. 9Ɔwɔ ngma̍ la ode ihi gbō la anu̍. Ɔwɔ nūma̍, anu̍ hī ala̍ ɛra̍ ge̍ tū tāa Ɔyi̍ yī nū Iji̍sɔ̄ɔsi Ikra̍yisi nīi - Ādādā yī alɔ ma̍ a̍nɛ.
Ogrēeyī yī Āchɛ yī Ɔwɔ de iyī wā yi̍ya
10Ala̍ chu̍chu̍u, aɛ̍nɛ̍ yī u! N de Iji̍sɔ̄ɔsi Ikra̍yisi Ādādā yī alɔ ra̍ābɔ̄ de ala̍: Oko̍o yī ala̍ ge̍ grāa la lɛlāha̍-ɛlāha̍ wa̍a̍ nīi ala̍ ge̍ē ka ma̍, hɛ̄ɛbɛ nīi ala̍ ge̍ e̍e de iyī ala̍ yi̍ya ni̍. Ala̍ ā ngmo̍tu̍chɛ̄ la ɔgɔ̄grāa nīi ūkpɔ̄tū yī ala̍ ba̍la ɛri̍ya̍ ge̍ lɛ ūkpo̍he ūkpo̍he. 11Wu̍chē oji̍ nɛ, āchɛ ɛha̍ nīi bū abɔ̍ɔ la wɔlɛ̍ yī Iklo̍o ma̍ de koko̍o de u mɛ̍ hīka, ala̍ ɔ̍lɔ yɛ abɔ̍ɔ ē gblɛlā tāa iyī ala̍. 12Ɔjā nīi n yɛ ē ka ma̍, i̍ngɛ̍ɛ̄nɛ̄ nīi ala̍ yɛ ē ya̍ a̍nɛ: Ɔ̄chɛ ɔha̍ ē ka anɔ̍lɔ - ɔ̄chɛ yī Ipɔ̍ɔli nɛ; ɔha̍ ē ka anɔ̍lɔ - ɔ̄chɛ yī Apo̍lōosi nɛ; ɔha̍ ē ka anɔ̍lɔ ɔ̄chɛ yī Ipi̍ta nɛ; ɔha̍ ē ka anɔ̍lɔ ɔ̄chɛ yī Ikra̍yisi nɛ. 13O̍ re̍ka ala̍ chōo̍chē de Ikra̍yisi yi̍ya mi̍ni̍mi̍ni̍? Ipɔ̍ɔli nīi e̍ de gwōba̍ la ɔchi̍ ɔhrɛ̍ɛpa de ala̍ a̍nɛ? Kɛ̄ɛ e̍ hu ala̍ yenyi ka ala̍ ɔ̍lɔ - a̍chi̍kpo̍ yī Ipɔ̍ɔli nɛ?
14N da Ɔwɔ o̍be wu̍chē lɔkɔ nīi n i̍ hu ɔ̄chɔ̄chɛ lipu̍ yī ala̍ yenyi ni̍ ma̍, ɔ̍chi̍kpa̍kpa̍ Ikri̍pūusi ba̍la Ige̍yusi. 15Bū la ɛbɛ ɔla̍ā, ɔ̄chɔ̄chɛ i̍ ge̍ē ka hīka ɛ̍lɛ hu ala̍ yenyi la riyī yī amɔ̍lɔ Ipɔ̍ɔli ni̍. 16Ēē, n gba̍a de bla mɛ̍! Āchɛ nīi n gba̍a hu wa̍ yenyi i̍ngi̍ngɔ̍ɔ ma̍, Isitɛfa̍nāasi ba̍la alwɔlɛ̍ yī nū nɛ. N i̍ gbɛri̍ya̍ hīka n gba̍a hu āchɛ ɛha̍ yenyi ba̍la aa̍ gɛ ni̍. 17Ikra̍yisi u̍tu de u tɛ̄rɔ̄ wu̍chē yī yenyi ohōhu kɛ̄ɛ? O̍ de u tɛ̄rɔ̄ nīi ge̍ē kā Wɔ̄kā Ɔlwɔnyɛ yī nū de āchɛ wa̍a̍. N i̍ ge̍ē bī oko̍o yī lɛlā ojo̍ōje̍ ka̍ka̍ yī āchɛ̄ɛchɛ ē ka ɛrɔ̄ yī nū nūma̍ ni̍. N ge̍ ya̍ i̍ngɔ̍ɔ, o̍ re̍ka n i̍ kɔ̄pɛ̄ ta̍ de wɔhu̍ nīi hɔ̄ la lɛlā yī Ikra̍yisi nīi pīyaku̍ la ɔchi̍ ɔhrɛ̍ɛpa ma̍ ni̍.
Ikra̍yisi re̍ka Wɔhu̍ ba̍la lɛlā Ojo̍ōje̍ yī Ɔwɔ a̍nɛ
18Wu̍chē oji̍ nɛ, lɛlā yī Ikra̍yisi ɔpīyaku̍ la ɔchi̍ ɔhrɛ̍ɛpa nūma̍ wa̍a̍, i̍ ɔjɔ̄jā de āchɛ nīi ɔpīyabi̍ hɔ̄ de wa̍ ma̍ ni̍. Alɔ nīi ge̍ē lɛ ɔhɛ̍ta̍ ma̍, anu̍ nīi o̍ re̍ka wɔhu̍ yī Ɔwɔ de alɔ a̍nɛ. 19Īpū yī Ɔwɔ ka hīka,
“Ɔwɔ ka anɔ̍lɔ ge̍ē de lɛlā ojo̍ōje̍ yī
āchɛ ɛjyɛ̍ɛ̄lā ka̍ka̍ ɛla̍ā chāajɛ.
Anɔ̍lɔ chī ge̍ē de ochi̍chi̍ yī lɛlā ojo̍ōje̍ yī
āchɛ eji̍īpū ka̍ka̍ ɛla̍ā chāajɛ.”
20O̍ lɛ i̍ngɔ̍ɔ bɛ̍ɛ̄nɛ̄ nɛ ma̍, oji̍ nīi alɛlā ojo̍ōje̍ ka̍ka̍ yī yɛchɛ nūma̍ ge̍ē bī chabɔ̄ yī lɛlā ojo̍ōje̍ ka̍ka̍ yī wā ma̍? Ɔwɔ de chabɔ̄ mɛ̍ hīka lɛlā ojo̍ōje̍ ka̍ka̍ yī yɛchɛ nūma̍ wa̍a̍ ɔ̍lɔ - i̍bobo ke̍e̍ nɛ.
21Wu̍chē oji̍ nɛ, bū la lɛlā ojo̍ōje̍ ka̍ka̍ yī Ɔwɔ ɔlɔjā, Ɔwɔ ya̍ nīi āchɛ i̍ ge̍ē bī lɛlā ojo̍ōje̍ yī aa̍ ɛlɛjā je̍ ɔ̄ mɛ ni̍. Ma̍ gɛ! Ɔwɔ miya ge̍ē hɛ̍ āchɛ wa̍a̍ nīi de ɔtū che ɔ̍ ma̍ ē ta̍, bū la ɛrɔ̄ yī nū nūma̍ nīi de ya̍ bāa i̍bobo nīi alɔ yɛ ē ka ē de āchɛ ma̍. 22Ma̍ gɛ! Āchɛ yī Iju̍u yɛ ē chikpo̍ yī lɛlā ɔlɛbɛ̍bi̍ ode chabɔ̄ hu̍ wā; āchɛ yī Igri̍iki chī yɛ ē kwɔgu yī lɛlā ojo̍ōje̍ ka̍ka̍. 23Alɔ ma̍, wɔ̄kā yī Ikra̍yisi ɔpīyaku̍ la ɔchi̍ ɔhrɛ̍ɛpa nīi alɔ chī tɔ̍ɔna yī nū de āchɛ a̍nɛ. Wɔ̄kā nūma̍ chī wu̍ āchɛ yī Iju̍u ɔtū kpɛ̍ɛji. Ɛchɛkɔcha ma̍ i̍ chī nɔ̄nāa anu̍ bāa ɔjɔ̄jā ma̍ ni̍. 24Āchɛ nīi Ɔwɔ de abɔ̄ ku wa̍ ma̍, āchɛ yī Iju̍u tōtū la Ɛchɛkɔcha oo, ɛrɔ̄ nūma̍ anu̍ re̍ka Ikra̍yisi nīi wɔhu̍ yī Ɔwɔ ba̍la lɛlā ojo̍ōje̍ ka̍ka̍ yī Ɔwɔ ma̍ a̍nɛ. 25Wu̍chē oji̍ nɛ, lɛlā ɔha̍ nīi ē ya̍ bāa i̍bobo yī Ɔwɔ ma̍ gla lɛlā ojo̍ōje̍ ka̍ka̍ yī āchɛ̄ɛchɛ ta̍ pɛtɛpɛtɛ. Lɛlā ɔha̍ nīi chī ya̍ bāa ɔlɛkwīkwī yī Ɔwɔ ma̍ lwɔhu̍ pɛtɛpɛtɛ hī wɔhu̍ yī āchɛ̄ɛchɛ.
26Je̍ka aa̍ ala̍ jɔ̍ɔkɔ nīi ala̍ lɛ la yɛ̄grāa nīi Ɔwɔ de abɔ̄ ku ala̍ ma̍, aɛ̍nɛ̍ yī u? Bū la ɔpɔ̄pū nīi āchɛ̄ɛchɛ ē gbɛri̍ya̍ yī lɛlā yī wā ma̍, ɔ̄nyɛ lipu̍ yī ala̍ re̍ka ɔ̄chɛ ɔjyɛ̍ɛ̄lā ka̍ka̍ ma̍? Ɔ̄nyɛ lwɔhɔ̍hu̍ ka̍ka̍, kɛ̄ɛ ɔ̄nyɛ bū la wɔma ɔlamu ɔlamu ka̍ka̍ ma̍? 27Ɔjā nīi yɛchɛ wa̍a̍ nāa bāa i̍bobo ma̍, anu̍ nīi Ɔwɔ chōo̍chē mɔ̍ɔ̄ma̍chi̍ nāa hɛ̄ɛbɛ ge̍ē de liwēyī de āchɛ ɛjyɛ̍ɛ̄lā ka̍ka̍ ɛ̍lɛma̍ a̍nɛ. Ɔjā nīi yɛchɛ wa̍a̍ chī nāa bāa ɔjā ɔlɛkwīkwī ma̍, anu̍ nīi Ɔwɔ chōo̍chē mɔ̍ɔ̄ma̍chi̍ nāa hɛ̄ɛbɛ ge̍ē de liwēyī de ala̍ga̍ba̍ a̍nɛ. 28Ɔjā nīi yɛchɛ wa̍a̍ nāa tɛ̍bɛ̍lɛ̍, chi̍hi̍ya̍ yī nū, gbɛri̍ya̍ ka ɔ̍lɔ i̍ ɔjɔ̄jā ni̍ ma̍, anu̍ pi̍i̍ nīi Ɔwɔ nāa hɛ̄ɛbɛ ge̍ē de ɛjā nīi yɛchɛ gbɛri̍ya̍ ka ɔ̍lɔ - ɔka̍ka̍ nɛ ma̍ ē chāajɛ a̍nɛ. 29Ɔla̍ā chabɔ̄ hīka ɔ̄chɔ̄chɛ i̍ ge̍ē bī lɛlɛ̄lā gbogū la iyɔ̄bū yī Ɔwɔ ē mɛ ni̍. 30Ɔwɔ chī de ala̍ bī wā ge̍ ngmo̍tu̍chɛ̄ ba̍la Iji̍sɔ̄ɔsi Ikra̍yisi mɛ̍. Ɔwɔ chī de Ikra̍yisi pīya lɛlā ojo̍ōje̍ ka̍ka̍ yī alɔ mɛ̍. Bū la abɔ̄ yī nū, alɔ de lɛ kpakpa ba̍la Ɔwɔ, alɔ de pīya āchɛ ɔnɛ̄ɛhɛhi yī Ɔwɔ, o̍ de alɔ hɛ̍ta̍ ke̍e̍. 31O̍ lɛ i̍ngɔ̍ɔ ma̍, alɔ ā ya̍ lɔkɔ nīi Īpū yī Ɔwɔ ka ma̍ gɛ, “Ɔ̄chɛmɔ̄chɛ nīi ge̍ chikpo̍ ge̍ē bī lɛlā gbogū, o̍ ge̍ bī lɛlā nīi Ɔwɔ ya̍ mɛ ma̍ gbogū.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)