1 Alikɔ̍rīnti 3
3
Alɔ - a̍chɛ̍ yī Ɔwɔ nɛ
1Aɛ̍nɛ̍ yī u! Lēchi̍, n i̍ bī lɛlā ojo̍ōje̍ ka̍ka̍ kɛlā tāa ala̍ lɔkɔ nīi n ē ka ba̍la āchɛ nīi lɛ Uhu yī Ɔwɔ ma̍ ni̍. N ē kɛlā tāa ala̍ bāa āchɛ ɔlamu yī yɛchɛ nūma̍ ma̍. Ala̍ lɛ bāa aɛ̍pɛ̄ ma̍ la ɔpɔ̄pū yī lɛlā yī ɔtū ode che Ikra̍yisi. 2Bū la ɛbɛ ɔla̍ā, amɛ̄ nīi n ge̍ē de ē de ala̍ a̍nɛ, i̍ ojōre̍ ɔlwɔhɔ̍hu̍ ni̍. Wu̍chē oji̍ nɛ, ala̍ i̍ jɛ̄ gbajɛ i̍ngɔ̍ɔ ge̍ē re̍ ojōre̍ ɔlwɔhu̍ we̍ ni̍. Kpɛɛ ge̍ ku u̍ma̍ama nūma̍, ala̍ jɛ̄ gbajɛ i̍ngɔ̍ɔ ge̍ē re̍ ojōre̍ ɔlwɔhu̍ we̍ ni̍. 3Wu̍chē oji̍ nɛ, ɔhɔ̄leyī yī ala̍ e̍e lɛ bāa āchɛ yī yɛchɛ nūma̍ ma̍. Uji otū ɔ̍nyīnū ba̍la apɔ̄ nīi ala̍ ē gbo ē tū ɔ̍nyīnū wa̍a̍ ma̍ chabɔ̄ hīka ala̍ ɔ̍lɔ - āchɛ yī yɛchɛ nūma̍ we̍ nɛ. Ita yī ɔhɔ̄leyī nūma̍ - iyī yɛchɛ nūma̍ nɛ. 4Onīi ala̍ āchɛ ɛha̍ ē ka hīka, “Ami chɛ̄ lɛlā yī Ipɔ̍ɔli” nīi ɔha̍ ē hīka, “Ami chɛ̄ lɛlā yī Apo̍lōosi” i̍ngɔ̍ɔ bɛ̍ɛ̍ ma̍, i̍ lɛlā nīi āchɛ yī yɛchɛ nūma̍ ē ya̍ ma̍ bī aa̍ a̍ni̍?
5Ɔ̄nyɛ kpɛ̍ɛ - Apo̍lōosi ma̍? Kɛ̄ɛ ɔ̄nyɛ - Ipɔ̍ɔli ma̍? Alɔ - a̍chɛ̍ ɔbɔbɔ yī Ɔwɔ nɛ. Bū la abɔ̄ yī alɔ nīi Ɔwɔ ya̍ nīi ala̍ de ɔtū che ɔ̍ a̍nɛ. Ɔnyɔnyɛ ē ya̍ u̍ku̍rɔ̍ nīi Ɔwɔ de de ɔ̍ ka ɔ̍lɔ ge̍ ya̍ ma̍. 6Ami lɛ bāa ɔ̄chɛ obī īkpɔ̄ɔ̄chi̍ ge̍ nyi ma̍; Apo̍lōosi lɛ bāa ɔ̄chɛ odɛ̄ yenyi ge̍ hu ɔ̍ ma̍. Ɔwɔ ɔlɔjā re̍ka ɔ̄chɛ nīi ē ya̍ nīi o̍ ē jɛ̄ ma̍ a̍nɛ. 7Iyī ɔ̄chɛ nīi bī ge̍ nyōnyi ma̍ ba̍la ɔ̄chɛ nīi dɛ̄ yenyi tū ɔ̄ ma̍ i̍ ɔka̍ka̍ ni̍. Iyī Ɔwɔ - ɔka̍ka̍ a̍nɛ. Wu̍chē oji̍ nɛ, anu̍ ya̍ nīi īkpɔ̄ɔ̄chi̍ ɔla̍ā bū jɛ̄ a̍nɛ. 8Ɔjɔ̄jā i̍ hɔ̄ɔ̄hɔ̄ abɔ̍ɔ lipu̍ yī ɔ̄chɛ nīi nyi īkpɔ̄ɔ̄chi̍ ɔla̍ā ma̍ ba̍la ɔ̄chɛ nīi dɛ̄ yenyi tū ɔ̄ ma̍ ni̍. Ɔwɔ ge̍ē kla̍ ɔnyɔnyɛ ure̍ yī u̍ku̍rɔ̍ nīi ɔlɔjā ya̍ ma̍. 9Wu̍chē oji̍ nɛ, alɔ de abɔ̄ tū la ɛbɛ ūkpo̍he yɛ ē ya̍ u̍ku̍rɔ̍ ɔla̍ā de Ɔwɔ. Ala̍ re̍ka ajɛ yī yɛrɔ̄ yī Ɔwɔ a̍nɛ.
Ala̍ gba̍a lɛ bāa wɔlɛ̍ yī Ɔwɔ ma̍. 10Bū la uhwa ɔnɛ̄ɛhɛhi nīi Ɔwɔ kɔ̄ de u ma̍, n bī abɔ̄ u̍ku̍rɔ̍ yī ɔ̄chɛ ɔmwɔlɛ̍ ka̍ka̍ mɛ de ala̍ tū la ajɛ bāa owu̍tu yī wɔlɛ̍ ma̍ mɛ̍. Ɔ̄chɛ ɔha̍ yɛ ē mɔ̄ma ē che ɔ̍ la ichō bɛ̍ɛ̄nɛ̄ a̍nɛ. Ɔ̄chɛmɔ̄chɛ lipu̍ yī alɔ chī ge̍ jɔ̍ɔkɔ nīi o̍ ge̍ē ma wɔlɛ̍ nūma̍ ma̍. 11Wu̍chē oji̍ nɛ, Iji̍sɔ̄ɔsi Ikra̍yisi lōri̍īnū kpo̍kpo̍ nīi Ɔwɔ de tū la ajɛ bāa owu̍tu yī wɔlɛ̍ ɔ̍lɔma̍ a̍nɛ. Owu̍tu yī wɔlɛ̍ ɔha̍lɔha̍ i̍ hɔ̄ nīi āchɛ ge̍ē de ē tū la ajɛ ē gɛ ni̍. 12Āchɛ ɛha̍ ma̍ ge̍ē bī igo̍olu kɛ̄ɛ isi̍li̍ba kɛ̄ɛ achɔ̄ ɔlamu ɔlamu ɛha̍ ē ma wɔlɛ̍ ē che la ichō yī owu̍tu yī wɔlɛ̍ ɔla̍ā. Āchɛ ɛha̍ chī ge̍ē bī ɛchi̍ kɛ̄ɛ ɛpɛ̄ kɛ̄ɛ akɔ̍. 13Lɔkɔ nīi u̍ku̍rɔ̍ yī ɔnyɔnyɛ hwɔhi ge̍ rɛ ma̍, ɔla̍ā ge̍ē hi̍yɛchɛ i̍chi̍chɛ nīi - Ɔ̄chī Ɔwɔ̄wā yī Ikra̍yisi ma̍. Ɔla̍ nīi ge̍ē hɔ̄ i̍chi̍chɛ ɔla̍ā ma̍ ge̍ē chabɔ̄ yī abɔ̄ u̍ku̍rɔ̍ yī ɔ̄chɛmɔ̄chɛ. Ɔla̍ ɔ̍lɔma̍ ge̍ē ma ɔ̍ ē ma̍, ē chabɔ̄ yī wɔhi yī nū a̍nɛ. 14Ɔjāha̍ ɔjāha̍ nīi ɔ̄chɛ ge̍ bī ma wɔlɛ̍ che la ichō yī owu̍tu yī wɔlɛ̍ ɔla̍ā, o̍ ge̍ ku̍ hɛ̍ta̍ hī ɔla̍ ɔla̍ā mɛ mɛ̍, ɔ̍lɔma̍ ɔlɔjā ge̍ē nāa ure̍ nīi Ɔwɔ ge̍ē kla̍ anu̍ ma̍. 15Abɔ̄ u̍ku̍rɔ̍ yī ɔ̄chɛ nīi ge̍ chī de wɔla̍, ɔ̍lɔma̍ o̍ re̍ka o̍ chāajɛ la anu̍. Ɔ̄chɛ ɔlɔjā chī ge̍ē lɛ ɔhɛ̍ta̍. Ɔla̍ā lɛ bɔ̄ɔkɔ nīi ɔ̄chɛ de ē gwɛ̍ɛnya ē ga la lipu̍ yī ɔla̍ ɔchɔ̄chɛ̄ ma̍.
16Je̍ka aa̍ ala̍ jo̍ōkū hīka ala̍ re̍ka u̍nu̍ yī Ɔwɔ a̍nɛ! Ala̍ ā jo̍ōkū hīka Uhu yī Ɔwɔ hɔ̄ abɔ̍ɔ la ala̍. 17Wu̍chē yī ɔla̍ā, ɔ̄chɛ nīi ge̍ de u̍nu̍ yī Ɔwɔ chāajɛ, Ɔwɔ ge̍ē de ɔlɔjā chāajɛ. Wu̍chē oji̍ nɛ, u̍nu̍ yī Ɔwɔ lɛ cha̍ri̍cha̍ri̍ lā ke̍e̍ de Ɔwɔ. Ala̍ chī re̍ka u̍nu̍ yī Ɔwɔ a̍nɛ.
18Ɔ̄chɔ̄chɛ ge̍ e̍e ya̍ iyī nū i̍bobo ni̍. Ɔ̄chɛ ɔha̍ lipu̍ yī ala̍ ge̍ chī gbɛri̍ya̍ hīka anɔ̍lɔ - ɔ̄chɛ ɔjyɛ̍ɛ̄lā ka̍ka̍ nɛ, gala ɔgulɛ̄lā ojo̍ōje̍ ka̍ka̍ yī yɛchɛ nūma̍, ɔ̍lɔma̍ ɔlɔjā ge̍ de pīya oli̍bobo, hɛ̄ɛbɛ nīi o̍ ge̍ de pīya ɔ̄chɛ ɔjyɛ̍ɛ̄lā ka̍ka̍ la olēchi̍ lēchi̍. 19Wu̍chē oji̍ nɛ, ɔjā nīi yɛchɛ nūma̍ ē nāa ka ɔ̍lɔ - lɛlā ojo̍ōje̍ ka̍ka̍ nɛ ma̍, i̍ ɔjɔ̄jā la eyī yī Ɔwɔ ni̍. Lɔkɔ nīi Īpū yī Ɔwɔ ka ma̍, “Ɔwɔ ē trɛ̍ɛda ē kla̍ āchɛ ɛjyɛ̍ɛ̄lā ka̍ka̍ ɛla̍ā la i̍ji̍yēyī yī wā.” 20Īpū yī Ɔwɔ gba̍a ka ɔha̍ hīka, “Ɛri̍ya̍ ogbōgbo yī āchɛ ɛjyɛ̍ɛ̄lā ka̍ka̍ ɛla̍ā, Ɔwɔ nāa anu̍ bāa a̍kpla yī lɛlā ma̍.” 21O̍ lɛ i̍ngɔ̍ɔ ma̍, ɔ̄chɔ̄chɛ ge̍ e̍e bī lɛlɛ̄lā yī āchɛ̄ɛchɛ gbogū ni̍. Ɛjāha̍ ɛjāha̍ wa̍a̍ ma̍ - iyī ala̍ nɛ. 22Ipɔ̍ɔli oo, Apo̍lōosi oo, Ipi̍ta oo, yɛchɛ nūma̍ oo, ɔhɔ̄leyī kɛ̄ɛ ɔpīyaku̍ oo, u̍ma̍ama nūma̍ kɛ̄ɛ ɔ̄chī iyɔ̄bū oo, ɛjā nūma̍ wa̍a̍ - iyī ala̍ nɛ. 23Ala̍ wa̍a̍ chī - āchɛ yī Ikra̍yisi nɛ. Ikra̍yisi chī - iyī Ɔwɔ ɔlɔjā nɛ.
Currently Selected:
1 Alikɔ̍rīnti 3: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 3
3
Alɔ - a̍chɛ̍ yī Ɔwɔ nɛ
1Aɛ̍nɛ̍ yī u! Lēchi̍, n i̍ bī lɛlā ojo̍ōje̍ ka̍ka̍ kɛlā tāa ala̍ lɔkɔ nīi n ē ka ba̍la āchɛ nīi lɛ Uhu yī Ɔwɔ ma̍ ni̍. N ē kɛlā tāa ala̍ bāa āchɛ ɔlamu yī yɛchɛ nūma̍ ma̍. Ala̍ lɛ bāa aɛ̍pɛ̄ ma̍ la ɔpɔ̄pū yī lɛlā yī ɔtū ode che Ikra̍yisi. 2Bū la ɛbɛ ɔla̍ā, amɛ̄ nīi n ge̍ē de ē de ala̍ a̍nɛ, i̍ ojōre̍ ɔlwɔhɔ̍hu̍ ni̍. Wu̍chē oji̍ nɛ, ala̍ i̍ jɛ̄ gbajɛ i̍ngɔ̍ɔ ge̍ē re̍ ojōre̍ ɔlwɔhu̍ we̍ ni̍. Kpɛɛ ge̍ ku u̍ma̍ama nūma̍, ala̍ jɛ̄ gbajɛ i̍ngɔ̍ɔ ge̍ē re̍ ojōre̍ ɔlwɔhu̍ we̍ ni̍. 3Wu̍chē oji̍ nɛ, ɔhɔ̄leyī yī ala̍ e̍e lɛ bāa āchɛ yī yɛchɛ nūma̍ ma̍. Uji otū ɔ̍nyīnū ba̍la apɔ̄ nīi ala̍ ē gbo ē tū ɔ̍nyīnū wa̍a̍ ma̍ chabɔ̄ hīka ala̍ ɔ̍lɔ - āchɛ yī yɛchɛ nūma̍ we̍ nɛ. Ita yī ɔhɔ̄leyī nūma̍ - iyī yɛchɛ nūma̍ nɛ. 4Onīi ala̍ āchɛ ɛha̍ ē ka hīka, “Ami chɛ̄ lɛlā yī Ipɔ̍ɔli” nīi ɔha̍ ē hīka, “Ami chɛ̄ lɛlā yī Apo̍lōosi” i̍ngɔ̍ɔ bɛ̍ɛ̍ ma̍, i̍ lɛlā nīi āchɛ yī yɛchɛ nūma̍ ē ya̍ ma̍ bī aa̍ a̍ni̍?
5Ɔ̄nyɛ kpɛ̍ɛ - Apo̍lōosi ma̍? Kɛ̄ɛ ɔ̄nyɛ - Ipɔ̍ɔli ma̍? Alɔ - a̍chɛ̍ ɔbɔbɔ yī Ɔwɔ nɛ. Bū la abɔ̄ yī alɔ nīi Ɔwɔ ya̍ nīi ala̍ de ɔtū che ɔ̍ a̍nɛ. Ɔnyɔnyɛ ē ya̍ u̍ku̍rɔ̍ nīi Ɔwɔ de de ɔ̍ ka ɔ̍lɔ ge̍ ya̍ ma̍. 6Ami lɛ bāa ɔ̄chɛ obī īkpɔ̄ɔ̄chi̍ ge̍ nyi ma̍; Apo̍lōosi lɛ bāa ɔ̄chɛ odɛ̄ yenyi ge̍ hu ɔ̍ ma̍. Ɔwɔ ɔlɔjā re̍ka ɔ̄chɛ nīi ē ya̍ nīi o̍ ē jɛ̄ ma̍ a̍nɛ. 7Iyī ɔ̄chɛ nīi bī ge̍ nyōnyi ma̍ ba̍la ɔ̄chɛ nīi dɛ̄ yenyi tū ɔ̄ ma̍ i̍ ɔka̍ka̍ ni̍. Iyī Ɔwɔ - ɔka̍ka̍ a̍nɛ. Wu̍chē oji̍ nɛ, anu̍ ya̍ nīi īkpɔ̄ɔ̄chi̍ ɔla̍ā bū jɛ̄ a̍nɛ. 8Ɔjɔ̄jā i̍ hɔ̄ɔ̄hɔ̄ abɔ̍ɔ lipu̍ yī ɔ̄chɛ nīi nyi īkpɔ̄ɔ̄chi̍ ɔla̍ā ma̍ ba̍la ɔ̄chɛ nīi dɛ̄ yenyi tū ɔ̄ ma̍ ni̍. Ɔwɔ ge̍ē kla̍ ɔnyɔnyɛ ure̍ yī u̍ku̍rɔ̍ nīi ɔlɔjā ya̍ ma̍. 9Wu̍chē oji̍ nɛ, alɔ de abɔ̄ tū la ɛbɛ ūkpo̍he yɛ ē ya̍ u̍ku̍rɔ̍ ɔla̍ā de Ɔwɔ. Ala̍ re̍ka ajɛ yī yɛrɔ̄ yī Ɔwɔ a̍nɛ.
Ala̍ gba̍a lɛ bāa wɔlɛ̍ yī Ɔwɔ ma̍. 10Bū la uhwa ɔnɛ̄ɛhɛhi nīi Ɔwɔ kɔ̄ de u ma̍, n bī abɔ̄ u̍ku̍rɔ̍ yī ɔ̄chɛ ɔmwɔlɛ̍ ka̍ka̍ mɛ de ala̍ tū la ajɛ bāa owu̍tu yī wɔlɛ̍ ma̍ mɛ̍. Ɔ̄chɛ ɔha̍ yɛ ē mɔ̄ma ē che ɔ̍ la ichō bɛ̍ɛ̄nɛ̄ a̍nɛ. Ɔ̄chɛmɔ̄chɛ lipu̍ yī alɔ chī ge̍ jɔ̍ɔkɔ nīi o̍ ge̍ē ma wɔlɛ̍ nūma̍ ma̍. 11Wu̍chē oji̍ nɛ, Iji̍sɔ̄ɔsi Ikra̍yisi lōri̍īnū kpo̍kpo̍ nīi Ɔwɔ de tū la ajɛ bāa owu̍tu yī wɔlɛ̍ ɔ̍lɔma̍ a̍nɛ. Owu̍tu yī wɔlɛ̍ ɔha̍lɔha̍ i̍ hɔ̄ nīi āchɛ ge̍ē de ē tū la ajɛ ē gɛ ni̍. 12Āchɛ ɛha̍ ma̍ ge̍ē bī igo̍olu kɛ̄ɛ isi̍li̍ba kɛ̄ɛ achɔ̄ ɔlamu ɔlamu ɛha̍ ē ma wɔlɛ̍ ē che la ichō yī owu̍tu yī wɔlɛ̍ ɔla̍ā. Āchɛ ɛha̍ chī ge̍ē bī ɛchi̍ kɛ̄ɛ ɛpɛ̄ kɛ̄ɛ akɔ̍. 13Lɔkɔ nīi u̍ku̍rɔ̍ yī ɔnyɔnyɛ hwɔhi ge̍ rɛ ma̍, ɔla̍ā ge̍ē hi̍yɛchɛ i̍chi̍chɛ nīi - Ɔ̄chī Ɔwɔ̄wā yī Ikra̍yisi ma̍. Ɔla̍ nīi ge̍ē hɔ̄ i̍chi̍chɛ ɔla̍ā ma̍ ge̍ē chabɔ̄ yī abɔ̄ u̍ku̍rɔ̍ yī ɔ̄chɛmɔ̄chɛ. Ɔla̍ ɔ̍lɔma̍ ge̍ē ma ɔ̍ ē ma̍, ē chabɔ̄ yī wɔhi yī nū a̍nɛ. 14Ɔjāha̍ ɔjāha̍ nīi ɔ̄chɛ ge̍ bī ma wɔlɛ̍ che la ichō yī owu̍tu yī wɔlɛ̍ ɔla̍ā, o̍ ge̍ ku̍ hɛ̍ta̍ hī ɔla̍ ɔla̍ā mɛ mɛ̍, ɔ̍lɔma̍ ɔlɔjā ge̍ē nāa ure̍ nīi Ɔwɔ ge̍ē kla̍ anu̍ ma̍. 15Abɔ̄ u̍ku̍rɔ̍ yī ɔ̄chɛ nīi ge̍ chī de wɔla̍, ɔ̍lɔma̍ o̍ re̍ka o̍ chāajɛ la anu̍. Ɔ̄chɛ ɔlɔjā chī ge̍ē lɛ ɔhɛ̍ta̍. Ɔla̍ā lɛ bɔ̄ɔkɔ nīi ɔ̄chɛ de ē gwɛ̍ɛnya ē ga la lipu̍ yī ɔla̍ ɔchɔ̄chɛ̄ ma̍.
16Je̍ka aa̍ ala̍ jo̍ōkū hīka ala̍ re̍ka u̍nu̍ yī Ɔwɔ a̍nɛ! Ala̍ ā jo̍ōkū hīka Uhu yī Ɔwɔ hɔ̄ abɔ̍ɔ la ala̍. 17Wu̍chē yī ɔla̍ā, ɔ̄chɛ nīi ge̍ de u̍nu̍ yī Ɔwɔ chāajɛ, Ɔwɔ ge̍ē de ɔlɔjā chāajɛ. Wu̍chē oji̍ nɛ, u̍nu̍ yī Ɔwɔ lɛ cha̍ri̍cha̍ri̍ lā ke̍e̍ de Ɔwɔ. Ala̍ chī re̍ka u̍nu̍ yī Ɔwɔ a̍nɛ.
18Ɔ̄chɔ̄chɛ ge̍ e̍e ya̍ iyī nū i̍bobo ni̍. Ɔ̄chɛ ɔha̍ lipu̍ yī ala̍ ge̍ chī gbɛri̍ya̍ hīka anɔ̍lɔ - ɔ̄chɛ ɔjyɛ̍ɛ̄lā ka̍ka̍ nɛ, gala ɔgulɛ̄lā ojo̍ōje̍ ka̍ka̍ yī yɛchɛ nūma̍, ɔ̍lɔma̍ ɔlɔjā ge̍ de pīya oli̍bobo, hɛ̄ɛbɛ nīi o̍ ge̍ de pīya ɔ̄chɛ ɔjyɛ̍ɛ̄lā ka̍ka̍ la olēchi̍ lēchi̍. 19Wu̍chē oji̍ nɛ, ɔjā nīi yɛchɛ nūma̍ ē nāa ka ɔ̍lɔ - lɛlā ojo̍ōje̍ ka̍ka̍ nɛ ma̍, i̍ ɔjɔ̄jā la eyī yī Ɔwɔ ni̍. Lɔkɔ nīi Īpū yī Ɔwɔ ka ma̍, “Ɔwɔ ē trɛ̍ɛda ē kla̍ āchɛ ɛjyɛ̍ɛ̄lā ka̍ka̍ ɛla̍ā la i̍ji̍yēyī yī wā.” 20Īpū yī Ɔwɔ gba̍a ka ɔha̍ hīka, “Ɛri̍ya̍ ogbōgbo yī āchɛ ɛjyɛ̍ɛ̄lā ka̍ka̍ ɛla̍ā, Ɔwɔ nāa anu̍ bāa a̍kpla yī lɛlā ma̍.” 21O̍ lɛ i̍ngɔ̍ɔ ma̍, ɔ̄chɔ̄chɛ ge̍ e̍e bī lɛlɛ̄lā yī āchɛ̄ɛchɛ gbogū ni̍. Ɛjāha̍ ɛjāha̍ wa̍a̍ ma̍ - iyī ala̍ nɛ. 22Ipɔ̍ɔli oo, Apo̍lōosi oo, Ipi̍ta oo, yɛchɛ nūma̍ oo, ɔhɔ̄leyī kɛ̄ɛ ɔpīyaku̍ oo, u̍ma̍ama nūma̍ kɛ̄ɛ ɔ̄chī iyɔ̄bū oo, ɛjā nūma̍ wa̍a̍ - iyī ala̍ nɛ. 23Ala̍ wa̍a̍ chī - āchɛ yī Ikra̍yisi nɛ. Ikra̍yisi chī - iyī Ɔwɔ ɔlɔjā nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)