1 Alikɔ̍rīnti 15
15
Ohye̍ēyī la Okū yī Ikra̍yisi
1Aɛ̍nɛ̍ yī u! N chikpo̍ nīi ala̍ ge̍ē bla lɛlā yī Wɔ̄kā Ɔlwɔnyɛ yī Ikra̍yisi nīi n ka de ala̍, nīi ala̍ chɛ̄, nīi ala̍ chī de ɔtū che ɔ̍ brii ma̍. 2Anu̍ re̍ka Wɔ̄kā Ɔlwɔnyɛ ba̍la ɛrɔ̄ yī Ɔwɔ nīi n ka de ala̍ ma̍ a̍nɛ. Bū la Wɔ̄kā Ɔlwɔnyɛ yī Ikra̍yisi nūma̍ nīi ala̍ lɛ ɔhɛ̍ta̍ a̍nɛ, nīi o̍ ge̍ re̍ka ala̍ ta̍ābɔ̄ ku̍ ɔ̄ brii; ɔ̍chi̍kpa̍kpa̍ ala̍ i̍ ka̍a de ɔtū che ɔjɔ̄jā ni̍ oo!
3Lɛlā nīi n nāa ma̍, anu̍ nīi n yɛ ma̍ ge̍ē wa̍ābɔ̄ la anu̍ de ala̍ titi a̍nɛ. Lɛlā ɔlamu ɔlamu gba̍a̍ nɛ: Ikra̍yisi ɔ̍lɔ pīyaku̍ wu̍chē yī lɛlā ɔdwɔ̄bi̍ yī aɛ̍lɛ wa̍a̍; i̍ngɔ̍ɔ nīi e̍ ta̍ tū la Īpū yī Ɔwɔ a̍nɛ. 4Ɛ̍lɛ de ɔ̍lɔ nyi, ɔ̄chī ɔmɛta̍ ɔ̍lɔ hye̍ēyī wā la ɔhɔ̄leyī ke̍e̍; i̍ngɔ̍ɔ nīi e̍ ta̍ tū la Īpū yī Ɔwɔ a̍nɛ; 5Ɔ̍lɔ de iyī ɔ̍lɔ chabɔ̄ hu̍ Ipi̍ta, o̍bū ɔ̍lɔ gba̍a de iyī ɔ̍lɔ chabɔ̄ hu̍ alɛrɔ̄ yī ɔ̍lɔ āchɛ igwo̍lɛpa. 6O̍bū, o̍ gba̍a de iyī nū chabɔ̄ hu̍ alikpɛ̍ɛ yī nū, e̍ gla āchɛ u̍nɔ che ohu ɛrwɔ̄ ta̍. Āchɛ ɛha̍ yī wā yɛ̄mɛ̄mɛ̄ e̍e hɔ̄ amu la eyī we̍. Āchɛ ɛha̍ ma̍ pīyaku̍ mɛ̍. 7Ikra̍yisi de iyī nū chabɔ̄ hu̍ Ije̍mēehi, o̍ chī gba̍a de iyī nū chabɔ̄ hu̍ alɛrɔ̄ yī nū wa̍a̍.
8Ogwīihi yī nū wa̍a̍, o̍ de iyī nū chabɔ̄ hu̍ ami. Iyī u ma̍ lɛ bāa ɔyi̍ nīi e̍ ē ma la ɔpɔ̄pū ɔlɛbɛ̍bi̍ ɔha̍ ma̍. 9Wu̍chē oji̍ nɛ, ami - ɔɔ̍pɛ̄ yī alɛrɔ̄ yī Ikra̍yisi wa̍a̍ a̍nɛ. N i̍ ngma̍ la ore̍ka ɔlɛrɔ̄ ni̍; wu̍chē oji̍ nɛ, n ē ya̍ ogrēeyī yī āchɛ yī Ɔwɔ ichi̍ dwɔ̄bi̍ dwɔ̄bi̍. 10Bū la lɛhi ɔyɔ̍ɔ̄ya̍ yī Ɔwɔ, anu̍ nīi n de pīya ɔ̄chɛ nīi wɛ ma̍ hɔ̄ ma̍ a̍nɛ. Lɛhi ɔla̍ā nīi Ɔwɔ ya̍ tāa ami ma̍ ya̍ u̍ku̍rɔ̍ lēchi̍ lēchi̍. Bū la ɛbɛ ɔla̍ā, ami ya̍ u̍ku̍rɔ̍ ga alɛrɔ̄ yī Ikra̍yisi āchɛ ehēhī wa̍a̍ a̍nɛ. Ɔla̍ā i̍ chī - ami ɔlɔjā ya̍ a̍nɛ ni̍, lɛhi ɔyɔ̍ɔ̄ya̍ yī Ɔwɔ yɛ ē ya̍ u̍ku̍rɔ̍ la ibi̍īyē yī u i̍ngɔ̍ɔ a̍nɛ. 11Wu̍chē yī ɔla̍ā, lɛlā yī Ɔwɔ ge̍ bōbū la oko̍o yī u kɛ̄ɛ iyī wā oo, ana̍nu̍ nīi alɔ yɛ ē ka ē de ala̍ a̍nɛ. Anu̍ nīi ala̍ chī chɛ̄ku ɔ̍ a̍nɛ.
Ohye̍ēyī la okū yī alɔ ɛlɛjā
12Ohye̍ēyī la okū yī Ikra̍yisi re̍ka ɛrɔ̄ nīi alɔ yɛ ē ka a̍nɛ. Bɛ̍ɛ̄nɛ̄ ma̍, kana̍ - ohu̍ nīi okū i̍ ge̍ē hye̍ēyī ni̍ nīi ala̍ ē ka ma̍? 13Okū i̍ ge̍ē hye̍ēyī gɛ ni̍ ichɛ̄ɛhi nɛ, ɔ̍lɔma̍ o̍ re̍ka Ikra̍yisi i̍ hye̍ēyī la okū ni̍. 14Ikra̍yisi i̍ ge̍ chī hye̍ēyī la okū ni̍, ɔ̍lɔma̍ o̍ re̍ka ɛrɔ̄ nīi alɔ ē ka ma̍ i̍ ɔjɔ̄jā ni̍. Ɔ̍lɔma̍, o̍ re̍ka ɔtū ode chōche yī ala̍ titi i̍ ɔjɔ̄jā ni̍. 15Onīi ge̍ē gba̍a ē dwɔ̄bi̍ gɔ̄ga ma̍, o̍ ge̍ē re̍ka alɔ yɛ ē warīmɛ̄ ba̍ Ɔwɔ. Wu̍chē oji̍ nɛ, alɔ ka hīka Ɔwɔ de Ikra̍yisi hye̍ēyī la okū. Bū la ɛbɛ ɔla̍ā, o̍ ge̍ re̍ka okū i̍ ē hye̍ēyī ni̍ nɛ, ɔ̍lɔma̍ o̍ re̍ka Ɔwɔ i̍ de ɔ̍ hye̍ēyī ni̍. 16Okū i̍ ge̍ē hye̍ēyī gɛ ni̍ nɛ, o̍ ge̍ re̍ka Ikra̍yisi i̍ hye̍ēyī ni̍. 17Ikra̍yisi i̍ ge̍ chī hye̍ēyī ni̍ nɛ, o̍ re̍ka ɔtū ode chōche yī ala̍ i̍ ɔjɔ̄jā ni̍; o̍ re̍ka lɛlā ɔdwɔ̄bi̍ yī ala̍ ge̍ē de jī la ibi̍īyē yī ala̍. 18Bū la ɛbɛ ɔla̍ā, o̍ re̍ka āchɛ nīi de ɔtū che Ikra̍yisi wa̍a̍ nīi chī pīyaku̍ mɛ̍ ma̍ pīyabi̍ ji ke̍e̍ mɛ̍. 19Ɔjā nīi alɔ deyīche la abɔ̄ yī Ikra̍yisi ma̍ i̍ ge̍ gla ɔhɔ̄leyī yī yɛchɛ nūma̍ ji ta̍ ni̍, ɔ̍lɔma̍ i̍īyo̍ ngma̍ la alɔ hi̍ āchɛha̍ āchɛha̍ wa̍a̍ la yɛchɛ a̍nɛ.
20La olēchi̍ lēchi̍ yī lɛlā, Ikra̍yisi hye̍ēyī la okū ke̍e̍ i̍ngɔ̍ɔ ichɛ̄ɛhi. Onūma̍ chabɔ̄ gēdēgēdē hīka āchɛ nīi pīyaku̍ ma̍ ge̍ē hye̍ēyī we̍. 21Lɔkɔ nīi ɔngrɔ̄ɔ ūkpo̍he hu̍ nīi ɔpīyaku̍ hɔ̄ de āchɛ̄ɛchɛ a̍nɛ ma̍, i̍ngi̍ngɔ̍ɔ nīi ɔngrɔ̄ɔ ūkpo̍he titi hu̍ nīi okū ge̍ē hye̍ēyī we̍ a̍nɛ. 22Lɔkɔ nīi āchɛ̄ɛchɛ wa̍a̍ pīyēku̍ gala abɔ̄ yī A̍dāam ma̍, i̍ngi̍ngɔ̍ɔ nīi āchɛ̄ɛchɛ wa̍a̍ de wōwi gala abɔ̄ yī Ikra̍yisi a̍nɛ. 23O̍ lā la ochochi: Ikra̍yisi yɔbɔ̄ɔbū hye̍ēyī la okū mɛ̍. Bɛ̍ɛ̄nɛ̄ ma̍, yɛ̄grāa nīi Ikra̍yisi ge̍ē wā ma̍, āchɛ yī nū wa̍a̍ ge̍ē hye̍ēyī la okū. 24O̍bū ma̍, yɛ̄grāa ɔkwɛ̍ɛjī ge̍ē wā bɛ̍ɛ̄nɛ̄. Ikra̍yisi ge̍ē de wɔhu̍ yī ɛbɛ obōbī yī uhu ɛha̍ nīi - aluji yī Ɔwɔ ma̍, ba̍la wɔhu̍ nīi e̍ bī yɛ̍ɛ̄lā ma̍, ba̍la a̍ga̍ba̍ wa̍a̍ nīi e̍ lɛ ma̍ ē chāajɛ wa̍a̍ o̍bū ma̍, o̍ ge̍ē wa̍ābɔ̄ la Ɔchwɔ̄lɛ̍ Oro̍ōre̍ ē de Ɔwɔ A̍dā. 25Wu̍chē oji̍ nɛ, Ikra̍yisi ge̍ē re̍ ɔchwɔ̄lɛ̍ i̍ngɔ̍ɔ kpɛɛ gbo̍ ɔ̄chī nīi Ɔwɔ ge̍ē de aluji yī nū wa̍a̍ ē gwō, ē kpo̍ wā tū ɔ̄ la apli̍kpo̍ o̍bū ma̍. 26Oluji ogwīihi nīi Ɔwɔ ge̍ē de ɔ̍ ē gwō ma̍, ɔpīyaku̍ nɛ. 27Īpū yī Ɔwɔ ka hīka Ɔwɔ ɔ̍lɔ kpo̍ ɛjā wa̍a̍ tū Ikra̍yisi la apli̍kpo̍. O̍ lā nyaa hīka Ɔwɔ ɔlɔjā i̍ tū abɔ̍ɔ lipu̍ yī “ɛjā wa̍a̍” ɔla̍ā ni̍. Wu̍chē oji̍ nɛ, anu̍ kpo̍ “ɛjā wa̍a̍” tū Ikra̍yisi la apli̍kpo̍ a̍nɛ. 28Bɛ̍ɛ̄nɛ̄ nīi Ɔwɔ kpo̍ ɛjā wa̍a̍ tū Ikra̍yisi la apli̍kpo̍ ma̍, o̍ re̍ka Ikra̍yisi ɔlɔjā nīi gba̍a - Ɔyi̍ yī Ɔwɔ ma̍ ge̍ē de iyī nū tū Ɔwɔ la apli̍kpo̍, Ɔwɔ nīi de ɛjā wa̍a̍ kpo̍ tū ɔ̄ la apli̍kpo̍ ma̍. Bū la ɛbɛ ɔla̍ā, Ɔwɔ ge̍ē bī wɔhu̍ yī ɛjā wa̍a̍ bɛ̍ɛ̄nɛ̄ a̍nɛ.
29Okū i̍ ge̍ē hye̍ēyī ni̍ ichɛ̄ɛhi nɛ ma̍, āchɛ nīi hu yenyi kulɛhu̍ yī āchɛ ɛha̍ nīi pīyaku̍ ma̍ bɛ̍ɛ? Ɔnɛ̄ɛhɛhi nīi e̍ deyīche ma̍ kɔ̍ɔ̄ nɛ? Okū i̍ ge̍ē hye̍ēyī ni̍ i̍ngɔ̍ɔ lɔkɔ nīi āchɛ ɛha̍ ka ma̍ nɛ ma̍, oji̍ chī - ohu̍ nīi e̍ ē hu yenyi ē kulɛhu̍ yī āchɛ nīi pīyaku̍ mɛ̍ ma̍? 30Alɔ ma̍ nīi ē chī tū la okri yī rikū myɛ̄grāa-myɛ̄grāa ma̍ bɛ̍ɛ? Ohu̍ yī nū kɔ̍ɔ̄ nɛ? 31Aɛ̍nɛ̍ yī u! Lēchi̍, n ē ma̍ ɔpīyaku̍ yī u mɔ̄chīmɔ̄chī. Ɔwɔ̄wīyā nīi n lɛ la ala̍ wu̍chē yī ɔhɔ̄leyī nīi alɔ lɛ la Ikra̍yisi Iji̍sɔ̄ɔsi Ādādā yī alɔ ma̍, anu̍ - ohu̍ nīi n de lɛlā nūma̍ yi̍ya hwōō de ala̍ a̍nɛ. 32O̍ ge̍ re̍ka lɛlā a̍hla̍ yī alɔ āchɛ̄ɛchɛ ji nɛ, lɔkɔ nīi n nunu tāa “ɛbɛ̍la̍chi̍ ɔkwɔ̍ɔ̄chɛ” ɔla̍ā nīi hɔ̄ la Ɛ̍fɛ̄susi ma̍, ɛpiyabuna yī nū kɔ̍ɔ̄ nɛ? O̍ ge̍ re̍ka okū i̍ ge̍ē hye̍ēyī gɛ ni̍ ichɛ̄ɛhi, ɔ̍lɔma̍ alɔ ā ya̍ lɔkɔ nīi e̍ ka ma̍ gɛ: “Alɔ ā ro̍ōre̍, gwɔ̍ɔ̄gwa̍ gɛ; ma̍a i̍chi̍chi̍ - ɔpīyaku̍ nɛ.”
33Ɔ̄chɔ̄chɛ ge̍ e̍e gwi̍bobo tāa ala̍ ni̍. “Alikpɛ̍ɛ ɔdwɔ̄bi̍ ē bīya abɔ̄lɛ̄lā ɔnɛ̄ɛhɛhi yī ɔ̄chɛ,” nīi e̍ ka ma̍ - ichɛ̄ɛhi nɛ. 34Ala̍ ku̍chē gbɛri̍ya̍ yī lɛlā kpakpa gɛ, hɛ̄ɛbɛ nīi ala̍ ge̍ pi̍ye̍mā lɛlā ɔdwɔ̄bi̍ ɔyɔ̍ɔ̄ya̍. Ala̍ āchɛ ɛha̍ i̍ u̍tu je̍ Ɔwɔ ni̍. Onūma̍ n ka hɛ̄ɛbɛ ge̍ē de liwēyī de ala̍.
Lɔkɔ nīi ibi̍īyē ge̍ē lɛ nīi okū ge̍ē hye̍ēyī ma̍
35Ɔ̄chɛ ɔha̍ ge̍ē chikpo̍ bɛ̍ɛ̄nɛ̄ hīka, kana̍ nīi okū ɔ̍lɔ ge̍ē hye̍ēyī wā la ɔhɔ̄leyī mɛ ma̍? Ibi̍īyē ita ɔna̍ nīi āchɛ ohye̍ēyī la okū ɛ̍lɛma̍ ɛ̍lɛ ge̍ē tū ma̍? 36Oli̍bobo ɔ̄chɛ! A ge̍ de īkpɔ̄ɔ̄chi̍ nyi la ajɛ nīi o̍ pīyaku̍ o̍bū ni̍ ma̍, obōbū yī nū bīyɛchɛ? 37Je̍ka ɔjā nīi a de nyi la ajɛ ma̍ ūkpō yī ɔchi̍ ɔha̍ ke̍e̍ nɛ? Ɔha̍ni̍ ūkpō yī igu nīi re̍ka iwi̍iti ma̍ nɛ, kɛ̄ɛ ūkpō yī ɔchi̍ ita yī ɔha̍ nɛ. I̍ ɔchi̍ ɔha̍ nīi chī tū ibi̍īyē wa̍a̍ mɛ̍ ma̍ nīi a bōbī gāa nīi o̍ jɛ̄ rɛ abɔ̍ɔ a̍ni̍. 38Ɔwɔ ɔlɔjā ē de ibi̍īyē onīpīpɛ̄ de īkpɔ̄ɔ̄chi̍ ɔha̍lɔha̍ wa̍a̍ lɔkɔ nīi o̍ kwiko tāa ɔnyɔnyɛ ma̍ a̍nɛ.
39Ma̍ gɛ! Ɛbɛ̍ yī ibi̍īyē yī ɛjā wa̍a̍ nīi hɔ̄leyī ma̍ i̍ chī la ūkpo̍he ūkpo̍he ni̍: Iyī āchɛ̄ɛchɛ hɔ̄ɔ̄hɔ̄; iyī ɛbɛ̍ ɔlamu hɔ̄ɔ̄hɔ̄; iyī a̍gba̍ana hɔ̄ɔ̄hɔ̄; iyī ɛbɛ̍yēenyi chī hɔ̄ɔ̄hɔ̄.
40Ɛjā nīi gblāa abɔ̍ɔ la ichō ma̍ tū ibi̍īyē yī wā; ɛjā nīi gblāa amu la ajɛ ma̍ chī tū ibi̍īyē yī wā. Wɔhi yī ibi̍īyē yī ɛjā nīi hɔ̄ la ichō ma̍ hɔ̄ɔ̄hɔ̄; wɔhi yī ibi̍īyē yī ɛjā nīi hɔ̄ amu la ajɛ ma̍ chī hɔ̄ɔ̄hɔ̄. 41Wɔhi nīi - iyī yɛnɔ ma̍ hɔ̄ɔ̄hɔ̄; iyī ɔwīyā chī hɔ̄ɔ̄hɔ̄ ke̍e̍; iyī i̍nyi̍nyɔ̍ɔwīyā chī gba̍a hɔ̄ɔ̄hɔ̄ ke̍e̍. Abɔ̍ɔ lipi̍pu̍ yī i̍nyi̍nyɔ̍ɔwīyā ɛlɛjā, wɔhi yī ɔnyɔnyɛ ɔnyɔnyɛ gba̍a hɔ̄ɔ̄hɔ̄ hɔ̄ɔ̄hɔ̄.
42I̍ngɛ̍ɛ̄nɛ̄ nīi o̍ ge̍ē lɛ la yɛ̄grāa nīi okū ge̍ē hye̍ēyī wā la ɔhɔ̄leyī ma̍ a̍nɛ. E̍ ge̍ de okū nyi mɛ, o̍ ē re̍ka ɔjā ɔpīyaku̍ mɛ. Ɔwɔ ge̍ de ɔ̍ hye̍ēyī bū la okū mɛ̍, o̍ ge̍ē re̍ka ɔjā i̍ko̍ōku̍ mɛ gɛ ni̍. 43E̍ ge̍ de okū nyi mɛ̍; o̍ ē de ē bīyɔ̄bi̍ ē lɛ kwīkwī. Ɔwɔ ge̍ chī de ɔ̍ hye̍ēyī bū la okū mɛ̍, o̍ ē de ē hwɔhi hwɔhi ē lwɔhɔ̍hu̍ bɛ̍ɛ̄nɛ̄. 44E̍ de ɔ̍ nyi ma̍, o̍ re̍ka ibi̍īyē ɔlamu ji. Ɔwɔ ge̍ de ɔ̍ hye̍ēyī bū la okū mɛ̍, o̍ ge̍ē re̍ka ibi̍īyē yī uhu bɛ̍ɛ̄nɛ̄. Wu̍chē lɔkɔ nīi ibi̍īyē ɔlamu hɔ̄ ma̍, ibi̍īyē yī uhu titi hɔ̄ i̍ngi̍ngɔ̍ɔ. 45Lɔkɔ nīi Īpū yī Ɔwɔ ka ma̍, “Ɔwɔ ya̍ A̍dāam ɔngrɔ̄ɔ ɔrāarāa nīi o̍ de pīya ɔ̄chɛ ɔhɔ̄leyī.” A̍dāam ogwīihi nīi re̍ka Ikra̍yisi ma̍ de pīya uhu ode ɔhɔ̄leyī de ɛjā. 46Je̍ka aa̍ ala̍ ma̍ mɛ̍ hīka, i̍ uhu yɔbɔ̄ɔbū a̍ni̍; ibi̍īyē ɔlamu yɔbɔ̄ɔbū, o̍bū nīi uhu che ɔ̍ ochōche a̍nɛ. 47A̍dāam nīi - ɔngrɔ̄ɔ ɔrāarāa ma̍, Ɔwɔ ya̍ ɔ̄ bū la ajɛ ɔlamu nūma̍. A̍dāam ɔmɛpa nīi re̍ka Ikra̍yisi ma̍ bū abɔ̍ɔ la ichō wā. 48Bū la ɛbɛ ɔla̍ā, āchɛ nīi - āchɛ yī ajɛ ɔlamu nūma̍ ma̍ gbla ɔ̄chɛ ɔla̍ā nīi Ɔwɔ ya̍ ɔ̄ bū la ajɛ ɔlamu ma̍. Āchɛ nīi chī - āchɛ yī ichō ma̍ gbla ɔ̄chɛ ɔla̍ā nīi bū la ichō wā ma̍. 49Lɔkɔ nīi alɔ de gbla ɔngrɔ̄ɔ ɔrāarāa ɔla̍ā nīi Ɔwɔ ya̍ ɔ̄ bū la ajɛ ɔlamu ma̍, i̍ngi̍ngɔ̍ɔ nīi alɔ ge̍ē gbla ɔngrɔ̄ɔ ɔmɛpa nūma̍ nīi bū la ichō wā ma̍ a̍nɛ.
50Ochi̍chi̍ yī lɛlā nīi n yɛ ē ka ma̍ hɔ̄ ma̍ a̍nɛ, aɛ̍nɛ̍ yī u: Ɔjā nīi tū ɛbɛ̍ yī ibi̍īyē ba̍la yeyī ma̍ i̍ ge̍ē tū la Ɔchwɔ̄lɛ̍ Oro̍ōre̍ yī Ɔwɔ ni̍ kpɛkpɛ. Ɔjā nīi ē ko̍ōku̍ ē mɛ ma̍ gba̍a ē tū la ɔjā i̍ko̍ōku̍ mɛ ni̍? 51-52Ala̍ ma̍ gɛ ko̍ō! N ge̍ē koko̍o yī lɛlā ɔtrɛ̍ba ɔha̍ ē de ala̍: Alɔ i̍ ge̍ē pīyaku̍ wa̍a̍ o̍bū ni̍; o̍bū nīi ɔ̄chɛ ge̍ē cheyīkpa̍ ma̍, alɔ wa̍a̍ ge̍ē ku̍ ē pīyabɔ̄ta̍ ɔpɔ̄ɔpɛ̄ nīi lɛjī ogwīihi ɔla̍ā ge̍ē kɛlā ma̍. Lɛjī ɔla̍ā ge̍ē kɛlā ma̍, okū wa̍a̍ ge̍ē hye̍ēyī de pīya āchɛ i̍ko̍ōku̍ mɛ gɛ ni̍. Alɔ wa̍a̍ chī ge̍ē pīyabɔ̄ta̍ ɔpɔ̄ɔpɛ̄. 53Wu̍chē oji̍ nɛ, ɔjā nīi ē ko̍ōku̍ ē mɛ ma̍ ge̍ē de pīya i̍ko̍ōku̍ mɛ gɛ ni̍. Ɔjā nīi ge̍ē pīyēku̍ ē mɛ ma̍ i̍ ge̍ē pīyēku̍ ē mɛ ē gɛ ni̍. 54Bū la ɛbɛ ɔla̍ā mɛ̍, o̍ re̍ka lɛlā yī Īpū yī Ɔwɔ de pīya ichɛ̄ɛhi ke̍e̍ mɛ̍. Wu̍chē oji̍ nɛ, ɔjā nīi ē ko̍ōku̍ ē mɛ ma̍ de pīya i̍ko̍ōku̍ mɛ gɛ ni̍ mɛ̍. Onīi ge̍ē pīyēku̍ we̍ ma̍ i̍ chī ge̍ē pīyēku̍ ē mɛ ē gɛ ni̍ mɛ̍. I̍ngɛ̍ɛ̄nɛ̄ nīi Īpū yī Ɔwɔ ka a̍nɛ:
“E̍ de Ɔpīyaku̍ chāajɛ ke̍e̍ mɛ̍.
E̍ de ɔ̍ gwō ke̍e̍ mɛ̍.
55Ɔpīyaku̍ be̍e!
Yɛngrɔ̄ɔ ɔyɔ̍ɔ̄ya̍ yī wɔ gba̍a kɔ̍ɔ̄ gɛ?
Wɔhu̍ obī ya̍ āchɛ ɔjā nīi a lɛ ma̍ gba̍a kɔ̍ɔ̄ we̍ gɛ, Ɔpīyaku̍?”
56Ɔpīyaku̍ nāa wɔhu̍ obī ya̍ āchɛ ɔjā bū la abɔ̄lɛ̄lā ɔdwɔ̄bi̍ nīi hɔ̄ ma̍. Lɛlā ɔdwɔ̄bi̍ chī nāa wɔhu̍ yī nū bū la abɔ̄ yī Lihɔ yī Imo̍sīisi nīi hɔ̄ ma̍. 57O̍gbo̍ ge̍ iyī Ɔwɔ nīi hu̍ nīi alɔ yɛ̍ɛ̄ngrɔ̄ɔ gala abɔ̄ yī Iji̍sɔ̄ɔsi Ikra̍yisi Ādādā yī alɔ ma̍!
58Aɛ̍nɛ̍ yī u lēchi̍ lēchi̍! Ala̍ ā yarɛ brii kpakpa gɛ! Ala̍ ā de abɔ̄ ngmu̍wɔ̍hu̍ la u̍ku̍rɔ̍ nīi ala̍ yɛ ē ya̍ de Ādā ma̍ gɛ! Wu̍chē oji̍ nɛ, ala̍ jo̍ōkū mɛ̍ hīka, ɔjāmɔjā nīi ala̍ ge̍ yɛ ē ya̍ lipu̍ yī u̍ku̍rɔ̍ yī Ādā, onīi i̍ ɔlamu ɔlamu ni̍ nɛ i̍ hɔ̄ ni̍ cha̍ka̍ra̍.
Currently Selected:
1 Alikɔ̍rīnti 15: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 15
15
Ohye̍ēyī la Okū yī Ikra̍yisi
1Aɛ̍nɛ̍ yī u! N chikpo̍ nīi ala̍ ge̍ē bla lɛlā yī Wɔ̄kā Ɔlwɔnyɛ yī Ikra̍yisi nīi n ka de ala̍, nīi ala̍ chɛ̄, nīi ala̍ chī de ɔtū che ɔ̍ brii ma̍. 2Anu̍ re̍ka Wɔ̄kā Ɔlwɔnyɛ ba̍la ɛrɔ̄ yī Ɔwɔ nīi n ka de ala̍ ma̍ a̍nɛ. Bū la Wɔ̄kā Ɔlwɔnyɛ yī Ikra̍yisi nūma̍ nīi ala̍ lɛ ɔhɛ̍ta̍ a̍nɛ, nīi o̍ ge̍ re̍ka ala̍ ta̍ābɔ̄ ku̍ ɔ̄ brii; ɔ̍chi̍kpa̍kpa̍ ala̍ i̍ ka̍a de ɔtū che ɔjɔ̄jā ni̍ oo!
3Lɛlā nīi n nāa ma̍, anu̍ nīi n yɛ ma̍ ge̍ē wa̍ābɔ̄ la anu̍ de ala̍ titi a̍nɛ. Lɛlā ɔlamu ɔlamu gba̍a̍ nɛ: Ikra̍yisi ɔ̍lɔ pīyaku̍ wu̍chē yī lɛlā ɔdwɔ̄bi̍ yī aɛ̍lɛ wa̍a̍; i̍ngɔ̍ɔ nīi e̍ ta̍ tū la Īpū yī Ɔwɔ a̍nɛ. 4Ɛ̍lɛ de ɔ̍lɔ nyi, ɔ̄chī ɔmɛta̍ ɔ̍lɔ hye̍ēyī wā la ɔhɔ̄leyī ke̍e̍; i̍ngɔ̍ɔ nīi e̍ ta̍ tū la Īpū yī Ɔwɔ a̍nɛ; 5Ɔ̍lɔ de iyī ɔ̍lɔ chabɔ̄ hu̍ Ipi̍ta, o̍bū ɔ̍lɔ gba̍a de iyī ɔ̍lɔ chabɔ̄ hu̍ alɛrɔ̄ yī ɔ̍lɔ āchɛ igwo̍lɛpa. 6O̍bū, o̍ gba̍a de iyī nū chabɔ̄ hu̍ alikpɛ̍ɛ yī nū, e̍ gla āchɛ u̍nɔ che ohu ɛrwɔ̄ ta̍. Āchɛ ɛha̍ yī wā yɛ̄mɛ̄mɛ̄ e̍e hɔ̄ amu la eyī we̍. Āchɛ ɛha̍ ma̍ pīyaku̍ mɛ̍. 7Ikra̍yisi de iyī nū chabɔ̄ hu̍ Ije̍mēehi, o̍ chī gba̍a de iyī nū chabɔ̄ hu̍ alɛrɔ̄ yī nū wa̍a̍.
8Ogwīihi yī nū wa̍a̍, o̍ de iyī nū chabɔ̄ hu̍ ami. Iyī u ma̍ lɛ bāa ɔyi̍ nīi e̍ ē ma la ɔpɔ̄pū ɔlɛbɛ̍bi̍ ɔha̍ ma̍. 9Wu̍chē oji̍ nɛ, ami - ɔɔ̍pɛ̄ yī alɛrɔ̄ yī Ikra̍yisi wa̍a̍ a̍nɛ. N i̍ ngma̍ la ore̍ka ɔlɛrɔ̄ ni̍; wu̍chē oji̍ nɛ, n ē ya̍ ogrēeyī yī āchɛ yī Ɔwɔ ichi̍ dwɔ̄bi̍ dwɔ̄bi̍. 10Bū la lɛhi ɔyɔ̍ɔ̄ya̍ yī Ɔwɔ, anu̍ nīi n de pīya ɔ̄chɛ nīi wɛ ma̍ hɔ̄ ma̍ a̍nɛ. Lɛhi ɔla̍ā nīi Ɔwɔ ya̍ tāa ami ma̍ ya̍ u̍ku̍rɔ̍ lēchi̍ lēchi̍. Bū la ɛbɛ ɔla̍ā, ami ya̍ u̍ku̍rɔ̍ ga alɛrɔ̄ yī Ikra̍yisi āchɛ ehēhī wa̍a̍ a̍nɛ. Ɔla̍ā i̍ chī - ami ɔlɔjā ya̍ a̍nɛ ni̍, lɛhi ɔyɔ̍ɔ̄ya̍ yī Ɔwɔ yɛ ē ya̍ u̍ku̍rɔ̍ la ibi̍īyē yī u i̍ngɔ̍ɔ a̍nɛ. 11Wu̍chē yī ɔla̍ā, lɛlā yī Ɔwɔ ge̍ bōbū la oko̍o yī u kɛ̄ɛ iyī wā oo, ana̍nu̍ nīi alɔ yɛ ē ka ē de ala̍ a̍nɛ. Anu̍ nīi ala̍ chī chɛ̄ku ɔ̍ a̍nɛ.
Ohye̍ēyī la okū yī alɔ ɛlɛjā
12Ohye̍ēyī la okū yī Ikra̍yisi re̍ka ɛrɔ̄ nīi alɔ yɛ ē ka a̍nɛ. Bɛ̍ɛ̄nɛ̄ ma̍, kana̍ - ohu̍ nīi okū i̍ ge̍ē hye̍ēyī ni̍ nīi ala̍ ē ka ma̍? 13Okū i̍ ge̍ē hye̍ēyī gɛ ni̍ ichɛ̄ɛhi nɛ, ɔ̍lɔma̍ o̍ re̍ka Ikra̍yisi i̍ hye̍ēyī la okū ni̍. 14Ikra̍yisi i̍ ge̍ chī hye̍ēyī la okū ni̍, ɔ̍lɔma̍ o̍ re̍ka ɛrɔ̄ nīi alɔ ē ka ma̍ i̍ ɔjɔ̄jā ni̍. Ɔ̍lɔma̍, o̍ re̍ka ɔtū ode chōche yī ala̍ titi i̍ ɔjɔ̄jā ni̍. 15Onīi ge̍ē gba̍a ē dwɔ̄bi̍ gɔ̄ga ma̍, o̍ ge̍ē re̍ka alɔ yɛ ē warīmɛ̄ ba̍ Ɔwɔ. Wu̍chē oji̍ nɛ, alɔ ka hīka Ɔwɔ de Ikra̍yisi hye̍ēyī la okū. Bū la ɛbɛ ɔla̍ā, o̍ ge̍ re̍ka okū i̍ ē hye̍ēyī ni̍ nɛ, ɔ̍lɔma̍ o̍ re̍ka Ɔwɔ i̍ de ɔ̍ hye̍ēyī ni̍. 16Okū i̍ ge̍ē hye̍ēyī gɛ ni̍ nɛ, o̍ ge̍ re̍ka Ikra̍yisi i̍ hye̍ēyī ni̍. 17Ikra̍yisi i̍ ge̍ chī hye̍ēyī ni̍ nɛ, o̍ re̍ka ɔtū ode chōche yī ala̍ i̍ ɔjɔ̄jā ni̍; o̍ re̍ka lɛlā ɔdwɔ̄bi̍ yī ala̍ ge̍ē de jī la ibi̍īyē yī ala̍. 18Bū la ɛbɛ ɔla̍ā, o̍ re̍ka āchɛ nīi de ɔtū che Ikra̍yisi wa̍a̍ nīi chī pīyaku̍ mɛ̍ ma̍ pīyabi̍ ji ke̍e̍ mɛ̍. 19Ɔjā nīi alɔ deyīche la abɔ̄ yī Ikra̍yisi ma̍ i̍ ge̍ gla ɔhɔ̄leyī yī yɛchɛ nūma̍ ji ta̍ ni̍, ɔ̍lɔma̍ i̍īyo̍ ngma̍ la alɔ hi̍ āchɛha̍ āchɛha̍ wa̍a̍ la yɛchɛ a̍nɛ.
20La olēchi̍ lēchi̍ yī lɛlā, Ikra̍yisi hye̍ēyī la okū ke̍e̍ i̍ngɔ̍ɔ ichɛ̄ɛhi. Onūma̍ chabɔ̄ gēdēgēdē hīka āchɛ nīi pīyaku̍ ma̍ ge̍ē hye̍ēyī we̍. 21Lɔkɔ nīi ɔngrɔ̄ɔ ūkpo̍he hu̍ nīi ɔpīyaku̍ hɔ̄ de āchɛ̄ɛchɛ a̍nɛ ma̍, i̍ngi̍ngɔ̍ɔ nīi ɔngrɔ̄ɔ ūkpo̍he titi hu̍ nīi okū ge̍ē hye̍ēyī we̍ a̍nɛ. 22Lɔkɔ nīi āchɛ̄ɛchɛ wa̍a̍ pīyēku̍ gala abɔ̄ yī A̍dāam ma̍, i̍ngi̍ngɔ̍ɔ nīi āchɛ̄ɛchɛ wa̍a̍ de wōwi gala abɔ̄ yī Ikra̍yisi a̍nɛ. 23O̍ lā la ochochi: Ikra̍yisi yɔbɔ̄ɔbū hye̍ēyī la okū mɛ̍. Bɛ̍ɛ̄nɛ̄ ma̍, yɛ̄grāa nīi Ikra̍yisi ge̍ē wā ma̍, āchɛ yī nū wa̍a̍ ge̍ē hye̍ēyī la okū. 24O̍bū ma̍, yɛ̄grāa ɔkwɛ̍ɛjī ge̍ē wā bɛ̍ɛ̄nɛ̄. Ikra̍yisi ge̍ē de wɔhu̍ yī ɛbɛ obōbī yī uhu ɛha̍ nīi - aluji yī Ɔwɔ ma̍, ba̍la wɔhu̍ nīi e̍ bī yɛ̍ɛ̄lā ma̍, ba̍la a̍ga̍ba̍ wa̍a̍ nīi e̍ lɛ ma̍ ē chāajɛ wa̍a̍ o̍bū ma̍, o̍ ge̍ē wa̍ābɔ̄ la Ɔchwɔ̄lɛ̍ Oro̍ōre̍ ē de Ɔwɔ A̍dā. 25Wu̍chē oji̍ nɛ, Ikra̍yisi ge̍ē re̍ ɔchwɔ̄lɛ̍ i̍ngɔ̍ɔ kpɛɛ gbo̍ ɔ̄chī nīi Ɔwɔ ge̍ē de aluji yī nū wa̍a̍ ē gwō, ē kpo̍ wā tū ɔ̄ la apli̍kpo̍ o̍bū ma̍. 26Oluji ogwīihi nīi Ɔwɔ ge̍ē de ɔ̍ ē gwō ma̍, ɔpīyaku̍ nɛ. 27Īpū yī Ɔwɔ ka hīka Ɔwɔ ɔ̍lɔ kpo̍ ɛjā wa̍a̍ tū Ikra̍yisi la apli̍kpo̍. O̍ lā nyaa hīka Ɔwɔ ɔlɔjā i̍ tū abɔ̍ɔ lipu̍ yī “ɛjā wa̍a̍” ɔla̍ā ni̍. Wu̍chē oji̍ nɛ, anu̍ kpo̍ “ɛjā wa̍a̍” tū Ikra̍yisi la apli̍kpo̍ a̍nɛ. 28Bɛ̍ɛ̄nɛ̄ nīi Ɔwɔ kpo̍ ɛjā wa̍a̍ tū Ikra̍yisi la apli̍kpo̍ ma̍, o̍ re̍ka Ikra̍yisi ɔlɔjā nīi gba̍a - Ɔyi̍ yī Ɔwɔ ma̍ ge̍ē de iyī nū tū Ɔwɔ la apli̍kpo̍, Ɔwɔ nīi de ɛjā wa̍a̍ kpo̍ tū ɔ̄ la apli̍kpo̍ ma̍. Bū la ɛbɛ ɔla̍ā, Ɔwɔ ge̍ē bī wɔhu̍ yī ɛjā wa̍a̍ bɛ̍ɛ̄nɛ̄ a̍nɛ.
29Okū i̍ ge̍ē hye̍ēyī ni̍ ichɛ̄ɛhi nɛ ma̍, āchɛ nīi hu yenyi kulɛhu̍ yī āchɛ ɛha̍ nīi pīyaku̍ ma̍ bɛ̍ɛ? Ɔnɛ̄ɛhɛhi nīi e̍ deyīche ma̍ kɔ̍ɔ̄ nɛ? Okū i̍ ge̍ē hye̍ēyī ni̍ i̍ngɔ̍ɔ lɔkɔ nīi āchɛ ɛha̍ ka ma̍ nɛ ma̍, oji̍ chī - ohu̍ nīi e̍ ē hu yenyi ē kulɛhu̍ yī āchɛ nīi pīyaku̍ mɛ̍ ma̍? 30Alɔ ma̍ nīi ē chī tū la okri yī rikū myɛ̄grāa-myɛ̄grāa ma̍ bɛ̍ɛ? Ohu̍ yī nū kɔ̍ɔ̄ nɛ? 31Aɛ̍nɛ̍ yī u! Lēchi̍, n ē ma̍ ɔpīyaku̍ yī u mɔ̄chīmɔ̄chī. Ɔwɔ̄wīyā nīi n lɛ la ala̍ wu̍chē yī ɔhɔ̄leyī nīi alɔ lɛ la Ikra̍yisi Iji̍sɔ̄ɔsi Ādādā yī alɔ ma̍, anu̍ - ohu̍ nīi n de lɛlā nūma̍ yi̍ya hwōō de ala̍ a̍nɛ. 32O̍ ge̍ re̍ka lɛlā a̍hla̍ yī alɔ āchɛ̄ɛchɛ ji nɛ, lɔkɔ nīi n nunu tāa “ɛbɛ̍la̍chi̍ ɔkwɔ̍ɔ̄chɛ” ɔla̍ā nīi hɔ̄ la Ɛ̍fɛ̄susi ma̍, ɛpiyabuna yī nū kɔ̍ɔ̄ nɛ? O̍ ge̍ re̍ka okū i̍ ge̍ē hye̍ēyī gɛ ni̍ ichɛ̄ɛhi, ɔ̍lɔma̍ alɔ ā ya̍ lɔkɔ nīi e̍ ka ma̍ gɛ: “Alɔ ā ro̍ōre̍, gwɔ̍ɔ̄gwa̍ gɛ; ma̍a i̍chi̍chi̍ - ɔpīyaku̍ nɛ.”
33Ɔ̄chɔ̄chɛ ge̍ e̍e gwi̍bobo tāa ala̍ ni̍. “Alikpɛ̍ɛ ɔdwɔ̄bi̍ ē bīya abɔ̄lɛ̄lā ɔnɛ̄ɛhɛhi yī ɔ̄chɛ,” nīi e̍ ka ma̍ - ichɛ̄ɛhi nɛ. 34Ala̍ ku̍chē gbɛri̍ya̍ yī lɛlā kpakpa gɛ, hɛ̄ɛbɛ nīi ala̍ ge̍ pi̍ye̍mā lɛlā ɔdwɔ̄bi̍ ɔyɔ̍ɔ̄ya̍. Ala̍ āchɛ ɛha̍ i̍ u̍tu je̍ Ɔwɔ ni̍. Onūma̍ n ka hɛ̄ɛbɛ ge̍ē de liwēyī de ala̍.
Lɔkɔ nīi ibi̍īyē ge̍ē lɛ nīi okū ge̍ē hye̍ēyī ma̍
35Ɔ̄chɛ ɔha̍ ge̍ē chikpo̍ bɛ̍ɛ̄nɛ̄ hīka, kana̍ nīi okū ɔ̍lɔ ge̍ē hye̍ēyī wā la ɔhɔ̄leyī mɛ ma̍? Ibi̍īyē ita ɔna̍ nīi āchɛ ohye̍ēyī la okū ɛ̍lɛma̍ ɛ̍lɛ ge̍ē tū ma̍? 36Oli̍bobo ɔ̄chɛ! A ge̍ de īkpɔ̄ɔ̄chi̍ nyi la ajɛ nīi o̍ pīyaku̍ o̍bū ni̍ ma̍, obōbū yī nū bīyɛchɛ? 37Je̍ka ɔjā nīi a de nyi la ajɛ ma̍ ūkpō yī ɔchi̍ ɔha̍ ke̍e̍ nɛ? Ɔha̍ni̍ ūkpō yī igu nīi re̍ka iwi̍iti ma̍ nɛ, kɛ̄ɛ ūkpō yī ɔchi̍ ita yī ɔha̍ nɛ. I̍ ɔchi̍ ɔha̍ nīi chī tū ibi̍īyē wa̍a̍ mɛ̍ ma̍ nīi a bōbī gāa nīi o̍ jɛ̄ rɛ abɔ̍ɔ a̍ni̍. 38Ɔwɔ ɔlɔjā ē de ibi̍īyē onīpīpɛ̄ de īkpɔ̄ɔ̄chi̍ ɔha̍lɔha̍ wa̍a̍ lɔkɔ nīi o̍ kwiko tāa ɔnyɔnyɛ ma̍ a̍nɛ.
39Ma̍ gɛ! Ɛbɛ̍ yī ibi̍īyē yī ɛjā wa̍a̍ nīi hɔ̄leyī ma̍ i̍ chī la ūkpo̍he ūkpo̍he ni̍: Iyī āchɛ̄ɛchɛ hɔ̄ɔ̄hɔ̄; iyī ɛbɛ̍ ɔlamu hɔ̄ɔ̄hɔ̄; iyī a̍gba̍ana hɔ̄ɔ̄hɔ̄; iyī ɛbɛ̍yēenyi chī hɔ̄ɔ̄hɔ̄.
40Ɛjā nīi gblāa abɔ̍ɔ la ichō ma̍ tū ibi̍īyē yī wā; ɛjā nīi gblāa amu la ajɛ ma̍ chī tū ibi̍īyē yī wā. Wɔhi yī ibi̍īyē yī ɛjā nīi hɔ̄ la ichō ma̍ hɔ̄ɔ̄hɔ̄; wɔhi yī ibi̍īyē yī ɛjā nīi hɔ̄ amu la ajɛ ma̍ chī hɔ̄ɔ̄hɔ̄. 41Wɔhi nīi - iyī yɛnɔ ma̍ hɔ̄ɔ̄hɔ̄; iyī ɔwīyā chī hɔ̄ɔ̄hɔ̄ ke̍e̍; iyī i̍nyi̍nyɔ̍ɔwīyā chī gba̍a hɔ̄ɔ̄hɔ̄ ke̍e̍. Abɔ̍ɔ lipi̍pu̍ yī i̍nyi̍nyɔ̍ɔwīyā ɛlɛjā, wɔhi yī ɔnyɔnyɛ ɔnyɔnyɛ gba̍a hɔ̄ɔ̄hɔ̄ hɔ̄ɔ̄hɔ̄.
42I̍ngɛ̍ɛ̄nɛ̄ nīi o̍ ge̍ē lɛ la yɛ̄grāa nīi okū ge̍ē hye̍ēyī wā la ɔhɔ̄leyī ma̍ a̍nɛ. E̍ ge̍ de okū nyi mɛ, o̍ ē re̍ka ɔjā ɔpīyaku̍ mɛ. Ɔwɔ ge̍ de ɔ̍ hye̍ēyī bū la okū mɛ̍, o̍ ge̍ē re̍ka ɔjā i̍ko̍ōku̍ mɛ gɛ ni̍. 43E̍ ge̍ de okū nyi mɛ̍; o̍ ē de ē bīyɔ̄bi̍ ē lɛ kwīkwī. Ɔwɔ ge̍ chī de ɔ̍ hye̍ēyī bū la okū mɛ̍, o̍ ē de ē hwɔhi hwɔhi ē lwɔhɔ̍hu̍ bɛ̍ɛ̄nɛ̄. 44E̍ de ɔ̍ nyi ma̍, o̍ re̍ka ibi̍īyē ɔlamu ji. Ɔwɔ ge̍ de ɔ̍ hye̍ēyī bū la okū mɛ̍, o̍ ge̍ē re̍ka ibi̍īyē yī uhu bɛ̍ɛ̄nɛ̄. Wu̍chē lɔkɔ nīi ibi̍īyē ɔlamu hɔ̄ ma̍, ibi̍īyē yī uhu titi hɔ̄ i̍ngi̍ngɔ̍ɔ. 45Lɔkɔ nīi Īpū yī Ɔwɔ ka ma̍, “Ɔwɔ ya̍ A̍dāam ɔngrɔ̄ɔ ɔrāarāa nīi o̍ de pīya ɔ̄chɛ ɔhɔ̄leyī.” A̍dāam ogwīihi nīi re̍ka Ikra̍yisi ma̍ de pīya uhu ode ɔhɔ̄leyī de ɛjā. 46Je̍ka aa̍ ala̍ ma̍ mɛ̍ hīka, i̍ uhu yɔbɔ̄ɔbū a̍ni̍; ibi̍īyē ɔlamu yɔbɔ̄ɔbū, o̍bū nīi uhu che ɔ̍ ochōche a̍nɛ. 47A̍dāam nīi - ɔngrɔ̄ɔ ɔrāarāa ma̍, Ɔwɔ ya̍ ɔ̄ bū la ajɛ ɔlamu nūma̍. A̍dāam ɔmɛpa nīi re̍ka Ikra̍yisi ma̍ bū abɔ̍ɔ la ichō wā. 48Bū la ɛbɛ ɔla̍ā, āchɛ nīi - āchɛ yī ajɛ ɔlamu nūma̍ ma̍ gbla ɔ̄chɛ ɔla̍ā nīi Ɔwɔ ya̍ ɔ̄ bū la ajɛ ɔlamu ma̍. Āchɛ nīi chī - āchɛ yī ichō ma̍ gbla ɔ̄chɛ ɔla̍ā nīi bū la ichō wā ma̍. 49Lɔkɔ nīi alɔ de gbla ɔngrɔ̄ɔ ɔrāarāa ɔla̍ā nīi Ɔwɔ ya̍ ɔ̄ bū la ajɛ ɔlamu ma̍, i̍ngi̍ngɔ̍ɔ nīi alɔ ge̍ē gbla ɔngrɔ̄ɔ ɔmɛpa nūma̍ nīi bū la ichō wā ma̍ a̍nɛ.
50Ochi̍chi̍ yī lɛlā nīi n yɛ ē ka ma̍ hɔ̄ ma̍ a̍nɛ, aɛ̍nɛ̍ yī u: Ɔjā nīi tū ɛbɛ̍ yī ibi̍īyē ba̍la yeyī ma̍ i̍ ge̍ē tū la Ɔchwɔ̄lɛ̍ Oro̍ōre̍ yī Ɔwɔ ni̍ kpɛkpɛ. Ɔjā nīi ē ko̍ōku̍ ē mɛ ma̍ gba̍a ē tū la ɔjā i̍ko̍ōku̍ mɛ ni̍? 51-52Ala̍ ma̍ gɛ ko̍ō! N ge̍ē koko̍o yī lɛlā ɔtrɛ̍ba ɔha̍ ē de ala̍: Alɔ i̍ ge̍ē pīyaku̍ wa̍a̍ o̍bū ni̍; o̍bū nīi ɔ̄chɛ ge̍ē cheyīkpa̍ ma̍, alɔ wa̍a̍ ge̍ē ku̍ ē pīyabɔ̄ta̍ ɔpɔ̄ɔpɛ̄ nīi lɛjī ogwīihi ɔla̍ā ge̍ē kɛlā ma̍. Lɛjī ɔla̍ā ge̍ē kɛlā ma̍, okū wa̍a̍ ge̍ē hye̍ēyī de pīya āchɛ i̍ko̍ōku̍ mɛ gɛ ni̍. Alɔ wa̍a̍ chī ge̍ē pīyabɔ̄ta̍ ɔpɔ̄ɔpɛ̄. 53Wu̍chē oji̍ nɛ, ɔjā nīi ē ko̍ōku̍ ē mɛ ma̍ ge̍ē de pīya i̍ko̍ōku̍ mɛ gɛ ni̍. Ɔjā nīi ge̍ē pīyēku̍ ē mɛ ma̍ i̍ ge̍ē pīyēku̍ ē mɛ ē gɛ ni̍. 54Bū la ɛbɛ ɔla̍ā mɛ̍, o̍ re̍ka lɛlā yī Īpū yī Ɔwɔ de pīya ichɛ̄ɛhi ke̍e̍ mɛ̍. Wu̍chē oji̍ nɛ, ɔjā nīi ē ko̍ōku̍ ē mɛ ma̍ de pīya i̍ko̍ōku̍ mɛ gɛ ni̍ mɛ̍. Onīi ge̍ē pīyēku̍ we̍ ma̍ i̍ chī ge̍ē pīyēku̍ ē mɛ ē gɛ ni̍ mɛ̍. I̍ngɛ̍ɛ̄nɛ̄ nīi Īpū yī Ɔwɔ ka a̍nɛ:
“E̍ de Ɔpīyaku̍ chāajɛ ke̍e̍ mɛ̍.
E̍ de ɔ̍ gwō ke̍e̍ mɛ̍.
55Ɔpīyaku̍ be̍e!
Yɛngrɔ̄ɔ ɔyɔ̍ɔ̄ya̍ yī wɔ gba̍a kɔ̍ɔ̄ gɛ?
Wɔhu̍ obī ya̍ āchɛ ɔjā nīi a lɛ ma̍ gba̍a kɔ̍ɔ̄ we̍ gɛ, Ɔpīyaku̍?”
56Ɔpīyaku̍ nāa wɔhu̍ obī ya̍ āchɛ ɔjā bū la abɔ̄lɛ̄lā ɔdwɔ̄bi̍ nīi hɔ̄ ma̍. Lɛlā ɔdwɔ̄bi̍ chī nāa wɔhu̍ yī nū bū la abɔ̄ yī Lihɔ yī Imo̍sīisi nīi hɔ̄ ma̍. 57O̍gbo̍ ge̍ iyī Ɔwɔ nīi hu̍ nīi alɔ yɛ̍ɛ̄ngrɔ̄ɔ gala abɔ̄ yī Iji̍sɔ̄ɔsi Ikra̍yisi Ādādā yī alɔ ma̍!
58Aɛ̍nɛ̍ yī u lēchi̍ lēchi̍! Ala̍ ā yarɛ brii kpakpa gɛ! Ala̍ ā de abɔ̄ ngmu̍wɔ̍hu̍ la u̍ku̍rɔ̍ nīi ala̍ yɛ ē ya̍ de Ādā ma̍ gɛ! Wu̍chē oji̍ nɛ, ala̍ jo̍ōkū mɛ̍ hīka, ɔjāmɔjā nīi ala̍ ge̍ yɛ ē ya̍ lipu̍ yī u̍ku̍rɔ̍ yī Ādā, onīi i̍ ɔlamu ɔlamu ni̍ nɛ i̍ hɔ̄ ni̍ cha̍ka̍ra̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)