1 Alikɔ̍rīnti 11
11
1Ala̍ ā mi̍yɛ̄gbla yī u lɔkɔ nīi ami ē mi̍yɛ̄gbla yī Ikra̍yisi ma̍ gɛ.
Ɔjā ɔkla̍lɛhu̍ la ɛbɛ oya̍ otūlichō de Ɔwɔ
2Ala̍ ya̍ yɛ̍yɛ̍ kpɛ̍ɛji wu̍chē lɔkɔ nīi ala̍ yɛ ē bla ē tū u myɛ̄grāa-myɛ̄grāa ma̍. Ala̍ gba̍a yɛ abɔ̍ɔ ē ga la ɔgɔgu yī lɛlā nīi n wa̍ābɔ̄ la anu̍ de ala̍ ma̍. 3N chikpo̍ nīi ala̍ ge̍ē jo̍ōkū hīka, Ikra̍yisi re̍ka ɔlɛhu̍ yī āchɛ wa̍a̍ a̍nɛ. Ɔngrɔ̄ɔ ɔwɔ̍ɔ̄nyā chī re̍ka ɔlɛhu̍ yī ɔnyā yī nū a̍nɛ. Ɔwɔ chī re̍ka ɔlɛhu̍ yī Ikra̍yisi a̍nɛ. 4Wu̍chē yī ɔla̍ā, ɔngrɔ̄ɔ nīi ge̍ yɛ ē jɔhā kɛ̄ɛ yɛ ē ka ɛrɔ̄ yī Ɔwɔ la ɔgbādu de ɔjā kla̍ lɛhu̍, o̍ re̍ka ɔlɔjā yɛ ē de liwēyī de Ikra̍yisi. 5Ɔnyā nīi ge̍ chī yɛ ē jɔhā kɛ̄ɛ yɛ ē ka ɛrɔ̄ yī Ɔwɔ la ɔgbādu i̍ de ɔjā kla̍ lɛhu̍ ni̍, o̍ re̍ka ɔnyā ɔlɔjā yɛ ē de liwēyī de ɔbu̍ūnū. Ɔjɔ̄jā i̍ hɔ̄ɔ̄hɔ̄ abɔ̍ɔ lipu̍ yī anu̍ ba̍la ɔnyā nīi pla̍a lɛhu̍ okpukpru ma̍ ni̍. 6Ɔnyā nīi i̍ ge̍ chikpo̍ yī ɔjā ode kla̍ lɛhu̍ ni̍, o̍ ge̍ de lɛhu̍ pla̍a okpukpru ji kpɛ̍ɛ. Wu̍chē lɔkɔ nīi lɛhu̍ ɔpɔ̍ɔ̄pla̍a chī - lɛlā oliwēyī iwēyī de anyā nɛ ma̍, o̍ ngma̍ nīi ɔnyā ē de ɔjā kla̍ lɛhu̍. 7Ɔngrɔ̄ɔ ma̍ i̍ ngma̍ la ode ɔjā kla̍ lɛhu̍ ni̍. Wu̍chē oji̍ nɛ, anu̍ - ɔjā ɔchabɔ̄ yī igbla ba̍la rīgā yī Ɔwɔ ɔlɔjā a̍nɛ. Ɔnyā - ɔjā ɔchabɔ̄ yī rīgā yī ɔngrɔ̄ɔ nɛ. 8Wu̍chē oji̍ nɛ, Ɔwɔ i̍ ya̍ ɔngrɔ̄ɔ bū la ibi̍īyē yī ɔnyā ni̍; ɔnyā nīi o̍ ya̍ bū la ibi̍īyē yī ɔngrɔ̄ɔ a̍nɛ. 9Ɔwɔ i̍ chī ya̍ ɔngrɔ̄ɔ wu̍chē yī ɔnyā ni̍. Ɔnyā nīi o̍ ya̍ wu̍chē yī ɔngrɔ̄ɔ a̍nɛ. 10Wu̍chē yī ayɛ̍ɛ̄chɛ̄rɔ̄ yī Ɔwɔ, o̍ ngma̍ nīi ɔnyā de ɔjāha̍ ē kla̍ lɛhu̍. Ɔla̍ā ge̍ē chabɔ̄ hīka ɔnyā hɔ̄ la ihi̍yajɛ yī ɔngrɔ̄ɔ nīi wu̍ ɔ̄ ma̍. 11Lipu̍ yī ɔhɔ̄leyī nīi alɔ ma̍ lɛ la Ādā Ikra̍yisi ma̍, ɔnyā i̍ hɔ̄ wɔ̄bɔ̄bɔ̄ yī nū hī ɔngrɔ̄ɔ ni̍; ɔngrɔ̄ɔ i̍ chī hɔ̄ wɔ̄bɔ̄bɔ̄ yī nū hī ɔnyā ni̍. 12Wu̍chē oji̍ nɛ, lɔkɔ nīi Ɔwɔ ya̍ ɔnyā bū la ɔngrɔ̄ɔ ma̍, i̍ngi̍ngɔ̍ɔ nīi ɔnyā ē ma ɔngrɔ̄ɔ a̍nɛ. Ɔjāha̍ ɔjāha̍ wa̍a̍ chī bū la abɔ̄ yī Ɔwɔ ɔlɔjā.
13Ala̍ ma̍ ɔ̄ la abɔ̄ yī ala̍ ɛlɛjā we̍ e̍ē! O̍ re̍ka o̍ i̍ hwɔhi nīi ɔnyā ge̍ jɔhā de Ɔwɔ la ɔgbādu, de ɔjɔ̄jā kla̍ lɛhu̍ ni̍? 14Ehe̍e! La ɔchɔ̍ɔwɔ yī alɔ āchɛ̄ɛchɛ, alɔ jo̍ōkū hīka, inyɛ̄lɛ̄hu̍ yī ɔngrɔ̄ɔ ge̍ de gwā ɔ̄kɔ̄kū, o̍ liwēyī iwēyī de ɔngrɔ̄ɔ. 15Inyɛ̄lɛ̄hu̍ ɔgwɔ̄gwā chī - ɔjā yī rīgā yī ɔnyā nɛ. Anu̍ - ɔjā ɔkla̍lɛhu̍ nīi Ɔwɔ de de ɔnyā ma̍ a̍nɛ. 16Ɔ̄chɛ ɔha̍ ge̍ chī chikpo̍ ge̍ē ta̍ahu̍ yī lɛlā nūma̍, ɔ̍lɔma̍ n ā koko̍o de ala̍ gɛ! Alɔ ma̍ i̍ lɛ ɔgulɛ̄lā ɔha̍lɔha̍ gla onūma̍ ta̍ gɛ ni̍. Ogrēeyī yī āchɛ yī Ɔwɔ ɔha̍lɔha̍ i̍ lɛ ɔgulɛ̄lā gla onūma̍ ta̍ gɛ ni̍.
Ojōre̍ nīi Ādā Iji̍sɔ̄ɔsi de ma̍
17Lipu̍ yī lɛlā nūma̍ nīi n yɛ ge̍ē ngū ala̍ ma̍, n ge̍ē kɛlā ɔha̍ nīi ala̍ i̍ ya̍ hwɔhi ni̍ ma̍: Ogrēeyī nīi ala̍ āchɛ yī Ɔwɔ yɛ ē lɛ abɔ̍ɔ ma̍ yɛ ē bīya lɛlā hi̍ ɔgbla̍a lɛlā ɔgbɔ̍ɔ̄gbla̍a. 18Onīi ge̍ē wu̍tu la anu̍ ma̍, n po̍ hīka ala̍ ɔ̍lɔ de iyī ala̍ krīibi yɛ̄mɛ̄mɛ̄ nīi ala̍ ɔ̍lɔ ge̍ gblāa la ogrēeyī yī ala̍ ma̍. Ribi ɛha̍ ɛ̍lɛ i̍ ē chɛ̄ku ɛha̍ ni̍. N jo̍ōkū hīka lɛlā nūma̍ nīi n po̍ ma̍, lɛlā lēchi̍ tū abɔ̍ɔ la anu̍. 19Lēchi̍ nɛ, ribi yī āchɛ ē hɔ̄ i̍ngɔ̍ɔ, hɛ̄ɛbɛ nīi e̍ ē je̍ āchɛ nīi lɛlā yī wā ku kpakpa ma̍ hwɔhi hwɔhi. 20Onīi n yɛ ē ka ma̍, ɔla̍ā nīi ala̍ ē lɛ ogrēeyī i̍ngɔ̍ɔ bāa ribi ūkpo̍he ma̍, i̍ Ojōre̍ Nīi Ādā Iji̍sɔ̄ɔsi De Ma̍ nīi ala̍ grēeyī ge̍ē re̍ a̍ni̍. 21Wu̍chē oji̍ nɛ, ala̍ ge̍ yɛ ē re̍ ma̍, āchɛ ɛha̍ ē kɔ̄leyī re̍ iyī wā, kpɛ̍ɛ nīi ɛha̍ ē de ē ku̍ lɛmiyɛ, nīi ɛha̍ de ē wīyɔ̄jā. 22O̍ re̍ka ala̍ i̍ lɛ wɔlɛ̍ lɛbɛ ore̍ ojōre̍ kɛ̄ɛ gwa̍ ɔjā abɔ̍ɔ ni̍? O̍ re̍ka ala̍ nāa ogrēeyī yī āchɛ yī Ɔwɔ tɛ̍bɛ̍lɛ̍? Kɛ̄ɛ ala̍ chikpo̍ ge̍ē de liwēyī de āchɛ nīi i̍ lɛ ɔjɔ̄jā ni̍ ma̍? Oji̍ nīi ala̍ gbɛri̍ya̍ ka amɔ̍lɔ ge̍ē ka ē tāa ala̍ wu̍chē yī lɛlā nūma̍ ma̍? N ā kā ala̍ ɔkɔ̄kā kɛ̄ɛ? Īchāha̍ īchāha̍, n i̍ ge̍ē kā ala̍ ɔkɔ̄kā ni̍!
23Wu̍chē oji̍ nɛ, ɔgulɛ̄lā ɔyɔ̍ɔ̄ya̍ nīi n nāa bū la abɔ̄ yī Ādā Iji̍sɔ̄ɔsi ɔlɔjā ma̍, n de de ala̍ i̍ngi̍ngɔ̍ɔ. La otu̍ i̍chi̍chɛ nīi e̍ chɔ̄ɔwɛ tū Ādā Iji̍sɔ̄ɔsi ma̍, o̍ nāa ibrɛ̍ɛdi ɔla̍ā bī la abɔ̄. 24O̍ da Ɔwɔ o̍be ma̍, o̍ de ɔ̍ hɛ̍ wa̍a̍. O̍ ka hīka, “Ibi̍īyē yī u nīi n de de ala̍ ma̍ hɔ̄ ma̍ a̍nɛ. Ala̍ ā ya̍ i̍ngɛ̍ɛ̄nɛ̄ lɛ ɔbɔ̄bla tū u.” 25Gala ɔgɔgu yī ɔla̍ā, Ādā gba̍a nāa ɔgba̍galā yī ɛ̍mwɔ̄ bī la abɔ̄ yɛ̄grāa nīi ojōre̍ kwɛ̍ɛjī ma̍. O̍ ka hīka, “Ɔgba̍galā yī ɛ̍mwɔ̄ nūma̍ - yɛka onīpīpɛ̄ yī Ɔwɔ nīi de lwɔhu̍ brii bū la yeyī yī u ma̍ nɛ. Yɛ̄grāa ɔha̍lɔha̍ nīi ala̍ ge̍ē gwa̍ ma̍, ala̍ gwa̍ lɛ ɔbɔ̄bla tū u.” 26Wu̍chē oji̍ nɛ, yɛ̄grāa ɔha̍lɔha̍ nīi ala̍ ā ge̍ yɛ ē re̍ ibrɛ̍ɛdi nūma̍ kɛ̄ɛ yɛ ē gwa̍ ɔjā la ɔgba̍galā nūma̍ ma̍, ɔpīyaku̍ yī Ādā Iji̍sɔ̄ɔsi nīi ala̍ yɛ ē de ē hi̍yɛchɛ hwōō a̍nɛ. I̍ngɔ̍ɔ nīi o̍ chī ge̍ē lɛ kpɛɛ nīi Ādā ɔlɔjā wā a̍nɛ.
27O̍ lɛ i̍ngɔ̍ɔ bɛ̍ɛ̄nɛ̄ nɛ ma̍, ɔ̄chɛmɔ̄chɛ nīi ge̍ē re̍ ibrɛ̍ɛdi nūma̍ nīi Ādā de ma̍, kɛ̄ɛ gwa̍ ɔjā la ɔgba̍galā nūma̍ nīi o̍ de ma̍ nīi ɔlɔjā i̍ ge̍ ya̍ i̍ngɔ̍ɔ la ɔpɔ̄pū yī otūlichō ɔlamu-ɔlamu ni̍, ɔ̍lɔma̍, o̍ re̍ka ɔlɔjā gblɛfiyɛ yī ibi̍īyē ba̍la yeyī yī Ādā Iji̍sɔ̄ɔsi. 28Wu̍chē yī ɔla̍ā, ɔ̄chɛmɔ̄chɛ ge̍ jiya iyī nū ma̍ yɛ̍yɛ̍ o̍bū nīi o̍ ge̍ re̍ ibrɛ̍ɛdi nūma̍ kɛ̄ɛ gwa̍ ɔjā bū la ɔgba̍galā nūma̍. 29Nɛ̄ni̍, ɔlɔjā ge̍ re̍ ibrɛ̍ɛdi nūma̍ kɛ̄ɛ gwa̍ ɔjā bū la ɔgba̍galā nūma̍ i̍ngɔ̍ɔ ji i̍ gbɛri̍ya̍ tū ibi̍īyē yī Ādā Iji̍sɔ̄ɔsi ni̍, o̍ re̍ka ɔlɔjā yɛ ē hɛ̄ra̍ yī lɛpɔ̄ nīi Ɔwɔ ge̍ē hɛ̍ ɔ̄ ma̍ ē de iyī nū. 30Ɔla̍ā - ohu̍ nīi ibiha̍ yī ala̍ ē de ē kwi̍īyē ya̍ kwīkwī nīi ibiha̍ ē pīyēku̍ bɛ̍ɛ̍ a̍nɛ. 31O̍ ge̍ re̍ka alɔ jiya iyī alɔ ma̍ yɛ̍yɛ̍ o̍bū, alɔ i̍ ge̍ē tū la lɛpɔ̄ nīi Ɔwɔ ge̍ē hɛ̍ āchɛ ma̍ ni̍. 32Ādā ɔlɔjā ē hɛ̍ alɔ lɛpɔ̄, ē ya̍ alɔ ichi̍ hɛ̄ɛbɛ nīi Ɔwɔ i̍ ge̍ē hɛ̍ alɔ lɛpɔ̄ ngmo̍tu̍chɛ̄ ba̍la alyɛchɛ ehēhī gɛ ni̍.
33O̍ lɛ i̍ngɔ̍ɔ ma̍, aɛ̍nɛ̍ yī u, yɛ̄grāa nīi ala̍ ge̍ē grēeyī i̍ngɔ̍ɔ ge̍ē re̍ Ojōre̍ Nīi Ādā Iji̍sɔ̄ɔsi De Ma̍, ala̍ ā gbēyī yī ɔ̍nyīnū. 34Lɛmiyɛ ge̍ yɛ ē ya̍ ɔ̄chaha̍, ɔlɔjā ge̍ re̍ ojōre̍ la wɔlɛ̍ yī nū. Ala̍ ā ya̍ i̍ngɔ̍ɔ nīi ala̍ ge̍ē grēeyī ma̍, hɛ̄ɛbɛ nīi ala̍ ge̍ e̍e gatū lɛpɔ̄ ɔhɔ̍ɔ̄hɛ̍ nīi Ɔwɔ ge̍ē hɛ̍ āchɛ ma̍ ni̍. Lɛlā ehēhī ma̍, n ge̍ē wā abɔ̍ɔ o̍bū nīi n de ɔ̍ chlɛhu̍ ē de ala̍.
Currently Selected:
1 Alikɔ̍rīnti 11: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 11
11
1Ala̍ ā mi̍yɛ̄gbla yī u lɔkɔ nīi ami ē mi̍yɛ̄gbla yī Ikra̍yisi ma̍ gɛ.
Ɔjā ɔkla̍lɛhu̍ la ɛbɛ oya̍ otūlichō de Ɔwɔ
2Ala̍ ya̍ yɛ̍yɛ̍ kpɛ̍ɛji wu̍chē lɔkɔ nīi ala̍ yɛ ē bla ē tū u myɛ̄grāa-myɛ̄grāa ma̍. Ala̍ gba̍a yɛ abɔ̍ɔ ē ga la ɔgɔgu yī lɛlā nīi n wa̍ābɔ̄ la anu̍ de ala̍ ma̍. 3N chikpo̍ nīi ala̍ ge̍ē jo̍ōkū hīka, Ikra̍yisi re̍ka ɔlɛhu̍ yī āchɛ wa̍a̍ a̍nɛ. Ɔngrɔ̄ɔ ɔwɔ̍ɔ̄nyā chī re̍ka ɔlɛhu̍ yī ɔnyā yī nū a̍nɛ. Ɔwɔ chī re̍ka ɔlɛhu̍ yī Ikra̍yisi a̍nɛ. 4Wu̍chē yī ɔla̍ā, ɔngrɔ̄ɔ nīi ge̍ yɛ ē jɔhā kɛ̄ɛ yɛ ē ka ɛrɔ̄ yī Ɔwɔ la ɔgbādu de ɔjā kla̍ lɛhu̍, o̍ re̍ka ɔlɔjā yɛ ē de liwēyī de Ikra̍yisi. 5Ɔnyā nīi ge̍ chī yɛ ē jɔhā kɛ̄ɛ yɛ ē ka ɛrɔ̄ yī Ɔwɔ la ɔgbādu i̍ de ɔjā kla̍ lɛhu̍ ni̍, o̍ re̍ka ɔnyā ɔlɔjā yɛ ē de liwēyī de ɔbu̍ūnū. Ɔjɔ̄jā i̍ hɔ̄ɔ̄hɔ̄ abɔ̍ɔ lipu̍ yī anu̍ ba̍la ɔnyā nīi pla̍a lɛhu̍ okpukpru ma̍ ni̍. 6Ɔnyā nīi i̍ ge̍ chikpo̍ yī ɔjā ode kla̍ lɛhu̍ ni̍, o̍ ge̍ de lɛhu̍ pla̍a okpukpru ji kpɛ̍ɛ. Wu̍chē lɔkɔ nīi lɛhu̍ ɔpɔ̍ɔ̄pla̍a chī - lɛlā oliwēyī iwēyī de anyā nɛ ma̍, o̍ ngma̍ nīi ɔnyā ē de ɔjā kla̍ lɛhu̍. 7Ɔngrɔ̄ɔ ma̍ i̍ ngma̍ la ode ɔjā kla̍ lɛhu̍ ni̍. Wu̍chē oji̍ nɛ, anu̍ - ɔjā ɔchabɔ̄ yī igbla ba̍la rīgā yī Ɔwɔ ɔlɔjā a̍nɛ. Ɔnyā - ɔjā ɔchabɔ̄ yī rīgā yī ɔngrɔ̄ɔ nɛ. 8Wu̍chē oji̍ nɛ, Ɔwɔ i̍ ya̍ ɔngrɔ̄ɔ bū la ibi̍īyē yī ɔnyā ni̍; ɔnyā nīi o̍ ya̍ bū la ibi̍īyē yī ɔngrɔ̄ɔ a̍nɛ. 9Ɔwɔ i̍ chī ya̍ ɔngrɔ̄ɔ wu̍chē yī ɔnyā ni̍. Ɔnyā nīi o̍ ya̍ wu̍chē yī ɔngrɔ̄ɔ a̍nɛ. 10Wu̍chē yī ayɛ̍ɛ̄chɛ̄rɔ̄ yī Ɔwɔ, o̍ ngma̍ nīi ɔnyā de ɔjāha̍ ē kla̍ lɛhu̍. Ɔla̍ā ge̍ē chabɔ̄ hīka ɔnyā hɔ̄ la ihi̍yajɛ yī ɔngrɔ̄ɔ nīi wu̍ ɔ̄ ma̍. 11Lipu̍ yī ɔhɔ̄leyī nīi alɔ ma̍ lɛ la Ādā Ikra̍yisi ma̍, ɔnyā i̍ hɔ̄ wɔ̄bɔ̄bɔ̄ yī nū hī ɔngrɔ̄ɔ ni̍; ɔngrɔ̄ɔ i̍ chī hɔ̄ wɔ̄bɔ̄bɔ̄ yī nū hī ɔnyā ni̍. 12Wu̍chē oji̍ nɛ, lɔkɔ nīi Ɔwɔ ya̍ ɔnyā bū la ɔngrɔ̄ɔ ma̍, i̍ngi̍ngɔ̍ɔ nīi ɔnyā ē ma ɔngrɔ̄ɔ a̍nɛ. Ɔjāha̍ ɔjāha̍ wa̍a̍ chī bū la abɔ̄ yī Ɔwɔ ɔlɔjā.
13Ala̍ ma̍ ɔ̄ la abɔ̄ yī ala̍ ɛlɛjā we̍ e̍ē! O̍ re̍ka o̍ i̍ hwɔhi nīi ɔnyā ge̍ jɔhā de Ɔwɔ la ɔgbādu, de ɔjɔ̄jā kla̍ lɛhu̍ ni̍? 14Ehe̍e! La ɔchɔ̍ɔwɔ yī alɔ āchɛ̄ɛchɛ, alɔ jo̍ōkū hīka, inyɛ̄lɛ̄hu̍ yī ɔngrɔ̄ɔ ge̍ de gwā ɔ̄kɔ̄kū, o̍ liwēyī iwēyī de ɔngrɔ̄ɔ. 15Inyɛ̄lɛ̄hu̍ ɔgwɔ̄gwā chī - ɔjā yī rīgā yī ɔnyā nɛ. Anu̍ - ɔjā ɔkla̍lɛhu̍ nīi Ɔwɔ de de ɔnyā ma̍ a̍nɛ. 16Ɔ̄chɛ ɔha̍ ge̍ chī chikpo̍ ge̍ē ta̍ahu̍ yī lɛlā nūma̍, ɔ̍lɔma̍ n ā koko̍o de ala̍ gɛ! Alɔ ma̍ i̍ lɛ ɔgulɛ̄lā ɔha̍lɔha̍ gla onūma̍ ta̍ gɛ ni̍. Ogrēeyī yī āchɛ yī Ɔwɔ ɔha̍lɔha̍ i̍ lɛ ɔgulɛ̄lā gla onūma̍ ta̍ gɛ ni̍.
Ojōre̍ nīi Ādā Iji̍sɔ̄ɔsi de ma̍
17Lipu̍ yī lɛlā nūma̍ nīi n yɛ ge̍ē ngū ala̍ ma̍, n ge̍ē kɛlā ɔha̍ nīi ala̍ i̍ ya̍ hwɔhi ni̍ ma̍: Ogrēeyī nīi ala̍ āchɛ yī Ɔwɔ yɛ ē lɛ abɔ̍ɔ ma̍ yɛ ē bīya lɛlā hi̍ ɔgbla̍a lɛlā ɔgbɔ̍ɔ̄gbla̍a. 18Onīi ge̍ē wu̍tu la anu̍ ma̍, n po̍ hīka ala̍ ɔ̍lɔ de iyī ala̍ krīibi yɛ̄mɛ̄mɛ̄ nīi ala̍ ɔ̍lɔ ge̍ gblāa la ogrēeyī yī ala̍ ma̍. Ribi ɛha̍ ɛ̍lɛ i̍ ē chɛ̄ku ɛha̍ ni̍. N jo̍ōkū hīka lɛlā nūma̍ nīi n po̍ ma̍, lɛlā lēchi̍ tū abɔ̍ɔ la anu̍. 19Lēchi̍ nɛ, ribi yī āchɛ ē hɔ̄ i̍ngɔ̍ɔ, hɛ̄ɛbɛ nīi e̍ ē je̍ āchɛ nīi lɛlā yī wā ku kpakpa ma̍ hwɔhi hwɔhi. 20Onīi n yɛ ē ka ma̍, ɔla̍ā nīi ala̍ ē lɛ ogrēeyī i̍ngɔ̍ɔ bāa ribi ūkpo̍he ma̍, i̍ Ojōre̍ Nīi Ādā Iji̍sɔ̄ɔsi De Ma̍ nīi ala̍ grēeyī ge̍ē re̍ a̍ni̍. 21Wu̍chē oji̍ nɛ, ala̍ ge̍ yɛ ē re̍ ma̍, āchɛ ɛha̍ ē kɔ̄leyī re̍ iyī wā, kpɛ̍ɛ nīi ɛha̍ ē de ē ku̍ lɛmiyɛ, nīi ɛha̍ de ē wīyɔ̄jā. 22O̍ re̍ka ala̍ i̍ lɛ wɔlɛ̍ lɛbɛ ore̍ ojōre̍ kɛ̄ɛ gwa̍ ɔjā abɔ̍ɔ ni̍? O̍ re̍ka ala̍ nāa ogrēeyī yī āchɛ yī Ɔwɔ tɛ̍bɛ̍lɛ̍? Kɛ̄ɛ ala̍ chikpo̍ ge̍ē de liwēyī de āchɛ nīi i̍ lɛ ɔjɔ̄jā ni̍ ma̍? Oji̍ nīi ala̍ gbɛri̍ya̍ ka amɔ̍lɔ ge̍ē ka ē tāa ala̍ wu̍chē yī lɛlā nūma̍ ma̍? N ā kā ala̍ ɔkɔ̄kā kɛ̄ɛ? Īchāha̍ īchāha̍, n i̍ ge̍ē kā ala̍ ɔkɔ̄kā ni̍!
23Wu̍chē oji̍ nɛ, ɔgulɛ̄lā ɔyɔ̍ɔ̄ya̍ nīi n nāa bū la abɔ̄ yī Ādā Iji̍sɔ̄ɔsi ɔlɔjā ma̍, n de de ala̍ i̍ngi̍ngɔ̍ɔ. La otu̍ i̍chi̍chɛ nīi e̍ chɔ̄ɔwɛ tū Ādā Iji̍sɔ̄ɔsi ma̍, o̍ nāa ibrɛ̍ɛdi ɔla̍ā bī la abɔ̄. 24O̍ da Ɔwɔ o̍be ma̍, o̍ de ɔ̍ hɛ̍ wa̍a̍. O̍ ka hīka, “Ibi̍īyē yī u nīi n de de ala̍ ma̍ hɔ̄ ma̍ a̍nɛ. Ala̍ ā ya̍ i̍ngɛ̍ɛ̄nɛ̄ lɛ ɔbɔ̄bla tū u.” 25Gala ɔgɔgu yī ɔla̍ā, Ādā gba̍a nāa ɔgba̍galā yī ɛ̍mwɔ̄ bī la abɔ̄ yɛ̄grāa nīi ojōre̍ kwɛ̍ɛjī ma̍. O̍ ka hīka, “Ɔgba̍galā yī ɛ̍mwɔ̄ nūma̍ - yɛka onīpīpɛ̄ yī Ɔwɔ nīi de lwɔhu̍ brii bū la yeyī yī u ma̍ nɛ. Yɛ̄grāa ɔha̍lɔha̍ nīi ala̍ ge̍ē gwa̍ ma̍, ala̍ gwa̍ lɛ ɔbɔ̄bla tū u.” 26Wu̍chē oji̍ nɛ, yɛ̄grāa ɔha̍lɔha̍ nīi ala̍ ā ge̍ yɛ ē re̍ ibrɛ̍ɛdi nūma̍ kɛ̄ɛ yɛ ē gwa̍ ɔjā la ɔgba̍galā nūma̍ ma̍, ɔpīyaku̍ yī Ādā Iji̍sɔ̄ɔsi nīi ala̍ yɛ ē de ē hi̍yɛchɛ hwōō a̍nɛ. I̍ngɔ̍ɔ nīi o̍ chī ge̍ē lɛ kpɛɛ nīi Ādā ɔlɔjā wā a̍nɛ.
27O̍ lɛ i̍ngɔ̍ɔ bɛ̍ɛ̄nɛ̄ nɛ ma̍, ɔ̄chɛmɔ̄chɛ nīi ge̍ē re̍ ibrɛ̍ɛdi nūma̍ nīi Ādā de ma̍, kɛ̄ɛ gwa̍ ɔjā la ɔgba̍galā nūma̍ nīi o̍ de ma̍ nīi ɔlɔjā i̍ ge̍ ya̍ i̍ngɔ̍ɔ la ɔpɔ̄pū yī otūlichō ɔlamu-ɔlamu ni̍, ɔ̍lɔma̍, o̍ re̍ka ɔlɔjā gblɛfiyɛ yī ibi̍īyē ba̍la yeyī yī Ādā Iji̍sɔ̄ɔsi. 28Wu̍chē yī ɔla̍ā, ɔ̄chɛmɔ̄chɛ ge̍ jiya iyī nū ma̍ yɛ̍yɛ̍ o̍bū nīi o̍ ge̍ re̍ ibrɛ̍ɛdi nūma̍ kɛ̄ɛ gwa̍ ɔjā bū la ɔgba̍galā nūma̍. 29Nɛ̄ni̍, ɔlɔjā ge̍ re̍ ibrɛ̍ɛdi nūma̍ kɛ̄ɛ gwa̍ ɔjā bū la ɔgba̍galā nūma̍ i̍ngɔ̍ɔ ji i̍ gbɛri̍ya̍ tū ibi̍īyē yī Ādā Iji̍sɔ̄ɔsi ni̍, o̍ re̍ka ɔlɔjā yɛ ē hɛ̄ra̍ yī lɛpɔ̄ nīi Ɔwɔ ge̍ē hɛ̍ ɔ̄ ma̍ ē de iyī nū. 30Ɔla̍ā - ohu̍ nīi ibiha̍ yī ala̍ ē de ē kwi̍īyē ya̍ kwīkwī nīi ibiha̍ ē pīyēku̍ bɛ̍ɛ̍ a̍nɛ. 31O̍ ge̍ re̍ka alɔ jiya iyī alɔ ma̍ yɛ̍yɛ̍ o̍bū, alɔ i̍ ge̍ē tū la lɛpɔ̄ nīi Ɔwɔ ge̍ē hɛ̍ āchɛ ma̍ ni̍. 32Ādā ɔlɔjā ē hɛ̍ alɔ lɛpɔ̄, ē ya̍ alɔ ichi̍ hɛ̄ɛbɛ nīi Ɔwɔ i̍ ge̍ē hɛ̍ alɔ lɛpɔ̄ ngmo̍tu̍chɛ̄ ba̍la alyɛchɛ ehēhī gɛ ni̍.
33O̍ lɛ i̍ngɔ̍ɔ ma̍, aɛ̍nɛ̍ yī u, yɛ̄grāa nīi ala̍ ge̍ē grēeyī i̍ngɔ̍ɔ ge̍ē re̍ Ojōre̍ Nīi Ādā Iji̍sɔ̄ɔsi De Ma̍, ala̍ ā gbēyī yī ɔ̍nyīnū. 34Lɛmiyɛ ge̍ yɛ ē ya̍ ɔ̄chaha̍, ɔlɔjā ge̍ re̍ ojōre̍ la wɔlɛ̍ yī nū. Ala̍ ā ya̍ i̍ngɔ̍ɔ nīi ala̍ ge̍ē grēeyī ma̍, hɛ̄ɛbɛ nīi ala̍ ge̍ e̍e gatū lɛpɔ̄ ɔhɔ̍ɔ̄hɛ̍ nīi Ɔwɔ ge̍ē hɛ̍ āchɛ ma̍ ni̍. Lɛlā ehēhī ma̍, n ge̍ē wā abɔ̍ɔ o̍bū nīi n de ɔ̍ chlɛhu̍ ē de ala̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)