1 Alikɔ̍rīnti 10
10
Ɔna yī lɛlā yī ɛchi̍yɛka
1Aɛ̍nɛ̍ yī u, n chikpo̍ nīi ala̍ ge̍ē bla lɛlā nīi ya̍ aa̍ ɔ̍kɔ̄kū yī alɔ nīi ku Imo̍sīisi la u̍tu ma̍. Akpɔ̍ɔwɔ nīi bī āā ɔtū ma̍ gbō wā ogbōgbō; aa̍ wa̍a̍ ga hɛ̍ li̍hu ɔla̍ā nīi re̍ka Li̍hu Ɔnɔ̄a̍ ma̍ ārɛ̄ i̍ngɔ̍ɔ ke̍e̍ ga oe̍. 2E̍ yɛ abɔ̍ɔ lipu̍ yī akpɔ̍ɔwɔ ɔ̍lɔma̍ ba̍la li̍hu ɔ̍lɔma̍ ma̍, e̍ de hu yenyi wa̍a̍ bāa alikpɛ̍ɛ yī Imo̍sīisi ma̍. 3Aa̍ wa̍a̍ re̍ ibrɛ̍ɛdi ɔla̍ā nīi Ɔwɔ de ma̍. 4Aa̍ wa̍a̍ chī gwa̍ yenyi ɔla̍ā nīi Ɔwɔ de ma̍. E̍ gwa̍ yenyi ɔla̍ā nīi bū la lɛchɔ̄ ɔlwɔhɔ̍hu̍ ɔla̍ā nīi Ɔwɔ de nīi yɛ abɔ̍ɔ tāa aa̍ ma̍. Lɛchɔ̄ ɔlwɔhɔ̍hu̍ ɔla̍ā - Ikra̍yisi ɔlɔjā nɛ. 5O̍ lɔ̄lɛ i̍ngɔ̍ɔ nyaa yɛ̄grāa ɔla̍ā ma̍, Ɔwɔ i̍ lɛ ɔwɔ̄wīyā ba̍la āchɛ ɛha̍ lipu̍ yī wā ni̍. Wu̍chē yī ɔla̍ā, e̍ pīyaku̍ yɛ̄mɛ̄mɛ̄ abɔ̍ɔ lipu̍ a̍chi̍ chukuru ɔla̍ā.
6Lɛlā nūma̍ wa̍a̍ hɔ̄ bāa igbla yī lɛlā ma̍ de alɔ. Ɔla̍ā ge̍ē ta̍ alɔ ɔna hɛ̄ɛbɛ nīi alɔ i̍ ē hla̍ lɛlā abi̍ bāa aa̍ ma̍ gɛ ni̍. 7O̍ ya̍ hɛ̄ɛbɛ nīi alɔ i̍ ge̍ē ya̍ otūlichō yī ɛchi̍yɛka lɔkɔ nīi ibiha̍ yī wā ya̍ ma̍ ē gɛ ni̍. Īpū yī Ɔwɔ ka i̍ngɔ̍ɔ hīka, “Āchɛ ɛla̍ā pīya hyāhɔ̄ re̍ ojōre̍, gwa̍ ɛ̍mwɔ̄, o̍bū nīichō kū la ejē ojōjē.” 8Alɔ e̍e ya̍chi yī lɛlā lɔkɔ nīi ibiha̍ yī wā ya̍ ma̍ ni̍. Aa̍ ya̍ i̍ngɔ̍ɔ ma̍, i̍chi̍chɛ ɔha̍, āchɛ u̍nɔ ohu ɛpa che igwa̍arāapa che āchɛ ohu igwo̍ kpo̍ pīyaku̍ cha̍cha̍. 9Alɔ ā ma Ādā ma̍ lɔkɔ nīi aa̍ ɔ̍kɔ̄kū yī alɔ ɛha̍ ya̍ ma̍ ni̍. E̍ ya̍ i̍ngɔ̍ɔ ma̍, yɛgwā ngmo̍ wā ɛbɛ̍bɛ̍. 10Ala̍ e̍e ywɔ̍na yī lɛlā lɔkɔ nīi ibiha̍ yī wā ya̍ ma̍ ni̍. Aa̍ ɛla̍ā, Ɔyɛ̍ɛ̄chɛ̄rɔ̄ yī Ɔpīyaku̍ de wa̍ chāajɛ cha̍cha̍.
11Lɛlā nūma̍ wa̍a̍ nīi ya̍ wā ma̍ ya̍, hɛ̄ɛbɛ ge̍ē chabɔ̄ hu̍ āchɛ ehēhī. E̍ de ta̍ tū la īpū hɛ̄ɛbɛ ge̍ē ta̍ alɔ ɔna. Wu̍chē oji̍ nɛ, alɔ hɔ̄ la yɛ̄grāa nīi yɛchɛ ɔkwɛ̍ɛjī hōhī kurɛkurɛ ma̍.
12Ɔ̄chɛ nīi ge̍ gbɛri̍ya̍ ka anɔ̍lɔ yarɛ brii mɛ̍, ɔlɔjā ge̍ du̍mɔ̍-du̍mɔ̍, nīi o̍ ge̍ e̍e ngma̍ gwāajɛ ni̍. 13Otu̍tū ɔha̍lɔha̍ wa̍a̍ nīi ē hɔ̄ de ala̍ ma̍, ita yī onīi ge̍ē hɔ̄ de āchɛ wa̍a̍ ma̍ nɛ. Ɔwɔ ē yɛ̍ɛ̄lā lɔkɔ nīi o̍ choko̍o ma̍. Wu̍chē yī ɔla̍ā, o̍ i̍ ge̍ē chɛ̄ nīi otu̍tū nīi gla ala̍ ibi̍īyē ta̍ ma̍ ē hɔ̄ de ala̍ ni̍. Yɛ̄grāa nīi otu̍tū ge̍ hɔ̄ de ala̍, Ɔwɔ ge̍ē de wɔhu̍ ē de ala̍ nīi ala̍ ē tū ūkpɔ̄tū brii ē ya̍ nīi ala̍ ē ngmɛ̍ɛchɛ ē hī ɔ̄ ke̍e̍.
14Aɛ̍ɛya ami lēchi̍ lēchi̍! O̍ lɛ i̍ngɔ̍ɔ ma̍, ala̍ ā gwō gbo̍o̍ hī otūlichō ɔyɔ̍ɔ̄ya̍ de ɛchi̍yɛka gɛ. 15N yɛ ē ka ē de ala̍ bāa āchɛ ɛjyɛ̍ɛ̄lā ka̍ka̍ ma̍. Ala̍ ɛlɛjā, ala̍ jiya lɛlā nīi n ka ma̍ ma̍ la abɔ̄ yī ala̍ gɛ. 16Ɔgba̍galā yī ɔpiyɛ nīi alɔ ē da Ɔwɔ o̍be wu̍chē yī nū ma̍, yɛ̄grāa nīi alɔ ē gwa̍ ɔjā la anu̍ ma̍, je̍ka yeyī yī Ikra̍yisi nīi alɔ nāa a̍nɛ? Ibrɛ̍ɛdi ɔla̍ā nīi alɔ ē re̍ ma̍ je̍ka ibi̍īyē yī Ikra̍yisi nīi alɔ ē nāa i̍ngi̍ngɔ̍ɔ a̍nɛ? 17Wu̍chē lɔkɔ nīi ākpā yī ibrɛ̍ɛdi ɔla̍ā lɛ ūkpo̍he i̍ngɔ̍ɔ kpo̍kpo̍ ma̍, alɔ lɔ̄lyɛ̄mɛ̄mɛ̄ nyaa ma̍, ibi̍īyē ūkpo̍he i̍ngɔ̍ɔ kpo̍kpo̍ nīi alɔ wɛ a̍nɛ. Wu̍chē oji̍ nɛ, ākpā yī ibrɛ̍ɛdi ūkpo̍he kpo̍kpo̍ ɔla̍ā nīi alɔ wa̍a̍ bɔ̍ɔ̄ba̍ re̍ a̍nɛ.
18Ala̍ ā ma̍ lɛlā yī āchɛ yī Ihi̍bru we̍ e̍e! Je̍ka aa̍ āchɛ nīi ē re̍ ɔjā nīi e̍ de pā Ɔwɔ ma̍, aa̍ ē ya̍ u̍ku̍rɔ̍ abɔ̍ɔ la ɛbɛ ode ɔjā pā Ɔwɔ a̍nɛ? 19Oji̍ - ochi̍chi̍ yī lɛlā nīi n ka hɔ̄ ma̍ ma̍? Ɛchi̍yɛka kɛ̄ɛ ojōre̍ nīi e̍ ē de ē pā ɛchi̍yɛka ma̍ - ɔjā ɔlamu ɔlamu nɛ nīi n yɛ ē ka a̍nɛ? 20I̍ i̍ngɔ̍ɔ ni̍! Wu̍chē oji̍ nɛ, ɔjā nīi āchɛ i̍je̍ Ɔwɔ ni̍ de ē ya̍ ɔpɔ̄pā la ɛbɛ ɔyɔ̍ɔ̄pɔ̄pā yī wā ma̍, yapri̍ija ɔdwɔ̄bi̍ nīi e̍ ē de ē de ɔ̍ a̍nɛ; i̍ Ɔwɔ ni̍. N i̍ chikpo̍ nīi ala̍ ge̍ tābɔ̄ yī lɛlɛ̄lā tāa yapri̍ija ɔdwɔ̄bi̍ ni̍. 21Ala̍ i̍ ge̍ē gwa̍ ɔjā la ɔgba̍galā yī Ādā Ikra̍yisi gba̍a ē gwa̍ la iyī yapri̍ija ɔdwɔ̄bi̍ ē gɛ ni̍. Ala̍ i̍ chī ge̍ē re̍ ojōre̍ la okpōkōlō yī Ādā Ikra̍yisi gba̍a ē re̍ la iyī yapri̍ija ɔdwɔ̄bi̍ ē gɛ ni̍. 22Kɛ̄ɛ alɔ chikpo̍ ge̍ē de Ādā pīya ɔli̍ya̍nya? Ɔla̍ā ma̍, alɔ yɛ ē gbɛri̍ya̍ ka alɔ lwɔhu̍ hi̍ ɔ̄ kɛ̄ɛ?
23“Alɔ i̍ trīihɔ yī ɔjɔ̄jā ɔyɔ̍ɔ̄ya̍ ni̍,” i̍ngɔ̍ɔ nīi āchɛ ē ka a̍nɛ. Ɔla̍ā - lēchi̍ nɛ. I̍ ɔjā wa̍a̍ chī hwɔhi la ɔyɔ̍ɔ̄ya̍ a̍ni̍ ma̍ bɛ̍ɛ? “Alɔ i̍ trīihɔ yī ɔjɔ̄jā ɔyɔ̍ɔ̄ya̍ ni̍,” ichɛ̄ɛhi. I̍ ɔjā wa̍a̍ chī tū ɔ̄chɛ wɔbɔ̄ a̍ni̍. 24Ɔ̄chɔ̄chɛ ge̍ e̍e kwɔgɔgu yī lɛlā ɔkwɔ̍ɔkɔ yī anu̍ ɔlɔjā ke̍e̍ ni̍. Ɔkɔkɔ ɔla̍ā, ala̍ ā kwɔgu yī lɛlā nīi hī āchɛ ehēhī ɔtū ma̍ la ɔyɔ̍ɔ̄ya̍.
25Ɛbɛ̍ oro̍ōre̍ nīi e̍ ē bī ra̍ la lihī ma̍, ala̍ ā ra̍ ge̍ re̍ ji. Ala̍ e̍e chikpo̍ yī lɛlɛ̄lā o̍bū ni̍, wu̍chē yī ɛri̍ya̍ yī ūkpɔ̄tū yī ala̍ ɛlɛjā. 26Wu̍chē oji̍ nɛ, Īpū yī Ɔwɔ ka hīka, “Ajɛ yī yɛchɛ nūma̍ wa̍a̍ ba̍la ɛjā nīi gblāa la anu̍ ma̍, Ādā ɔlɔjā lɔ̄lɛ a̍nɛ.”
27Ɔ̄chɛ nīi i̍ chɛ̄ku Ɔwɔ ni̍ ma̍ ge̍ hī wɔ ɛra̍ yī ojōre̍ nīi a ge̍ chikpo̍ ge̍ē yɛ, re̍ ɔjāha̍ ɔjāha̍ nīi e̍ de de wɔ ma̍ ji. A ā chikpo̍ yī lɛlɛ̄lā o̍bū ni̍, wu̍chē yī ɛri̍ya̍ yī ūkpɔ̄tū yī awɔ ɔlɔjā. 28Ɔ̄chɛ ge̍ chī de ka de wɔ hīka ɔ̍lɔ - ojōre̍ yī ɛchi̍yɛka nɛ, a ā re̍ ojōre̍ ɔla̍ā ni̍, wu̍chē yī ɔ̄chɛ nīi ka de wɔ ma̍ ba̍la ɛri̍ya̍ yī ūkpɔ̄tū. 29I̍ ɛri̍ya̍ yī ūkpɔ̄tū yī awɔ ɔlɔjā ni̍; iyī anu̍ ɔla̍ā nīi ka de wɔ ma̍ nɛ.
Ɔ̄chɛ ɔha̍ ge̍ē chikpo̍ bɛ̍ɛ̄nɛ̄ hīka, anu̍ nīi - ɔ̍lɔ i̍ trīihɔ yī ɔjɔ̄jā ɔyɔ̍ɔ̄ya̍ ni̍ ma̍, kana̍ - ohu̍ nīi ɛri̍ya̍ yī ūkpɔ̄tū yī ɔ̄chɛ ɔha̍ ɔ̍lɔ chōo̍chē ge̍ē ku̍ anu̍ chi̍yɛ ma̍? 30Anɔ̍lɔ ge̍ to̍gbo̍ de Ɔwɔ wu̍chē yī ojōre̍ nīi anɔ̍lɔ re̍ ma̍, ɔna̍ nīi ɛ̍lɛ gba̍a ē ka la anu̍ tū ojōre̍ nīi anɔ̍lɔ to̍gbo̍ de Ɔwɔ ma̍?
31Ala̍ ma̍ ko̍ō! Ɔjāha̍-ɔjāha̍ nīi ala̍ ge̍ē ya̍ ma̍, ala̍ ge̍ yɛ ē ro̍ōre̍ kɛ̄ɛ ē gwɔ̍ɔ̄gwa̍ oo, ala̍ ā ya̍ ɔ̄ hɛ̄ɛbɛ nīi rīgā ge̍ - iyī Ɔwɔ. 32Ala̍ ā ya̍ ɔhɔ̄leyī yī ala̍ la ɔpɔ̄pū nīi i̍ ge̍ē ta̍tu̍tu̍ yī lɛlā ogbōgbo ē de āchɛ yī Iju̍u, kɛ̄ɛ Ɛchɛkɔcha, kɛ̄ɛ ogrēeyī yī āchɛ yī Ɔwɔ ni̍ ma̍. 33Ala̍ ā ya̍ lɔkɔ nīi ami ē ya̍ ke̍e̍ ma̍. Lɛlāha̍ ɛlāha̍ yī u wa̍a̍, n ē chikpo̍ ɔyɛ̍ɛ̄lā nīi hī ɔ̄chɛmɔ̄chɛ ɔtū ma̍. N i̍ ē gbɛri̍ya̍ yī ɔnɛ̄ɛhɛhi yī ami ɔlɔjā ni̍. Ɔnɛ̄ɛhɛhi yī āchɛ wa̍a̍ nīi n ē chikpo̍ a̍nɛ, hɛ̄ɛbɛ nīi e̍ ge̍ē lɛ ɔhɛ̍ta̍.
Currently Selected:
1 Alikɔ̍rīnti 10: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 10
10
Ɔna yī lɛlā yī ɛchi̍yɛka
1Aɛ̍nɛ̍ yī u, n chikpo̍ nīi ala̍ ge̍ē bla lɛlā nīi ya̍ aa̍ ɔ̍kɔ̄kū yī alɔ nīi ku Imo̍sīisi la u̍tu ma̍. Akpɔ̍ɔwɔ nīi bī āā ɔtū ma̍ gbō wā ogbōgbō; aa̍ wa̍a̍ ga hɛ̍ li̍hu ɔla̍ā nīi re̍ka Li̍hu Ɔnɔ̄a̍ ma̍ ārɛ̄ i̍ngɔ̍ɔ ke̍e̍ ga oe̍. 2E̍ yɛ abɔ̍ɔ lipu̍ yī akpɔ̍ɔwɔ ɔ̍lɔma̍ ba̍la li̍hu ɔ̍lɔma̍ ma̍, e̍ de hu yenyi wa̍a̍ bāa alikpɛ̍ɛ yī Imo̍sīisi ma̍. 3Aa̍ wa̍a̍ re̍ ibrɛ̍ɛdi ɔla̍ā nīi Ɔwɔ de ma̍. 4Aa̍ wa̍a̍ chī gwa̍ yenyi ɔla̍ā nīi Ɔwɔ de ma̍. E̍ gwa̍ yenyi ɔla̍ā nīi bū la lɛchɔ̄ ɔlwɔhɔ̍hu̍ ɔla̍ā nīi Ɔwɔ de nīi yɛ abɔ̍ɔ tāa aa̍ ma̍. Lɛchɔ̄ ɔlwɔhɔ̍hu̍ ɔla̍ā - Ikra̍yisi ɔlɔjā nɛ. 5O̍ lɔ̄lɛ i̍ngɔ̍ɔ nyaa yɛ̄grāa ɔla̍ā ma̍, Ɔwɔ i̍ lɛ ɔwɔ̄wīyā ba̍la āchɛ ɛha̍ lipu̍ yī wā ni̍. Wu̍chē yī ɔla̍ā, e̍ pīyaku̍ yɛ̄mɛ̄mɛ̄ abɔ̍ɔ lipu̍ a̍chi̍ chukuru ɔla̍ā.
6Lɛlā nūma̍ wa̍a̍ hɔ̄ bāa igbla yī lɛlā ma̍ de alɔ. Ɔla̍ā ge̍ē ta̍ alɔ ɔna hɛ̄ɛbɛ nīi alɔ i̍ ē hla̍ lɛlā abi̍ bāa aa̍ ma̍ gɛ ni̍. 7O̍ ya̍ hɛ̄ɛbɛ nīi alɔ i̍ ge̍ē ya̍ otūlichō yī ɛchi̍yɛka lɔkɔ nīi ibiha̍ yī wā ya̍ ma̍ ē gɛ ni̍. Īpū yī Ɔwɔ ka i̍ngɔ̍ɔ hīka, “Āchɛ ɛla̍ā pīya hyāhɔ̄ re̍ ojōre̍, gwa̍ ɛ̍mwɔ̄, o̍bū nīichō kū la ejē ojōjē.” 8Alɔ e̍e ya̍chi yī lɛlā lɔkɔ nīi ibiha̍ yī wā ya̍ ma̍ ni̍. Aa̍ ya̍ i̍ngɔ̍ɔ ma̍, i̍chi̍chɛ ɔha̍, āchɛ u̍nɔ ohu ɛpa che igwa̍arāapa che āchɛ ohu igwo̍ kpo̍ pīyaku̍ cha̍cha̍. 9Alɔ ā ma Ādā ma̍ lɔkɔ nīi aa̍ ɔ̍kɔ̄kū yī alɔ ɛha̍ ya̍ ma̍ ni̍. E̍ ya̍ i̍ngɔ̍ɔ ma̍, yɛgwā ngmo̍ wā ɛbɛ̍bɛ̍. 10Ala̍ e̍e ywɔ̍na yī lɛlā lɔkɔ nīi ibiha̍ yī wā ya̍ ma̍ ni̍. Aa̍ ɛla̍ā, Ɔyɛ̍ɛ̄chɛ̄rɔ̄ yī Ɔpīyaku̍ de wa̍ chāajɛ cha̍cha̍.
11Lɛlā nūma̍ wa̍a̍ nīi ya̍ wā ma̍ ya̍, hɛ̄ɛbɛ ge̍ē chabɔ̄ hu̍ āchɛ ehēhī. E̍ de ta̍ tū la īpū hɛ̄ɛbɛ ge̍ē ta̍ alɔ ɔna. Wu̍chē oji̍ nɛ, alɔ hɔ̄ la yɛ̄grāa nīi yɛchɛ ɔkwɛ̍ɛjī hōhī kurɛkurɛ ma̍.
12Ɔ̄chɛ nīi ge̍ gbɛri̍ya̍ ka anɔ̍lɔ yarɛ brii mɛ̍, ɔlɔjā ge̍ du̍mɔ̍-du̍mɔ̍, nīi o̍ ge̍ e̍e ngma̍ gwāajɛ ni̍. 13Otu̍tū ɔha̍lɔha̍ wa̍a̍ nīi ē hɔ̄ de ala̍ ma̍, ita yī onīi ge̍ē hɔ̄ de āchɛ wa̍a̍ ma̍ nɛ. Ɔwɔ ē yɛ̍ɛ̄lā lɔkɔ nīi o̍ choko̍o ma̍. Wu̍chē yī ɔla̍ā, o̍ i̍ ge̍ē chɛ̄ nīi otu̍tū nīi gla ala̍ ibi̍īyē ta̍ ma̍ ē hɔ̄ de ala̍ ni̍. Yɛ̄grāa nīi otu̍tū ge̍ hɔ̄ de ala̍, Ɔwɔ ge̍ē de wɔhu̍ ē de ala̍ nīi ala̍ ē tū ūkpɔ̄tū brii ē ya̍ nīi ala̍ ē ngmɛ̍ɛchɛ ē hī ɔ̄ ke̍e̍.
14Aɛ̍ɛya ami lēchi̍ lēchi̍! O̍ lɛ i̍ngɔ̍ɔ ma̍, ala̍ ā gwō gbo̍o̍ hī otūlichō ɔyɔ̍ɔ̄ya̍ de ɛchi̍yɛka gɛ. 15N yɛ ē ka ē de ala̍ bāa āchɛ ɛjyɛ̍ɛ̄lā ka̍ka̍ ma̍. Ala̍ ɛlɛjā, ala̍ jiya lɛlā nīi n ka ma̍ ma̍ la abɔ̄ yī ala̍ gɛ. 16Ɔgba̍galā yī ɔpiyɛ nīi alɔ ē da Ɔwɔ o̍be wu̍chē yī nū ma̍, yɛ̄grāa nīi alɔ ē gwa̍ ɔjā la anu̍ ma̍, je̍ka yeyī yī Ikra̍yisi nīi alɔ nāa a̍nɛ? Ibrɛ̍ɛdi ɔla̍ā nīi alɔ ē re̍ ma̍ je̍ka ibi̍īyē yī Ikra̍yisi nīi alɔ ē nāa i̍ngi̍ngɔ̍ɔ a̍nɛ? 17Wu̍chē lɔkɔ nīi ākpā yī ibrɛ̍ɛdi ɔla̍ā lɛ ūkpo̍he i̍ngɔ̍ɔ kpo̍kpo̍ ma̍, alɔ lɔ̄lyɛ̄mɛ̄mɛ̄ nyaa ma̍, ibi̍īyē ūkpo̍he i̍ngɔ̍ɔ kpo̍kpo̍ nīi alɔ wɛ a̍nɛ. Wu̍chē oji̍ nɛ, ākpā yī ibrɛ̍ɛdi ūkpo̍he kpo̍kpo̍ ɔla̍ā nīi alɔ wa̍a̍ bɔ̍ɔ̄ba̍ re̍ a̍nɛ.
18Ala̍ ā ma̍ lɛlā yī āchɛ yī Ihi̍bru we̍ e̍e! Je̍ka aa̍ āchɛ nīi ē re̍ ɔjā nīi e̍ de pā Ɔwɔ ma̍, aa̍ ē ya̍ u̍ku̍rɔ̍ abɔ̍ɔ la ɛbɛ ode ɔjā pā Ɔwɔ a̍nɛ? 19Oji̍ - ochi̍chi̍ yī lɛlā nīi n ka hɔ̄ ma̍ ma̍? Ɛchi̍yɛka kɛ̄ɛ ojōre̍ nīi e̍ ē de ē pā ɛchi̍yɛka ma̍ - ɔjā ɔlamu ɔlamu nɛ nīi n yɛ ē ka a̍nɛ? 20I̍ i̍ngɔ̍ɔ ni̍! Wu̍chē oji̍ nɛ, ɔjā nīi āchɛ i̍je̍ Ɔwɔ ni̍ de ē ya̍ ɔpɔ̄pā la ɛbɛ ɔyɔ̍ɔ̄pɔ̄pā yī wā ma̍, yapri̍ija ɔdwɔ̄bi̍ nīi e̍ ē de ē de ɔ̍ a̍nɛ; i̍ Ɔwɔ ni̍. N i̍ chikpo̍ nīi ala̍ ge̍ tābɔ̄ yī lɛlɛ̄lā tāa yapri̍ija ɔdwɔ̄bi̍ ni̍. 21Ala̍ i̍ ge̍ē gwa̍ ɔjā la ɔgba̍galā yī Ādā Ikra̍yisi gba̍a ē gwa̍ la iyī yapri̍ija ɔdwɔ̄bi̍ ē gɛ ni̍. Ala̍ i̍ chī ge̍ē re̍ ojōre̍ la okpōkōlō yī Ādā Ikra̍yisi gba̍a ē re̍ la iyī yapri̍ija ɔdwɔ̄bi̍ ē gɛ ni̍. 22Kɛ̄ɛ alɔ chikpo̍ ge̍ē de Ādā pīya ɔli̍ya̍nya? Ɔla̍ā ma̍, alɔ yɛ ē gbɛri̍ya̍ ka alɔ lwɔhu̍ hi̍ ɔ̄ kɛ̄ɛ?
23“Alɔ i̍ trīihɔ yī ɔjɔ̄jā ɔyɔ̍ɔ̄ya̍ ni̍,” i̍ngɔ̍ɔ nīi āchɛ ē ka a̍nɛ. Ɔla̍ā - lēchi̍ nɛ. I̍ ɔjā wa̍a̍ chī hwɔhi la ɔyɔ̍ɔ̄ya̍ a̍ni̍ ma̍ bɛ̍ɛ? “Alɔ i̍ trīihɔ yī ɔjɔ̄jā ɔyɔ̍ɔ̄ya̍ ni̍,” ichɛ̄ɛhi. I̍ ɔjā wa̍a̍ chī tū ɔ̄chɛ wɔbɔ̄ a̍ni̍. 24Ɔ̄chɔ̄chɛ ge̍ e̍e kwɔgɔgu yī lɛlā ɔkwɔ̍ɔkɔ yī anu̍ ɔlɔjā ke̍e̍ ni̍. Ɔkɔkɔ ɔla̍ā, ala̍ ā kwɔgu yī lɛlā nīi hī āchɛ ehēhī ɔtū ma̍ la ɔyɔ̍ɔ̄ya̍.
25Ɛbɛ̍ oro̍ōre̍ nīi e̍ ē bī ra̍ la lihī ma̍, ala̍ ā ra̍ ge̍ re̍ ji. Ala̍ e̍e chikpo̍ yī lɛlɛ̄lā o̍bū ni̍, wu̍chē yī ɛri̍ya̍ yī ūkpɔ̄tū yī ala̍ ɛlɛjā. 26Wu̍chē oji̍ nɛ, Īpū yī Ɔwɔ ka hīka, “Ajɛ yī yɛchɛ nūma̍ wa̍a̍ ba̍la ɛjā nīi gblāa la anu̍ ma̍, Ādā ɔlɔjā lɔ̄lɛ a̍nɛ.”
27Ɔ̄chɛ nīi i̍ chɛ̄ku Ɔwɔ ni̍ ma̍ ge̍ hī wɔ ɛra̍ yī ojōre̍ nīi a ge̍ chikpo̍ ge̍ē yɛ, re̍ ɔjāha̍ ɔjāha̍ nīi e̍ de de wɔ ma̍ ji. A ā chikpo̍ yī lɛlɛ̄lā o̍bū ni̍, wu̍chē yī ɛri̍ya̍ yī ūkpɔ̄tū yī awɔ ɔlɔjā. 28Ɔ̄chɛ ge̍ chī de ka de wɔ hīka ɔ̍lɔ - ojōre̍ yī ɛchi̍yɛka nɛ, a ā re̍ ojōre̍ ɔla̍ā ni̍, wu̍chē yī ɔ̄chɛ nīi ka de wɔ ma̍ ba̍la ɛri̍ya̍ yī ūkpɔ̄tū. 29I̍ ɛri̍ya̍ yī ūkpɔ̄tū yī awɔ ɔlɔjā ni̍; iyī anu̍ ɔla̍ā nīi ka de wɔ ma̍ nɛ.
Ɔ̄chɛ ɔha̍ ge̍ē chikpo̍ bɛ̍ɛ̄nɛ̄ hīka, anu̍ nīi - ɔ̍lɔ i̍ trīihɔ yī ɔjɔ̄jā ɔyɔ̍ɔ̄ya̍ ni̍ ma̍, kana̍ - ohu̍ nīi ɛri̍ya̍ yī ūkpɔ̄tū yī ɔ̄chɛ ɔha̍ ɔ̍lɔ chōo̍chē ge̍ē ku̍ anu̍ chi̍yɛ ma̍? 30Anɔ̍lɔ ge̍ to̍gbo̍ de Ɔwɔ wu̍chē yī ojōre̍ nīi anɔ̍lɔ re̍ ma̍, ɔna̍ nīi ɛ̍lɛ gba̍a ē ka la anu̍ tū ojōre̍ nīi anɔ̍lɔ to̍gbo̍ de Ɔwɔ ma̍?
31Ala̍ ma̍ ko̍ō! Ɔjāha̍-ɔjāha̍ nīi ala̍ ge̍ē ya̍ ma̍, ala̍ ge̍ yɛ ē ro̍ōre̍ kɛ̄ɛ ē gwɔ̍ɔ̄gwa̍ oo, ala̍ ā ya̍ ɔ̄ hɛ̄ɛbɛ nīi rīgā ge̍ - iyī Ɔwɔ. 32Ala̍ ā ya̍ ɔhɔ̄leyī yī ala̍ la ɔpɔ̄pū nīi i̍ ge̍ē ta̍tu̍tu̍ yī lɛlā ogbōgbo ē de āchɛ yī Iju̍u, kɛ̄ɛ Ɛchɛkɔcha, kɛ̄ɛ ogrēeyī yī āchɛ yī Ɔwɔ ni̍ ma̍. 33Ala̍ ā ya̍ lɔkɔ nīi ami ē ya̍ ke̍e̍ ma̍. Lɛlāha̍ ɛlāha̍ yī u wa̍a̍, n ē chikpo̍ ɔyɛ̍ɛ̄lā nīi hī ɔ̄chɛmɔ̄chɛ ɔtū ma̍. N i̍ ē gbɛri̍ya̍ yī ɔnɛ̄ɛhɛhi yī ami ɔlɔjā ni̍. Ɔnɛ̄ɛhɛhi yī āchɛ wa̍a̍ nīi n ē chikpo̍ a̍nɛ, hɛ̄ɛbɛ nīi e̍ ge̍ē lɛ ɔhɛ̍ta̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)