1 Alikɔ̍rīnti 12
12
Ɛjā nīi Uhu Ɔnɛ̄ɛhɛhi yī Ɔwɔ ē kɔ̄ de āchɛ ma̍
1U̍ma̍ama, lɛlā yī ɛjā nīi Uhu Ɔnɛ̄ɛhɛhi yī Ɔwɔ ē kɔ̄ de āchɛ ma̍ bɛ̍ɛ̄nɛ̄ nɛ.
Aɛ̍nɛ̍ yī u, n chikpo̍ nīi ala̍ ge̍ē je̍ ochi̍chi̍ yī lɛlā yī ɛjā nūma̍. 2Je̍ka aa̍ ala̍ jo̍ōkū hīka yɛ̄grāa nīi ala̍ wɛ āchɛ i̍je̍ Ɔwɔ ni̍ we̍ ma̍, ala̍ tū la abwɔ̄hu̍ yī ɛchi̍yɛka nīi i̍ ɔjā ɔhɔ̄leyī ni̍, nīi ē bī ala̍ ē bi̍yēyī myɛ̄grāa-myɛ̄grāa ma̍. 3Ɔ̍lɔma̍, ala̍ jo̍ōkū gɛ hīka, ɔ̄chɛ nīi Uhu yī Ɔwɔ bī ɔ̄ ɔtū ma̍ i̍ ge̍ē ka hīka, “Chi̍i̍, Iji̍sɔ̄ɔsi” ē mɛ ni̍, Ɔ̄chɔ̄chɛ i̍ chī ge̍ē ka hīka, “Iji̍sɔ̄ɔsi - Ādādā a̍nɛ” ē mɛ ni̍, ɔ̍chi̍kpa̍kpa̍ Uhu Ɔnɛ̄ɛhɛhi yī Ɔwɔ bī ɔlɔjā ɔtū o̍bū.
4Ɛjā nīi Uhu yī Ɔwɔ ē kɔ̄ de āchɛ ma̍ chiko yɛ̄mɛ̄mɛ̄. Uhu nūma̍ lōri̍īnū chī de a̍nɛ. 5Ɔpɔ̄pū lyɛ̄mɛ̄mɛ̄ nīi ɔ̄chɛ ē bī chrɛ̄ɛrɔ̄ ma̍. Abābā ūkpo̍he nīi ɔ̄chɛ ē chī chrāa anu̍ ɛrɔ̄ ɔla̍ā a̍nɛ. 6U̍ku̍rɔ̍ ɔya̍ mɛ chiko yɛ̄mɛ̄mɛ̄. Ɔwɔ lōri̍īnū chī de u̍ku̍rɔ̍ ɔya̍ mɛ ē de ɔ̄chɛmɔ̄chɛ la ɔjā nīi o̍ ya̍ ma̍ a̍nɛ. 7Abɔ̍ɔ lipu̍ yī ibi̍īyē yī ɔ̄chɛmɔ̄chɛ, Uhu yī Ɔwɔ ē bī ɔpɔ̄pū ɔha̍ ē chabɔ̄ ka anɔ̍lɔ hɔ̄ abɔ̍ɔ. Ɔla̍ā, o̍ ē ya̍ i̍ngɔ̍ɔ wu̍chē yī ɔnɛ̄ɛhɛhi yī ɔjāmɔjā wa̍a̍. 8Ɔ̄chaha̍, Uhu yī Ɔwɔ ē de lɛlā ojo̍ōje̍ ka̍ka̍ ē de ɔ̍. Ɔha̍, o̍ ē chī de ochi̍chi̍ yī lɛlā ojo̍ōje̍ ē de ɔ̍. 9Ɔ̄chaha̍, Uhu yī Ɔwɔ ē de ɔtū ode che Ɔwɔ ochōche brii ē de ɔ̍. Ɔha̍, o̍ ē chī de wɔhu̍ yī obo̍chi̍ ɔnyɔ̄nyiya ē de ɔ̍. O̍ chī Uhu ūkpo̍he ūkpo̍he nūma̍ ē de a̍nɛ. 10Ɔ̄chaha̍, Uhu yī Ɔwɔ ē de wɔhu̍ yī lɛlā ɔlɛbɛ̍bi̍ ɔyɔ̍ɔ̄ya̍ ē de ɔ̍. Ɔha̍, o̍ ē de wɔhu̍ yī ɛrɔ̄ yī Ɔwɔ obī ka de āchɛ ē de ɔ̍. Ɔ̄chaha̍, o̍ ē de wɔhu̍ ē de ɔ̍ hɛ̄ɛbɛ nīi ɔlɔjā je̍ ɛjā nīi Uhu yī Ɔwɔ ē kɔ̄ de āchɛ ma̍ hɔ̄ɔ̄hɔ̄ hī onīi i̍ anu̍ ni̍ ma̍ mɛ. Ɔha̍, o̍ ē de wɔhu̍ yī ɔcha ɔlɛbɛ̍bi̍ ɔha̍ ɔkɔ̄kā ē de ɔ̍. Ɔ̄chaha̍, o̍ ē chī de wɔhu̍ ē de ɔ̍ nīi o̍ ē je̍ ochi̍chi̍ yī ɔcha ɔlɛbɛ̍bi̍ nūma̍ ē de ka ē de āchɛ. 11O̍ chī Uhu yī Ɔwɔ ūkpo̍he kpo̍kpo̍ nūma̍ ē ya̍ u̍ku̍rɔ̍ nūma̍ wa̍a̍ a̍nɛ. O̍ ē kɔ̄ ɔjā yī ɔnyɔnyɛ ɔnyɔnyɛ ē de ɔ̍ lɔkɔ nīi o̍ hī anu̍ ɔlɔjā ɔtū ma̍.
Ibi̍īyē ūkpo̍he kpo̍kpo̍ nɛ
12Ɛbɛha̍ ɛbɛha̍ yī ibi̍īyē lɔ̄lyɛ̄mɛ̄mɛ̄ nyaa ma̍, ibi̍īyē lɛ ūkpo̍he i̍ngɔ̍ɔ kpo̍kpo̍. Ikra̍yisi lɛ i̍ngɔ̍ɔ ke̍e̍ bāa ibi̍īyē nīi lɛ ūkpo̍he i̍ngɔ̍ɔ kpo̍kpo̍ chī lɛ ɛbɛ yɛ̄mɛ̄mɛ̄ ma̍. 13Gala ɔgɔgu ɔla̍ā, alɔ ge̍ - āchɛ yī Iju̍u kɛ̄ɛ Ɛchɛkɔcha oo, afiyɛ kɛ̄ɛ āchɛ ɔlamu oo, alɔ wa̍a̍ ngmo̍tu̍chɛ̄ la ibi̍īyē ūkpo̍he nūma̍ bū la yenyi ohōhu la abɔ̄ yī Uhu yī Ɔwɔ ūkpo̍he nūma̍ mɛ̍. Uhu yī Ɔwɔ ūkpo̍he nūma̍ nīi e̍ chī de nīi alɔ gwa̍ wa̍a̍ a̍nɛ.
14Wu̍chē oji̍ nɛ, i̍ ɛbɛ ūkpo̍he ē ya̍ ibi̍īyē ligbo̍ ligbo̍ a̍ni̍. Ɛbɛ yɛ̄mɛ̄mɛ̄ ngmo̍tu̍chɛ̄ la ibi̍īyē a̍nɛ. 15Ikpo̍ ge̍ ka hīka anɔ̍lɔ i̍ abɔ̄ ni̍ ma̍, anɔ̍lɔ i̍ ɛbɛha̍ yī ibi̍īyē gɛ ni̍, ɔla̍ā ge̍ē ya̍ nīi o̍ ē wɛ ɛbɛha̍ yī ibi̍īyē ni̍ ē mɛ? 16Kɛ̄ɛ arɔ̄ ge̍ ka hīka anɔ̍lɔ i̍ īkprī ni̍ ma̍, anɔ̍lɔ i̍ ɛbɛha̍ yī ibi̍īyē gɛ ni̍ ma̍, ɔla̍ā ge̍ē ya̍ nīi o̍ ē wɛ ɛbɛha̍ yī ibi̍īyē ni̍ ē mɛ? 17Ibi̍īyē wa̍a̍ ge̍ de pīya īkpīkprī ma̍, kana̍ nīi o̍ ge̍ē plɛ̍ɛ̄lā ma̍? O̍ ge̍ chī de pīya wɔrɔ̄rɔ̄ ma̍, kana̍ nīi o̍ ge̍ē pri̍pī ma̍? 18O̍ de lɛ i̍ngɔ̍ɔ ma̍, Ɔwɔ de ɛbɛha̍ ɛbɛha̍ yī ibi̍īyē wa̍a̍ nīi hɔ̄ɔ̄hɔ̄ ma̍ tū lɔkɔ nīi o̍ hī ɔ̍ ɔtū ma̍. 19Ibi̍īyē i̍ ge̍ nyā a̍bɔ̄ yɛ̄mɛ̄mɛ̄ i̍ngɔ̍ɔ ni̍ nɛ, o̍ ge̍ re̍ka ibi̍īyē ni̍. 20O̍ lɛ i̍ngɔ̍ɔ ma̍, a̍bɔ̄ yī nū lyɛ̄mɛ̄mɛ̄; ibi̍īyē chī - ūkpo̍he kpo̍kpo̍ nɛ.
21Bū la ɛbɛ ɔla̍ā, īkprī i̍ ge̍ē da abɔ̄ hīka, “N i̍ chikpo̍ wɔ ni̍,” ē mɛ ni̍. Lɛhu̍ i̍ chī ge̍ē da ikpo̍ hīka, “N i̍ chikpo̍ wɔ ni̍ ko̍ō,” ē mɛ ni̍. 22Ma̍ gɛ, ɛbɛha̍ yī ibi̍īyē yī alɔ nīi alɔ gbɔ̄gbɛri̍ya̍ hīka o̍ i̍ lwɔhɔ̍hu̍ ni̍ ma̍ ge̍ hɔ̄ ni̍ u̍uma, alɔ i̍ ē ya̍ ɔjɔ̄jā mɛ ni̍. 23Ɛbɛha̍ yī ibi̍īyē nīi alɔ gbɛri̍ya̍ hīka i̍ ɔjɔ̄jā ɔlamu ɔlamu ni̍, aa̍ kpɛ̍ɛ nīi alɔ ē bī āā kɛ̍mɛ̍kɛ̍mɛ̍ gɔ̄ga a̍nɛ. Ɛbɛha̍ yī ibi̍īyē nīi i̍ lo̍ōli̍hi̍hi̍ yɛ̍yɛ̍ ni̍ ma̍, aa̍ kpɛ̍ɛ nīi alɔ ē chī deyīrɛ wa̍ gɔ̄ga a̍nɛ. 24Enīi li̍hi̍hi̍ ma̍ i̍ chī tū odeyīrɛ wa̍ i̍ngɔ̍ɔ ɔ̄kū ni̍. Ɔwɔ ɔlɔjā ya̍ ibi̍īyē de ɔ̍ ngmo̍tu̍chɛ̄ la ɔpɔ̄pū nīi otūlichō ge̍ē hɔ̄ de ɛbɛha̍ yī ibi̍īyē nīi i̍ ngma̍ la otūlichō ni̍ ma̍. 25Wu̍chē yī ɔla̍ā, ɛbɛbɛ yī ibi̍īyē i̍ de iyī wā yi̍ya ni̍. Ɛbɛha̍ ɛbɛha̍ yī ibi̍īyē wa̍a̍ nīi hɔ̄ɔ̄hɔ̄ hɔ̄ɔ̄hɔ̄ ma̍ ē ngmo̍tu̍chɛ̄ gbɛri̍ya̍ tū ɔ̍nyīnū. 26Ɛbɛha̍ yī ibi̍īyē ge̍ yɛ ē mi̍chi̍, aa̍ wa̍a̍ ē mi̍chi̍ ɔla̍ā ba̍la anu̍. Ɛbɛha̍ ge̍ chī nāa ɔkɔ̄kā, aa̍ wa̍a̍ ē lɛ ɔwɔ̄wīyā ɔla̍ā ba̍la anu̍.
27Ala̍ wa̍a̍ ngmo̍tu̍chɛ̄ re̍ka ibi̍īyē yī Ikra̍yisi a̍nɛ. Ɔnyɔnyɛ lipu̍ yī ala̍ re̍ka ɛbɛha̍ yī ibi̍īyē yī nū a̍nɛ. 28La ogrēeyī yī āchɛ yī Ɔwɔ, Ɔwɔ ɔlɔjā hu ɔ̄chɛmɔ̄chɛ tū la ɛbɛ nīi ɔlɔjā tū ma̍ a̍nɛ: Ɛbɛ ɔrāarāa - alɛrɔ̄ yī Ikra̍yisi. Ɛbɛ ɔmɛpa - āchɛ ɔkɛrɔ̄ nīi Ɔwɔ tū ma̍. Ɛbɛ ɔmɛta̍ - āchɛ ongū āchɛ lɛlā; ɛha̍, āchɛ ɔyɛ̍ɛ̄lā ɔlɛbɛ̍bi̍. Enīi gba̍a lā che enūma̍ ma̍, āchɛ nīi Ɔwɔ de wɔhu̍ yī obo̍chi̍ ɔnyɔ̄nyiya de wa̍ ma̍, ba̍la āchɛ otū āchɛ wɔbɔ̄, ba̍la āchɛ nīi - alɛhu̍ ma̍, ba̍la āchɛ nīi ē ka ɔcha ɔlɛbɛ̍bi̍ ɛha̍ ma̍. 29I̍ aa̍ wa̍a̍ - āchɛ ɔyɛ̍ɛ̄lā ɔlɛbɛ̍bi̍ mɛ a̍ni̍. 30I̍ aa̍ wa̍a̍ - alobo̍chi̍ ɔnyɔ̄nyiya a̍ni̍. I̍ aa̍ wa̍a̍ chī - āchɛ ɔka ɔcha ɔlɛbɛ̍bi̍ kɛ̄ɛ āchɛ ɔka ochi̍chi̍ yī nū de āchɛ a̍ni̍. 31Ala̍ ā de ūkpɔ̄tū rɛ la ɔjā nīi Uhu yī Ɔwɔ ē de nīi - ɔlamu ɔlamu ma̍.
N ge̍ē chabɔ̄ yī ɔpɔ̄pū nīi - ɔlamu ɔlamu gɔ̄ga ma̍ hu̍ ala̍ u̍ma̍ama.
Currently Selected:
1 Alikɔ̍rīnti 12: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 Alikɔ̍rīnti 12
12
Ɛjā nīi Uhu Ɔnɛ̄ɛhɛhi yī Ɔwɔ ē kɔ̄ de āchɛ ma̍
1U̍ma̍ama, lɛlā yī ɛjā nīi Uhu Ɔnɛ̄ɛhɛhi yī Ɔwɔ ē kɔ̄ de āchɛ ma̍ bɛ̍ɛ̄nɛ̄ nɛ.
Aɛ̍nɛ̍ yī u, n chikpo̍ nīi ala̍ ge̍ē je̍ ochi̍chi̍ yī lɛlā yī ɛjā nūma̍. 2Je̍ka aa̍ ala̍ jo̍ōkū hīka yɛ̄grāa nīi ala̍ wɛ āchɛ i̍je̍ Ɔwɔ ni̍ we̍ ma̍, ala̍ tū la abwɔ̄hu̍ yī ɛchi̍yɛka nīi i̍ ɔjā ɔhɔ̄leyī ni̍, nīi ē bī ala̍ ē bi̍yēyī myɛ̄grāa-myɛ̄grāa ma̍. 3Ɔ̍lɔma̍, ala̍ jo̍ōkū gɛ hīka, ɔ̄chɛ nīi Uhu yī Ɔwɔ bī ɔ̄ ɔtū ma̍ i̍ ge̍ē ka hīka, “Chi̍i̍, Iji̍sɔ̄ɔsi” ē mɛ ni̍, Ɔ̄chɔ̄chɛ i̍ chī ge̍ē ka hīka, “Iji̍sɔ̄ɔsi - Ādādā a̍nɛ” ē mɛ ni̍, ɔ̍chi̍kpa̍kpa̍ Uhu Ɔnɛ̄ɛhɛhi yī Ɔwɔ bī ɔlɔjā ɔtū o̍bū.
4Ɛjā nīi Uhu yī Ɔwɔ ē kɔ̄ de āchɛ ma̍ chiko yɛ̄mɛ̄mɛ̄. Uhu nūma̍ lōri̍īnū chī de a̍nɛ. 5Ɔpɔ̄pū lyɛ̄mɛ̄mɛ̄ nīi ɔ̄chɛ ē bī chrɛ̄ɛrɔ̄ ma̍. Abābā ūkpo̍he nīi ɔ̄chɛ ē chī chrāa anu̍ ɛrɔ̄ ɔla̍ā a̍nɛ. 6U̍ku̍rɔ̍ ɔya̍ mɛ chiko yɛ̄mɛ̄mɛ̄. Ɔwɔ lōri̍īnū chī de u̍ku̍rɔ̍ ɔya̍ mɛ ē de ɔ̄chɛmɔ̄chɛ la ɔjā nīi o̍ ya̍ ma̍ a̍nɛ. 7Abɔ̍ɔ lipu̍ yī ibi̍īyē yī ɔ̄chɛmɔ̄chɛ, Uhu yī Ɔwɔ ē bī ɔpɔ̄pū ɔha̍ ē chabɔ̄ ka anɔ̍lɔ hɔ̄ abɔ̍ɔ. Ɔla̍ā, o̍ ē ya̍ i̍ngɔ̍ɔ wu̍chē yī ɔnɛ̄ɛhɛhi yī ɔjāmɔjā wa̍a̍. 8Ɔ̄chaha̍, Uhu yī Ɔwɔ ē de lɛlā ojo̍ōje̍ ka̍ka̍ ē de ɔ̍. Ɔha̍, o̍ ē chī de ochi̍chi̍ yī lɛlā ojo̍ōje̍ ē de ɔ̍. 9Ɔ̄chaha̍, Uhu yī Ɔwɔ ē de ɔtū ode che Ɔwɔ ochōche brii ē de ɔ̍. Ɔha̍, o̍ ē chī de wɔhu̍ yī obo̍chi̍ ɔnyɔ̄nyiya ē de ɔ̍. O̍ chī Uhu ūkpo̍he ūkpo̍he nūma̍ ē de a̍nɛ. 10Ɔ̄chaha̍, Uhu yī Ɔwɔ ē de wɔhu̍ yī lɛlā ɔlɛbɛ̍bi̍ ɔyɔ̍ɔ̄ya̍ ē de ɔ̍. Ɔha̍, o̍ ē de wɔhu̍ yī ɛrɔ̄ yī Ɔwɔ obī ka de āchɛ ē de ɔ̍. Ɔ̄chaha̍, o̍ ē de wɔhu̍ ē de ɔ̍ hɛ̄ɛbɛ nīi ɔlɔjā je̍ ɛjā nīi Uhu yī Ɔwɔ ē kɔ̄ de āchɛ ma̍ hɔ̄ɔ̄hɔ̄ hī onīi i̍ anu̍ ni̍ ma̍ mɛ. Ɔha̍, o̍ ē de wɔhu̍ yī ɔcha ɔlɛbɛ̍bi̍ ɔha̍ ɔkɔ̄kā ē de ɔ̍. Ɔ̄chaha̍, o̍ ē chī de wɔhu̍ ē de ɔ̍ nīi o̍ ē je̍ ochi̍chi̍ yī ɔcha ɔlɛbɛ̍bi̍ nūma̍ ē de ka ē de āchɛ. 11O̍ chī Uhu yī Ɔwɔ ūkpo̍he kpo̍kpo̍ nūma̍ ē ya̍ u̍ku̍rɔ̍ nūma̍ wa̍a̍ a̍nɛ. O̍ ē kɔ̄ ɔjā yī ɔnyɔnyɛ ɔnyɔnyɛ ē de ɔ̍ lɔkɔ nīi o̍ hī anu̍ ɔlɔjā ɔtū ma̍.
Ibi̍īyē ūkpo̍he kpo̍kpo̍ nɛ
12Ɛbɛha̍ ɛbɛha̍ yī ibi̍īyē lɔ̄lyɛ̄mɛ̄mɛ̄ nyaa ma̍, ibi̍īyē lɛ ūkpo̍he i̍ngɔ̍ɔ kpo̍kpo̍. Ikra̍yisi lɛ i̍ngɔ̍ɔ ke̍e̍ bāa ibi̍īyē nīi lɛ ūkpo̍he i̍ngɔ̍ɔ kpo̍kpo̍ chī lɛ ɛbɛ yɛ̄mɛ̄mɛ̄ ma̍. 13Gala ɔgɔgu ɔla̍ā, alɔ ge̍ - āchɛ yī Iju̍u kɛ̄ɛ Ɛchɛkɔcha oo, afiyɛ kɛ̄ɛ āchɛ ɔlamu oo, alɔ wa̍a̍ ngmo̍tu̍chɛ̄ la ibi̍īyē ūkpo̍he nūma̍ bū la yenyi ohōhu la abɔ̄ yī Uhu yī Ɔwɔ ūkpo̍he nūma̍ mɛ̍. Uhu yī Ɔwɔ ūkpo̍he nūma̍ nīi e̍ chī de nīi alɔ gwa̍ wa̍a̍ a̍nɛ.
14Wu̍chē oji̍ nɛ, i̍ ɛbɛ ūkpo̍he ē ya̍ ibi̍īyē ligbo̍ ligbo̍ a̍ni̍. Ɛbɛ yɛ̄mɛ̄mɛ̄ ngmo̍tu̍chɛ̄ la ibi̍īyē a̍nɛ. 15Ikpo̍ ge̍ ka hīka anɔ̍lɔ i̍ abɔ̄ ni̍ ma̍, anɔ̍lɔ i̍ ɛbɛha̍ yī ibi̍īyē gɛ ni̍, ɔla̍ā ge̍ē ya̍ nīi o̍ ē wɛ ɛbɛha̍ yī ibi̍īyē ni̍ ē mɛ? 16Kɛ̄ɛ arɔ̄ ge̍ ka hīka anɔ̍lɔ i̍ īkprī ni̍ ma̍, anɔ̍lɔ i̍ ɛbɛha̍ yī ibi̍īyē gɛ ni̍ ma̍, ɔla̍ā ge̍ē ya̍ nīi o̍ ē wɛ ɛbɛha̍ yī ibi̍īyē ni̍ ē mɛ? 17Ibi̍īyē wa̍a̍ ge̍ de pīya īkpīkprī ma̍, kana̍ nīi o̍ ge̍ē plɛ̍ɛ̄lā ma̍? O̍ ge̍ chī de pīya wɔrɔ̄rɔ̄ ma̍, kana̍ nīi o̍ ge̍ē pri̍pī ma̍? 18O̍ de lɛ i̍ngɔ̍ɔ ma̍, Ɔwɔ de ɛbɛha̍ ɛbɛha̍ yī ibi̍īyē wa̍a̍ nīi hɔ̄ɔ̄hɔ̄ ma̍ tū lɔkɔ nīi o̍ hī ɔ̍ ɔtū ma̍. 19Ibi̍īyē i̍ ge̍ nyā a̍bɔ̄ yɛ̄mɛ̄mɛ̄ i̍ngɔ̍ɔ ni̍ nɛ, o̍ ge̍ re̍ka ibi̍īyē ni̍. 20O̍ lɛ i̍ngɔ̍ɔ ma̍, a̍bɔ̄ yī nū lyɛ̄mɛ̄mɛ̄; ibi̍īyē chī - ūkpo̍he kpo̍kpo̍ nɛ.
21Bū la ɛbɛ ɔla̍ā, īkprī i̍ ge̍ē da abɔ̄ hīka, “N i̍ chikpo̍ wɔ ni̍,” ē mɛ ni̍. Lɛhu̍ i̍ chī ge̍ē da ikpo̍ hīka, “N i̍ chikpo̍ wɔ ni̍ ko̍ō,” ē mɛ ni̍. 22Ma̍ gɛ, ɛbɛha̍ yī ibi̍īyē yī alɔ nīi alɔ gbɔ̄gbɛri̍ya̍ hīka o̍ i̍ lwɔhɔ̍hu̍ ni̍ ma̍ ge̍ hɔ̄ ni̍ u̍uma, alɔ i̍ ē ya̍ ɔjɔ̄jā mɛ ni̍. 23Ɛbɛha̍ yī ibi̍īyē nīi alɔ gbɛri̍ya̍ hīka i̍ ɔjɔ̄jā ɔlamu ɔlamu ni̍, aa̍ kpɛ̍ɛ nīi alɔ ē bī āā kɛ̍mɛ̍kɛ̍mɛ̍ gɔ̄ga a̍nɛ. Ɛbɛha̍ yī ibi̍īyē nīi i̍ lo̍ōli̍hi̍hi̍ yɛ̍yɛ̍ ni̍ ma̍, aa̍ kpɛ̍ɛ nīi alɔ ē chī deyīrɛ wa̍ gɔ̄ga a̍nɛ. 24Enīi li̍hi̍hi̍ ma̍ i̍ chī tū odeyīrɛ wa̍ i̍ngɔ̍ɔ ɔ̄kū ni̍. Ɔwɔ ɔlɔjā ya̍ ibi̍īyē de ɔ̍ ngmo̍tu̍chɛ̄ la ɔpɔ̄pū nīi otūlichō ge̍ē hɔ̄ de ɛbɛha̍ yī ibi̍īyē nīi i̍ ngma̍ la otūlichō ni̍ ma̍. 25Wu̍chē yī ɔla̍ā, ɛbɛbɛ yī ibi̍īyē i̍ de iyī wā yi̍ya ni̍. Ɛbɛha̍ ɛbɛha̍ yī ibi̍īyē wa̍a̍ nīi hɔ̄ɔ̄hɔ̄ hɔ̄ɔ̄hɔ̄ ma̍ ē ngmo̍tu̍chɛ̄ gbɛri̍ya̍ tū ɔ̍nyīnū. 26Ɛbɛha̍ yī ibi̍īyē ge̍ yɛ ē mi̍chi̍, aa̍ wa̍a̍ ē mi̍chi̍ ɔla̍ā ba̍la anu̍. Ɛbɛha̍ ge̍ chī nāa ɔkɔ̄kā, aa̍ wa̍a̍ ē lɛ ɔwɔ̄wīyā ɔla̍ā ba̍la anu̍.
27Ala̍ wa̍a̍ ngmo̍tu̍chɛ̄ re̍ka ibi̍īyē yī Ikra̍yisi a̍nɛ. Ɔnyɔnyɛ lipu̍ yī ala̍ re̍ka ɛbɛha̍ yī ibi̍īyē yī nū a̍nɛ. 28La ogrēeyī yī āchɛ yī Ɔwɔ, Ɔwɔ ɔlɔjā hu ɔ̄chɛmɔ̄chɛ tū la ɛbɛ nīi ɔlɔjā tū ma̍ a̍nɛ: Ɛbɛ ɔrāarāa - alɛrɔ̄ yī Ikra̍yisi. Ɛbɛ ɔmɛpa - āchɛ ɔkɛrɔ̄ nīi Ɔwɔ tū ma̍. Ɛbɛ ɔmɛta̍ - āchɛ ongū āchɛ lɛlā; ɛha̍, āchɛ ɔyɛ̍ɛ̄lā ɔlɛbɛ̍bi̍. Enīi gba̍a lā che enūma̍ ma̍, āchɛ nīi Ɔwɔ de wɔhu̍ yī obo̍chi̍ ɔnyɔ̄nyiya de wa̍ ma̍, ba̍la āchɛ otū āchɛ wɔbɔ̄, ba̍la āchɛ nīi - alɛhu̍ ma̍, ba̍la āchɛ nīi ē ka ɔcha ɔlɛbɛ̍bi̍ ɛha̍ ma̍. 29I̍ aa̍ wa̍a̍ - āchɛ ɔyɛ̍ɛ̄lā ɔlɛbɛ̍bi̍ mɛ a̍ni̍. 30I̍ aa̍ wa̍a̍ - alobo̍chi̍ ɔnyɔ̄nyiya a̍ni̍. I̍ aa̍ wa̍a̍ chī - āchɛ ɔka ɔcha ɔlɛbɛ̍bi̍ kɛ̄ɛ āchɛ ɔka ochi̍chi̍ yī nū de āchɛ a̍ni̍. 31Ala̍ ā de ūkpɔ̄tū rɛ la ɔjā nīi Uhu yī Ɔwɔ ē de nīi - ɔlamu ɔlamu ma̍.
N ge̍ē chabɔ̄ yī ɔpɔ̄pū nīi - ɔlamu ɔlamu gɔ̄ga ma̍ hu̍ ala̍ u̍ma̍ama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)