Rúman 6
6
Be byimu byi-kpen n ké Bubwô ḿbú Karâs
1Be byi-sét ng ebóng kâng. Byi-sét ng byi/fu, byikyú û byi-câ kashú ké byibî, eringe nyí ochwâp mú Osówo odakûjê dí. 2Kyi*fí éné*. Ké bukwóp ḿbú byibî, byibî byi*fí to ne busa ne be*. Byi-cen n nǎ kâng ne byi-chîkpet echi byibî byi-câ kashú ké akpen eten. 3Ké ebóng, ké ntûntû ben bamu ba-nyît ng ńkyín ba/fu, ké nkéré be byi/koo osoo mú Osówo ké ocibi ne Jisos Karâs, be byi/koo to osoo mú Osówo ké ocibi ne bukyû emen. 4Ké osoo mú Osówo eten kâng, be byi/kpú ba-ryii bě ne nyǐ. Eringe nyí Osówo o/jwóbê Karâs ké bukyû ké busa emen ḿbú kiǐtí, ké eringe ányi to nké be byidakyú ké dyikpen ńdyí dyifyîfî.
5Ké ebóng, â be byi/firi wǎ onet obónge ne nyǐ ké bukyû ḿbú byi/kpú wǎ eringe nyí nyǐ o/kpú, ké bukwóp ámbu to bubónge, be byi/chi byi-kyú wǎ onet obónge ne nyǐ ké ojwóbe mú Osówo o/chi o-jwóbê bě byi-bwa ké dyikpen wǎ eringe nyí o/jwóbê ǎ. 6Ne be byimu byi-nyît ng ńkyín byi/fu, ké dyityém eten ńdyí byibî echi, baa/ju bě ké nkéré obónge mú ba/ju Karâs ké kyikwap emen ńkyí badashwân onet, eringe nyí Osówo odaju kyibî-dyityém eten ńdyí ndyi dyi-chi i bě byi-chi i byibî, eringe nyí be bii*ba/chi byi-chîkyú básóng ḿbé byibî*. 7Ké ebóng, â onet o/kpú, oo*kyú to ké busa ḿbú byibî*. 8Â be bii/kpú ne Karâs, be byimu byi-bángê e byi/fu, be byi/chi byi-kyú to ne nyǐ. 9Ké ebóng, be byimu byi-nyît ng byi/fu, Osówo oo/jwóbê Karâs ké bukyû, ne nyǐ oo*ba/chi o-chîkpú ne banyá*. Bukyû bu*fí to ne busa ne nyǐ*. 10Bukyû ḿbú o/kpú bu/mû ké bukwóp ḿbú byibî, kabónge, kyi-man éné. Ne dyikpen ńdyí mu o-kyú u kántîk, mu o-kyú u ké bukwóp ḿbú Osówo. 11Ké bukwóp ámbu to bubónge, ben to ba-man ba-kabe kyi-kim ne byiko enen wǎ banet ḿbé byibî byi*fí to ne busa ne mbé* nké ba/firi ne dyikpen ké bukwóp ḿbú Osówo, ké ocibi ne Jisos Karâs.
12Byibî bii*man to ejá busa ké enyam-byiko enen nyí edakpú* eringe nyí bii*chi běn to ba-chi ńkyí atyém enen nyi a-ryuu ng*. 13Nang kyipang-enyam-byiko enen kyibónge baa*man ba-yip kánkyí ba-kye byibî* ba-kúng kánkyí ba-chi byěm ḿbyí bii*nwa*. Nké kúng n̂g byiko enen ba-kye Osówo wǎ banet ḿbé Osówo oo/fîm kámbé ké bukyû ba-bwa ké dyikpen. Kúng n̂g byiko enen kángkáng ba-kye Osówo mú odayip kámbyí ké byěm echi ḿbyí byidakwárê ké bushú emen. 14Ké ebóng, byibî bii*man byi-já busa ne ben*. Ben ba*fí ba-kyú u ké busa ḿbú byije* nké ké busa ḿbú ochwâp mú Osówo.
Be byimu Básóng ḿbé byi/fu, byi-chi i ńkyí nkyi Kanong ké Bushú ḿbú Osówo
15Be byi-kabe ng ebóng kâng. Be byi-man n echi byibî, ké ebóng, be byi*fí to ké busa ḿbú byije*? nké byimu ké ḿbú ochwâp mú Osówo? Kyi*fí éné*. 16Ben bamu ba-nyît ng ké ntûntû ba/fu, â ben ba/yip byiko enen ba-kye wǎ básóng ba/fu, ba-chi i ńkyí onet ámu o/sét běn, ké ntûntû, ba-chi i básóng ḿbé onet ámu mú bamu ba-chi i ńkyí o/sét. Nang bamu ba-chi i ńkyí kyibî kyi/sét, ńkyí kyida běn ecen ne bukyû, nang bamu ba-chi i ńkyí Osówo o/sét, ńkyí kyidacen o-két mpan o-nwa běn. 17Nké asǎma akyú ne Osówo. Ké ebóng, ké nkéré obónge, ben ba/mû básóng ḿbé byibî. Nké kántîk, ben baa/koo kángkáng ntûntû mú o/mû ké byěm ḿbyí ba/tángê běn ne atyém enen kángkáng. 18Osówo oo/fîm běn ben ké byibî, ba-firi básóng ḿbé kanong echi. 19Me mu n-raa ng ké ejá nyí banet mbe ba-raa ng, nyí ee*sóng ejwo* ké ebóng, ben bayén bamu kyeekyee. Ké nkéré obónge, ben ba/yip byiko enen kángkáng ba-kye wǎ básóng ḿbé byibî-byěm echi kyi-kim ne banet erí ne byěm-dyityém ebên echi ḿbyí bii*nwa*. Ké bukwóp ámbu to bubónge, ben ba-man ba-yip byiko enen kángkáng kántîk ba-kye wǎ básóng ḿbé kanong echi ké byěm echi ḿbyí byi/kwárê ne Osówo.
20Ké nkéré ben ba/mû básóng ḿbé byibî, ben ba/mû ba*fí to ne nkéré mú kanong echi*. 21Ben ba/ryí ebóng mpún ké byěm ḿbyí ben ba/chi, ḿbyí byi-kú byi-chi i běn éshwân kántîk. Byěm ámbyi byi-cen n běn ne bukyû. 22Nké kántîk, Osówo oo/fîm běn ké byibî ne ba/firi básóng emen. Ké bubwô ámbu, kúng n̂g dyikpen enen kángkáng ba-kye Osówo. Dyikpen ńdyín ekye dyi-kyâ běn dyikpen ńdyí ne banyá. 23Ké ebóng, â onet o/chi kyibî, o-man o-kpú, nké eyáré nyí Osówo mu o-kyâ dyikáá, ányi dyikpen ńdyí ne banyá ké ocibi ne Jisos Karâs, Otu Kyítá eten.
Currently Selected:
Rúman 6: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
