Popular Bible Verses from Rúman 6

Share

Ké ebóng, â onet o/chi kyibî, o-man o-kpú, nké eyáré nyí Osówo mu o-kyâ dyikáá, ányi dyikpen ńdyí ne banyá ké ocibi ne Jisos Karâs, Otu Kyítá eten.

Ké ebóng, byibî bii*man byi-já busa ne ben*. Ben ba*fí ba-kyú u ké busa ḿbú byije* nké ké busa ḿbú ochwâp mú Osówo.

Ké osoo mú Osówo eten kâng, be byi/kpú ba-ryii bě ne nyǐ. Eringe nyí Osówo o/jwóbê Karâs ké bukyû ké busa emen ḿbú kiǐtí, ké eringe ányi to nké be byidakyú ké dyikpen ńdyí dyifyîfî.

Nang kyipang-enyam-byiko enen kyibónge baa*man ba-yip kánkyí ba-kye byibî* ba-kúng kánkyí ba-chi byěm ḿbyí bii*nwa*. Nké kúng n̂g byiko enen ba-kye Osówo wǎ banet ḿbé Osówo oo/fîm kámbé ké bukyû ba-bwa ké dyikpen. Kúng n̂g byiko enen kángkáng ba-kye Osówo mú odayip kámbyí ké byěm echi ḿbyí byidakwárê ké bushú emen.

Ne be byimu byi-nyît ng ńkyín byi/fu, ké dyityém eten ńdyí byibî echi, baa/ju bě ké nkéré obónge mú ba/ju Karâs ké kyikwap emen ńkyí badashwân onet, eringe nyí Osówo odaju kyibî-dyityém eten ńdyí ndyi dyi-chi i bě byi-chi i byibî, eringe nyí be bii*ba/chi byi-chîkyú básóng ḿbé byibî*.

Ké bukwóp ámbu to bubónge, ben to ba-man ba-kabe kyi-kim ne byiko enen wǎ banet ḿbé byibî byi*fí to ne busa ne mbé* nké ba/firi ne dyikpen ké bukwóp ḿbú Osówo, ké ocibi ne Jisos Karâs.

Be byi-sét ng ebóng kâng. Byi-sét ng byi/fu, byikyú û byi-câ kashú ké byibî, eringe nyí ochwâp mú Osówo odakûjê dí. Kyi*fí éné*. Ké bukwóp ḿbú byibî, byibî byi*fí to ne busa ne be*. Byi-cen n nǎ kâng ne byi-chîkpet echi byibî byi-câ kashú ké akpen eten.

Ben bamu ba-nyît ng ké ntûntû ba/fu, â ben ba/yip byiko enen ba-kye wǎ básóng ba/fu, ba-chi i ńkyí onet ámu o/sét běn, ké ntûntû, ba-chi i básóng ḿbé onet ámu mú bamu ba-chi i ńkyí o/sét. Nang bamu ba-chi i ńkyí kyibî kyi/sét, ńkyí kyida běn ecen ne bukyû, nang bamu ba-chi i ńkyí Osówo o/sét, ńkyí kyidacen o-két mpan o-nwa běn.

Nké asǎma akyú ne Osówo. Ké ebóng, ké nkéré obónge, ben ba/mû básóng ḿbé byibî. Nké kántîk, ben baa/koo kángkáng ntûntû mú o/mû ké byěm ḿbyí ba/tángê běn ne atyém enen kángkáng. Osówo oo/fîm běn ben ké byibî, ba-firi básóng ḿbé kanong echi.