Sâm 99
99
Osówo nké mu Otu mú o/rêe o-shwôm
1Osówo nké mu Otu.
Banet ba-tím m banê ké bushú emen.
Nyǐ mu me ké kakyúng-butu emen twóóm
ké biǐnyám byifee ḿbyí ba/mee ké gûl ne abyibabang ebe táttát,
ejíí to e-náng ng.
2Óburúkpâbí o/rêe ké Záyon.
Nyǐ o/rêe o-shwôm ejíí emúmú.
3Nang yeě o/chi o-kpee kiǐtí-dyizîn emen ńdyí dyidachi bushî.
Nyǐ nké mu kanong.
[ 4Otu mú o/rêe o-shwôm,]
wo ńkyí nkyi ntûntû nké kyida ǒ ejê.
Wo aa/chi ntûntû esét o-firi ké Ézerel.
Wo aa/bê ne kanong echi ne bukerededet.
5Kpee n̂g Osówo Óburúkpâbí eten.
Kye n̂g ǎ ofê ké kashú-kakyúng-butu emen.
Nyǐ nké o/nwa.
6Músis ne Éron ba/mû banchi kyifen emen,
ne Sámwel o/mû onet mú o/mû o/fé nshwam o-kye ǎ.
Mbé ba/kó Óburúkpâbí,
ne nyǐ o/faa kámbé.
7Nyǐ o/bwom ké ófíbí o-raa ne mbé.
Mbé ba/tî byije emen ba-chi ńkyí nyǐ o/fu, bachi.
8Ô Osówo Óburúkpâbí ejí,
wo a/faa banet eyên ojá,
ne wo a/tông kámbé a/fu,
wo a-chi i Osówo mú odapwoo banet,
nang a/kye banet busông ké byibî ebe.
9Kpee n̂g Osówo Óburúkpâbí eten.
Bakye ǎ ofê ké kaku emen ńké ociring.
Osówo Óburúkpâbí eten nké mu kanong.
Currently Selected:
Sâm 99: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
