Sâm 69
69
Bukyû etii ké Ochwâp
1Ô Osówo, nyii mě.
Kace kaa/sú ka-byí mě ké kyitông.
2Me n-kú n-ríbî ng n-câ ké biǐntóng,
esí nyí kíngkíng e*fí*.
Me nn/nung ké kace ńké ka/ríbî,
ne oci-kace o-kú o-bâ mě echi n-jwáp omu.
3Me nn/kyee ekó n/fu, bachwáp mě,
ne omiríng ejí o-kú o-bán n mě.
Me nn/nyo achi ejí a-kú a-bán n mě
ké ochwâp eyên mú mu n-tún n.
4Banet ḿbé me mu n-sa ng kámbé kafâ dyikáá ba/jê ba-shwôm eji nyí nyi mě ké dyishí.
[Banet-bushwôn ejí mbe ba-sét ng byisédéng ba-bât ng mě.
Mbé mbe] ba-shwane e,
ne mbe ba-ryuu ng ba/fu,
mbé ba-ju ng mě.
Mbé ba/chi mě n-só byěm ḿbyí n*da/jii*.
5Ô Osówo, byibî ejí byi*fí ǒ ké kadip*.
Wo amu a-nyît ng eringe nyí me nn/róng enyam.
6Osówo Óburúkpâbí mú o/rêe o-shwôm,
*da mě emîng n-chi banet ḿbé ba/fé dyityém ké wo éshwân e-wuri kámbé*.
Ô Osówo mú Ézerel,
*da mě emîng n-chi éshwân e-kám banet ḿbé mbe ba-fâ ǒ*.
7Ké dyishí eyên nké baa/dángê mě,
ne éshwân e/firi mě byiko byimúmú.
8Me mu bwǎn-bané ejí wǎ ocinónet mú o/fím tete.
9Dyityém ejí ńdyí n/tî ké kyise eyên ndyi dyi-mang ng mě ké kafâ wǎ okwâ.
Ecábé nyí mbe ba-kyâ ǒ nyi e-róng ng mě ké byiko.
10Me [mu n-shû ng byiko ejí kyísí] ké esong ecíp,
ne banet mbe ba-dángê e mě.
11Me mu n-fâ byídí-dyikán eta,
ne mbé mbe ba-jwó ng mě.
12Mbé mbe ba-raa ng kyi-kim ne me ké byiká-oshê,
ne bambwôm bato mbe ba-rim m ne ekwan kyi-kim ne me.
13Nké me ké kakim ejí, ǎ Óburúkpâbí,
me n/chi n-fé nshwam n-kye ǒ.
Osówo, faa mě ojá ké nkéré mú o/nyîn ǒ.
Faa mě ojá ké bubwô-kiǐtí-kyijé eyên,
ké nǎ, wo amu a-tî ng ocím eyên mú a/ryí a/fu,
wo a-nyii ng mě.
14Nyii mě eringe nyí nn*ríbî ké biǐntóng*.
Chi mě n-fem ké abwô nyí banet-bushwôn ejí,
n-fem ké kace ńké ka/ríbî.
15*Damîng kiǐsúsú-kace kyi-ríbî mě*.
*Da mě emîng n-jâ ké byirí*
n-ríbî nang ké dyikun*.
16Óburúkpâbí, faa mě ké kanong ńké kyijé eyên ńkyí kii*man*.
Ké kiǐtí-bafip eyên ńkyí amu a-ri ng banet,
bírî a-kâm mě.
17*Darôo ḿgbán eyên byiko eyên*.
Me mu ké kiǐtí-afaníkong,
faa mě ojá kántîk.
18Bâ a-kâm mě, a-nyii mě.
Nyii mě ké abwô nyí banet-bushwôn ejí.
19Wo amu a-nyît ng eringe nyí mbe ba-kyâ mě edángé,
ne eringe nyí mbe ba-fâ mě éshwân ba-cábê ng mě.
Wo amu a-ri ng kángkáng banet-bushwôn ejí.
20Edángé ee/bên dyityém ejí,
ne okabe o*fí mě to*.
Me m/mû n/tî achi n/fu, ba-saa ng mě byiko,
nké ba*fí ba-saa ng mě*.
N/fu, ba-fâ mě dyityém,
nké ba*fí ba-fâ mě*.
21Ba/kye mě bukye ḿbú buda mě eju n-jwáp
ké nkéré esong e/mû e-nwa ng mě.
Ba-kye mě buruu n-jwáp ké nkéré omu o/mû o-jê ng mě.
22Kyi/bát byiryíng ebe byichi kámbé ba-bên.
Kyi/bát ajî ebe nyí ké kadip achi kámbé ba-róng.
23Chi achi a-sêe kámbé.
Chi basín ebe ba-firi kyeekyee kángkáng nkéré.
24Pwó kámbé busa-dyityém eyên.
Kyi/bát kafâ esa eyên karóng kámbé bushî.
25Kyi/bát bajaa ba-mîng byise ebe.
Kyi/bát nang onet o*dawaa okpó ké eshê ebe*.
26Mbé mbe ba-chi i [banet ḿbé] aa/kye kámbé busông ba-ri busông.
Mbé mbe ba-raa ng kyi-kim ne busông
ḿbú [banet ḿbé] wo aa/némê.
27Sáng byibî ebe kángkáng a-fé kyísí.
*Dabángê kámbé ba-já mpât ké onyii eyên*.
28Kyi/bát babyiryi azîn ebe ké nwet mú banet ḿbé badakpen ne banyá.
Kyi/bát ba*dacibi kámbé ké azîn nyí banet eyên*.
29Nké me dyityém dyi*fí to* ne n/firi ké bubân.
Ô Osówo, bêem mě kyíbóng a-nyii mě.
30Me n/chi n-kwán okwan m-kpee Osówo.
Me n/chi n-sét kyi-kim ne eringe nyí nyǐ o/rêe o-shwôm ké asǎma ekó.
31Ńkyín kyi-nyîn n ǎ kyi-shwôm eyáré nyí bada ǎ ekye mpong,
kyi-shwôm to kyifen echi ké otyép-mpong mú oo/kán.
32Banet ḿbé mbe ba-cít ng kámbé ba/chi ba-kyú ké bunyîn-dyityém
ké nkéré baa/ri ńkyín.
Banet ḿbé mbe ba-fâ Osówo ba/chi ba-já kyitíring.
33Osówo mu o-fwôo ng atông o-jwo banet-kyikpu,
ne o*fí o-ráp ng banet emen ḿbé mbe ké mgbokobá*.
34Ô bubóng ne esí ne baya ḿbé baryên
ne kángkáng byěm ḿbyí mbyi ké mbyí,
kye n̂g Osówo akpee.
35Nyǐ o/chi o-nyii Jerúsélem,
o-bwât eshê nyí Júda o-bi.
Banet emen ba/chi ba-kyú ányi,
ne esí ányi e/chi e-firi nyí ebe.
36Bwǎn-bǎmgbán emen ba/chi ba-ryí bukyû ké esí ányi,
ne banet ḿbé nyǐ mu o-jê ng kámbé ba/chi ba-kyú ányi.
Currently Selected:
Sâm 69: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
