Sâm 39
39
Nshwam mú Onet mú mu o-ri ng Busông
1Me n/raa n/fu, me m-bám m byiko ké ńkyí mu n-chi i.
Mm*ba/chi m-bángê kabyíbabang ejí ka-chi mě n-chi kyibî*.
Me mm*ba/chi n-fu nang chwǒm ké nkéré byibî-banet mbyi fáráng*.
2Me n/cíbî pyêp, ojá n*fí n-faa ng* kyi-kim nang ne chwǒm ńkyí kyinong*.
Nké busông ejí bu-bwa ng bu-jê ojéng bu-shwôm,
3ofong o-kpet mě ekédê.
 m/bwa n-kabe n-shwôm,
ányi nké ndakye dyityém ejí afaníkong a-shwôm oshwóm,
ne m-kpet kâng ebí n/fu,
4Óburúkpâbí, me m-kpen n ka-rí nǎ.
Me m-kpú u nkéré orá.
Sét mě nkéré mú dyikpen ejí dyi/chi dyi-man.
5Wo aa/chi dyikpen ejí kaǎkímékímê.
Ké bushú eyên, nkéré mú ndakpen o*fí wǎ chwǒm*.
Ké ntûntû, onet nang orá mu wǎ kiǐnjáng.
6Ké ntûntû, onet mu wǎ kiǐríribí.
Kángkáng byěm ḿbyí nyǐ mu o-chi i mu o-chi i dyikáá.
Nyǐ mu o-wuri ng esang,
nké nyǐ o*fí o-nyît ng onet mú o/chi o-kúng kányí*.
7Óburúkpâbí, ebóng kâng ńkyí me n/chi n-tî achi.
Me mu n-tî ng achi ké wo.
8Nyii mě ké kángkáng byibî ejí.
*Damîng enyam-banet e-jwó mě*.
9Me n-cíbî ng pyêp.
Nn*faa ojá* ké nǎ, wo nké a/chi mě a/fu,
me nri busông něen.
10*Da mě echîkye busông a-ca kashú*.
Me n-kú m-bâ ekpú ké byimirî eyên.
11Wo amu a-kyâ onet busông ké byibî emen
ké kyiraa eraa ne nyǐ,
ne wo a-bên n ńkyí nkyi kyi-jê ng ǎ
wǎ eringe ebá edabên byěm.
Ké ntûntû, onet mu wǎ kiǐnjáng.
12Óburúkpâbí, jwo nshwam ejí.
Fwôo atông a-jwo bukyû ejí ḿbú mu n-tii ng.
Bâ a-chwáp mě ké nkéré n-kú n-tii ng bukyû.
Me mu ǒ ocinónet ké kaǎnyín-nkéré
wǎ kángkáng banchí ejí ḿbé kpákpá.
13Zú mě abwô eringe nyí ndari bunyîn-dyityém ne n-kûdim
nn*kyú to*.
Currently Selected:
Sâm 39: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
