Sâm 122
122
Byikpee n̂g Oshê mú Jerúsélem
1Me m/mû ké bunyîn-dyityém ké nkéré ba/sét mě ba/fu,
bâ byi-dim ké kyise ńkyí Óburúkpâbí.
2Kántîk, be byi/firi nyín cip ké kafâ-Jerúsélem.
3Óburúkpâbí oo/bwât kámú o-tî ké kyikit kyibónge kerededet.
4Nyín nké byikû-banet ḿbyí Ézerel mbyi byi/bâ byi/fu,
mbyí byi-bâ byi-ba-kó Óburúkpâbí asǎma
wǎ eringe byije emen byi/sét.
5Nyín nké batu ḿbé Ézerel ba/kyú ba-pan banet ebe bampan.
6Fé n̂g nshwam ba/fu,
Jerúsélem okyú ké bunyîn-dyityém, ba/fu,
kyi/bát banet ḿbé Jerúsélem mu o-jê ng kámbé bajá ńkyí mbe ba-ryuu ng.
7Kyi/bát bunyîn-dyityém bukyú ké kafâ-Jerúsélem,
ne kyibî-chwǒm kii*ba/chi kyi-ta kyibám-butu emen*.
8Ké bubwô ḿbú bwǎn-bané ejí ne bacín ejí nké mu n-sét ng Jerúsélem n/fu,
bunyîn-dyityém bukyú ne wo.
9Ké bubwô ḿbú kyise ńkyí Osówo Óburúkpâbí eten nké me mu n-fâ nshwam n/fu, kyú kanong.
Currently Selected:
Sâm 122: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
