Sâm 121
121
Óburúkpâbí, Onet-Onyii Eten
1Me mu n-tún n achi kyíbóng-eku.
Ochwâp ejí o-fím m nyá.
2Ochwâp ejí o-fím m ne Óburúkpâbí
mú o/chi bubóng ne esí.
3Nyǐ oo*ba/chi o-bángê ǒ a-róng*.
Onet-Onyii eyên mu achi fúú kángkáng nkéré.
4Onet-Onyii mú Ézerel oo*cít achi ne banyá*
o-rê nang burê ne banyá*.
5Óburúkpâbí o-bám m ǒ.
Nyǐ mu ké bukô-kyikpút eyên o/fu,
chwǒm kyi*da ǒ eta*.
6Óbyísû oo*ba/chi o-némê ǒ ne esû*
nang otukáku oo*ba/chi o-némê ǒ ne buchú*.
7Óburúkpâbí o/chi o-nyii ǒ ké kángkáng efene.
Oo*ba/chi o-bángê chwǒm kyi-ta ǒ*.
8Nyǐ o/chi o-nyii ǒ ké nkéré a-kú a-bâ
ne ké nkéré a-kú a-bwa ng esim,
kántîk ne ne banyá.
Currently Selected:
Sâm 121: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
