Sâm 101
101
Ocím mú Otu o/ryí
1Okwan ejí o/kim ne dyityém ecángê ne ntûntû esét,
ne mu n-kwán n kámú n-kye ǒ, ǎ Óburúkpâbí.
2Me n/chi n-kyú ne édúú nyí e*fí ne ébîn*.
Nkéré orá mú wo adabê a-kâm mě.
Me n/chi n-kyú dyikpen ńdyí dyinong ké kyise ejí,
3ne mm*ba/chi m-bángê ne chwǒm ńkyí nkyi kyibî*.
Édúú nyí banet ḿbé ba/bírî Osówo esim e-sa ng mě kafâ.
Me mm*ba/chi n-kyú ne chwǒm kyi-kim ne mbé*.
4Me [mm*ba/chi n-kyú nsêt byisédéng*]
ne mm*ba/chi n-kyú ne abwô ké byibî-byěm*.
5Me n/chi n-ju nang yeě mú mu o-raa ng byibî-byěm ké booju kyi-kim ne onet okíri.
Me mm*ba/chi m-bángê ne onet mú mu o-tông ng byiko*
o-kyé ng akpee*.
6Me n/chi m-bángê ne banet ḿbé ba/fé dyityém ne Osówo,
ne n/chi m-mîng kámbé ba-kyú ne me.
Onet mú mu ne édúú nyí e*fí ne ébîn* o/chi o-kyú mbánge kyitwóm ejí.
7Nsêt byisédéng o*fí mú o/chi o-kyú ké kyise ejí*.
Nnîm banet o*fí mú o/chi o-bwom ké bushú ejí*.
8Kángkáng dyicófóróng,
me n/chi n-ju bambên atyém ké esí eten.
N/chi n-fîm kángkáng byibî-banet byi-byí ké oshê mú Óburúkpâbí.
Currently Selected:
Sâm 101: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
