Jôp 40
40
1-2Óburúkpâbí o-raa ne Jôp o/fu,
wo, ǎ Jôp, amu a-kan n mě mú n/rêe n-shwôm.
Wo a-zú ng abwô aa, aa a-faa ng ojá?
Jôp o-faa kâng o/fu,
3-4Óburúkpâbí, me n/raa enyam-byiraa.
Me n-faa ng ebóng.
Me n*fí ne chwǒm kyikíri ńkyí ndachîsét*.
5Me nn/wá n-raa n-shwôm eringe nyí m/mû n/chi n-raa.
6Óburúkpâbí kâng o-faa Jôp ojá ké afú nyí aryên o/fu,
7kpá byiko kántîk wǎ onyinchéng a-faa bǎmbím ejí.
8Wo amu a-kan n a/fu, a-tông ng a/fu, me mu n-ryí i acît?
a-tông a/fu, mpan o/bên mě? o-nwa ǒ wo?
9Wo amu a-shwane e eringe nyí me mu?
Ejá eyên e-man n enyán kyíbóng kyíbóng wǎ nyí ejí?
10Â nkyi éné, bwom ké ofê eyên ne akpee.
11Bírî achi a-tún banet ḿbé mbe ba-tông ng byiko.
Kúng kafâ esa eyên a-chi kámbé ba-bwa kyísí kyísí.
12Tún kámbé achi a-bwa ne mbé kyísí.
Shiryi bambên atyém ké kyikit ńkyí ba/bwom.
13Ryii kámbé kángkáng ké ecing.
Bwá kámbé byídí-bukyû, a-fé kámbé ké oshê-bakúsí.
14Me kâng n/chi n-kyú mbwôp kashú-onet mú oda ǒ ekpee.
M-bángê n/fu, wo nké a/kpógê.
15Kan achi a-ri kyibî-enyam wǎ eshwa-kace.
Me nké n/chi kányí n-chi ǒ to.
Nyǐ nyi e-ryí i biǐbyâa wǎ mpong.
16Nyǐ ne busa ké byiko ḿbú boo*nwa eri*.
17Ocî emen mu cip wǎ kyichí, ne byiká emen mbyi ne busa.
18Byikúú emen ne byiká emen mbyi byi-shwane e wǎ kiǐré.
19Nyǐ nké nyi kiǐtí ké byěm ejí kángkáng ḿbyí n/chi.
Me kǎnchí mú n/chi kányí nké ndaman ekpógê kányí.
[ 20Biǐbyâa ḿbyí edaryí mbyi byi-kán n ké eku ké byikit ḿbyí enyam nyi e-chi i acáá.]
21Nyi e-rí i ké busi-kyichí-byiwong
e-rem m ké bakpong ké edide-buce.
22Byichí-byiwong ne ḿbyí ké bukô-kace
mbyi byi-kyâ kányí kyikit-dyirem ké busi ebe.
23E*fí e-shî ng kace ńké nke ka-tím m*.
Ee*ju byiko ké nkéré kace ńké badakó Jódan kadadíp kányí ké bushú*.
24Yeě odaman esé kányí achi o-kám kányí.
Yeě odaman ekám ozóng emen ké kaǎtám.
Currently Selected:
Jôp 40: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
