Azáya 20
20
Ekap nyí Azáya mú mu Osíndyíbang
1Otu Ságon mú Asyírya o/kye busa o/fu, onet-dyishí-basúja ḿbé Asyírya okye oshê mú banet ḿbé Fyilíta mú badakó Áshídot bunwa. 2Ké nkéré mú aje a/mû a/tôong ké kashú achât ne ńkyín kyi-kûchi, Óburúkpâbí o/mû o/sét Azáya mú wǎn-Émoz o/fu, opii abe ne byídí-dyikán eta ḿbyí o/mû o/fé. Nyǐ o/chi eringe nyí Óburúkpâbí o/sét ǎ, ne o-dim o-kpet ecen o-ca osíndyíbang, byiká dyikáá. 3Ké nkéré mú ba/koo Áshídot, Óburúkpâbí o/raa o/fu, Azáya mú ḿgbán ejí oo/cen ké byikit osíndyíbang, byiká dyikáá, ké aje achât. Nyín něen ekap nyí ńkyí kyi/chi kyi-chi Éjip ne Sudân. 4Otu mú Asyírya o/chi o-kúng bamgbokobá ḿbé o/chi o-kám ké eshê ńnyín efee o-dim ne mbé esínábang. Ḿbé byisat ne ḿbé bakâa ba/chi ba-cen esínábang, byiká dyikáá ne atám-byikû kyíjí, o-fé Éjip éshwân. 5Banet ḿbé baa/fé dyityém ebe ne Sudân ne baa/tông byiko kyi-kim ne Éjip ba/chi ba-ri ba/fu, baa/nîm kámbé ba-bên okabe ebe. 6Ké nkéré mú nkéré ámu oo/fyi, banet ḿbé mbe ba-kyú u ké bukô-baya ḿbé Medeterényan, ḿbú Fyilíta ba/chi ba-raa ba/fu, kan n̂ achi ba-ri ńkyí kii/chi banet ḿbé be byi/jêem esim ne mbé byi/fu, baku bě ké busa ḿbú otu mú Asyírya. Be byi-cen n nǎ ne byi-fem.
Currently Selected:
Azáya 20: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
