Ekyilyizátes 10
10
1Byikwóm-ecincing byi-man n echi ókpúmá-bakút-kyinung o-bên kyinung, ne enyam eróng kaǎnyín e-man n ebyiryi bubong ḿbú kiǐtí.
2Kyi*fí chwǒm-akat* â onet-bubong o/chi chwǒm ńkyí kyinong* ne â enyam-onet o/chi chwǒm ńkyí kii*nwa*. 3Nang bacinbánet ḿbé nyǐ mu o-kâm m ké bukwóp ba/chi ba-ri enyam emen eróng, ne nyǐ mu o-tông ng nang yeě nang yeě o/fu, nyǐ mu enyam-onet.
4*Dachi a-mîng bǎmkpóngé eyên* â onet-dyishí eyên mu o-sa ng kafâ ne wo* ké nǎ, ba-man n epwoo biǐtí-byibî eyên [â amu chee.]
5Nyín kyibî-chwǒm ńkyí me n/ri ké ejíí, kyibî ńkyí banet-ashí mbe ba-chi i. 6Mbe ba-kyâ enyam-banet biǐtí-byikit ba-mîng ng banet-esang. 7Me nn/ri básóng kyíbóng-bubyî-orá m-bwa n-ri biǐtí-banet ba-cen n ké byiká wǎ básóng.
8Â amu a-sím m dyibíng a-róng ng ké ndyí, ne â amu a-bú ng ekpe a-shwôm, efyi e-jwóm m ǒ. 9Â amu a-chi i bǎmkpóngé-aká esé, aká a-némê e ǒ. Â amu a-ját ng kyikwón, kyikwón kyi-némê e ǒ. 10Â dyikye eyên dii/tyuryu a*fí a-jee ng kándyí* a-man a-fé busa ké nkéré a-kú a-chi i bǎmkpóngé ne ndyí. Nkyi chwǒm-bubong ńkyí adakabe kpáá ne nkéré o-kûfyi. 11Â a/mîng efyi e-jwóm onet kpá ne a-chi kányí bukye ḿbú ee*jwóm to* bukye eyên bu*fí to ne mpún*. 12Chwǒm ńkyí onet-bubong odasét kyi-kyâ ǎ ofê, nké enyam-onet o-yip ng byiraa emen nyǐ oyén o-ju byiko emen. 13O-kpet ng ne byiraa ḿbyí byi*da/byí chwǒm* o-kúlî ne byiraa-kyifún kyiyén. 14Enyam-onet o-raa ng oo*kúlî*.
Onet o*fí mú mu o-nyît ng ńkyí kyi/chi kyi-chîchi* ne onet o*fí mú oda ǎ eman esét ńkyí kyi/chi kyi-chi ké nkéré mú oo/kpú*.
15Onet mú mu enyam o-shwôm, mú oo*nyît kiǐfáng ńkyí odajé ké kyise emen* nké odachi bǎmkpóngé busa bu-man ǎ.
16Oshê o-kyú u ké afaníkong ké nkéré otu emen o/tôong wǎsíng, ne â banet-ashí-oshê ámu mbe ba-ryí i dyijî buchú bumúmú. 17Nké dyishí dyi-nwa ng oshê mú otu mu o-sét ng ńkyí odachi ké kakim emen, ne â banet-ashí mbe ba-ryí i byiryíng ké ochíchí-nkéré, ne ba-man n ekám byiko ebe baa*bwóm bato*.
18Â onet mu o-dare ng o-shwôm mú oo*man esún kyise emen* kyi-ryuu ng kyi-myii.
19Ajî eryí a-chi i ǒ a-kyú ké bunyîn-dyityém, ne bato ba-chi i ǒ a-kyú ne éjwô ké bushú, nké aa*man ejá nang kyibónge* â a*fí ne akpuga*.
20*Dachi a-bîn otu* nang ké booju* ne *dachi a-shú onet-esang nang ké karíng eyên*. Kanurung ka-man n ekúng ńkyí a/raa ka-da-sét kámbé.
Currently Selected:
Ekyilyizátes 10: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
