Âak 27
27
Basúja ba/kúng Pôl ba-dim ne Nyǐ Rûm
1Ké nkéré mú ba/cibi ba/fu, be byinung ké ńsukyíkang byi-dim Étalyi, ba/yip Pôl ne banet-bamgbokobá bakíri ba-fé Júlyos ké abwô. Júlyos o/mû onet-dyishí-dyizu-basúja ḿbé Rûm ńdyí ba/mû ba-kó ng kándyí dyizu-basúja ńdyí otu mú Rûm. 2Ké Adaramyítum nké byi/nung ké ńsukyíkang mú mu o-wâa ng eshê-bukô-baya nyí ké Ésha, ne byi-dim. Onyinchéng obónge mú odabángê Aryisatákus, mú o/fím Tesalonáka ké Masedónya o/mû to ne be ké kafâ-ńsukyíkang. 3Ké orî-dyicí, byi-ribi Sádon. Júlyos o/mû o/cángê dyityém ne Pôl, ne o-mîng ǎ o/fu, oda-ri bacín emen, ba-kye ǎ ńkyí mu o-ryuu ng. 4Byi-dim ké Sádon byi-ca kashú, ne ké bubwô ḿbú afú a/mû nyi a-tugi ng a-bâ bě ké byiko, be byi/shwôm ké kyicê ńkyí afú a/mû a*fí a-tugi ng* ńkyí oshê mú baya ba/wáp kámú ba-fé ké kafâ, mú badakó Sápurus. 5Byi-nyáng baya ké kyikit ńkyí kyi/fárâng eshê nyí Silyísha ne Pamfyílya, ne byi-ribi ké Mára, ké Lyíkya. 6Ké oshê ámu nké onet-dyishí-basúja ámu o/ri ńsukyíkang mú o/fím Alyikyizándara, mu o-wâa ng Étalyi, ne onet-dyishí ámu o-fé bě ké ńsukyíkang ámu.
7Ké bubwô ḿbú afú a/mû nyi a-tugi ng, ńsukyíkang o/mû o-cen n ne be degere ké ací chwóó, ne ké nkéré mú kii/sóng bě kanong kanong, byi-nwa byi-ribi Kyinyídus. Afú a*da bě echîbángê byi-cen byi-ca kashú ké kyicê ánkyi*. Ké bubwô ámbu, byi-cen ké kyicê ńkyí bufú bu*fí bu-tugi ng* ké bukô-oshê mú baya ba/wáp kámú ba-fé ké kafâ, mú badakó Kyirît, fáráng ne kyikit-esí ńkyí kyi/sen kyiká kyi-jâ ké baya, ńkyí badakó Sálamone. 8Byi/mû byimu byi-cen n byi-câ fáráng ne bukô-baya, ne ké nkéré mú kii/sóng bě kanong kanong, byi-ribi ké kyikit kyibónge ńkyí badakó dyiga ńdyí bǎnsukyíkang badabwom afaníkong aa*chi* ńkyí kyi/mû kyi*da/tíbî ne oshê mú Lasáya*.
9Byi/rí ací chwóó ké kyikit ánkyi tete nkéré o-fyi mú â onet o/chîdim bucen, o-man o-ri busông, ké ebóng, dyije dyi/mû dii/tíbî, dyicí ńdyí badachi kyifen ńkyí byibî epwoo dyi/mû dii/shwôm. Pôl o-kye kâng bayén-ńsukyíkang bacê ḿbén o/fu, 10batu-banyinchéng, me mu n-ri ng n/fu, bucen eten ḿbún bu/chi bu-kyú ne afaníkong. Atû ne ńsukyíkang byi/chi byi-bên kanong kanong, ne banet to ba/chi ba-kpú. 11Nké onet-dyishí-basúja o/bángê ne ńkyí onet-dyishí-banet-bǎmkpóngé-ńsukyíkang ne oyén-ńsukyíkang ba/sét, o-né ńkyí Pôl o/sét. 12Dyiga ńdyí ba/mû ké ndyí dyi/mû dyi*fí dyi-nwa ng ńdyí banet badakyú ké ndyí ké nkéré-burwom* ké bubwô ámbu, banet chwóó ba/mû ba/bángê ba/fu, bayip ńsukyíkang ba-dim ne mǔ, eringe nyí mbé badakan ba-ribi ké dyiga ńdyí badakó Fyínik. Dyiga ándyi dyi/mû ké oshê mú Kyirît, ńdyí dyi/mû dyi/bírî kashú ké otyém ótyem mú bushûyû ne busyísen, ké kyicê ńkyí esû edaríbî e-jâ. Ányi nké ba/fu, mbé ba/chi ba-kyú tete burwom bu-man.
Afú a/tugi Kakânkakân ké Baya
13Kaǎtarétaré-bufú ka-kpet etugi ké kyicê ńkyí busyísen. Ḿbé banyinchéng ámbe ba-kpet ekabe ba/fu, okabe ebe o/chi o-byí kámbé dyishí. Ne ba-tut kâng kiǐré ńkyí kyidachi ńsukyíkang o-bwom, ne ba-kpet ecen ne ńsukyíkang ba-câ fáráng ne bukô-oshê mú Kyirît. 14Nké ka*da/bwon* bufú ḿbú kakânkakân, ḿbú badakó bufú-kyicê-bubwô-eku ńkyí esû nyi e-byí i bu-fím ké oshê ámu mú baya ba/wáp kámú ba-fé ké kafâ, bu-kpet etugi. 15Bufú ámbu bu-ba-díp ké ńsukyíkang, ne ké nǎ, bukwóp bu*fí to ḿbú byidachîman echi ńsukyíkang o-bírî kashú ké kyicê ńkyí bufú mbu bu-tugi ng* byi/mîng byi/fu, bii*kan to* ne byi-mîng bufú bu-kpet ekpî ńsukyíkang bu-dim m ne mǔ. 16Byi-kan ejé kyikit ńkyí bufú bu*fí bu-jang ng eta ńsukyíkang* ké kyicê-busyísen, ńkyí kaǎshê ńké baya ba/wáp kánké ba-fé ké kafâ, ńké badakó Kawúda. Ányi nké byi/nwa ne busông chwóó byi-tî ókpǐ mú o/mû ké kyikû-ńsukyíkang ké kyikit ńkyí oo*sêe*. 17Ba-tut ókpǐ ámu ba-fé ké kafâ-ńsukyíkang. Ne ba-bwá ńsukyíkang erí byiko byimúmú. Ba/mû mbe ba-shî ng ba/fu, ńsukyíkang o-da ng ekíbî ké kyikit-éshíshě ńkyí kyi*da/ríbî* ńkyí kyi/mû fáráng ne bukô-baya ḿbú ké Lyíbya. Ké bubwô ámbu kâng, ba-fút byídí ḿbyí badatîm ké ńsukyíkang, ba-mîng bufú bu-kúng ńsukyíkang. 18Bufú ámbu ḿbú kakân kakân mbu bu-tugi ng bu-fâ. Ké bubwô ámbu kâng, ké orî-dyicí, ba-kpet efîm atû nyí a/mû ké ńsukyíkang ba-pwó ng ké baya. 19Ne ké nnyinyěng-dyicí, ba-kpet efîm kyicê-byipang-ńsukyíkang kâng ké abwô ebe ba-pwó ng ké baya. 20Ké bujê-ací chwóó, byi*da/man eri óbyísû* nang ékpére* ne bufú bu/mû bu/tôong bu-tugi ng kakânkakân. Ké nkuli kyikû, byi-kabe byi/fu, bukwóp bu*fí to ḿbú byidachîkpen*.
21Ké nkéré banet ámbe baa/chi bǎmkpóngé ḿbé mbe ba-nwa ng ne ńsukyíkang enyii nang byiryíng byi*fí byi-nwa ng eryí* Pôl o-bûu o-bwom kámbé ké otyém ne o-raa ne mbé o/fu, batu-banyinchéng, kyi/mû kyi/chi kyi-nwa kyi-shwôm, â ba/mû ba/jwo mě. Ba/mû baa*ba/chi ba-dim ké Kyirît*. Â ba/mû ba/waa ké oshê ámu, byěm ḿbyí byi/bên něen ne ḿbyí byi/tánê byi/mû bii*ba/chi byi-chi*. 22Nké kántîk, me mu n-tîm m běn arông n/fu, *da n̂g eshî*. Onet o*fí nang obónge ké burwám enen mú o/chi o-kpú*. Ńsukyíkang nké nke o/chi o-bên. 23Ké ebóng, ké buchú ḿbú bu/shwôm nyín, orím mú onong mú Osówo mú o/já mě, ne mú me mu n-fâ ǎ, o/bê o-kâm mě, 24ne o-raa ne me o/fu, *dachi a-shî* ǎ Pôl*. A-man a-bwom ké bushú ḿbú otu mú Rûm. Ne ké bubwô ḿbú Osówo o/cángê dyityém o-shwôm, oo/chi kanong ké bubwô eyên. Kángkáng banet ḿbé mbe ké ńsukyíkang ne wo, nang onet obónge oo*ba/chi o-kpú*. 25Ké bubwô ḿbún kâng, ǎ batu-banyinchéng, *da n̂g echi ba-shî*. Ké ebóng, me n/fé dyityém ne Osówo n/fu, kyi/chi kyi-kyú wǎ eringe nyí orím mú onong o/sét mě. 26Bufú bu/chi bu-yip bě bu-da-tî ké bukô-kyikit-esí kyibónge ńkyí baya ba/wáp kánkyí ba-fé ké kafâ.
27Kyi/mû ké buchú ḿbú ací aa/rí diǐkpú ne anyii, ne afú a/mû nyi a-tín n bě a-câ ké baya ḿbé badakó Medeterényan. Ké nkéré mú kyi/mû kyi-kú kyi-ribi ng chwǒm wǎ ncên-buchú, banet-bǎmkpóngé-ńsukyíkang ba-kabe ba/fu, ńsukyíkang mu o-fárâng ng kyikit-esí o-câ. 28Ne banyinchéng ámbe kâng ba-yip kiǐchwóm ńkyí badakan buríbi-baya, ne ba-nyît ba/fu, buríbi-baya mbu bajam-bamyíta bafee. Ba-chîcen kaǎnyín, ba-chîchi eringe ányi ebónge ba-ri ba/fu, buríbi-baya mbu bamyíta bujam esim diǐkpú. 29Ba-kpet eshî ba/fu, ńsukyíkang eten o/chi o-da-tím ké aká. Ne ba-yip kâng biǐré byinyii ké kyikû-ńsukyíkang ḿbyí byidachi ńsukyíkang o-bwom, ba-fé ké kace. Ba-kpet efé nshwam ba/fu, dyicófóróng dyicé. 30Banet-bǎmkpóngé-ńsukyíkang ba/kan ba/fu, mbé ba-chêe ng ba-mîng kámú. Ba-yip ókpǐ ba-fé ké baya, ba-kpet enîm banet ba/fu, mbé ba-da ng eyip to biǐré ḿbyí byidachi ńsukyíkang o-bwom mbé ba-fé to ké kashú-ńsukyíkang. 31Nké Pôl o/raa ne onet-dyishí-basúja ne ḿbé basúja o/fu, â banet-bǎmkpóngé-ńsukyíkang mún ba/byí ba-mîng kámú, ben baa*ba/chi ba-kpen*. 32Ḿbé basúja kâng ba-két erí nyí ba/mû ba/bwá ókpǐ, ba-mîng kámú o-dim o-sen n o-câ.
33Dyicófóróng dyi/mû byi-kú dyi-câ, ne Pôl o-tîm kámbé arông ashí amúmú o/fu, baryí onyin-byiryíng. O/fu, ben baa/waa esong ésong ké ací jangjang diǐkpú ne anyii kurún, ne ké kángkáng kyikim-nkéré ńkyín, ben ba*da/ryí ne nang kaǎchwóm*. 34Me mu n-tîm m běn arông kâng n/fu, ryí n̂g onyin-byiryíng. Ba-ryí i byiryíng, eringe nyí badakpen. Nang oji óji ké ashí enen oo*ba/chi o-zûu*. 35Ké nkéré mú Pôl oo/raa ńkyín, o-kúng berêt, o-kó Osówo asǎma ké bushú ebe kángkáng, o-ját kámú o-ryí. 36Ba-kám atyém ebe wǎ banyinchéng. Nang yeě nang yeě ké burwám ebe o-ryí to byiryíng. 37Be kángkáng mú byi/mû ké kafâ-ńsukyíkang byi/mû égot-banet ebónge ne bajam-banet bachât esim onyiryiká ne din. 38Ké nkéré mú nang yeě nang yeě oo/ryí byiryíng o-zût, ba-fîm biimbam-esang-byichí ḿbyí byi/mû ké kafâ-ńsukyíkang ba-pwó ké baya, eringe nyí ńsukyíkang odafûu.
Baya ḿbé mbe ba-náng ng ba/chi Ńsukyíkang o-sêe Rugirugi
39Ké nkéré mú dyicófóróng dyi/cé, banet-bǎmkpóngé-ńsukyíkang ba*da/cêe bukô-kyikit ńkyí mbé ba/mû*. Nké ba/ri kyikit-bukô-kace ńkyí nkyi wǎ dyiga ne éshíshě, ne ba-kabe ba/fu, mbé bakan mbé ba-pín ńsukyíkang o-da-tîm ké kyikit ánkyi. 40Ne ba-két kâng erí nyí e/níbî biǐré ḿbyí byidachi ńsukyíkang o-bwom ké kace, ba-mîng kámbyí, ne ba-waa ké abe ányi to ba-firi erí nyí e/níbî bansom ḿbé badapín ńsukyíkang. Ne ba-yip kâng byídí ḿbyí ba/tú ké kashú-ńsukyíkang kyíbóng, eringe nyí afú adatugi a-kúng ńsukyíkang o-ca kashú káshu, ba-fárâng ng bukô ba-câ. 41Nké ńsukyíkang o/kíbî ké éshíshě nyí e*da/jang eríbî* o-kpâng. Bushú-ńsukyíkang bu-da-kpâng, bu*fí to bu-nwa ng ezú*. Ké nkéré mú bushú bu/kpâng éné, omu mú baya mbe ba-náng ng kakânkakân mu o-bâ ng edíp ké kyikû-ńsukyíkang kyi-sêe ng kyi-câ.
42Ḿbé basúja ba-cibi ba/fu, mbé ba-ju ng kángkáng banet-mgbokobá, eringe nyí onet nang obónge oo*ba/chi o-wá kace o-ribi ké bukô o-chêe*. 43Nké onet-dyishí ebe o/mû mu o-ryuu ng o/fu, nyǐ o-nyii ng Pôl, ne o-sét kámbé o/fu, ba*dachi ba-chi kánkyí*. Nké o/kye busa o/fu, kángkáng banet ḿbé mbe ba-man n ewá kace, babwóp kpá kashú ba-róng ké kace ba-wá ba-ribi ké bukô. 44Burwám-banet ḿbé baa*man ewá* ba-níbî ké byicê-byichí ne ké byipang-ńsukyíkang byikíri ḿbyí byi/sêe byi-róng ké kace ne mbé ké kyikû. Ké bukwóp ḿbún nké be ashí kángkáng byi/cen ne byi-ribi ké bukô, nang chwǒm kyi*da bě echi*.
Currently Selected:
Âak 27: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Âak 27
27
Basúja ba/kúng Pôl ba-dim ne Nyǐ Rûm
1Ké nkéré mú ba/cibi ba/fu, be byinung ké ńsukyíkang byi-dim Étalyi, ba/yip Pôl ne banet-bamgbokobá bakíri ba-fé Júlyos ké abwô. Júlyos o/mû onet-dyishí-dyizu-basúja ḿbé Rûm ńdyí ba/mû ba-kó ng kándyí dyizu-basúja ńdyí otu mú Rûm. 2Ké Adaramyítum nké byi/nung ké ńsukyíkang mú mu o-wâa ng eshê-bukô-baya nyí ké Ésha, ne byi-dim. Onyinchéng obónge mú odabángê Aryisatákus, mú o/fím Tesalonáka ké Masedónya o/mû to ne be ké kafâ-ńsukyíkang. 3Ké orî-dyicí, byi-ribi Sádon. Júlyos o/mû o/cángê dyityém ne Pôl, ne o-mîng ǎ o/fu, oda-ri bacín emen, ba-kye ǎ ńkyí mu o-ryuu ng. 4Byi-dim ké Sádon byi-ca kashú, ne ké bubwô ḿbú afú a/mû nyi a-tugi ng a-bâ bě ké byiko, be byi/shwôm ké kyicê ńkyí afú a/mû a*fí a-tugi ng* ńkyí oshê mú baya ba/wáp kámú ba-fé ké kafâ, mú badakó Sápurus. 5Byi-nyáng baya ké kyikit ńkyí kyi/fárâng eshê nyí Silyísha ne Pamfyílya, ne byi-ribi ké Mára, ké Lyíkya. 6Ké oshê ámu nké onet-dyishí-basúja ámu o/ri ńsukyíkang mú o/fím Alyikyizándara, mu o-wâa ng Étalyi, ne onet-dyishí ámu o-fé bě ké ńsukyíkang ámu.
7Ké bubwô ḿbú afú a/mû nyi a-tugi ng, ńsukyíkang o/mû o-cen n ne be degere ké ací chwóó, ne ké nkéré mú kii/sóng bě kanong kanong, byi-nwa byi-ribi Kyinyídus. Afú a*da bě echîbángê byi-cen byi-ca kashú ké kyicê ánkyi*. Ké bubwô ámbu, byi-cen ké kyicê ńkyí bufú bu*fí bu-tugi ng* ké bukô-oshê mú baya ba/wáp kámú ba-fé ké kafâ, mú badakó Kyirît, fáráng ne kyikit-esí ńkyí kyi/sen kyiká kyi-jâ ké baya, ńkyí badakó Sálamone. 8Byi/mû byimu byi-cen n byi-câ fáráng ne bukô-baya, ne ké nkéré mú kii/sóng bě kanong kanong, byi-ribi ké kyikit kyibónge ńkyí badakó dyiga ńdyí bǎnsukyíkang badabwom afaníkong aa*chi* ńkyí kyi/mû kyi*da/tíbî ne oshê mú Lasáya*.
9Byi/rí ací chwóó ké kyikit ánkyi tete nkéré o-fyi mú â onet o/chîdim bucen, o-man o-ri busông, ké ebóng, dyije dyi/mû dii/tíbî, dyicí ńdyí badachi kyifen ńkyí byibî epwoo dyi/mû dii/shwôm. Pôl o-kye kâng bayén-ńsukyíkang bacê ḿbén o/fu, 10batu-banyinchéng, me mu n-ri ng n/fu, bucen eten ḿbún bu/chi bu-kyú ne afaníkong. Atû ne ńsukyíkang byi/chi byi-bên kanong kanong, ne banet to ba/chi ba-kpú. 11Nké onet-dyishí-basúja o/bángê ne ńkyí onet-dyishí-banet-bǎmkpóngé-ńsukyíkang ne oyén-ńsukyíkang ba/sét, o-né ńkyí Pôl o/sét. 12Dyiga ńdyí ba/mû ké ndyí dyi/mû dyi*fí dyi-nwa ng ńdyí banet badakyú ké ndyí ké nkéré-burwom* ké bubwô ámbu, banet chwóó ba/mû ba/bángê ba/fu, bayip ńsukyíkang ba-dim ne mǔ, eringe nyí mbé badakan ba-ribi ké dyiga ńdyí badakó Fyínik. Dyiga ándyi dyi/mû ké oshê mú Kyirît, ńdyí dyi/mû dyi/bírî kashú ké otyém ótyem mú bushûyû ne busyísen, ké kyicê ńkyí esû edaríbî e-jâ. Ányi nké ba/fu, mbé ba/chi ba-kyú tete burwom bu-man.
Afú a/tugi Kakânkakân ké Baya
13Kaǎtarétaré-bufú ka-kpet etugi ké kyicê ńkyí busyísen. Ḿbé banyinchéng ámbe ba-kpet ekabe ba/fu, okabe ebe o/chi o-byí kámbé dyishí. Ne ba-tut kâng kiǐré ńkyí kyidachi ńsukyíkang o-bwom, ne ba-kpet ecen ne ńsukyíkang ba-câ fáráng ne bukô-oshê mú Kyirît. 14Nké ka*da/bwon* bufú ḿbú kakânkakân, ḿbú badakó bufú-kyicê-bubwô-eku ńkyí esû nyi e-byí i bu-fím ké oshê ámu mú baya ba/wáp kámú ba-fé ké kafâ, bu-kpet etugi. 15Bufú ámbu bu-ba-díp ké ńsukyíkang, ne ké nǎ, bukwóp bu*fí to ḿbú byidachîman echi ńsukyíkang o-bírî kashú ké kyicê ńkyí bufú mbu bu-tugi ng* byi/mîng byi/fu, bii*kan to* ne byi-mîng bufú bu-kpet ekpî ńsukyíkang bu-dim m ne mǔ. 16Byi-kan ejé kyikit ńkyí bufú bu*fí bu-jang ng eta ńsukyíkang* ké kyicê-busyísen, ńkyí kaǎshê ńké baya ba/wáp kánké ba-fé ké kafâ, ńké badakó Kawúda. Ányi nké byi/nwa ne busông chwóó byi-tî ókpǐ mú o/mû ké kyikû-ńsukyíkang ké kyikit ńkyí oo*sêe*. 17Ba-tut ókpǐ ámu ba-fé ké kafâ-ńsukyíkang. Ne ba-bwá ńsukyíkang erí byiko byimúmú. Ba/mû mbe ba-shî ng ba/fu, ńsukyíkang o-da ng ekíbî ké kyikit-éshíshě ńkyí kyi*da/ríbî* ńkyí kyi/mû fáráng ne bukô-baya ḿbú ké Lyíbya. Ké bubwô ámbu kâng, ba-fút byídí ḿbyí badatîm ké ńsukyíkang, ba-mîng bufú bu-kúng ńsukyíkang. 18Bufú ámbu ḿbú kakân kakân mbu bu-tugi ng bu-fâ. Ké bubwô ámbu kâng, ké orî-dyicí, ba-kpet efîm atû nyí a/mû ké ńsukyíkang ba-pwó ng ké baya. 19Ne ké nnyinyěng-dyicí, ba-kpet efîm kyicê-byipang-ńsukyíkang kâng ké abwô ebe ba-pwó ng ké baya. 20Ké bujê-ací chwóó, byi*da/man eri óbyísû* nang ékpére* ne bufú bu/mû bu/tôong bu-tugi ng kakânkakân. Ké nkuli kyikû, byi-kabe byi/fu, bukwóp bu*fí to ḿbú byidachîkpen*.
21Ké nkéré banet ámbe baa/chi bǎmkpóngé ḿbé mbe ba-nwa ng ne ńsukyíkang enyii nang byiryíng byi*fí byi-nwa ng eryí* Pôl o-bûu o-bwom kámbé ké otyém ne o-raa ne mbé o/fu, batu-banyinchéng, kyi/mû kyi/chi kyi-nwa kyi-shwôm, â ba/mû ba/jwo mě. Ba/mû baa*ba/chi ba-dim ké Kyirît*. Â ba/mû ba/waa ké oshê ámu, byěm ḿbyí byi/bên něen ne ḿbyí byi/tánê byi/mû bii*ba/chi byi-chi*. 22Nké kántîk, me mu n-tîm m běn arông n/fu, *da n̂g eshî*. Onet o*fí nang obónge ké burwám enen mú o/chi o-kpú*. Ńsukyíkang nké nke o/chi o-bên. 23Ké ebóng, ké buchú ḿbú bu/shwôm nyín, orím mú onong mú Osówo mú o/já mě, ne mú me mu n-fâ ǎ, o/bê o-kâm mě, 24ne o-raa ne me o/fu, *dachi a-shî* ǎ Pôl*. A-man a-bwom ké bushú ḿbú otu mú Rûm. Ne ké bubwô ḿbú Osówo o/cángê dyityém o-shwôm, oo/chi kanong ké bubwô eyên. Kángkáng banet ḿbé mbe ké ńsukyíkang ne wo, nang onet obónge oo*ba/chi o-kpú*. 25Ké bubwô ḿbún kâng, ǎ batu-banyinchéng, *da n̂g echi ba-shî*. Ké ebóng, me n/fé dyityém ne Osówo n/fu, kyi/chi kyi-kyú wǎ eringe nyí orím mú onong o/sét mě. 26Bufú bu/chi bu-yip bě bu-da-tî ké bukô-kyikit-esí kyibónge ńkyí baya ba/wáp kánkyí ba-fé ké kafâ.
27Kyi/mû ké buchú ḿbú ací aa/rí diǐkpú ne anyii, ne afú a/mû nyi a-tín n bě a-câ ké baya ḿbé badakó Medeterényan. Ké nkéré mú kyi/mû kyi-kú kyi-ribi ng chwǒm wǎ ncên-buchú, banet-bǎmkpóngé-ńsukyíkang ba-kabe ba/fu, ńsukyíkang mu o-fárâng ng kyikit-esí o-câ. 28Ne banyinchéng ámbe kâng ba-yip kiǐchwóm ńkyí badakan buríbi-baya, ne ba-nyît ba/fu, buríbi-baya mbu bajam-bamyíta bafee. Ba-chîcen kaǎnyín, ba-chîchi eringe ányi ebónge ba-ri ba/fu, buríbi-baya mbu bamyíta bujam esim diǐkpú. 29Ba-kpet eshî ba/fu, ńsukyíkang eten o/chi o-da-tím ké aká. Ne ba-yip kâng biǐré byinyii ké kyikû-ńsukyíkang ḿbyí byidachi ńsukyíkang o-bwom, ba-fé ké kace. Ba-kpet efé nshwam ba/fu, dyicófóróng dyicé. 30Banet-bǎmkpóngé-ńsukyíkang ba/kan ba/fu, mbé ba-chêe ng ba-mîng kámú. Ba-yip ókpǐ ba-fé ké baya, ba-kpet enîm banet ba/fu, mbé ba-da ng eyip to biǐré ḿbyí byidachi ńsukyíkang o-bwom mbé ba-fé to ké kashú-ńsukyíkang. 31Nké Pôl o/raa ne onet-dyishí-basúja ne ḿbé basúja o/fu, â banet-bǎmkpóngé-ńsukyíkang mún ba/byí ba-mîng kámú, ben baa*ba/chi ba-kpen*. 32Ḿbé basúja kâng ba-két erí nyí ba/mû ba/bwá ókpǐ, ba-mîng kámú o-dim o-sen n o-câ.
33Dyicófóróng dyi/mû byi-kú dyi-câ, ne Pôl o-tîm kámbé arông ashí amúmú o/fu, baryí onyin-byiryíng. O/fu, ben baa/waa esong ésong ké ací jangjang diǐkpú ne anyii kurún, ne ké kángkáng kyikim-nkéré ńkyín, ben ba*da/ryí ne nang kaǎchwóm*. 34Me mu n-tîm m běn arông kâng n/fu, ryí n̂g onyin-byiryíng. Ba-ryí i byiryíng, eringe nyí badakpen. Nang oji óji ké ashí enen oo*ba/chi o-zûu*. 35Ké nkéré mú Pôl oo/raa ńkyín, o-kúng berêt, o-kó Osówo asǎma ké bushú ebe kángkáng, o-ját kámú o-ryí. 36Ba-kám atyém ebe wǎ banyinchéng. Nang yeě nang yeě ké burwám ebe o-ryí to byiryíng. 37Be kángkáng mú byi/mû ké kafâ-ńsukyíkang byi/mû égot-banet ebónge ne bajam-banet bachât esim onyiryiká ne din. 38Ké nkéré mú nang yeě nang yeě oo/ryí byiryíng o-zût, ba-fîm biimbam-esang-byichí ḿbyí byi/mû ké kafâ-ńsukyíkang ba-pwó ké baya, eringe nyí ńsukyíkang odafûu.
Baya ḿbé mbe ba-náng ng ba/chi Ńsukyíkang o-sêe Rugirugi
39Ké nkéré mú dyicófóróng dyi/cé, banet-bǎmkpóngé-ńsukyíkang ba*da/cêe bukô-kyikit ńkyí mbé ba/mû*. Nké ba/ri kyikit-bukô-kace ńkyí nkyi wǎ dyiga ne éshíshě, ne ba-kabe ba/fu, mbé bakan mbé ba-pín ńsukyíkang o-da-tîm ké kyikit ánkyi. 40Ne ba-két kâng erí nyí e/níbî biǐré ḿbyí byidachi ńsukyíkang o-bwom ké kace, ba-mîng kámbyí, ne ba-waa ké abe ányi to ba-firi erí nyí e/níbî bansom ḿbé badapín ńsukyíkang. Ne ba-yip kâng byídí ḿbyí ba/tú ké kashú-ńsukyíkang kyíbóng, eringe nyí afú adatugi a-kúng ńsukyíkang o-ca kashú káshu, ba-fárâng ng bukô ba-câ. 41Nké ńsukyíkang o/kíbî ké éshíshě nyí e*da/jang eríbî* o-kpâng. Bushú-ńsukyíkang bu-da-kpâng, bu*fí to bu-nwa ng ezú*. Ké nkéré mú bushú bu/kpâng éné, omu mú baya mbe ba-náng ng kakânkakân mu o-bâ ng edíp ké kyikû-ńsukyíkang kyi-sêe ng kyi-câ.
42Ḿbé basúja ba-cibi ba/fu, mbé ba-ju ng kángkáng banet-mgbokobá, eringe nyí onet nang obónge oo*ba/chi o-wá kace o-ribi ké bukô o-chêe*. 43Nké onet-dyishí ebe o/mû mu o-ryuu ng o/fu, nyǐ o-nyii ng Pôl, ne o-sét kámbé o/fu, ba*dachi ba-chi kánkyí*. Nké o/kye busa o/fu, kángkáng banet ḿbé mbe ba-man n ewá kace, babwóp kpá kashú ba-róng ké kace ba-wá ba-ribi ké bukô. 44Burwám-banet ḿbé baa*man ewá* ba-níbî ké byicê-byichí ne ké byipang-ńsukyíkang byikíri ḿbyí byi/sêe byi-róng ké kace ne mbé ké kyikû. Ké bukwóp ḿbún nké be ashí kángkáng byi/cen ne byi-ribi ké bukô, nang chwǒm kyi*da bě echi*.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985