Âak 28
28
Ńkyí kyi/chi Pôl ké Máta
1Ké nkéré mú byi/ribi ké bukô nang chwǒm kyi*da bě echi* ba/sét bě ba/fu, oshê ámu mú baya ba/wáp kámú ba-fé ké kafâ o-bángê e Máta. 2Bayén-oshê ba/mû ba/cángê atyém ne be. Omu o/mû oo/kpet ena, ne bubóng bu/mû mbu bu-kune e, ne bayén-oshê ámu kâng ba-cibi bě okwâ, ba-koo bě kanong kanong. 3Pôl o-bwóp ekwón o-kpet efé ké okwâ, ne efyi e-byí ké biǐshíshí-ekwón, ké ebóng, okwâ o/mû o-kú o-sóng ng kányí, e-jwóm Pôl ké bubwô, e-waa ányi tútú. 4Bayén-oshê ba/ri ké efyi ee/tú ǎ éné ké bubwô, ne ba-raa ba/fu, onyinchéng mún o-man o-kyú nju banet. Nké Osówo mú odapan mpan mú ntûntû oo*ba/chi o-bángê ǎ o-kpen* nang ké o/fem ké bukyû ḿbú ké baya*. 5Nké Pôl o/ninge bubwô, efyi e-zûu e-róng ké okwâ, nang kaǎchwóm e*da ǎ echi*. 6Banet ámbe ba/mû mbe ba-bwom m ba-ri ba/fu, â Pôl o*da/mut* o-myii ng, o-waa ké abe ányi o-kpú. Nké ké nkéré mú baa/bwom ka-bwon tete nang chwǒm kyi*fí kyi-chi i ǎ* ba-yángê okabe ebe. Ba-kpet eraa ba/fu, Pôl o-chi i Osówo.
7Fáráng ne kyikit ánkyi, byifát byi/mû ányi ḿbyí byi/mû byi/já onyinchéng obónge mú odabángê Póbúlus, mú o/mû onet-dyishí-oshê ámu. Onyinchéng ámu o/koo bě kanong kanong ne bunyîn-dyityém, ne ké ací achât, byi/mû bacinbánet emen. 8Bonchí-Póbúlus o/mû ké karíng o-rwôm m byiko ne dyifít-baróng. Pôl o-da-nung ké nfût-onyinchéng ámu, o-fé nshwam, o-ta ǎ abwô ké byiko, o-chi ǎ o-nyange. 9Ké nkéré ńkyín kyi/chi, kángkáng banet-byirwóm bakíri ḿbé ba/mû ké oshê ámu ba/bê ba-kâm Pôl, o-chi kámbé ba-nyange. 10Ba-yárê bě byěm chwóó, ne ké nkéré mú byi/nung ké ńsukyíkang byi-dim, ba-wuri kángkáng byěm ḿbyí byimu byi-ryuu ng ké bukwóp, ba-fé bě ké ńsukyíkang.
Bucen ḿbú Fím ké Máta a-ribi Rûm
11Ké nkéré mú bii/rí etukáku echât, byi/nung ké ńsukyíkang mú o/fím Alyikyizándara, byi-dim. Ńsukyíkang ámu ba/mû ba-kó ng kámú Esówo Efee nyí ba/fwon Kányí Afúng, mú o/kyú ké Máta tete burwom bu-man. 12Byi-cen byi-ribi ké Sirákus, byi-rí ányi ací achât. 13Byi-dim ké Sirákus, byi-cen byi-ca kashú, ne byi-da-ribi ké Ryígyum. Ké orî-dyicí, bufú bu-fím ké kyicê ńkyí busyísen, bu-kpet etugi, ne ké ací afee, byi-ribi Putélyi. 14Ké Putélyi, byi/ri kyicê-barî-banet eten ḿbé ba/bángê ké Jisos, ḿbé ba/bí bě ba/fu, be byirí ne mbé kyipyán kyibónge. Něen nké byi/cen ne byi-ribi Rûm. 15Barî-banet eten ḿbé ba/bángê ké Jisos, ḿbé mbe ké Rûm ba/jwo ba/fu, be byimu byi-bâ, ne ba-cen tete ba-ribi ké kasî ńké badakó Ápyos, bakíri ba-ribi ké kyikit ńkyí badashee byiryíng, ńkyí badakó Byise-Byiryíng eshee Byichât, ba-ba-kwárê ne be. Ké nkéré mú Pôl o/ri kámbé, o-kó Osówo asǎma, dyityém dyi-cíp ǎ.
Bǎmpém ḿbé Pôl o/pem ké Rûm
16Ké nkéré byi/ribi ké Rûm, banet-ashí-oshê ḿbé Rûm ba/mîng Pôl ba/fu, okyú ké byiko emen ne onet-súja obónge mú mu o-bám m ǎ.
17Ké nkéré ací a/shwôm achât, Pôl o/kó banet-ashí-banet-Jûs ḿbé ké Rûm, ba-kyú ké ncibi. Ké nkéré mú ba/bakyú kyikit kyibónge, Pôl o-raa ne mbé o/fu, bwǎn-bané ejí, nang ké me n*da/chi kyibî nang kyibónge m-bât banet-oshê eten* nang édúú eten nyí byi/koo ne banchí eten ḿbé kpákpá* banet-Jûs ba/chi mě n-firi onet-mgbokobá ké Jerúsélem, ba-yip mě ba-kye banet-Rûm. 18Banet-ashí-banet-Rûm ba-bí mě bǎmbím, ne ba/mû mbe ba-ryuu ng ba/fu, mbé ba-zú ng mě abwô, ké ebóng, ba/nyît ba/fu, me n*da/chi chwǒm nang kyibónge* ńkyí bada mě eju*. 19Nké ké nkéré banet-Jûs ba/fu, mbé ba*fí ba-ryuu ng ba/fu, bazú mě abwô* kyi-chi mě m-bí n/fu, babâ ne me ké bushú ḿbú otu mú Rûm, nang ké n*fí ne chwǒm ńkyí ndaman esét m-bât banet-oshê ejí*. 20Nkyí nké kyi/chi mě ne m-bí n/fu, n-ri ng běn, m-pem ne ben, ké ebóng, ba/fé mě bamgbokobá ḿbén ké dyishí ńdyí nyǐ mú banet-Ézerel mbe ba-tî ng achi.
21Banet-ashí-banet-Jûs ámbe ba-raa ne Pôl ba/fu, be byi*da/koo ne léta mú o/fím Judyâ kyi-kim ne wo*. Nang wǎn-boné eten nang obónge o*fí mú oo/fím áku o-ba-sét bě chwǒm* o-sét bě nang kyibî-chwǒm kyi-kim ne wo*. 22Nké nkyi kyi-nyîn n bě byi/fu, byi-jwo ng ńkyí wo amu a-kabe ng, ké ebóng, be byimu byi-nyît ng byi/fu, nang nyá nang nyá banet mbe ba-raa ng byibî-byiraa kyi-kim ne ncibi mún mú wo amu ké mǔ.
23Ne ba-fé kâng Pôl dyicí, ne banet ba-bwa ba-jê ba-shwôm ḿbé ba/bê ké dyicí ándyi, ké kyikit ńkyí Pôl mu o-kyú u. Kyi-fím ké dyicófóróng tete buchú bu-jí, Pôl o/sét kámbé kyi-kim ne Butu ḿbú Osówo. O-sét kámbé to eringe nyí kyikû-chwǒm ńkyín kyi/byí. O-kó ké Nwet-Byije-Músis ne ké byiraa ḿbyí bamkpábé ḿbé badasét byiraa-Osówo ba/sáng, o/fu, nyǐ o-tông ng kámbé o/fu, ńkyí nyǐ mu o-sét ng kyi-kim ne Jisos nkyi ntûntû. 24Banet bakíri ba-bángê ba/fu, ńkyí Pôl mu o-sét ng nkyi ntûntû, nké bakíri ba*da/bángê*. 25Ne ba-dim kâng, ba-kán n barî ké dyishí ba-câ, ké ebóng, Pôl o/raa chwǒm ńkyín kyibónge o/fu, Busun-Osówo bu/sét ntûntû ké nkéré bu/raa ké ocím mú mkpábé mú odasét byiraa-Osówo, mú odabángê Azáya, ne banchí enen ḿbé kpákpá. 26Ké ebóng, bu/raa bu/fu, ca a-da-sét banet ḿbén a/fu, ben ba/chi ba-fwôo atông fwôofwôo, nké baa*ba/chi ba-nyît dyishí*. Ben ba/chi ba-tún achi túntún, nké baa*ba/chi ba-ri*. 27Ké ebóng, banet ḿbén ba/rêe atyém, mbé baa/ku atông ebe, ba-cít achi ebe. Osówo o/fu, â kyi/mû kyi*fí éné* achi ebe a/mû a/chi a-kûrángê, atông ebe a-jwo ng. Atyém ebe a/mû a/chi a-kûnyît kyikû-byěm, ne ba/mû ba/chi ba-bírî ba-kâm mě, ne m/mû n/chi n-chi kámbé ba-nyange.
28Ne Pôl o-kúlî bǎmpém emen o/fu, ben ba-man ba-nyît kâng ba/fu, baa/twóm banet ḿbé mbe ba-sét ng kyitwóm ńkyí Osówo ńkyí kyi/kim ne banet enyii, ba-kâm banet ḿbé ba*fí banet-Jûs*. Mbé ba/chi ba-fwôo atông ba-jwo. [ 29Ké nkéré Pôl o/raa ńkyín, banet-Jûs ámbe ba-dim, ba-kán n ké dyishí kakânkakân ne barî ba-câ.]
30Ké aje afee, Pôl o/kyú ké kyikit ńkyí nyǐ oyén o/yámê mu o-kyú u. O-koo ng kángkáng banet ḿbé ba/bê ba/fu, mbé ba-bâ ng ǎ eri. 31O-sét banet kyi-kim ne Butu ḿbú Osówo. O-tángê to kámbé kyi-kim ne Jisos Karâs, Otu Kyítá, nang achi-banet o*da/shî* nang onet to o*da ǎ eku*.
Currently Selected:
Âak 28: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Âak 28
28
Ńkyí kyi/chi Pôl ké Máta
1Ké nkéré mú byi/ribi ké bukô nang chwǒm kyi*da bě echi* ba/sét bě ba/fu, oshê ámu mú baya ba/wáp kámú ba-fé ké kafâ o-bángê e Máta. 2Bayén-oshê ba/mû ba/cángê atyém ne be. Omu o/mû oo/kpet ena, ne bubóng bu/mû mbu bu-kune e, ne bayén-oshê ámu kâng ba-cibi bě okwâ, ba-koo bě kanong kanong. 3Pôl o-bwóp ekwón o-kpet efé ké okwâ, ne efyi e-byí ké biǐshíshí-ekwón, ké ebóng, okwâ o/mû o-kú o-sóng ng kányí, e-jwóm Pôl ké bubwô, e-waa ányi tútú. 4Bayén-oshê ba/ri ké efyi ee/tú ǎ éné ké bubwô, ne ba-raa ba/fu, onyinchéng mún o-man o-kyú nju banet. Nké Osówo mú odapan mpan mú ntûntû oo*ba/chi o-bángê ǎ o-kpen* nang ké o/fem ké bukyû ḿbú ké baya*. 5Nké Pôl o/ninge bubwô, efyi e-zûu e-róng ké okwâ, nang kaǎchwóm e*da ǎ echi*. 6Banet ámbe ba/mû mbe ba-bwom m ba-ri ba/fu, â Pôl o*da/mut* o-myii ng, o-waa ké abe ányi o-kpú. Nké ké nkéré mú baa/bwom ka-bwon tete nang chwǒm kyi*fí kyi-chi i ǎ* ba-yángê okabe ebe. Ba-kpet eraa ba/fu, Pôl o-chi i Osówo.
7Fáráng ne kyikit ánkyi, byifát byi/mû ányi ḿbyí byi/mû byi/já onyinchéng obónge mú odabángê Póbúlus, mú o/mû onet-dyishí-oshê ámu. Onyinchéng ámu o/koo bě kanong kanong ne bunyîn-dyityém, ne ké ací achât, byi/mû bacinbánet emen. 8Bonchí-Póbúlus o/mû ké karíng o-rwôm m byiko ne dyifít-baróng. Pôl o-da-nung ké nfût-onyinchéng ámu, o-fé nshwam, o-ta ǎ abwô ké byiko, o-chi ǎ o-nyange. 9Ké nkéré ńkyín kyi/chi, kángkáng banet-byirwóm bakíri ḿbé ba/mû ké oshê ámu ba/bê ba-kâm Pôl, o-chi kámbé ba-nyange. 10Ba-yárê bě byěm chwóó, ne ké nkéré mú byi/nung ké ńsukyíkang byi-dim, ba-wuri kángkáng byěm ḿbyí byimu byi-ryuu ng ké bukwóp, ba-fé bě ké ńsukyíkang.
Bucen ḿbú Fím ké Máta a-ribi Rûm
11Ké nkéré mú bii/rí etukáku echât, byi/nung ké ńsukyíkang mú o/fím Alyikyizándara, byi-dim. Ńsukyíkang ámu ba/mû ba-kó ng kámú Esówo Efee nyí ba/fwon Kányí Afúng, mú o/kyú ké Máta tete burwom bu-man. 12Byi-cen byi-ribi ké Sirákus, byi-rí ányi ací achât. 13Byi-dim ké Sirákus, byi-cen byi-ca kashú, ne byi-da-ribi ké Ryígyum. Ké orî-dyicí, bufú bu-fím ké kyicê ńkyí busyísen, bu-kpet etugi, ne ké ací afee, byi-ribi Putélyi. 14Ké Putélyi, byi/ri kyicê-barî-banet eten ḿbé ba/bángê ké Jisos, ḿbé ba/bí bě ba/fu, be byirí ne mbé kyipyán kyibónge. Něen nké byi/cen ne byi-ribi Rûm. 15Barî-banet eten ḿbé ba/bángê ké Jisos, ḿbé mbe ké Rûm ba/jwo ba/fu, be byimu byi-bâ, ne ba-cen tete ba-ribi ké kasî ńké badakó Ápyos, bakíri ba-ribi ké kyikit ńkyí badashee byiryíng, ńkyí badakó Byise-Byiryíng eshee Byichât, ba-ba-kwárê ne be. Ké nkéré mú Pôl o/ri kámbé, o-kó Osówo asǎma, dyityém dyi-cíp ǎ.
Bǎmpém ḿbé Pôl o/pem ké Rûm
16Ké nkéré byi/ribi ké Rûm, banet-ashí-oshê ḿbé Rûm ba/mîng Pôl ba/fu, okyú ké byiko emen ne onet-súja obónge mú mu o-bám m ǎ.
17Ké nkéré ací a/shwôm achât, Pôl o/kó banet-ashí-banet-Jûs ḿbé ké Rûm, ba-kyú ké ncibi. Ké nkéré mú ba/bakyú kyikit kyibónge, Pôl o-raa ne mbé o/fu, bwǎn-bané ejí, nang ké me n*da/chi kyibî nang kyibónge m-bât banet-oshê eten* nang édúú eten nyí byi/koo ne banchí eten ḿbé kpákpá* banet-Jûs ba/chi mě n-firi onet-mgbokobá ké Jerúsélem, ba-yip mě ba-kye banet-Rûm. 18Banet-ashí-banet-Rûm ba-bí mě bǎmbím, ne ba/mû mbe ba-ryuu ng ba/fu, mbé ba-zú ng mě abwô, ké ebóng, ba/nyît ba/fu, me n*da/chi chwǒm nang kyibónge* ńkyí bada mě eju*. 19Nké ké nkéré banet-Jûs ba/fu, mbé ba*fí ba-ryuu ng ba/fu, bazú mě abwô* kyi-chi mě m-bí n/fu, babâ ne me ké bushú ḿbú otu mú Rûm, nang ké n*fí ne chwǒm ńkyí ndaman esét m-bât banet-oshê ejí*. 20Nkyí nké kyi/chi mě ne m-bí n/fu, n-ri ng běn, m-pem ne ben, ké ebóng, ba/fé mě bamgbokobá ḿbén ké dyishí ńdyí nyǐ mú banet-Ézerel mbe ba-tî ng achi.
21Banet-ashí-banet-Jûs ámbe ba-raa ne Pôl ba/fu, be byi*da/koo ne léta mú o/fím Judyâ kyi-kim ne wo*. Nang wǎn-boné eten nang obónge o*fí mú oo/fím áku o-ba-sét bě chwǒm* o-sét bě nang kyibî-chwǒm kyi-kim ne wo*. 22Nké nkyi kyi-nyîn n bě byi/fu, byi-jwo ng ńkyí wo amu a-kabe ng, ké ebóng, be byimu byi-nyît ng byi/fu, nang nyá nang nyá banet mbe ba-raa ng byibî-byiraa kyi-kim ne ncibi mún mú wo amu ké mǔ.
23Ne ba-fé kâng Pôl dyicí, ne banet ba-bwa ba-jê ba-shwôm ḿbé ba/bê ké dyicí ándyi, ké kyikit ńkyí Pôl mu o-kyú u. Kyi-fím ké dyicófóróng tete buchú bu-jí, Pôl o/sét kámbé kyi-kim ne Butu ḿbú Osówo. O-sét kámbé to eringe nyí kyikû-chwǒm ńkyín kyi/byí. O-kó ké Nwet-Byije-Músis ne ké byiraa ḿbyí bamkpábé ḿbé badasét byiraa-Osówo ba/sáng, o/fu, nyǐ o-tông ng kámbé o/fu, ńkyí nyǐ mu o-sét ng kyi-kim ne Jisos nkyi ntûntû. 24Banet bakíri ba-bángê ba/fu, ńkyí Pôl mu o-sét ng nkyi ntûntû, nké bakíri ba*da/bángê*. 25Ne ba-dim kâng, ba-kán n barî ké dyishí ba-câ, ké ebóng, Pôl o/raa chwǒm ńkyín kyibónge o/fu, Busun-Osówo bu/sét ntûntû ké nkéré bu/raa ké ocím mú mkpábé mú odasét byiraa-Osówo, mú odabángê Azáya, ne banchí enen ḿbé kpákpá. 26Ké ebóng, bu/raa bu/fu, ca a-da-sét banet ḿbén a/fu, ben ba/chi ba-fwôo atông fwôofwôo, nké baa*ba/chi ba-nyît dyishí*. Ben ba/chi ba-tún achi túntún, nké baa*ba/chi ba-ri*. 27Ké ebóng, banet ḿbén ba/rêe atyém, mbé baa/ku atông ebe, ba-cít achi ebe. Osówo o/fu, â kyi/mû kyi*fí éné* achi ebe a/mû a/chi a-kûrángê, atông ebe a-jwo ng. Atyém ebe a/mû a/chi a-kûnyît kyikû-byěm, ne ba/mû ba/chi ba-bírî ba-kâm mě, ne m/mû n/chi n-chi kámbé ba-nyange.
28Ne Pôl o-kúlî bǎmpém emen o/fu, ben ba-man ba-nyît kâng ba/fu, baa/twóm banet ḿbé mbe ba-sét ng kyitwóm ńkyí Osówo ńkyí kyi/kim ne banet enyii, ba-kâm banet ḿbé ba*fí banet-Jûs*. Mbé ba/chi ba-fwôo atông ba-jwo. [ 29Ké nkéré Pôl o/raa ńkyín, banet-Jûs ámbe ba-dim, ba-kán n ké dyishí kakânkakân ne barî ba-câ.]
30Ké aje afee, Pôl o/kyú ké kyikit ńkyí nyǐ oyén o/yámê mu o-kyú u. O-koo ng kángkáng banet ḿbé ba/bê ba/fu, mbé ba-bâ ng ǎ eri. 31O-sét banet kyi-kim ne Butu ḿbú Osówo. O-tángê to kámbé kyi-kim ne Jisos Karâs, Otu Kyítá, nang achi-banet o*da/shî* nang onet to o*da ǎ eku*.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985