Âak 26
26
Pôl o/sét Mpan Emen ké Bushú ḿbú Otu Agyiryípa
1Otu Agyiryípa o-raa ne Pôl o/fu, n/kye ǒ busa ḿbú adaman ebwom a-raa wo oyén. Pôl o-kpárê abwô ké esim o-bwât o-bwom, ne o-kpet mpan emen epan o/fu,
2Otu Agyiryípa, me n/kabe n/fu, dyishí dyi/nwa mě kurún ńdyí me m/bwom ké bushú eyên n/fu, m-pan n mpan ké kángkáng byiraa ḿbyí banet-Jûs mbe ba-sét ng ba-bât ng mě. 3Ńkyín nkyi ntûntû, aciringaciring ké bubwô ḿbú wo amu a-nyît ng eringe nyí banet-Jûs mbe ba-kyú u, ne eringe nyí ba/yángê ne barî. Me mu m-bí ng ǒ kâng n/fu, tî dyityém eyên kyísí chee a-jwo mě.
4Kángkáng banet-Jûs mbe ba-nyît ng dyizong-dyikpen ńdyí me nn/kyú kyi-fím ké nkéré mú me m/mû n/tôong wǎsíng. Mbé mbe ba-nyît ng to kyi-fím ké kiimkpet kyikû eringe nyí me nn/kyú kyirim-dyikpen ejí ké oshê ejí ne ké Jerúsélem. 5Â mbé mbe ba-ryuu ng ba/fu, mbé ba-sét ng ntûntû, mbé kángkáng nkéré mbe ba-nyît ng ba/fu, kyi-fím ké kiimkpet kyikû, me nn/kyú wǎ onet-ncibi mú bukwóp ḿbú byi/mû byi-fâ Osówo eten, mú mbe ba-tî ng byije ba-shwôm, mú badakó Fárasyî. 6Ne kántîk, me mm/bwom nyín mbe ba-pan n mě mpan, ké ebóng, me mu n-tî ng achi ké ocím mú Osówo o/ryí banchí eten ḿbé kpákpá. 7Ochíchí-ocím ámu mú kángkáng byikû-banet eten diǐkpú ne byifee mbyi byi-tî ng achi byi/fu, mbyí byi-koo ng kámú ké buchú ne esû ḿbú mbe ba-fâ Osówo. Ké bubwô-achi ńnyín etî, ǎ otu, nké banet-Jûs mbe ba-sét ng byiraa ba-bât ng mě. 8Ebóng nkyi kyi-sóng ng běn ben banet-Jûs ebángê kâng ba/fu, Osówo mu o-jwóbê ng banet ké bukyû.
9Me oyén m/mû n/kabe n/fu, n-chi i nang ebóng chwǒm ńkyí kyidabên dyizîn ńdyí Jisos mú o/fím Názáret. 10Nkyí nké n/chi ké Jerúsélem. Me n/koo busa ne batu-banchi kyifen-Osówo, n-fé banet-Osówo chwóó ké mgbokobá, ne ké nkéré mbe ba-két ng mpan ba/fu, baju kámbé, me to mu m-bángê e ké mpan ámu. 11Ké bankéré chwóó, me n/chi ba-kye kámbé busông, ké kángkáng byise-ékwâbashi ḿbyí banet-Jûs, n-kan n n/fu, n-chi i kámbé ba-né dyityém ebe ńdyí ba/fé ne Jisos. Me m/mû n-sa ng kafâ ne mbé kanong kanong ńké ka/chi mě n-dim ké eshê-bacinbánet n/fu, n-da ng ekye kámbé busông.
Pôl o/sét eringe Nyǐ o/cen ne o-firi Onet mú o/bángê ké Jisos
(Âak 9:1-19; ne ké22:6-16)
12Kyi/mû ké bubwô ḿbún nké me n/dim n-wâa Damásákus ne léta mú odatông o/fu, batu-banchi kyifen-Osówo nké ba/twóm mě, ba-kye mě busa. 13Kyi/mû ké bukwóp, ké nkéré mú busun mánmán, ǎ otu, nké n/ri kasabang ńké ka/mû ka-san n ka-shwôm óbyísû ké ka/fím kyíbóng ka-kédê mě ké byiko, ne banet ḿbé ba/mû ba/cen ne me. 14Be ashí eten kángkáng byi-myii kyísí, ne n-jwo ejá nyí e/raa ké ejá-oshê-Hyíburu ne me e/fu, Sôl, Sôl ebóng amu a-kyâ mě busông. Wo amu a-némê e byiko eyên, â amu a-yip ng kámbyí a-díp ng ké kyichí, wǎ eringe nyí mpong odanémê byiko emen, â mu o-yip ng byikpa o-châ kachí ńké mbe ba-mín n kámú. 15Me m-bí n/fu, wo yeě, ǎ Otu Kyítá. Ne Otu Kyítá o-raa o/fu, me n-chi i Jisos mú amu a-kyâ ǎ busông. 16Nké bûu nensang a-bwom cip. Me m/byí n-kâm ǒ n/fu, n-chi i ǒ a-firi ḿgbán ejí. Wo a/chi a-sét banet ńkyí wo aa/ri kyi-kim ne me kurún, ne ńkyí me n/chi n-tông ǒ ké nkéré mú mu o-bâ ké kashú. 17Me n/chi n-chi ǒ a-fem ké abwô nyí banet-Ézerel ne ké nyí banet ḿbé ba*fí banet-Jûs* ḿbé n/chi n-twóm ǒ ké burwám ebe. 18Wo nké a/chi a-bâa kámbé achi, a-pín kámbé ba-mîng kyifip, ba-firi ké kiinwángé, ba-byí ké busa ḿbú Sátan, ba-firi ké ḿbú Osówo, eringe nyí ké bubwô ḿbú dyityém ebe efé ne me, Osówo o/chi o-pwoo kámbé byibî ebe, ne ba-koo byikit ebe ké burwám-banet ḿbé Osówo o/cá kámbé.
Pôl o/sét kyi-kim ne Bǎmkpóngé Emen ḿbé Nyǐ oo/chi o-kye Jisos
19Ké bubwô ámbu kâng, ǎ Otu Agyiryípa, me m/bángê ké ntûntû ké chwǒm-akat ńkyí nyǐ mú o/fím kyíbóng o/tông mě. 20Ké mbwôp kashú, m/kpet ké oshê mú Damásákus ne n-ribi Jerúsélem ne n-cen n kâng ké oshê omúmú mú banet-Jûs ne ké eshê nyí banet ḿbé ba*fí banet-Jûs* n-sét banet n/fu, byiko byikpú kámbé ba-mîng byibî ebe echi, ba-bírî ba-kâm Osówo, ba-kûchi byěm ḿbyí byidatông byi/fu, mbé baa/mîng byibî echi. 21Ké dyishí-chwǒm ńdyín nké banet-Jûs ba/kám mě ké nkéré m/mû ké kafâ-kiǐtí-kyise-kyifen-Osówo echi, ba-kan ba/fu, mbé ba-ju ng mě. 22Nké tete dyicí ńdyí kurún, Osówo nké mu o-chwáp ng mě. Ne ké bubwô ámbu kâng, me mu m-bwom m nyín n/fu, n-sét ng nang yeě nang yeě ntûntû, nang mbe biǐtí-banet, nang ba*fí biǐtí-banet*. Ńkyí me mu n-sét ng nkyi eringe ebónge ne ńkyí bamkpábé ḿbé badasét byiraa-Osówo ne Músis ba/sét ba/fu, kyi/chi kyi-chi. 23Ba/fu, onet mú Osówo o/kúng ǎ butu o-man o-ri busông, o-kyú mbwôp kashú-onet mú o/chi o-jwóbê ké bukyû, o-sét banet-Jûs ne ḿbé ba*fí banet-Jûs* o/fu, Osówo o-man n enyii kámbé, ne ńkyín kyi/chi kyi-kyú kámbé wǎ kiinwángé.
24Ké nkéré Pôl mu o-pan n dyizong-mpan ńdyín, Fésetus o-wonge o/fu, Pôl, a-kú a-fún n. Nwet eyên mú a/jang ekwâa oo/chi ǒ a-kú a-fún n.
25Pôl o-faa o/fu, me n*fí n-fún n* ǎ bonchí mú o/kwárê mú bada ǎ ekye ofê*. Ńkyí me mu n-sét ng ǒ nkyi ntûntû, ne me mu n-raa ng wǎ onet mú o*fí o-fún n*. 26Otu Agyiryípa, me m-man n eraa ne wo ne dyityém ejí wááng, ké ebóng, wo amu a-nyît ng kyi-kim ne byěm ḿbyín. Me n/kabe n/fu, wo amu a-nyît ng nang ebóng chwǒm ńkyí nkyi ké kafâ, ké ebóng, chwǒm ńkyín kyi*da/chi ké kadip*. 27Otu Agyiryípa, wo amu a-bángê e ké bamkpábé ḿbé badasét byiraa-Osówo? Me mu n-nyît ng n/fu, amu a-bángê e ké mbé.
28Otu Agyiryípa o-bí Pôl o/fu, wo a/kabe a/fu, ké kaǎkím-nkéré ńkén, wo a-man n mě echi n-firi onet mú o/bángê ké Karâs?
29Pôl o-faa o/fu, nang ké kaǎkím-nkéré, nang *chí ké kaǎkím-nkéré* me mu n-fâ nshwam n/fu, ben kángkáng mú bamu ba-fwôo ng atông ba-jwo ng mě, bafiri wǎ eringe nyí me mu, nké n*fí n-fâ nshwam n/fu, bafé běn bamgbokobá*.
30Ne Otu Agyiryípa kâng ne Fésetus mú onet-dyishí ne Benyîs ne burwám-banet ḿbé áku ba-bûu nensang. 31Ne ké nkéré mú baa/dim, ba-raa ne barî ba/fu, onyinchéng mún o*da/chi chwǒm nang kyibónge* ńkyí bada ǎ eju* nang ńkyí bada ǎ efé ké mgbokobá*. 32Ne Otu Agyiryípa o-raa ne Fésetus o/fu, a/mû a/chi a-zú onyinchéng mún abwô, â o/mû o*da/bí o/fu, batwóm ǎ kyikit-otu mú Rûm*.
Currently Selected:
Âak 26: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Âak 26
26
Pôl o/sét Mpan Emen ké Bushú ḿbú Otu Agyiryípa
1Otu Agyiryípa o-raa ne Pôl o/fu, n/kye ǒ busa ḿbú adaman ebwom a-raa wo oyén. Pôl o-kpárê abwô ké esim o-bwât o-bwom, ne o-kpet mpan emen epan o/fu,
2Otu Agyiryípa, me n/kabe n/fu, dyishí dyi/nwa mě kurún ńdyí me m/bwom ké bushú eyên n/fu, m-pan n mpan ké kángkáng byiraa ḿbyí banet-Jûs mbe ba-sét ng ba-bât ng mě. 3Ńkyín nkyi ntûntû, aciringaciring ké bubwô ḿbú wo amu a-nyît ng eringe nyí banet-Jûs mbe ba-kyú u, ne eringe nyí ba/yángê ne barî. Me mu m-bí ng ǒ kâng n/fu, tî dyityém eyên kyísí chee a-jwo mě.
4Kángkáng banet-Jûs mbe ba-nyît ng dyizong-dyikpen ńdyí me nn/kyú kyi-fím ké nkéré mú me m/mû n/tôong wǎsíng. Mbé mbe ba-nyît ng to kyi-fím ké kiimkpet kyikû eringe nyí me nn/kyú kyirim-dyikpen ejí ké oshê ejí ne ké Jerúsélem. 5Â mbé mbe ba-ryuu ng ba/fu, mbé ba-sét ng ntûntû, mbé kángkáng nkéré mbe ba-nyît ng ba/fu, kyi-fím ké kiimkpet kyikû, me nn/kyú wǎ onet-ncibi mú bukwóp ḿbú byi/mû byi-fâ Osówo eten, mú mbe ba-tî ng byije ba-shwôm, mú badakó Fárasyî. 6Ne kántîk, me mm/bwom nyín mbe ba-pan n mě mpan, ké ebóng, me mu n-tî ng achi ké ocím mú Osówo o/ryí banchí eten ḿbé kpákpá. 7Ochíchí-ocím ámu mú kángkáng byikû-banet eten diǐkpú ne byifee mbyi byi-tî ng achi byi/fu, mbyí byi-koo ng kámú ké buchú ne esû ḿbú mbe ba-fâ Osówo. Ké bubwô-achi ńnyín etî, ǎ otu, nké banet-Jûs mbe ba-sét ng byiraa ba-bât ng mě. 8Ebóng nkyi kyi-sóng ng běn ben banet-Jûs ebángê kâng ba/fu, Osówo mu o-jwóbê ng banet ké bukyû.
9Me oyén m/mû n/kabe n/fu, n-chi i nang ebóng chwǒm ńkyí kyidabên dyizîn ńdyí Jisos mú o/fím Názáret. 10Nkyí nké n/chi ké Jerúsélem. Me n/koo busa ne batu-banchi kyifen-Osówo, n-fé banet-Osówo chwóó ké mgbokobá, ne ké nkéré mbe ba-két ng mpan ba/fu, baju kámbé, me to mu m-bángê e ké mpan ámu. 11Ké bankéré chwóó, me n/chi ba-kye kámbé busông, ké kángkáng byise-ékwâbashi ḿbyí banet-Jûs, n-kan n n/fu, n-chi i kámbé ba-né dyityém ebe ńdyí ba/fé ne Jisos. Me m/mû n-sa ng kafâ ne mbé kanong kanong ńké ka/chi mě n-dim ké eshê-bacinbánet n/fu, n-da ng ekye kámbé busông.
Pôl o/sét eringe Nyǐ o/cen ne o-firi Onet mú o/bángê ké Jisos
(Âak 9:1-19; ne ké22:6-16)
12Kyi/mû ké bubwô ḿbún nké me n/dim n-wâa Damásákus ne léta mú odatông o/fu, batu-banchi kyifen-Osówo nké ba/twóm mě, ba-kye mě busa. 13Kyi/mû ké bukwóp, ké nkéré mú busun mánmán, ǎ otu, nké n/ri kasabang ńké ka/mû ka-san n ka-shwôm óbyísû ké ka/fím kyíbóng ka-kédê mě ké byiko, ne banet ḿbé ba/mû ba/cen ne me. 14Be ashí eten kángkáng byi-myii kyísí, ne n-jwo ejá nyí e/raa ké ejá-oshê-Hyíburu ne me e/fu, Sôl, Sôl ebóng amu a-kyâ mě busông. Wo amu a-némê e byiko eyên, â amu a-yip ng kámbyí a-díp ng ké kyichí, wǎ eringe nyí mpong odanémê byiko emen, â mu o-yip ng byikpa o-châ kachí ńké mbe ba-mín n kámú. 15Me m-bí n/fu, wo yeě, ǎ Otu Kyítá. Ne Otu Kyítá o-raa o/fu, me n-chi i Jisos mú amu a-kyâ ǎ busông. 16Nké bûu nensang a-bwom cip. Me m/byí n-kâm ǒ n/fu, n-chi i ǒ a-firi ḿgbán ejí. Wo a/chi a-sét banet ńkyí wo aa/ri kyi-kim ne me kurún, ne ńkyí me n/chi n-tông ǒ ké nkéré mú mu o-bâ ké kashú. 17Me n/chi n-chi ǒ a-fem ké abwô nyí banet-Ézerel ne ké nyí banet ḿbé ba*fí banet-Jûs* ḿbé n/chi n-twóm ǒ ké burwám ebe. 18Wo nké a/chi a-bâa kámbé achi, a-pín kámbé ba-mîng kyifip, ba-firi ké kiinwángé, ba-byí ké busa ḿbú Sátan, ba-firi ké ḿbú Osówo, eringe nyí ké bubwô ḿbú dyityém ebe efé ne me, Osówo o/chi o-pwoo kámbé byibî ebe, ne ba-koo byikit ebe ké burwám-banet ḿbé Osówo o/cá kámbé.
Pôl o/sét kyi-kim ne Bǎmkpóngé Emen ḿbé Nyǐ oo/chi o-kye Jisos
19Ké bubwô ámbu kâng, ǎ Otu Agyiryípa, me m/bángê ké ntûntû ké chwǒm-akat ńkyí nyǐ mú o/fím kyíbóng o/tông mě. 20Ké mbwôp kashú, m/kpet ké oshê mú Damásákus ne n-ribi Jerúsélem ne n-cen n kâng ké oshê omúmú mú banet-Jûs ne ké eshê nyí banet ḿbé ba*fí banet-Jûs* n-sét banet n/fu, byiko byikpú kámbé ba-mîng byibî ebe echi, ba-bírî ba-kâm Osówo, ba-kûchi byěm ḿbyí byidatông byi/fu, mbé baa/mîng byibî echi. 21Ké dyishí-chwǒm ńdyín nké banet-Jûs ba/kám mě ké nkéré m/mû ké kafâ-kiǐtí-kyise-kyifen-Osówo echi, ba-kan ba/fu, mbé ba-ju ng mě. 22Nké tete dyicí ńdyí kurún, Osówo nké mu o-chwáp ng mě. Ne ké bubwô ámbu kâng, me mu m-bwom m nyín n/fu, n-sét ng nang yeě nang yeě ntûntû, nang mbe biǐtí-banet, nang ba*fí biǐtí-banet*. Ńkyí me mu n-sét ng nkyi eringe ebónge ne ńkyí bamkpábé ḿbé badasét byiraa-Osówo ne Músis ba/sét ba/fu, kyi/chi kyi-chi. 23Ba/fu, onet mú Osówo o/kúng ǎ butu o-man o-ri busông, o-kyú mbwôp kashú-onet mú o/chi o-jwóbê ké bukyû, o-sét banet-Jûs ne ḿbé ba*fí banet-Jûs* o/fu, Osówo o-man n enyii kámbé, ne ńkyín kyi/chi kyi-kyú kámbé wǎ kiinwángé.
24Ké nkéré Pôl mu o-pan n dyizong-mpan ńdyín, Fésetus o-wonge o/fu, Pôl, a-kú a-fún n. Nwet eyên mú a/jang ekwâa oo/chi ǒ a-kú a-fún n.
25Pôl o-faa o/fu, me n*fí n-fún n* ǎ bonchí mú o/kwárê mú bada ǎ ekye ofê*. Ńkyí me mu n-sét ng ǒ nkyi ntûntû, ne me mu n-raa ng wǎ onet mú o*fí o-fún n*. 26Otu Agyiryípa, me m-man n eraa ne wo ne dyityém ejí wááng, ké ebóng, wo amu a-nyît ng kyi-kim ne byěm ḿbyín. Me n/kabe n/fu, wo amu a-nyît ng nang ebóng chwǒm ńkyí nkyi ké kafâ, ké ebóng, chwǒm ńkyín kyi*da/chi ké kadip*. 27Otu Agyiryípa, wo amu a-bángê e ké bamkpábé ḿbé badasét byiraa-Osówo? Me mu n-nyît ng n/fu, amu a-bángê e ké mbé.
28Otu Agyiryípa o-bí Pôl o/fu, wo a/kabe a/fu, ké kaǎkím-nkéré ńkén, wo a-man n mě echi n-firi onet mú o/bángê ké Karâs?
29Pôl o-faa o/fu, nang ké kaǎkím-nkéré, nang *chí ké kaǎkím-nkéré* me mu n-fâ nshwam n/fu, ben kángkáng mú bamu ba-fwôo ng atông ba-jwo ng mě, bafiri wǎ eringe nyí me mu, nké n*fí n-fâ nshwam n/fu, bafé běn bamgbokobá*.
30Ne Otu Agyiryípa kâng ne Fésetus mú onet-dyishí ne Benyîs ne burwám-banet ḿbé áku ba-bûu nensang. 31Ne ké nkéré mú baa/dim, ba-raa ne barî ba/fu, onyinchéng mún o*da/chi chwǒm nang kyibónge* ńkyí bada ǎ eju* nang ńkyí bada ǎ efé ké mgbokobá*. 32Ne Otu Agyiryípa o-raa ne Fésetus o/fu, a/mû a/chi a-zú onyinchéng mún abwô, â o/mû o*da/bí o/fu, batwóm ǎ kyikit-otu mú Rûm*.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985