Âak 25
25
Pôl o/bí o/fu, batwóm ǎ Kyikit-Otu mú Rûm
1Ké nkéré mú ací a/shwôm achât, ńdyí Fésetus o/ribi ké Sizaryâ, Fésetus o/dim ké Sizaryâ o-ca Jerúsélem. 2Áku ké Jerúsélem nké batu-banchi kyifen-Osówo ne banet-ashí-banet-Jûs ba/sét byiraa ebe ba-bât Pôl. Ba-tîm Fésetus arông ba/fu, 3ochwáp kámbé ba-yip Pôl ba-bâ ne nyǐ ké Jerúsélem, ké ebóng, mbé baa/cibi ba/fu, mbé ba-ját ng Pôl ké bukwóp, mbé ba-ju ǎ. 4Fésetus o-faa o/fu, Pôl mu ké mgbokobá, ké Sizaryâ, ne me oyén n/chi n-wá ebwa esim áku. 5Mîng n̂g banet-ashí enen ba-ca Sizaryâ ne me, ba-da-sét ńkyí o/chi, â oo/chi kyibî-chwǒm nang kyibónge.
6Fésetus o-chîrí ací akíri nang nyíryinyi nang diǐkpú o ne mbé, ne o-bwa esim Sizaryâ. Ké orî-dyicí, Fésetus o-kyú ké kyichí-esuk, ne o-kye busa o/fu, babâ ne Pôl ké kafâ-esuk. 7Ké nkéré mú Pôl o/baribi, banet-Jûs ḿbé ba/fím Jerúsélem ne ba-bâ, ba/bwom ne Pôl ba-kpet esét biǐtí-byibî-byiraa chwóó ba-bât ng ǎ, nké ba*da/man etông ba/fu, ńkyí mbé mbe ba-sét ng ba-bât ng Pôl nkyi ké kafâ*. 8Nké Pôl o/sét mpan mú emen o/fu, me n*da/chi kyibî kyi-kim ne byije ḿbyí banet-Jûs* nang kyi-kim ne kiǐtí-kyise-kyifen-Osówo echi* nang kyi-kim ne otu mú Rûm*.
9Fésetus o/mû mu o-ryuu ng o/fu, banet-Jûs bakpee ǎ, ne o-bí Pôl o/fu, kyi-nyîn n ǒ wo ece Jerúsélem? ba-da-pan ǒ mpan ké bushú ejí ké byěm ḿbyín ḿbyí ba/sét ba-bât ǒ dí.
10Pôl o-faa o/fu, me n-da ng ebwom ké bushú-esuk nyí otu mú Rûm ba-pan mě mpan. Me n*da/chi banet-Jûs kyibî-chwǒm nang kyibónge* wǎ eringe wo oyén amu a-nyît ng. 11Â me nn/róng kyije, n-chi chwǒm ńkyí kyi/kwárê ńkyí ndakpú, me n*fí m-bí ng n/fu, nfem ké nkyí*. Nké â ntûntû o*fí ké byěm ḿbyí banet-Jûs ba/sét ba-bât mě* onet o*fí mú oda mě ekúng o-kye kámbé*. Me mu m-bí ng n/fu, twóm m̂ mě kyikit-otu mú Rûm.
12Ne Fésetus kâng, ké nkéré oo/pem ne banet ḿbé mbe ba-kyâ ǎ bacê, o-faa o/fu, wo aa/bí a/fu, batwóm ǒ kyikit-otu mú Rûm, áku to ké kyikit emen nké a/chi a-ca.
Fésetus o/sét Otu Agyiryípa ne Benyîs kyi-kim ne Pôl
13Ké nkéré mú kyikim-nkéré kii/shwôm, Otu Agyiryípa ne wǎn-boné emen mú onyinyi, mú odabángê Benyîs ba/bê Sizaryâ ba/fu, mbé ba-bâ ng eri Fésetus, ba-kó ǎ aa/bê*? 14Ké nkéré mú baa/rí ací chwóó ké Sizaryâ, Fésetus o/pem o-sét Otu Agyiryípa kyi-kim ne Pôl o/fu, onyinchéng obónge mu nyín mú Félik o/mîng ǎ ké mgbokobá. 15Ké nkéré mú me n/ce Jerúsélem, batu-banchi kyifen-Osówo ḿbé banet-Jûs ne bakínkán-banet-Jûs ba/sét byiraa chwóó ba-bât ǎ ba/fu, me nkét mpan mú bada ǎ eju. 16Nké me n/sét kámbé n/fu, ké édúú nyí banet-Rûm, onet mú bada ǎ ebât kyiraa o-bwom m o-kwárê kashú ne banet ḿbé mbe ba-bât ng ǎ kyiraa ánkyi. Ba-kye ǎ mpât mú odaman epan mpan kyi-kim ne kyiraa ńkyí ba/bât ǎ. 17Ké nkéré banet-Jûs ámbe ba/bê nyín, me n*da/bên nkéré* ké orî-dyicí n/kyú ké kyichí-esuk, n-kye busa n/fu, babâ ne onyinchéng ámu ké esuk. 18Banet-bushwôn emen ba-bûu ba-bwom, nké ba*da/man esét kiǐtí-kyibî nang kyibónge ńkyí ba/fu, o/chi* ńkyí me m/mû n/kabe n/fu, ba/chi ba-sét*. 19Kángkáng ńkyí ba/mû ne nkyí kyi/mû chwǒm wǎ okân ké dyishí ne nyǐ kyi-kim ne bukwóp ebe ḿbú mbe ba-fâ Osówo, ne kyi-kim to ne onyinchéng obónge mú odabángê Jisos, mú oo/kpú, nké Pôl o/sét o/fu, mu okpó. 20Kyi/mû mě ké dyishí byiryibyiryi eringe nyí me n/chi n-cen ne n-nyît ńkyí nkyi ntûntû kyi-kim ne byiraa ḿbyín. Ne m-bí kâng Pôl â kyi/chi kyi-nyîn ǎ ńkyí odace Jerúsélem n-da-pan ǎ mpan áku kyi-kim ne byiraa ḿbyí ba/sét ba-bât ǎ. 21Nké Pôl o/bí o/fu, batî banet ba-kû ǎ ebám tete otu mú Rûm o-pan kyiraa emen. Ké bubwô ámbu, me m/kye busa n/fu, bakû ǎ ebám tete n-twóm ǎ o-kâm otu mú Rûm.
22Otu Agyiryípa o-raa ne Fésetus o/fu, nkyi kyi-nyîn n mě onyinchéng ámu ejwo me oyén.
Fésetus o-faa ǎ o/fu, a/chi a-jwo ǎ nencí.
Ba/bê ne Pôl ké Bushú ḿbú Otu Agyiryípa ne Benyîs
23Ké orî-dyicí, Otu Agyiryípa ne Benyîs ba/banung ké ócâm mú banet mbe ba-cibi ng, ne kiǐtí-ofê mú banet ba/kye kámbé. Banet-ashí-basúja ne biǐtí-banet ḿbyí ké oshê ámu ba/mû ne nyǐ ké kyikû. Fésetus o-kye busa ba-kpî Pôl ba-ba-nung ne nyǐ. 24Fésetus o-raa o/fu, Otu Agyiryípa ne kángkáng banet ḿbé mbe ne be. Ben baa/ri onyinchéng mún mú kángkáng banet-Jûs ḿbé mbe nyín ne ḿbé ké Jerúsélem baa/ba mě esét byiraa kyi-kim ne nyǐ. Mbe ba-ziri ng byiko ba/fu, o*dachi o-chîkpen o-ca kashú*. 25Nké me n*da/man eri n/fu, oo/chi chwǒm nang kyibónge* ńkyí ndakét mpan mú bada ǎ eju*. Ne ké bubwô ḿbú nyǐ oyén to oo/bí o/fu, batwóm ǎ kyikit-otu mú Rûm, me mm/bángê to n/fu, n-twóm m ǎ. 26Nké me n*fí ne ochíchí-chwǒm mú n/chi n-sáng n-kye otu mú Rûm*. Ké bubwô ámbu, me mm/bê ne nyǐ ké bushú enen, aciringaciring ké bushú eyên, ǎ Otu Agyiryípa, eringe nyí â ké nkéré mú baa/kyé kyikû-kyiraa emen, katô n-já ng chwǒm ńkyí ndasáng. 27Ké ebóng, me oyén kyi*fí mě kanong* ńkyí ndatwóm onet-mgbokobá* â n*da/sáng kyísí kanong kanong kyi-kim ne byiraa ḿbyí ba/sét ba-bât ǎ*.
Currently Selected:
Âak 25: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
Âak 25
25
Pôl o/bí o/fu, batwóm ǎ Kyikit-Otu mú Rûm
1Ké nkéré mú ací a/shwôm achât, ńdyí Fésetus o/ribi ké Sizaryâ, Fésetus o/dim ké Sizaryâ o-ca Jerúsélem. 2Áku ké Jerúsélem nké batu-banchi kyifen-Osówo ne banet-ashí-banet-Jûs ba/sét byiraa ebe ba-bât Pôl. Ba-tîm Fésetus arông ba/fu, 3ochwáp kámbé ba-yip Pôl ba-bâ ne nyǐ ké Jerúsélem, ké ebóng, mbé baa/cibi ba/fu, mbé ba-ját ng Pôl ké bukwóp, mbé ba-ju ǎ. 4Fésetus o-faa o/fu, Pôl mu ké mgbokobá, ké Sizaryâ, ne me oyén n/chi n-wá ebwa esim áku. 5Mîng n̂g banet-ashí enen ba-ca Sizaryâ ne me, ba-da-sét ńkyí o/chi, â oo/chi kyibî-chwǒm nang kyibónge.
6Fésetus o-chîrí ací akíri nang nyíryinyi nang diǐkpú o ne mbé, ne o-bwa esim Sizaryâ. Ké orî-dyicí, Fésetus o-kyú ké kyichí-esuk, ne o-kye busa o/fu, babâ ne Pôl ké kafâ-esuk. 7Ké nkéré mú Pôl o/baribi, banet-Jûs ḿbé ba/fím Jerúsélem ne ba-bâ, ba/bwom ne Pôl ba-kpet esét biǐtí-byibî-byiraa chwóó ba-bât ng ǎ, nké ba*da/man etông ba/fu, ńkyí mbé mbe ba-sét ng ba-bât ng Pôl nkyi ké kafâ*. 8Nké Pôl o/sét mpan mú emen o/fu, me n*da/chi kyibî kyi-kim ne byije ḿbyí banet-Jûs* nang kyi-kim ne kiǐtí-kyise-kyifen-Osówo echi* nang kyi-kim ne otu mú Rûm*.
9Fésetus o/mû mu o-ryuu ng o/fu, banet-Jûs bakpee ǎ, ne o-bí Pôl o/fu, kyi-nyîn n ǒ wo ece Jerúsélem? ba-da-pan ǒ mpan ké bushú ejí ké byěm ḿbyín ḿbyí ba/sét ba-bât ǒ dí.
10Pôl o-faa o/fu, me n-da ng ebwom ké bushú-esuk nyí otu mú Rûm ba-pan mě mpan. Me n*da/chi banet-Jûs kyibî-chwǒm nang kyibónge* wǎ eringe wo oyén amu a-nyît ng. 11Â me nn/róng kyije, n-chi chwǒm ńkyí kyi/kwárê ńkyí ndakpú, me n*fí m-bí ng n/fu, nfem ké nkyí*. Nké â ntûntû o*fí ké byěm ḿbyí banet-Jûs ba/sét ba-bât mě* onet o*fí mú oda mě ekúng o-kye kámbé*. Me mu m-bí ng n/fu, twóm m̂ mě kyikit-otu mú Rûm.
12Ne Fésetus kâng, ké nkéré oo/pem ne banet ḿbé mbe ba-kyâ ǎ bacê, o-faa o/fu, wo aa/bí a/fu, batwóm ǒ kyikit-otu mú Rûm, áku to ké kyikit emen nké a/chi a-ca.
Fésetus o/sét Otu Agyiryípa ne Benyîs kyi-kim ne Pôl
13Ké nkéré mú kyikim-nkéré kii/shwôm, Otu Agyiryípa ne wǎn-boné emen mú onyinyi, mú odabángê Benyîs ba/bê Sizaryâ ba/fu, mbé ba-bâ ng eri Fésetus, ba-kó ǎ aa/bê*? 14Ké nkéré mú baa/rí ací chwóó ké Sizaryâ, Fésetus o/pem o-sét Otu Agyiryípa kyi-kim ne Pôl o/fu, onyinchéng obónge mu nyín mú Félik o/mîng ǎ ké mgbokobá. 15Ké nkéré mú me n/ce Jerúsélem, batu-banchi kyifen-Osówo ḿbé banet-Jûs ne bakínkán-banet-Jûs ba/sét byiraa chwóó ba-bât ǎ ba/fu, me nkét mpan mú bada ǎ eju. 16Nké me n/sét kámbé n/fu, ké édúú nyí banet-Rûm, onet mú bada ǎ ebât kyiraa o-bwom m o-kwárê kashú ne banet ḿbé mbe ba-bât ng ǎ kyiraa ánkyi. Ba-kye ǎ mpât mú odaman epan mpan kyi-kim ne kyiraa ńkyí ba/bât ǎ. 17Ké nkéré banet-Jûs ámbe ba/bê nyín, me n*da/bên nkéré* ké orî-dyicí n/kyú ké kyichí-esuk, n-kye busa n/fu, babâ ne onyinchéng ámu ké esuk. 18Banet-bushwôn emen ba-bûu ba-bwom, nké ba*da/man esét kiǐtí-kyibî nang kyibónge ńkyí ba/fu, o/chi* ńkyí me m/mû n/kabe n/fu, ba/chi ba-sét*. 19Kángkáng ńkyí ba/mû ne nkyí kyi/mû chwǒm wǎ okân ké dyishí ne nyǐ kyi-kim ne bukwóp ebe ḿbú mbe ba-fâ Osówo, ne kyi-kim to ne onyinchéng obónge mú odabángê Jisos, mú oo/kpú, nké Pôl o/sét o/fu, mu okpó. 20Kyi/mû mě ké dyishí byiryibyiryi eringe nyí me n/chi n-cen ne n-nyît ńkyí nkyi ntûntû kyi-kim ne byiraa ḿbyín. Ne m-bí kâng Pôl â kyi/chi kyi-nyîn ǎ ńkyí odace Jerúsélem n-da-pan ǎ mpan áku kyi-kim ne byiraa ḿbyí ba/sét ba-bât ǎ. 21Nké Pôl o/bí o/fu, batî banet ba-kû ǎ ebám tete otu mú Rûm o-pan kyiraa emen. Ké bubwô ámbu, me m/kye busa n/fu, bakû ǎ ebám tete n-twóm ǎ o-kâm otu mú Rûm.
22Otu Agyiryípa o-raa ne Fésetus o/fu, nkyi kyi-nyîn n mě onyinchéng ámu ejwo me oyén.
Fésetus o-faa ǎ o/fu, a/chi a-jwo ǎ nencí.
Ba/bê ne Pôl ké Bushú ḿbú Otu Agyiryípa ne Benyîs
23Ké orî-dyicí, Otu Agyiryípa ne Benyîs ba/banung ké ócâm mú banet mbe ba-cibi ng, ne kiǐtí-ofê mú banet ba/kye kámbé. Banet-ashí-basúja ne biǐtí-banet ḿbyí ké oshê ámu ba/mû ne nyǐ ké kyikû. Fésetus o-kye busa ba-kpî Pôl ba-ba-nung ne nyǐ. 24Fésetus o-raa o/fu, Otu Agyiryípa ne kángkáng banet ḿbé mbe ne be. Ben baa/ri onyinchéng mún mú kángkáng banet-Jûs ḿbé mbe nyín ne ḿbé ké Jerúsélem baa/ba mě esét byiraa kyi-kim ne nyǐ. Mbe ba-ziri ng byiko ba/fu, o*dachi o-chîkpen o-ca kashú*. 25Nké me n*da/man eri n/fu, oo/chi chwǒm nang kyibónge* ńkyí ndakét mpan mú bada ǎ eju*. Ne ké bubwô ḿbú nyǐ oyén to oo/bí o/fu, batwóm ǎ kyikit-otu mú Rûm, me mm/bángê to n/fu, n-twóm m ǎ. 26Nké me n*fí ne ochíchí-chwǒm mú n/chi n-sáng n-kye otu mú Rûm*. Ké bubwô ámbu, me mm/bê ne nyǐ ké bushú enen, aciringaciring ké bushú eyên, ǎ Otu Agyiryípa, eringe nyí â ké nkéré mú baa/kyé kyikû-kyiraa emen, katô n-já ng chwǒm ńkyí ndasáng. 27Ké ebóng, me oyén kyi*fí mě kanong* ńkyí ndatwóm onet-mgbokobá* â n*da/sáng kyísí kanong kanong kyi-kim ne byiraa ḿbyí ba/sét ba-bât ǎ*.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985