2 Tyímótyi 1
1
1Me Pôl mú ké okabe mú Osówo mu onet-kyitwóm-Jisos Karâs, mú Osówo o/twóm mě o/fu, me mba-sét kyi-kim ne dyikpen ńdyí byimu ne ndyí ké ocibi ne Jisos Karâs, ńdyí nyǐ o/ryí ocím nké mu n-sáng ng léta mún n-kye 2Tyímótyi mú wǎn-dyityém ejí ké bubwô ḿbú Karâs.
Kyi/bát Osówo Bonchí eten ne Jisos Karâs, Otu Kyítá eten bakye ǒ ochwâp ne bunyîn-dyityém, ba-ri ǒ bafip.
Asǎma ekó ne Busa efé
3Me mu n-kó ng Osówo asǎma. Osówo mú me mu n-kyâ ǎ ofê ne dyityém wááng wǎ eringe nyí banchí ejí ḿbé kpákpá ba/chi. Me mu n-kó ng ǎ asǎma kángkáng nkéré mú mu n-zîim m ǒ ké banshwam ejí, buchú ne esû. 4Mu n-zîim m batíí eyên, ne mu n-ryuu ng kanong kanong n/fu, n-ri ng ǒ, eringe nyí dyityém dyida mě esú ne bunyîn-dyityém. 5Me mu n-zîim m dyityém eyên ńdyí a/fé ne Jisos Karâs ne dyityém ńdyí dyinong, dyizong-dyityém efé ándyi ńdyí boné eyên mú okínkán, mú odabángê Lúwos ne boné eyên Búnyis mbe ne ndyí. Me mu n-nyît ng n/fu, wo to amu ne ndyí. 6Ké bubwô ámbu, me mu n-zîim m ǒ n/fu, tî eyáré ányi ekpó nyí Osówo o/kye ǒ ké nkéré n/twôom ǒ abwô ejí ké byiko. 7Ké ebóng, Busun-Osówo ḿbú Osówo oo/kye bě bu*fí bu-chi i bě byi-kûshî* nké mbu bu-kyâ busa ne kyijé ne byiko ekám.
8Éshwân e*dachi e-chi ǒ kâng ké osêt mú amu a-sét ng ké bubwô ḿbú Otu Kyítá eten*. Nang ne me mú mu onet-mgbokobá emen, éshwân e*da ǒ echi*. Nké ri busông ḿbú eyên to ké dyishí ńdyí Bǎmpém ḿbé Banong, eringe nyí Osówo o/kye ǒ busa ké mbú. 9Nyǐ o/nyii bě ne o-kó bě o/fu, byikyú banet emen, *chí ké bubwô ḿbú byěm ḿbyí be bii/chi* nké nkyi ké bubwô-okabe ne kanong emen. Nyǐ o/kye bě kanong ńkén ké bubwô ḿbú Jisos Karâs, ne o-kûchi ejíí. 10Nké kántîk, oo/tông bě kánké ké obê mú Onet-Onyii eten o/bê, ányi Jisos Karâs. Nyǐ oo/man ne busa ḿbú bukyû, ne ké bubwô ḿbú Bǎmpém ḿbé Banong, oo/tông dyikpen ńdyí ne banyá.
11Osówo oo/fîm mě o/fu, me nsét Bǎmpém ḿbé Banong wǎ onet-kyitwóm emen ne wǎ ntánge banet byiraa emen. 12Ne ké bubwô ámbu nké me mu n-ri ng busông ḿbún. Nké me n/tôong ne dyityém dyibónge, ké ebóng, me mu n-nyît ng ǎ nyǐ mú n/fé dyityém ejí ne nyǐ, ne me mu n-nyît ng n/fu, nyǐ o-man n etî kanong ńké nyǐ oo/kye mě tata Dyicí ándyi. 13Bwom ké byiraa ḿbyí ntûntû ámbyi ḿbyí n/tángê ǒ wǎ ekap nyí kyiká-édúú ńkyí wo adakúng, ne a-ku ké dyityém efé ne Karâs ne kyijé, ḿbyí byi/já bě be ké ocibi ne Jisos Karâs. 14Tî byěm ḿbyí byinong ḿbyí Osówo oo/kye ǒ ké bubwô-busa ḿbú Busun-Osówo ḿbú mbu bě ké byiko.
15Wo amu a-nyît ng a/fu, nang yeě nang yeě cibicibi ne Fyígálus ne Hemojínes ké Ésha o/né mě. 16Kyi/bát Otu Kyítá ori kyikû-banet ńkyí Onésyifóros bafip, ké ebóng, Onésyifóros o/chi mě n-kyú ké bunyîn-dyityém kampén chwóó. Éshwân e*da ǎ echi* ké ebóng, me mu ké mgbokobá*. 17Nké ńdyí nyǐ o-ribi ng o-bâ ké Rûm, nyǐ o/kpet mě ekyé tata o-ri mě. 18Kyi/bát Otu Kyítá obángê o-ri ǎ bafip ké Dyicí ándyi. Wo to amu a-nyît ng kanong kanong eringe nyí o/chwáp mě chwóó ké Éfyísus.
Currently Selected:
2 Tyímótyi 1: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
