PUDUT 10
10
Inul Anak Noh
(1 In 1.5–23)
1Idi ini anak inul Noh luk deléi, ieh ineh Sem, Ham, idi Yapet. Idi pangeh ereb ineh ideh inan tuda'-tuda' anak deléi.
2Idi anak-anak Yapet, — Gomer, Magog, Madai, Yawan, Tubal, Misek, idi Tiras — mangun ku tepun pupu luk makai ngadandeh. 3Idi anak-anak Gomer, ieh ineh pupu Askenas, Ripat, idi Togarema. 4Idi inul Yawan, ieh ineh pupu Eliseh, Tarsis, Kitim, idi Dodanim. 5Idi ideh mangun ku tepun pupu luk tudo tangeb abpa' rayeh idi luun pulau-pulau teh. Ideh ineh inul Yapet luk tudo bang bawangdeh sebuleng, maya' inuldeh idi baladeh sebuleng.
6Idi anak-anak Ham, — Kus, Masir, Libia, idi Kanaan -– mangun ku tepun pupu luk makai ngadandeh. 7Idi inul Kus, ieh ineh pupu Siba, Hawila, Sabta, Rama, idi Sabteka. Idi inul Rama, ieh ineh pupu Siba idi Dedan. 8Idi Kus pana' nenginul Nimrod, idi ieh ineh luk pun-pun mangun ku lun rayeh luk mesangit bang tana' ini. 9Idi ieh seburur lun nganup luk meluun tueh pa kiung Tuhan; ngaceku ineh pangeh bila, “Do' iko mepad kudeng Nimrod, seburur lun nganup luk meluun tueh pa kiung Tuhan.” 10Pun-pun ieh mengun ku raca' bang bawang Babil, Erik, idi Akad luk bang babpat Sinar. 11Idi rat bang bawang ineh ieh iné' Asur idi nemudut bawang Ninewé, Rehobot Ir, idi Kala, 12idi Resen luk arang Ninewé dengan Kala, aceh bawang luk rayeh.
13Idi Masir nenginul pupu Lidia, Anam, Lihab, Naptu, 14Patrus, Kaslu, idi Kaptor. Idi ratnan inuldeh inan teh lun Pilistin.
15Idi anak-anak Kanaan, — Sidon, anakneh luk atun, idi Hit —– mangun ku tepun pupu luk makai ngadan didueh. 16Idi Kanaan ineh tepun lun Yebusi, lun Amori, lun Girgasi, 17lun Hiwi, lun Arki, lun Sini, 18lun Arwadi, lun Semari, idi lun Hamati pana'. Idi amung-amung lun Kanaani nepatad, 19pad lakan bawang lun Kanaani ineh rat Sidon matun Gerar macing déi' Gasa, idi pa busat aco macing déi Sodom, Gemora, Adma, idi Seboyim, luk muneng ku Lasa. 20Ideh ineh inul Ham luk tudo bang bawangdeh sebuleng, maya' inuldeh idi baladeh sebuleng.
21Idi Sem, kinanak Yapet luk rayeh ineh mangun ku tepun amung lun Iberani. 22Idi anak-anak Sem, — Elam, Asur, Arpaksad, Lud, idi Aram -–- mangun ku tepun amung pupu luk makai ngadandeh. 23Idi inul Aram, ieh ineh pupu Us, Hul, Geter, idi Misek. 24Idi Arpaksad nenginul Sila, idi Sila nenginul Iber. 25Idi Iber inan dueh anak deléi, ngadan sebuleng Peleg, ngaceku bang kareb ineh amung-amung lun bang tana' ineh nepatad, idi ngadan kinanakneh luk isuut ineh Yoktan. 26Idi inul Yoktan ineh Almdad, Selep, Hasarmawet, Yera, 27Hadoram, Usal, Dikla, 28Obal, Abimail, Siba, 29Opir, Hawila, idi Yobab. Amungdeh ini inul Yoktan. 30Idi bawang luk inandeh tudo rat bawang Misa macing déi' Separ, ieh ineh pegkung luk pa busat aco. 31Ideh ineh inul Sem luk tudo bang bawangdeh sebuleng, maya' inuldeh idi baladeh sebuleng.
32Idi amung pupu ini inul Noh, anid-anid maya' inuldeh idi pupudeh. Idi muci ratnan ereb amung-amung pupu bang tana' ini kali' rungen inul Noh.
Currently Selected:
PUDUT 10: BLD
Highlight
Share
Copy
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.