AMOS 3
3
1O Lun Israil, do' ninger bala ini luk bila Tuhan ratnan lawé muyuh: “Ui nenguyut amung pupu muyuh remuat rat bang bawang Masir. 2Rat arang pupu bang tana' ini muyuh sebuleng mo' luk initiKu idi luk isa'Ku. Ngaceku ineh Ui ngukum nemuyuh ngaceku sala' muyuh.”
Kekamen Nabi
3Miakké dueh burur lemulun nalan pad-pad kudeng na pegayam atun?
4Miakké balang ngeku bang pulung kudeng na luk ilapneh?
Miakké anak balang ngeku bang lubangneh kudeng na luk kikemneh?
5Miakké suit mekaneh abpung kudeng na upanneh?
Miakké abpung metamat kudeng na luk mekaneh idi?
6Miakké inan kukor bang bawang kudeng na luk katot?
Inanké susa' luk rayeh bang bawang kudeng Tuhan na ngacing ineh?
7Tuhan na nganau' anun-anun dengan na ngegala' terawéNeh kuan demulunNeh lun nabi.
8Kudeng balang ngeku, idéké luk na matot
Kudeng Tuhan pebala, idéké luk tuman na mada' balaNeh?
Ukum Samaria
9Mada' lemulun luk tudo bang ruma' raca' déi' Asdod idi Masir, kebala muyuh, “Do' muyuh mepamung déi' Samaria pelé muyuh nier ria' luk su ineh, idi sala' luk kikemdeh bang bawang ineh.”
10Kebala Tuhan, “Lemulun ini manu' ruma'deh ku binaweh luk uendeh ngaro dengan kekamen luk dat. Ideh na kali' dalan luk mesiri. 11Ngaceku ineh bunu' miak ngelibut bawangdeh, idi ngusag libungdeh, idi ngaro ruma'deh.”
12Kebala Tuhan, “Mepad kudeng lun luk matar dumba ngalap dueh kukud idi sebuleng lalid dumba luk kinan balang, kudeng ineh teh Allah miak ngulun teceh pupu Israil luk telubid luun bitaran luk do' déi' Samaria. 13Do' muyuh ninger idi mada' inul Yakub,” kebala Tuhan Allah luk Melalud. 14#2 Rac 23.15 “Kareb Ui ngukum pupu Israil ngaceku sala'deh, Ui ngusag amung bubpun Baitel. Lidung bubpun pana' uen nangal idi mebpeh luun tana'. 15Ui ngusag ruma' idi lepo. Ruma' luk inayung ku batu gading miak metabpa, idi amung ruma' luk rayeh uen ngusag.”
Currently Selected:
AMOS 3: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
AMOS 3
3
1O Lun Israil, do' ninger bala ini luk bila Tuhan ratnan lawé muyuh: “Ui nenguyut amung pupu muyuh remuat rat bang bawang Masir. 2Rat arang pupu bang tana' ini muyuh sebuleng mo' luk initiKu idi luk isa'Ku. Ngaceku ineh Ui ngukum nemuyuh ngaceku sala' muyuh.”
Kekamen Nabi
3Miakké dueh burur lemulun nalan pad-pad kudeng na pegayam atun?
4Miakké balang ngeku bang pulung kudeng na luk ilapneh?
Miakké anak balang ngeku bang lubangneh kudeng na luk kikemneh?
5Miakké suit mekaneh abpung kudeng na upanneh?
Miakké abpung metamat kudeng na luk mekaneh idi?
6Miakké inan kukor bang bawang kudeng na luk katot?
Inanké susa' luk rayeh bang bawang kudeng Tuhan na ngacing ineh?
7Tuhan na nganau' anun-anun dengan na ngegala' terawéNeh kuan demulunNeh lun nabi.
8Kudeng balang ngeku, idéké luk na matot
Kudeng Tuhan pebala, idéké luk tuman na mada' balaNeh?
Ukum Samaria
9Mada' lemulun luk tudo bang ruma' raca' déi' Asdod idi Masir, kebala muyuh, “Do' muyuh mepamung déi' Samaria pelé muyuh nier ria' luk su ineh, idi sala' luk kikemdeh bang bawang ineh.”
10Kebala Tuhan, “Lemulun ini manu' ruma'deh ku binaweh luk uendeh ngaro dengan kekamen luk dat. Ideh na kali' dalan luk mesiri. 11Ngaceku ineh bunu' miak ngelibut bawangdeh, idi ngusag libungdeh, idi ngaro ruma'deh.”
12Kebala Tuhan, “Mepad kudeng lun luk matar dumba ngalap dueh kukud idi sebuleng lalid dumba luk kinan balang, kudeng ineh teh Allah miak ngulun teceh pupu Israil luk telubid luun bitaran luk do' déi' Samaria. 13Do' muyuh ninger idi mada' inul Yakub,” kebala Tuhan Allah luk Melalud. 14#2 Rac 23.15 “Kareb Ui ngukum pupu Israil ngaceku sala'deh, Ui ngusag amung bubpun Baitel. Lidung bubpun pana' uen nangal idi mebpeh luun tana'. 15Ui ngusag ruma' idi lepo. Ruma' luk inayung ku batu gading miak metabpa, idi amung ruma' luk rayeh uen ngusag.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.