AMOS 2
2
Moab
1 #
Yes 15.1—16.14; 25.10–12; Yer 48.1–47; Yeh 25.8–11; Sep 2.8–11 Kebala Tuhan, “Lun Moab megéi' nganau' sala'. Kali' rungen Ui ngukum nedeh ngaceku ideh nengeseb tulang raca' Edom mangun ku kapur. 2Ui ngacing apui kuan tana' Moab pad amung libung Keriot sabpen. Lun Moab miak maté bang bunu' uned arod lun pebunu' idi uni serupit. 3Ui ngaté raca' Moab idi amung lun rayeh bang bawang ineh.”
Yahuda
4Kebala Tuhan, “Lun Yahuda megéi' nganau' sala'. Kali' rungen Ui ngukum nedeh, ngaceku ideh situnga ku bada'Ku, idi na maya' ukumKu. Ideh rinaruh allah luk mebalih luk inan tepundeh nesembayang. 5Ngaceku ineh Ui ngacing apui kuan Yahuda pad amung libung Yerusalim sabpen.”
Ukum Allah Kuan Israil
6Kebala Tuhan, “Lun Israil megéi' nganau' sala'. Kali' rungen Ui ngukum nedeh, ngaceku ideh masui nelun luk na mesala' ngaceku na mayar balehdeh, idi ideh masui lun masi' luk na miak mayar raga kasut pana' mangun ku demulun. 7Ideh ngeradu' nelun luk melaya' idi masut nelun masi'. Anak adi' deléi idi luk mengered pana' pasét nan decur luk mesawa' déi' ruma' sembayang nan akang, pad ngadanKu luk meligan uen ngedat. 8Déi' ruma' sembayang ineh ideh telubid luun ayung luk inuit ku duduk ngaceku balehdeh. Bang Ruma' Allahdeh ideh ngirup abpa' anggur luk ilapdeh rat nelun luk pebaleh nedeh, 9#Bad 3.8–11 sagan pana' ngaceku ideh, Ui nengaté nelun Amori luk medita' mepad kudeng kayuh tumuh idi metueh mepad kudeng kayuh luk meraben. Ui nengaté nedeh amung-amung.
10“O pupuKu, Ui nenated nemuyuh remuat rat bang bawang Masir, idi nenguyut nemuyuh déi' su luk ali-ali apat ngepulu' lak kinioneh, idi Ui nemaré tana' lun Amori nemuyuh. 11#Iap 6.1–8 Ui nemili' sebuang anak muyuh mangun ku nabi, idi sebuang anak adi' deléi' mangun ku lun Nasiri. Naké ini matu, O pupu Israil? Ui ini Tuhan pangeh nepebala. 12Iamo' muyuh nengecuk nelun Nasiri ngirup abpa' anggur, idi nemebpeng nelun nabi na mada' balaKu. 13Idi nekini Ui ini ngeradu' nemuyuh ieni, mepad kudeng aceh keréta luk mepanu' ku padé pana' ngeradu'. 14Lun luk upun luk mawer pana' na mepuit. Lun luk metueh amé' melaya' idi lun pebunu' pana' na miak ngulun bururdeh. 15Lun luk ngimet binor na miak tuped meraben, lun luk upun luk mawer na miak uen ngulun, idi lun luk maya' kuda na mepuit idi na mulun. 16Lun pebunu' luk mekuu' buro dengan lubpa kareb aco sineh.” Tuhan pangeh nepebala.
Currently Selected:
AMOS 2: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
AMOS 2
2
Moab
1 #
Yes 15.1—16.14; 25.10–12; Yer 48.1–47; Yeh 25.8–11; Sep 2.8–11 Kebala Tuhan, “Lun Moab megéi' nganau' sala'. Kali' rungen Ui ngukum nedeh ngaceku ideh nengeseb tulang raca' Edom mangun ku kapur. 2Ui ngacing apui kuan tana' Moab pad amung libung Keriot sabpen. Lun Moab miak maté bang bunu' uned arod lun pebunu' idi uni serupit. 3Ui ngaté raca' Moab idi amung lun rayeh bang bawang ineh.”
Yahuda
4Kebala Tuhan, “Lun Yahuda megéi' nganau' sala'. Kali' rungen Ui ngukum nedeh, ngaceku ideh situnga ku bada'Ku, idi na maya' ukumKu. Ideh rinaruh allah luk mebalih luk inan tepundeh nesembayang. 5Ngaceku ineh Ui ngacing apui kuan Yahuda pad amung libung Yerusalim sabpen.”
Ukum Allah Kuan Israil
6Kebala Tuhan, “Lun Israil megéi' nganau' sala'. Kali' rungen Ui ngukum nedeh, ngaceku ideh masui nelun luk na mesala' ngaceku na mayar balehdeh, idi ideh masui lun masi' luk na miak mayar raga kasut pana' mangun ku demulun. 7Ideh ngeradu' nelun luk melaya' idi masut nelun masi'. Anak adi' deléi idi luk mengered pana' pasét nan decur luk mesawa' déi' ruma' sembayang nan akang, pad ngadanKu luk meligan uen ngedat. 8Déi' ruma' sembayang ineh ideh telubid luun ayung luk inuit ku duduk ngaceku balehdeh. Bang Ruma' Allahdeh ideh ngirup abpa' anggur luk ilapdeh rat nelun luk pebaleh nedeh, 9#Bad 3.8–11 sagan pana' ngaceku ideh, Ui nengaté nelun Amori luk medita' mepad kudeng kayuh tumuh idi metueh mepad kudeng kayuh luk meraben. Ui nengaté nedeh amung-amung.
10“O pupuKu, Ui nenated nemuyuh remuat rat bang bawang Masir, idi nenguyut nemuyuh déi' su luk ali-ali apat ngepulu' lak kinioneh, idi Ui nemaré tana' lun Amori nemuyuh. 11#Iap 6.1–8 Ui nemili' sebuang anak muyuh mangun ku nabi, idi sebuang anak adi' deléi' mangun ku lun Nasiri. Naké ini matu, O pupu Israil? Ui ini Tuhan pangeh nepebala. 12Iamo' muyuh nengecuk nelun Nasiri ngirup abpa' anggur, idi nemebpeng nelun nabi na mada' balaKu. 13Idi nekini Ui ini ngeradu' nemuyuh ieni, mepad kudeng aceh keréta luk mepanu' ku padé pana' ngeradu'. 14Lun luk upun luk mawer pana' na mepuit. Lun luk metueh amé' melaya' idi lun pebunu' pana' na miak ngulun bururdeh. 15Lun luk ngimet binor na miak tuped meraben, lun luk upun luk mawer na miak uen ngulun, idi lun luk maya' kuda na mepuit idi na mulun. 16Lun pebunu' luk mekuu' buro dengan lubpa kareb aco sineh.” Tuhan pangeh nepebala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.