AMOS 4
4
1Ninger do'-do', O muyuh decur Samaria, luk melamu mepad kudeng sapi' luk mebor, luk ngedereh lemulun luk melaya' idi lemulun luk masi', idi luk pebala inan awan muyuh, “Do' maré luk rupen!” 2Ui ini Tuhan luk meligan idi Ui pangeh nepejani', “Tarekneh macing idi muyuh miak riden ku od, pad anid burur muyuh mepad kudeng lawid luun keluit. 3Muyuh miak iten remuat maya' song libung idi talan,” kebala Tuhan.
Israil Na Sibada'
4Kebala Tuhan Allah, “O muyuh lun Israil, amé' nganau' sala' déi' Baitel idi Gilgal! Idi nguit pung luk kereten anid-anid pekak, idi babpat pulu' muyuh bang anid teluh aco. 5Maré ruti muyuh ku baré ubur, idi ngedita' burur muyuh ratnan baré muyuh maya' ran niat! Ngaceku muyuh geregan ku luk kudeng ineh.
6“Ui ini luk ngacing lau kuan amung bawang muyuh, pad muyuh na akan. Iamo' na muyuh lumi Negku. 7Ui nemaré rikan kareb petulu inan udan kuan lati' muyuh. Ui nemaré udan bang sebuleng bawang, idi baken bang bawang baken. Sebuleng lati' inan udan, iamo' lati' baken na udan, pad ieh tekering. 8Lemulun luk melaya' ku paring ratnan dueh teluh bawang iné' nakap abpa' bang bawang baken, iamo' na petap luk rupendeh. Iamo' na muyuh lumi Negku.
9“Ui nemaré uled idi bangas luk nengaté padé muyuh. Kato nekuman kabun irin, anggur, gita', idi saitun muyuh. Iamo' na muyuh lumi Negku, kebala Tuhan.
10“Ui nemaré kaca nemuyuh mepad kudeng luk biréKu ni Masir. Ui nengaté anak adi' muyuh bang bunu' idi nengaro kuda muyuh. Ui nemanu' icung muyuh ku buen butung su luk inan muyuh nelupo. Iamo' na muyuh lumi Negku,” kebala Tuhan.
11 #
Pud 19.24
“Ui nengukum sebuang muyuh mepad kudeng Ui nengukum Sodom idi Gemora. Muyuh mepad kudeng luten luk ilap ratnan apui. Iamo' na muyuh lumi Negku,” kebala Tuhan. 12“Ngaceku ineh, O lun Israil, Ui ngacing ukum ini kuan muyuh. Idi ngaceku ineh, do' muyuh temina' kumin Allah!”
13Allah luk nemudut pegkung idi bui.
Ieh ngegala' terawéNeh kuan lemulun;
idi ngisu' acang mangun ku dacem.
Ieh ineh Raca' aput-aput tana'.
Idi ngadanNeh ineh Tuhan Allah luk Melalud!
Currently Selected:
AMOS 4: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
AMOS 4
4
1Ninger do'-do', O muyuh decur Samaria, luk melamu mepad kudeng sapi' luk mebor, luk ngedereh lemulun luk melaya' idi lemulun luk masi', idi luk pebala inan awan muyuh, “Do' maré luk rupen!” 2Ui ini Tuhan luk meligan idi Ui pangeh nepejani', “Tarekneh macing idi muyuh miak riden ku od, pad anid burur muyuh mepad kudeng lawid luun keluit. 3Muyuh miak iten remuat maya' song libung idi talan,” kebala Tuhan.
Israil Na Sibada'
4Kebala Tuhan Allah, “O muyuh lun Israil, amé' nganau' sala' déi' Baitel idi Gilgal! Idi nguit pung luk kereten anid-anid pekak, idi babpat pulu' muyuh bang anid teluh aco. 5Maré ruti muyuh ku baré ubur, idi ngedita' burur muyuh ratnan baré muyuh maya' ran niat! Ngaceku muyuh geregan ku luk kudeng ineh.
6“Ui ini luk ngacing lau kuan amung bawang muyuh, pad muyuh na akan. Iamo' na muyuh lumi Negku. 7Ui nemaré rikan kareb petulu inan udan kuan lati' muyuh. Ui nemaré udan bang sebuleng bawang, idi baken bang bawang baken. Sebuleng lati' inan udan, iamo' lati' baken na udan, pad ieh tekering. 8Lemulun luk melaya' ku paring ratnan dueh teluh bawang iné' nakap abpa' bang bawang baken, iamo' na petap luk rupendeh. Iamo' na muyuh lumi Negku.
9“Ui nemaré uled idi bangas luk nengaté padé muyuh. Kato nekuman kabun irin, anggur, gita', idi saitun muyuh. Iamo' na muyuh lumi Negku, kebala Tuhan.
10“Ui nemaré kaca nemuyuh mepad kudeng luk biréKu ni Masir. Ui nengaté anak adi' muyuh bang bunu' idi nengaro kuda muyuh. Ui nemanu' icung muyuh ku buen butung su luk inan muyuh nelupo. Iamo' na muyuh lumi Negku,” kebala Tuhan.
11 #
Pud 19.24
“Ui nengukum sebuang muyuh mepad kudeng Ui nengukum Sodom idi Gemora. Muyuh mepad kudeng luten luk ilap ratnan apui. Iamo' na muyuh lumi Negku,” kebala Tuhan. 12“Ngaceku ineh, O lun Israil, Ui ngacing ukum ini kuan muyuh. Idi ngaceku ineh, do' muyuh temina' kumin Allah!”
13Allah luk nemudut pegkung idi bui.
Ieh ngegala' terawéNeh kuan lemulun;
idi ngisu' acang mangun ku dacem.
Ieh ineh Raca' aput-aput tana'.
Idi ngadanNeh ineh Tuhan Allah luk Melalud!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.