प्रकाश 1

1यी किताबम रहल बात येशू ख्रीष्‍ट प्रकट कर्लह। परमेश्‍वर झट्‌टहेँ हुइना धेर घटनक बारेम आपन सेवकहुँक्र बुझ सेकहीँ कैक येशूह यी दर्शन देलह। येशू यी बात बट्‌वाइक लाग एकठो दूतह आपन सेवक यूहन्‍नकठे पठैल। 2आपन द्‍याखल सब बात यूहन्‍ना बट्‌वारख्‍ल। हुँकहार बट्‌वाइल परमेश्‍वरक सन्‍देश ओ येशू ख्रीष्‍टक देखाइल सत्‍य बात यिह हो। 3यी किताब पहर्ना ओ यिहिँम रहल अगमवाणीक वचन सुन्‍ना ओ मन्‍ना सबजन धन्‍यक हुइट, काकरकि यी बात झट्‌टहेँ पूरा हुइनेबा।

सातठो मण्डललीह यूहन्‍नक अभिवादन

4 # प्रस ३:१४; प्रका ४:५ एशियम रहल सातठो मण्डललीह यूहन्‍नक अभिवादन:

परमेश्‍वर जे बाट, रलह ओ अउइयाबाट उहाँसे टुँहन अनुग्रह ओ शान्‍ति ह्‍वाए, ओ उहाँक सिंहासनआघ रना सातठो आत्‍मसे टुँहन अनुग्रह ओ शान्‍ति ह्‍वाए। 5विश्‍वासयोग्य साक्षी ओ मृत्‍युमसे फेदोस्र जिएलमध्‍येम पैल्‍ह व्‍यक्ति, संसारक राजाहुँकन्‍हक राजा येशू ख्रीष्‍टसे फे टुँहन अनुग्रह ओ शान्‍ति ह्‍वाए।

उहाँ हमन प्रेम कर्ठ ओ आपन बलिदानक रगतले हमन पापमसे छुट्‌कारा देरख्ल।#यशै ५५:४; भज ८९:२७ 6उहाँ आपन बाबा परमेश्‍वरक सेवा करक लाग हमन राजाअस शासन कर ओ पूजारीअस सेवा कर देठ। येशू ख्रीष्‍टक महिमा ओ अधिकार सड्‌डभर कायम पलरह।#प्रस १९:६; प्रस १९:६; प्रका ५:१० आमेन।

7हेरो, उहाँ बद्रीम अइटीबाट ओ उहाँह गोभुइया मनै समेत सबजन उहाँह देख्‍नेबाट। संसारक सब जाति उहाँक लाग शोक कर्नेबाट।#दान ७:१२; मत्ती २४:३०; मर्क १३:२६; लूक २१:२७; १ थेस ४:१७; जक १२:१०; यूह १९:३४,३७ पक्‍का अस्‍तह हुउइया बा। आमेन।

8“शुरू ओ अन्‍तिम मैहे हुइटुँ,” कैक सर्वशक्तिमान परमप्रभु परमेश्‍वर कठ, “उहाँ बाट, रलह ओ अउइयाबाट।”#प्रका २२:१३; प्रस ३:१४

प्रभु येशू ख्रीष्‍टक दर्शन

9मै टुन्‍हक दादु यूहन्‍ना हुइटुँ। येशूम विश्‍वास कर्लकओर्से टुन्‍हकसँग मै फे धीरजी होक दुःख सहरख्‍नु, जौन दुःख उहाँक राज्‍यम रहुइयन्‍हकम परिअइठा। परमेश्‍वरक वचन ओ येशू ख्रीष्‍टक प्रकाश पारल सत्‍य बात प्रचार कर्लकओर्से मै कैदी होक पत्‍मोस टापुम रनहुँ। 10प्रभुक दिनम मै आत्‍मले भरिपूर्ण हुइनु ओ म्‍वार पाछओर एकठो तुरहीकअस बरा आवाजम ब्‍वालट मै सुन्‍नु। 11उ आवाज असिक कहल, “टुँ आपन द्‍याखल बात एकठो किताबम लिख्‍क सातठो मण्‍डलीह पठादेओ अर्थात् एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया ओ लाउडिकियम।”

12महीसे बोलुइया के हो कैक मै घुम्‍क हेर्नु। मै दिया ढर्ना स्‍वानक सातठो सामदान देख्‍नु। 13मै सामदानक बीचम पौलीसम झुहार लुगा लगाइल ओ छातीम स्‍वानक पेटी बान्‍धल एकजहन देख्‍नु। उहाँ मनैयक छावाअस रलह।#दान ७:१३; १०:१४ 14उहाँक भुत्‍ला ऊन वा हिँऊअस उज्‍जर रलहन ओ उहाँक आँख आगीक लहरअस बरल रलहन।#दान ७:९; १०:६ 15उहाँक पाउ आगीक भट्‌टीम खार्क टल्‍काइल काँसाअस चम्‍कल रलहन ओ उहाँक आवाजजुन छाँगमसे गिर्ना पानीक गर्जनअस रलहन।#इज १:२४; ४३:२ 16दाहिन हाँठम उहाँ सातठो तोरैँया पकर्लरलह ओ उहाँक मुहमसे धर्‍यार दुइधार्‍या तरवाल निक्रल रलहन। उहाँक अनुहार दुपहरिक घामअस चम्‍कल रलहन। 17उहाँह देख्‍क मै मुवलअस हुइनु ओ उहाँक पाउम गिर्नु। म्‍वार कपारिम आपन दाहिन हाँठ ढर्टी उहाँ कल, “जिन डराओ, शुरू ओ अन्‍तिम मैहे हुइटुँ।#यशै ४४:६; ४८:१२; प्रका २:८; २२:१३ 18जिटीह रहुइया मैहे हुइटुँ। मै मुवल रनहुँ, तर आब सड्‌डभरिक लाग जीवित होरनु, मृत्‍यु ओ पातालक साँचा म्‍वार हाँठम बा। 19उहओर्से टुँ आपन द्‍याखल बात लिखो। आब हुइटीरहल घटना ओ पाछ हुइना घटना सब लिखो। 20म्‍वार दाहिन हाँठम रहल टुँहार द्‍याखल सातठो तोरैँया ओ स्‍वानक सातठो सामदानक रहस्‍यजुन यी हो: सातठो तोरैँया कलक सातठो मण्‍डलीह रेखदेख कर्ना दूत हुइट ओ स्‍वानक सातठो सामदान कलकजुन सातठो मण्‍डली हो।”

Currently Selected:

प्रकाश 1: thl

Highlight

Copy

Compare