याकूब 3
3
बोलीवचनह अधीन कर्ना
1म्वार भैयौ, टुह्रमध्ये धेर जन मण्डलीम वचन सिखुइया हुइ जिन खोजो, काकरकि परमेश्वर हम्र सिखुइयन्हक न्याय औरजन्हक्से कर्रा हिसाबले करुइयाबाट कैक त टुह्र जन्लबाटो।#३:१ सिखैना मनै औरजहन बहकाईसेक्ठ। 2वास्तवम हम्र सबजन भूलचूक्म धेर गल्ती कैडर्ठी।#३:२ बोलीवचनम गल्ती कर्ना कलक झूट बोल्ना, चुक्ली लगैना, पिठ्यापाछ आनक बात बटोइना, बदनाम कर्ना, सराप देना आदि हो। बोलीवचनम कबु गल्ती नैकर्ना मनैया परिपक्व मनैया हो। ऊ अपन्हेह पूरा अनुशासनम ढर्लरठा।
3कहल मानऽ कैक घोर्वक मुहम कैँजा लगाजैठा। तबदोस्र घोर्वह जहोँर मन लागल, उहँरे लैजाइ सेक्जैठा। 4पानीजहाजक बारेम फे विचार करो ना। उ बराबरा रठा ओ बर्का बयालले चल्ठा। तर फे, वाकर पाछओर रना एकठो छिटिमिटि साधनले, जहाज चलुइयन ओहीह जहोँर मन लग्लन, उहँरे लैजाइसेक्ठ। 5ओसहेँक मुह् एकठो छिटिमिटि अङ्ग रलसे फे, बराबरा बातक घमण्ड कर्ठा।
आगीक छिटिमिटि झिल्कले सारा बन्नोम राह् लाग्जैठा। 6हमार खराब बोली आगीक झिल्काअस हो। धेर किसिमक पाप मुहओर्से निक्रठा ओ सारा जीवनम दाग लगादेठा। वास्तवम नरकमसे अइना खराब बोली हमार सारा जीवनम आगी लगाइ फे सेक्ठा।
7चिरैँ, मच्छी, घस्रना ओ समुद्रम रना जीवजनावर लगायत सब किसिमक जीवजनावर मनैद्वारा अधीन कैजैठ, ओ अधीन कैगिल् फे बाट। 8तर आपन बोलीह, कुई फे अधीन कर नैस्याकट्। विषअसक बोली बराबरा विनाश फे करैठा। 9हम्र यिह मुहले प्रभु ओ बाबक प्रशंसा कर्ठी ओ यिह मुहले परमेश्वरक स्वरूपम बनागैल् मनैन सराप फे देठी।#३:९ परमेश्वर मनैन सोँच्ना, तर्क कर्ना, ओ सञ्चार कर्ना क्षमता सहित बनारख्ल। मनैन्हक भावना बाटन, ओ हुँक्र कुछ हदसम आपन गन्तव्य निर्धारण कर फे सेक्ठ। 10एक्क मुहमसे प्रशंसा ओ सराप अइठा। म्वार भैयौ, असिन नैहुइपर्ना हो। 11एक्क मुहानमसे मीठ ओ तीत पानी अइठा का? 12म्वार भैयौ, अञ्जीरक रूख्वम जैतून, या अङ्गूरिक ब्वाँटिम अञ्जीर फर्ठा का? ओसहेँक तीत पानीक मुहानमसे मीठ पानी नैआइट्।
दुइ किसिमक बुद्धि
13टुह्र अपन्हेह बुद्धिमान ओ समझदार सम्झुइयन असल जीवन जिलक प्रमाण देखाइपर्ठा। यी असल जीवनम टुह्र सब काम नम्र होक बुद्धिमानी हिसाबले करपर्ठा। 14तर यदि टुह्र एकदम बिह्र मुठो, ओ आपन स्वार्थी चाहनह आघ सार चहठो कलसे, टुह्र घमण्डी हिसाबले झूट नैबोल्लसे हुइठा। 15असिन सोँचाइ स्वर्गमसे नैआइट्, तर यी संसारमसे, मनैन्हक आपन चाहनमसे, ओ भूतन्हक प्रभावमसे अइठा। 16काजेकलसे जहाँ बिह्र मुना ओ स्वार्थी मनै रठ, उहाँ गन्जागोल ओ सब किसिमक खराब काम हुइठा। 17तर परमेश्वरक देहल बुद्धि अनुसार जीवन जिना मनैन्हक मन सबसे पैल्ह त, खराब बातओर लागल नैरटन। उहाँसेकि, हुँक्र सबजहनसे मेलमिलापम जिठ, आनक अवस्था बुझदेठ, नम्र ओ दयालु रठ, ओ भलाइक काम कर्ठ। हुँक्र पक्षपात नैकर्ट, हुँकन्हक मनम छलकपट नैरटन। 18शान्ति चहना मनै एक-आपसम मेलमिलापम रठ, ओ परिणाम स्वरूप हुँक्र धार्मिक हिसाबले जीवन जिठ।
Currently Selected:
याकूब 3: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
