एफिसी 1
1
1परमेश्वरक इच्छा अनुसार ख्रीष्ट येशूक प्रेरित मै पावल यी चिठी लिखटुँ। मै यी चिठी एफिससम रना ओ ख्रीष्ट येशूम विश्वास कर्ना पवित्र जनहुँकन लिखटुँ।#प्रे १८:१९-२१; १९:१
2हमार परमेश्वर बाबा ओ प्रभु येशू ख्रीष्ट टुँहन अनुग्रह ओ शान्ति देहीँ।
आत्मिक आशिष
3हमार प्रभु येशू ख्रीष्टक परमेश्वर ओ बाबह प्रशंसा ह्वाए। उहाँ ख्रीष्टम हमन स्वर्गीय स्थानम सब आत्मिक आशिष देरख्ल। 4उहाँ संसार सृष्टि कर्नासे आघहेँ ख्रीष्टम हमन आपन सामुन्नेम पवित्र ओ निर्दोष बनाइक लाग रोज्लह। 5उहाँ आपन खुशीले बनाइल उद्देश्यअनुसार ख्रीष्ट येशूम हमन आपन सन्तान बनाइक लाग आघहेँ रोज्लह। 6उहाँ आपन प्रिय छावम हमन बिना म्वाल लेल महान अनुग्रह देल। आब हम्र यी अनुग्रह देना परमेश्वरक महिमा करी। 7उहाँक महान अनुग्रह अनुसार ख्रीष्टक रगत बहलक कारण हम्र मुक्ति अर्थात् हमार पापक क्षमा पारख्ली।#कल १:१४ 8यी अनुग्रह उहाँ हमन प्रशस्त मात्रम देल। 9उहाँ ख्रीष्टम आपन खुशीले बनाइल योजना अनुसार आपन गुप्त रहल बात हमन देखादेल। 10परमेश्वर आपन काम ठीक समयम पूरा करुइयाबाट। यी काम स्वर्ग ओ पृथ्वीम सृष्टि हुइल् सब चिज ख्रीष्टक अधीनम अन्ना काम हो।
11काकरकि सब चिज परमेश्वरक योजना ओ इच्छा अनुसार होरहल। परमेश्वर हमन आपन खुशीले ख्रीष्टम रोज्ल। यी रोजाइ उहाँ आघहेँ करल निर्णय अनुसार हुइल हो। 12हम्र ख्रीष्टम सुरुसे आशा कर्ना मनैन परमेश्वरक महिमह प्रशंसा करक लाग उहाँ नियुक्त कर्ल। 13टुह्र मुक्ति देना सत्य सन्देश अर्थात् खुशीक खबर सुन्क ख्रीष्टम विश्वास कर्लो। आपन प्रतिज्ञा करल पवित्र आत्मक छाप लगाक परमेश्वर टुँहन आपन मनै बनैलक प्रमाण देल। 14परमेश्वरक प्रतिज्ञा करल पूरा मुक्ति नैपाइट्सम पवित्र आत्मा त बयानाजसिन हुइट। आब हम्र महिमामय परमेश्वरक प्रशंसा करी।
धन्यवाद ओ प्रार्थना
15उहओर्से प्रभु येशूम रहल टुन्हक विश्वास ओ सब पवित्र जनहुँकन्हकप्रति रहल टुन्हक प्रेम सुन्क, 16परमेश्वरह मै सड्डभर धन्यवाद चह्रैटीरठुँ। मै प्रार्थना करबेर टुँहन सम्झठुँ। 17प्रभु येशू ख्रीष्टक परमेश्वर, महिमामय बाबा, टुँहन उहाँक बारेम बात बुझ्ना अक्किल ओ सत्य ज्ञान देहीँ कैक मै प्रार्थना कर्ठुं। 18उहाँक ज्योति पाइक लाग टुन्हक हृदयक आँख खुली कैक फे मै प्रार्थना कर्ठुं, ओ टुह्र थाहाँ पैबो, कि कौन आशक लाग उहाँ टुँहन बलैलह ओ पवित्र जनहुँकन्हकम उहाँक पैना हकक् महिमा कत्रा महान बा! 19ख्रीष्टम विश्वास करुइयन्हक लाग काम कर्ना उहाँक महान शक्तिक त अनुमान फे कर नैसेक्जाइट्। यी बात टुह्र थाहाँ पाइसेको कैक मै प्रार्थना कर्ठुं। 20यिह शक्ति उहाँ ख्रीष्टह मुवलमसे फेदोस्र जियाइबेर ओ स्वर्गम आपन दाहिन पाञ्जर उहाँह बैठाइबेर प्रयोग कर्ल।#भज ११०:१ 21ख्रीष्ट सारा शासन, अधिकार, शक्ति ओ प्रभूत्वम राज्य कैरख्ल। उहाँ यी युगम केल नाहीँ, अइना युगम फे सारा अधिकारक पदसे उच्च बाट। 22परमेश्वर सब चिजह उहाँक पाउक टर बनादेल ओ उहाँह सब चिजम विश्वासीन्हक शिर बनादेल।#भज ८:६ 23मण्डलीक विश्वासीहुँक्र त ख्रीष्टक शरीरअसक हुइट, ओ यी शरीर सब चिजले भरल उहाँक पूर्ण रूप हो।#कल १:१८
Currently Selected:
एफिसी 1: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
