गलाती 6
6
सबजन्हक भलाइ कर्ना
1भैयौ, यदि कौनो मनैया गल्ती करल भेटगैल् कलसे, टुह्र आत्मम जिना मनै नम्र होक वाकर सुधार करपर्ठा। ओसिन कामम होसियार हुइपर्ठा, नकि त टुह्र फे परीक्षम पर्बो। 2आपत्विपत् परल ब्याला, एक-औरजहन सहायता करो, असिक ख्रीष्टक आज्ञा पूरा करो।#यूह १३:३४ 3यदि कुई अपन्हेह मै कुछ हुइटुँ कना सम्झठा कलसे, ऊ अपन्हेह ध्वाखा देठा। 4सबजन आपन-आपन चालचलनक मजासे जाँच करो। असल बा कलसे आपन करल कामम आनन्दित होओ, ओ टुह्र अपन्हेह औरजहनसे तुलना कर्ना आवश्यक फे नैहो। 5काकरकि हरेक मनैया आपन कामक जवाफदेही अपन्हे हुइपर्ठा।
6वचनमसे शिक्षा पैना मनै आपन सब असल चिज वचन सिखैना मनैयसे बाँडचूड करपर्ठा।
7अपन्हेह ध्वाखा जिन देओ। परमेश्वरह कुई फे ठग नैस्याकट्। मनै ज्या बीया बुइठ, उह बाली सहेर्ठ। 8यदि कुई पाप स्वभावक बीया बुइठा कलसे, ऊ मृत्युक बाली सहेर्नेबा। तर आत्मक बीया बुइना मनै आत्ममसे अनन्त जीवनक बाली सहेर्नेबाट। 9भलाइ कर्ना कामम हम्र नैडट्करी, काकरकि यदि यिहिँम लग्लरली कलसे, ठीक समयम हम्र याकर फारा पैनेबाटी। 10उहओर्से मौका पाइलसम हम्र सबजन्हक भलाइ कर्टिजाई, खासकैक ख्रीष्टम विश्वास करुइयन्हक भलाइ करपर्ठा।
अन्तिम सल्लाह
11मै आपन हाँठले बराबरा अक्षरम टुँहन यी लिखटुँ। 12देखावटी बात चहना मनै टुँहन खतना करपर्ठा कैक कर लगैठ। यी बात हुँक्र क्रूसम देगैल् ख्रीष्टक बलिदानक कारण अइना सतावटमसे बाँचक लाग कठ। 13खतना करपर्ठा कहुइयन अपन्हे फे व्यवस्थक कहल अनुसार नैचल्ट। तर खतना कर्ना रीति पालन करटी कैक घमण्ड करक लाग केल हुँक्र टुँहन खतना कर लगैठ। 14तर मै त और बातम नाहीँ, येशू ख्रीष्टक क्रूसक बातम केल घमण्ड कर्ठुं। उहाँ क्रूसम मुलक कारण, मै संसारक चाहनक दास नैहुइटुँ ओ ओसिन चिजिक शक्ति म्वारम शासन कर नैपाइट्। 15खतना कर्लसे फे, नैकर्लसे फे, वाकर कुछु महत्व नैहो, तर मुख्य बात त पवित्र आत्माद्वारा पैना लौव जीवन हो। 16यी बात पालन कर्ना सबजहन्कम ओ परमेश्वरक इस्राएली जातिन्हकम शान्ति ओ दया ह्वाए। 17#प्रे १४:१९-२०आबठेसे कुई फे महीह दुःख जिन देहीँ, येशूक कमारा हुइलक चिन्हक रूपम मै आपन शरीरम च्वाट लागल दाग बोक्लबाटुँ।#६:१७ येशू ख्रीष्टक बारेम प्रचार कर्लक कारण, पावल धेर फ्यारा पिट्वापारख्लह ओ हुँकहार शरीरम पिट्वापैलक दाग रलहन। 18भैयौ, हमार प्रभु येशू ख्रीष्टक अनुग्रह टुन्हक आत्मम रह। आमेन।
Currently Selected:
गलाती 6: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
