२ कोरिन्थी 13
13
आखिरी चेताउनी
1मै तीसर फ्यारा टुन्हकठे आइटुँ। “कौनो दोष दुइ या तीन जन साक्षीन्हक बकल बातले साबित कराइपर्ठा” कैक धर्मशास्त्रम कैगिल् बा।#व्य १७:६; १९:१५ 2मै द्वासर फ्यारा टुन्हकठे आइलम टुँहन चेताउनी देहलअस आब टुँहनसे दूर रहल समयम फे मै टुँहन उह बातक चेताउनी देहटुँ। मै फेदोस्र अइम कलसे आघ पाप करुइयन ओ और कौनोजहन फे मै बाँकी नैछोर्नेहुइटुँ। 3उ ब्याला ख्रीष्ट मै मार्फत बोल्ठ कि नैबोल्ट कना टुन्हक ख्वाजल प्रमाण अवस्य भेट्नेबाटो। टुँहनसे व्यवहार करबेर उहाँ कमजोर नैहुइट, तर उहाँ टुन्हक बीचम शक्तिशाली बाट। 4यी बात सत्य हो कि उहाँ कमजोर अवस्थम क्रूसम टङ्ग्वापैल, तर परमेश्वरक शक्तिम उहाँ आब जीवित बाट। हम्र फे उहाँकअस कमजोर होरली, तर टुँहनसे व्यवहार करबेर हम्र परमेश्वर शक्तिद्वारा ख्रीष्टकसँग जिनेबाटी।
5टुन्हक विश्वास सक्कली हो कि नाहीँ कना बात आपन जीवनह अपन्हे जाँचक हेरो ना। जाँचम सफल हुइबो कलसे येशू ख्रीष्ट टुन्हकम बाट कना बात टुँहन थाहाँ हुइनेबा। 6महीह आशा बा, कि हम्र काम नैलग्ना नैहुइलहुइटी कना बात टुह्र थाहाँ पउइयाबाटो। 7टुह्र खराब काम कर छोर्बो कैक हम्र टुन्हक लाग परमेश्वरसे प्रार्थना कैदेठी। हम्र अपन्हेह सफल देखाइक लाग असिन प्रार्थना नैकर्टी, तर हम्र काम नैलग्नाअस देखपर्लसे फे टुह्र ठीक काम कर सेको कैक प्रार्थना कर्ठी। 8काकरकि हम्र सत्य बातक विरोधम कुछु कर नैसेक्टी, तर सत्य बातक केल समर्थन करसेक्ठी। 9हम्र कमजोर रलसे फे, टुह्र बलगर बाटो कैक हम्र खुशी बाटी। टुह्र परिपक्व हुइबो कैक हम्र प्रार्थना कर्ठी। 10मै टुँहनसे दूर रहलब्याला यी लिखटुँ, ताकि मै टुन्हकठे आइलम प्रभुक देहल अधिकारह कडा हिसाबले प्रयोग कर नैपरी। यी अधिकार टुँहन बिगारक लाग नाहीँ, तर सुधारक लाग महीह देगैल् बा।
आखिरी अभिवादन
11अन्तम भैयौ, मै बिदा पाऊँ। दिलोज्यानले परिपक्व हुइना कोसिस करो। म्वार बिन्ती सुनो, एक-औरजन्हक बात सुनो, शान्तिम रहो। शान्ति ओ प्रेम देना परमेश्वर टुन्हकसँग रह्हीँ।
12एक-औरजहन पवित्र प्रेमले अभिवादन करो।
13परमेश्वरक मनै सबजन टुँहन अभिवादन पठारख्ल।
14प्रभु येशू ख्रीष्टक अनुग्रह, परमेश्वरक प्रेम ओ पवित्र आत्मक सङ्गति टुह्र सबजन्हकसँग रह।
Currently Selected:
२ कोरिन्थी 13: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
