१ कोरिन्थी 13
13
प्रेम
1यदि मै मनैन्हक भाषा ओ स्वर्गदूतन्हक भाषा ब्वालसेक्ठुँ, तर मै औरजहन प्रेम कर नैसेक्टुँ कलसे, मै हल्ला कर्ना घण्टा ओ झ्याइँ-झ्याइँ कर्ना झाली केल हुइठुँ। 2यदि म्वारठे अगमवाणी बोल्ना वरदान बा, बुझ नैसेक्जैना बात मै बुझसेक्ठुँ ओ सारा ज्ञान फे पारख्नु, म्वारम पर्वत्वा हटाइ सेक्ना सम्मक विश्वास बा, तर मै औरजहन प्रेम कर नैसेक्टुँ कलसे, मै कुछु फे नैहुइटुँ?#मत्ती १७:२०; २१:२१; मर्क ११:२३ 3यदि मै आपन सारा सम्पत्ति गरीबन देदर्नु, मै आपन शरीर फे जराइ देदर्नु, तर मै औरजहन प्रेम कर नैसेक्टुँ कलसे, महीह कुछु फे फाइदा नैहुइट्?
4प्रेमम सहना ओ दया कर्ना गुण रठस। प्रेम डाहा नैकरट्, धाक नैलगाइट्, घमण्ड फे नैकरट्। 5प्रेम खराब हिसाबले नैचलट्, आपन बातम केल जिद्दी नैकरट्, नैझर्कट्, खराब बातक मतलब नैकरट्। 6प्रेम अन्याय परलम खुशी नैहुइट्, तर सत्य बातम आनन्दित हुइठा। 7प्रेम सब बात सहठा, सब बात विश्वास कर्ठा, सब बातम आशा कर्ठा, सब बातम स्थिर रठा।
8प्रेम सड्डभर रठा। अगमवाणी बितजैठा, अन्यभाषक वरदान बन्द होजैठा, ज्ञान फे टलजैठा। 9हमार ज्ञान अपूर्ण बा, हमार अगमवाणी अपूर्ण बा। 10तर जब सिद्धताक समय आई, तब अपूर्ण बात टलजाई।
11मै लर्का रहलम लर्काअस बोलुँ, लर्काअस विचार करुँ ओ लर्काअस तर्क करुँ। तर जब मै जवान हुइनु, तब लर्कन्हक चाल छोरदेनु। 12आब हम्र ऐनम ढुंगिल द्याखअस ढुंगिल-ढुंगिल केल देख्ठी, तर उ ब्याला हम्र आमने-सामने देखुइयाबाटी। आब मै कुछ बात केल जन्ठुँ, तर उ ब्याला, परमेश्वर म्वार बारेम सब बात पूरा बुझलअस, मै फे सब बात बुझुइयाबाटुँ।
13आब विश्वास, आशा ओ प्रेम यी तीन बात रठा, तर यीमध्ये प्रेम जो सबसे महान हो।
Currently Selected:
१ कोरिन्थी 13: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
