Matthew 27
27
11Jesus nangirman Romanmiutan atan'ngum tungani, taffuma apirijaa, “Jewmiunun ataniuviin?” Jesus kiujuq, “Uqaqtutin ilvin.” 12Talva Jesus ihuigijaugaluaqhuni angatjukvigpagjuakkut ataninginnun inuit ataniqpaillu niplijuittuq. 13Talva Pilate-im uqallautijaa, “Tuhaangillatiit ihuigigamitin amihumiik?” 14Jesusim kiunnginmani immaqaarijaugaluaqtillugu arliguttaktuq. 15Taffumani Qaangiutivinguqqan ataniq inungmik itiqtauhimajumik atauhirmik anipkaivaktuq inungnun utiquplugu. Inuit pijumakpatjuk. 16Talvani inuk itiqtauhimajuq atiqaqtumik Barabbasmik taikani ittuq. 17Inuit tapkua katimalirmata Pilate-im apirijait, “Kimik anipkaquvihi? Barabbasmiik? Jesusmigluunniin taijaujumik Christmik?” 18Ilihimajuq tapkua Jesus qarritijaat tuhugivallaaramitku. 19Aahittauq ukturvium ikhivautaqpanganiituni Pilate tuhaajuq nuliaminin uqaqhimangman, “Pittailigguuk tamna inuk ilumuurman. Unnuaq hinnakturama quvianaittumik tamna piplugu.” 20Talva angaatjuvikpagjuakkut ataningat, inuillu ataniqpaita tukhiaqujain inuit tapkua Barabbasmik pilluaqquplugit Jesus tuqutauquplugu. 21Pilate-im inuit uqautingmijain, “Ukuak malruk naliangnik anipkaiquvihi iliffingnun?” Tapkua kiujut, “Barabbasmik.” 22Pilate-im uqallautijain, “Talva qanuriliurniaqqigu Jesus taijaujuq Christmik?” Tamarmik uqaqtun, “Kikiaktuqtauli taamna.” Pilate apiqhijuq, 23“Huuq qanuq ihuittumik pilakka?” Tapkua nipiqquqtujumik akhun tuqhulauqtun “Kikiaktuqtauli tamnaa!” 24Talva Pilate inmi tuhaanahugigami, inuit ningakpallialirmatalu uarvingmik imalingmik tiguhijuq algangni uaqtaik uqaqhuni, “Una tuqutaujukhaunnginahugijaraluara iliffingnik pihiuk.” 25Inuillu tamarmik kiujun, “Taffuma tuqutjutaata ihuigitjavaatigut uvagut kingullivullu.” 26Talva Pilate-im anipkaqtaa Barabbas. Aahiin ungullaramiuk Jesus tunijaa kikiaktuqtauquplugu.
57Unnulirman Arimatheamiutaq Josephmik atiqaqtuq manigiktuq qaijuq. Taffuma maliktaraluanga Jesus. 58Upaktaat Pilate tukhirvigiplugu Jesusim timaanik. Talva tunijauqujaa tamna taffuminga. 59Joseph timaa pigamiuk uliktaa kalikumik halumajumik 60iliplugu iluvikhaanun havakhimajumun qaiqtuniittumi. Aahiin ujaramik akhaluaqhuni ukkuarutijaa ahivaqturlu. 61Mary Magdalamiutaq, Marylu aippa takananiittuq ingittutik iluvium haangani. 62Aqarungurman Upalungaijarvium tugliani, angaatjuvikpagjuakkun ataningit, Phariseellu katimajun Pilate-im tungaani 63uqaqhutik, “Ataniiq, itqaumajaqqut tamna ukpiqhiqtaiji umatillugu uqarman, ‘Pingahun uplut nungukpata makinniaqtunga.’ 64Talva ilvit pitquivaglutin iluvinga munarijauquplugu upluq pingahua tikitinnagu. Taffuma malirutaita kukkingnakhavaat inungnun uqarlutik, ‘Tamna makittuq tuqungajunin.’ Taimaa unipkautijain, ingattaqhungujuq hivullirmin.” 65Pilate-im uqallautijain, “Iliffi angujaktiqaqtuhi. Takki ilivinga munaqhiquitjavahi tapkua.” 66Talva avungaqtun iluvinga umikturiijaramik munaqhiqiplugit angujaktit.
Currently Selected:
Matthew 27: AQ
Highlight
Copy
Compare
Share
Want to have your highlights saved across all your devices? Sign up or sign in
Canadian Bible Society
Learn More About Atuutit Qin'ngautillu
