Matthew 18

1Taffumani malirutaita Jesus upaktaat uqaqhutik, “Qilaum atan'nguviani kina Ataniutqijauva?” 2Jesus qaitquigami nutararmik inminun akun'nganun nangiqtitaa 3uqaqhuni, “Ilumun uqautigiffi, aallanguqtitaunngitkuffi, nutaraqtun itqupluhi qilaum atan'nguvianun tikittunaittuhi. 4Kinaliqaak nutaraqtun anangaijanngitkumi tamna qilaum atan'nguviani ataniutqijauniaqtuq. 5Inuum nutaraq ilagigumiuk atimni ilagijaanga uvangattauq. 10Nutaqqat hapkuat ilangilluunniin hukhaunngittutun innahuaqtailuhiuk tapkua iharulgit qilangmiittun Angutima hanianiinmata.”

21Talva Peterm apirivaktaa Jesus uqaqhuni, “Ataniiq, qatan'ngutiga uvamnun huinniqiinnaqpakpan qaffinik ihumagijungnairviginiaqqiga? 7vaikturlunga?” 22Jesusim uqallautijaa, “7vaiktuinnarnirmik uqangittunga amigaiqturlugit kihimi ihumagijungnairvigijakharijan tamna. 23Taimaa qilaum atan'nguvia ataniqtun ilijuq tamna inuugaluaq nunami. Taffuma kivgani atugaiqujumangmagit. 24Taimailiurman ilangat kivgaq atugaqaqpaktuq maningnik 10,000nik qarititaujuk. 25Tamna kivgaq atugairutikhainman ataniata niuvrutigiqujaa kivgaq tamna. Nuliangalu nutaraillu tamajaillu atugaijautigiquplugit. 26Tatjainnaq kivgaum hiitqurvigiplugu tukhiarvigijaa uqaqhuni, ‘Ataniq, akhuuqtailunga atugaiqhungugama tamainnik ilaani.’ 27Talva atan'ngum kivgani aitqujaa atugain ihumagijungnaiqhugit. 28Kivgarli tamna anigami kivgaqtuqataita ilangat upaktaa hivungani atukkiqtihimagamiuk 100 taalanik. Talva taffuma qunguhiagun ipipkarnahuaqtaa uqautiplugu, ‘Atugairiagin uvamnun.’ 29Kivgapli itigainni tukhiarvigijaraluanga aippa uqaqhuni, ‘Akhuuqtailunga atugaijaqhungujunga tamainnik ilaani.’ 30Talva hivullium kivgatuini tuhaagamiuk igitpagaa akilikhitqaaqtinnagu. 31Aahiin kivgauqatain aallat tamna takugamitku nagliktaqpiaqhutik ataniq upaktaat unnuitiplugu tamainnik. 32Talva atan'ngum kivgani qaitqungmijaa uqautiplugu, ‘Nakuunngitpiaqtutin ilvit tukhiarvigigangma atugaiqtitauquplutin. Uvanga tamaita ihumagijungnaiqtatka. 33Uvanga nagligigapkin ilvin. Ilvittauq nagligijakharijan kivgauqatin tamna.’ 34Atanirlu ningakhuni tunijaa tamna itiqtauvilingmun akiliqqaaktinnagu tamainnik. 35Taimaattauq Angutiga qilangmiittuq piniaqtuq iliffingnun ihumagijungnaiviinngitkuffigit qatangutihi uummatiffingni.”

Currently Selected:

Matthew 18: AQ

Highlight

Copy

Compare