रोमि छाप्लाखाओ अ़सिन्खा
छाप्लाखाओ अ़सिन्खा
पावल्आ ओ छाप्लावा रोम्दाओ साम्भुङ्चिओ निम्पाङ छाप्तुओ। मोदाओचि येसुएदा साकोङ्छ़ङ कामुचि तुप्माचिकि मोचिएनान अ़क्चित लेन्तारि काचि मुमाकिना मोचिएदाङ्का फालुमा खोन्कि स्पेन खात्मा पावल्ओ अ़मित्चिऩङ याआङा। ओ छाप्लावा खोसाआ ख्रिस्तियान ह़ङ्म़ङ्दा दोत्ओ य़ङ्चि तुप्मेत्माचि निम्पाङ छाप्तुओ। ओ छाप्लावादा पावल्ओ अ़छ़ङ चिन्माय़ङ्ओसो अ़तुप्माय़ङ तोक्तुम।
पावल्आ रोम्दाओ साम्भुङ्चि सेवा मेत्याङ्सा खोचिओ निम्पाङ यामाराओ य़ङ खालुसुयुङ्सु। खोन्किना खोसाआ छाप्लावाओ अ़तुक्वादा खालुसुङु, “नुय़ङ्खान्आ म़ना निनाम्हाङ्आ अ़चुबुदा देत्नि अ़छ़ङ म़काइसुचिओ य़ङ खाङ्मुसु, खोन्कि निनाम्हाङ्एदा अ़छ़ङ कान्माय़ङ य़ङ साकोङ्छ़ङ्लाम्पाङा पुङ, खोन्कि साकोङ्छ़ङ्आ तासुला” १:१७ ।
खोन्किना पावल्आ ओसोओ अ़तुक्वा ओवात्नि फेसु: निनाम्हाङ्ओ अ़चुबुदा झारा म़नाचि यहुदिचिनेकि निरावाचिङाने अ़छ़ङ कान्मादोत। देकिनालो झारा म़नाचि हेवाओ अ़सावादा अ़क्निवाको म़मुयाङ। खोन्कि आप्पि अ़छ़ङ कान्मान्चिन, झारासाआ येसु ख्रिस्तदा साकोङ्छ़ङ मुमादोत। खोन्किना निनाम्हाङ्एनान्ओ तोङ्मादाङ्का ताओ येसु ख्रिस्तएदा याक्याङ्ओ अ़ऩङ्वा ह़ङ्म़ङ्ओ अ़तुक्वादा खालुसायुङ्सा। साकोङ्छ़ङ कामु निनाम्हाङ्आ म़रात्तुचि। खो निनाम्हाङ्ओ अ़चुलावाआ हेवा खोन्कि स़खाओ अ़सावादाङ्का म़लेइसुचि। पाच्दाङ्का आथ्तारिओ अ़धाङ्चिदा साकोङ्छ़ङ कामुओ अ़ह़ङ्म़ङ्दा निनाम्हाङ्आ अ़चुय़ङ्हुप खोन्कि खोक्कोसोओ अ़चुलावाओ सावाआ दियाको काचि मु, मोसोओ अ़तुक्वादा दुम छ़रायुङ्सा। खोन्किना निनाम्हाङ्आ म़ना रावाचिओ निम्पाङ अ़मुवाओ अ़चुमित्चिऩङ्दा यहुदिचि खोन्कि निरावाचि देत्नि तामा म़ऱनिओ सेन्माय़ङ लासायुङ्सा। पावल्आ अ़छाप्लावा ओवात्नि य़ङ्सा चिउयुङ्सु: यहुदिचिआ येसु देकिना मान्लोक्अ़दा ओसोओ अ़तुक्वा याक्याङ। मो झारा म़ना रावाचि येसु ख्रिस्तलाम्पा निनाम्हाङ्ओ अ़चुसोम्तुक्माओ अ़चुच़क्दा तात्मालामा मित्चिऩङ ओ। खोन्किना यहुदिचिआ अ़धुन येसु ऩङाऩछिरुन्नि पावल साकोङ्छ़ङ मु। देङ्दा, ख्रिस्तियान ह़ङ्म़ङ निचि सोम्तुक्मा खाङ्मेत्याङ्सा देत्नि ह़ङ्मादोत्निओ य़ङ पावल्आ छाप्तुयुङ्सु। खोसाआ ओवाको अ़तुक्वाचि निनाम्हाङ ब़क्मा, हेन्कोप खोन्कि अ़क्छा निएदा मुमायु ख्रिस्तियान्चिओ काचि खोन्कि छेन्खातायाओ सेन्माय़ङ्चि खाङ्मुसुचि। आप्पिओ य़ङ्खान्चि खोन्कि निनाम्हाङ्ओ अ़चुऩङ्लोङ्मा य़ङ्एनान खोसाआ अ़छाप्लावा सेत्तुदिसु।
थुत्मेत्लो अ़तुक्वा ऩङ
अ़सिन्खा खोन्कि मित्चिऩङ्ओ अ़तुक्वा १:१-१७
म़ना लेन्मादोत्ओ १:१८–३:२०
लेन्माओ निम्पाङ निनाम्हाङ्ओ अ़चुलाम ३:२१–४:२५
ख्रिस्तएदा अ़ऩङ्वा ह़ङ्म़ङ ५:१–८:३९
निनाम्हाङ्ओ अ़चुमित्चिऩङ्दा यहुदिचि ९:१–११:३६
ख्रिस्तियान च़माथाङ्मा १२:१–१५:१३
अ़चिन्मा खोन्कि खोसोओ अ़सेवा १५:१४–१६:२७
Currently Selected:
रोमि छाप्लाखाओ अ़सिन्खा: bap
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.