LKK 7
7
Zeruzalɛmu nɛlɔn man boo diɛ
1Haa Sunɛmun nɛ wee!
N bɔyaa n daa, n bɔyaa n daa,
n bɔyaa n daa, n bɔyaa n daa,
màn mɛn bɛ́ toɛ,
wɔ ga n ganaa doɛ̃.
Nɛniɛ lɛ n boo diɛ
Wàa na á baa,
ka tá li ka ga ma-a,
ka man bɛ̀ dù ni?
Tɔntɔraa lɛ n boo diɛ
2Ee kii nɛ!
N gòãn tá siĩni,
n kɔsɔnɔn kɛn nɛ parɛ!
N tanbɛn bǎãn nə́ luuri, luuri,
ka dí-dɔ̃li sonbore a
kaaran zɛnaa nɛ.
3N boron giulun nə ka
paãn buriin bɛ́ lɔn,
lɛkara paa.
Duvɛ̃ gìĩ kɔɔ̃n ba nyaabiɛ a-n wa.
N nɔ̀ n ka *belee toa bɛ́ lɔn,
da buũn nə́ da bii.
4N nyɔ màn paa ke,
bɛn maǹ ka yuùn nɛ
màn paa bɛ́ lɔn,
ǹ dan nə́ ǹ yɛ bɛlɛmanan lɛa.
5N wìi n paraa nɛ, pepere,
ka sanabolo siĩn bɛ́ lɔn.
N yii nànan man ka Ɛsibɔn a
pɛrɛn kɛn mu bɛ́ lɔn,
kunu Bati-Rabimu a
wɔ ǹ kiɛnlɛ ganaa.
N nyin gòã n pɔrɔɔ nɛ,
ka Liban a sanabolo kɛ bɛ́ lɔn,
a yɔrɔ ń dia-n Damaasi kiwi la.
6N mìi tá a giala la lon,
ka Karmɛli kele bɛ́ lɔn.
N mìi ka ke,
bɛ n pɔsiaã nɛ, tì nɔnɔɔ.
A siĩnbaa kii yiri si la.
7Ma din foo dùũ wɔ,
n tá siĩni á là da,
yii á boe n li á là da.
N tá ma foo nyɛɛ a tɔ-a.
8Ń bɔ doɛ̃ pɔrɔɔnɛ,
ka sèwo da bɛ́ lɔn.
N nyɔn man ka a nɛ bɛ́ lɔn.
9Má pɛ ma din gɔ́ɔ̃ nɛ:
máa yǎa ma dii sèwo da kɛ la,
man gɔn diɛ a nɛ ganaa.
N nyɔn kɛn die
n lùlùù kɔ ma gɔn,
ka *rezɛ̃ da nɛ bɛ́ lɔn.
Piɛ̃ mɛn bɛ́ soe n lɛ-n,
bɛ gìĩn kɔɔ̃nɛ ka
da nɛ kɔɔ̃n gìĩ bɛ́ lɔn.
10N lɛ dɔ die a goã ka
duvɛ̃ kɔɔ̃n kɔɔ̃n bɛ́ lɔn.
Nɛniɛ lɛ n boo diɛ
Bɛa duvɛ̃ lɛ dɔ ma din
foo dùũ wɔ lɛ ganaa gɔrɔ,
á baa si nyuù-wɔlen kɛn lɛ ganaa.
11Man ma din foo dùũ
wɔ lɛ wɔ lɛa,
ma sii ná a ganaa.
12Ma din foo dùũ wɔ, daa!
Daa wɔ soo, wɔ n ta lalaa,
wɔ lɛ̀ waa gɛ̀bi daanan giulun.
13Wɔ die wɔ yoo tán lɛlɛ,
wɔ wo ga rezɛ̃ da wurun ni,
wɔ ga, bɛ̀ rezɛ̃ da fɔ̃,
bɛ̀ da buũn nə́ n lɛ yu,
bɛ̀ grenadie da á buũ lɛa.
Walan nɛ,
ma tá re n goe ka
maa kɔn-narɛɛ lɛ nɛ.
14Lɔn gɛrɛsiɛ yɛ ǹ dan
kɛn gìĩ n boe kɔɔ̃nɛ.
Wɔa kiɛnlɛ-a,
da nɛ sonbore tɔrɔ
tumaa n wɔ duĩ.
Da nɛ diin ni, a zizin ni,
man má bɛn koa n din ni,
ma din foo dùũ wɔ.
Currently Selected:
LKK 7: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
LKK 7
7
Zeruzalɛmu nɛlɔn man boo diɛ
1Haa Sunɛmun nɛ wee!
N bɔyaa n daa, n bɔyaa n daa,
n bɔyaa n daa, n bɔyaa n daa,
màn mɛn bɛ́ toɛ,
wɔ ga n ganaa doɛ̃.
Nɛniɛ lɛ n boo diɛ
Wàa na á baa,
ka tá li ka ga ma-a,
ka man bɛ̀ dù ni?
Tɔntɔraa lɛ n boo diɛ
2Ee kii nɛ!
N gòãn tá siĩni,
n kɔsɔnɔn kɛn nɛ parɛ!
N tanbɛn bǎãn nə́ luuri, luuri,
ka dí-dɔ̃li sonbore a
kaaran zɛnaa nɛ.
3N boron giulun nə ka
paãn buriin bɛ́ lɔn,
lɛkara paa.
Duvɛ̃ gìĩ kɔɔ̃n ba nyaabiɛ a-n wa.
N nɔ̀ n ka *belee toa bɛ́ lɔn,
da buũn nə́ da bii.
4N nyɔ màn paa ke,
bɛn maǹ ka yuùn nɛ
màn paa bɛ́ lɔn,
ǹ dan nə́ ǹ yɛ bɛlɛmanan lɛa.
5N wìi n paraa nɛ, pepere,
ka sanabolo siĩn bɛ́ lɔn.
N yii nànan man ka Ɛsibɔn a
pɛrɛn kɛn mu bɛ́ lɔn,
kunu Bati-Rabimu a
wɔ ǹ kiɛnlɛ ganaa.
N nyin gòã n pɔrɔɔ nɛ,
ka Liban a sanabolo kɛ bɛ́ lɔn,
a yɔrɔ ń dia-n Damaasi kiwi la.
6N mìi tá a giala la lon,
ka Karmɛli kele bɛ́ lɔn.
N mìi ka ke,
bɛ n pɔsiaã nɛ, tì nɔnɔɔ.
A siĩnbaa kii yiri si la.
7Ma din foo dùũ wɔ,
n tá siĩni á là da,
yii á boe n li á là da.
N tá ma foo nyɛɛ a tɔ-a.
8Ń bɔ doɛ̃ pɔrɔɔnɛ,
ka sèwo da bɛ́ lɔn.
N nyɔn man ka a nɛ bɛ́ lɔn.
9Má pɛ ma din gɔ́ɔ̃ nɛ:
máa yǎa ma dii sèwo da kɛ la,
man gɔn diɛ a nɛ ganaa.
N nyɔn kɛn die
n lùlùù kɔ ma gɔn,
ka *rezɛ̃ da nɛ bɛ́ lɔn.
Piɛ̃ mɛn bɛ́ soe n lɛ-n,
bɛ gìĩn kɔɔ̃nɛ ka
da nɛ kɔɔ̃n gìĩ bɛ́ lɔn.
10N lɛ dɔ die a goã ka
duvɛ̃ kɔɔ̃n kɔɔ̃n bɛ́ lɔn.
Nɛniɛ lɛ n boo diɛ
Bɛa duvɛ̃ lɛ dɔ ma din
foo dùũ wɔ lɛ ganaa gɔrɔ,
á baa si nyuù-wɔlen kɛn lɛ ganaa.
11Man ma din foo dùũ
wɔ lɛ wɔ lɛa,
ma sii ná a ganaa.
12Ma din foo dùũ wɔ, daa!
Daa wɔ soo, wɔ n ta lalaa,
wɔ lɛ̀ waa gɛ̀bi daanan giulun.
13Wɔ die wɔ yoo tán lɛlɛ,
wɔ wo ga rezɛ̃ da wurun ni,
wɔ ga, bɛ̀ rezɛ̃ da fɔ̃,
bɛ̀ da buũn nə́ n lɛ yu,
bɛ̀ grenadie da á buũ lɛa.
Walan nɛ,
ma tá re n goe ka
maa kɔn-narɛɛ lɛ nɛ.
14Lɔn gɛrɛsiɛ yɛ ǹ dan
kɛn gìĩ n boe kɔɔ̃nɛ.
Wɔa kiɛnlɛ-a,
da nɛ sonbore tɔrɔ
tumaa n wɔ duĩ.
Da nɛ diin ni, a zizin ni,
man má bɛn koa n din ni,
ma din foo dùũ wɔ.
San Bible Protestant Edition © Bible Society of Burkina Faso, 2011.