LKK 5
5
Tɔntɔraa lɛ n boo diɛ
1Haya le! Mianɛn, maa nɛniɛ,
má daa wɔ maa dù gɔrɔ lɛ nɛ,
man die maa
*miíri nyɔɔ gìĩ kɔɔ̃nɔn sɔlɛɛ,
man die maa zoo nyɔɔ kɔɔ̃n bii,
man die maa duvɛ̃ laanka
maa bɔ̀nyaa mii.
Maa giaáran lɛn, ka màn bii,
maa giaáran lɛn, ka màn mi,
ka mi, a wɔ ka yii ni.
Loe siibaa ǹ wɔ
(5.2–6.3)
Nɛniɛ lɛ na a narɛɛ giala pii
2Man má goã nyuù we,
sɛnɛ, ma gɔ́ɔ̃ na á goã koo.
Má ma din foo dùũ wɔ lɛ
gɔn wuu ma kiɛnlɛ dii.
Á pɛ:
Miãnɛn, maa paa ǹ wɔ,
maa kɔnbɔlɔn, maa yii màn,
kiɛnlɛ bũ ma nɛ.
A giala, ma mìi yii n pele lɛa,
ma mìi ka n tèlò a mu bisin lɛa.
Nɛniɛ lɛ n boo diɛ
3Má saa lɛlɛ má maa dɔnkɛ sɔlɔ,
man wusii ma bɛ wɔ lɔn?
Ma din a gòãn piimaa lɛ n ke,
man wusii ma bɛn tii lɔn?
4Ma din foo dùũ wɔ lɛ
nə́ n gɔn wɔ kiɛnlɛ koo ne,
á foo kɔɔ̃n kɔ gole kɔ ma la.
5Má yoo máa man kiɛnlɛ buĩ
ma din foo dùũ wɔ lɛ nɛ.
Ma bɛ́ kiɛnlɛ lɛ kuĩ
a kũ ǹ bǎã ganaa,
bɛ̀ ma gɔnɔn man
*miíri nyɔɔ gìĩ kɔɔ̃n lɛa.
6Má kiɛnlɛ bũ
ma din foo dùũ wɔ lɛ nɛ,
sɛnɛ á woo, a bii-a doo wa.
Ma gɔ̀nɔn yii nə́ n si ma la,
má ga li, man na a-n wa.
Má lɛ dia la, a ma lɛ si wa.
7Sɛnɛ, bǎã-lɛduə̃lin mɛnɛn bɛ́
kiwi lɛ lɛduĩ,
bɛn nə́ kaa ma lɛ.
Ǹ nə́ ma dɛ, ǹ nə́ busu da ma-a.
Ǹ nə́ maa lankana na
ǹ nə́ bɔ ma-a,
bɛa kungɔn-lɛduə̃lin kɛn lɛn.
8Zeruzalɛmu nɛlɔn lɛn,
ma gɛlɛɛ ka nɛ!
Bɛ̀ ka n na
ma din foo dùũ wɔ lɛ nɛ,
ka die ka pɛ-n kaa,
mà kɔn-narɛɛ na á
busu baa ma ganaa.
Zeruzalɛmu nɛlɔn man boo diɛ
9Ebe! Nsɛ kɛ lɛ siĩn
lɔn tumaa bii,
n bɛ́ min mɛn lɛ narɛ,
wàa na a soɛ koe ǹ miã kɔsɔ nɛ?
N bɛ́ min mɛn lɛ narɛ,
wàa na a soɛ koe ǹ miã kɔsɔ nɛ,
bɛ ń toɛ n tá
n gɛlɛɛ diɛ wɔ-n kɛnɛn?
Nɛniɛ lɛ n boo diɛ
10Ma din foo dùũ
wɔ lɛ n tã yoreen yoreen.
Min duu fù bii, a ba n duri wa.
11A mìi n sana yoreen lɛa.
A mìi ka n pɔsiaã, tì biribiri,
ka zankoo bɛ́ lɔn.
12A yii nànan man siĩni,
ka zɛrɛkantoanan man tà lɛ-a,
Maǹ ka maǹ nə
n duwii bɔ̀nyaa li,
maǹ ka maǹ nə
n susui zoo ǹ bǎã nɛ.
13A pàãn man ka
miíri nyɔɔ gìĩ kɔɔ̃n bǎã bɛ́ lɔn.
14A gɔnɔn man
ka sana zan bɛ́ lɔn,
kɔlɔ giɔ̀mɔ kakaa ná a ganaa.
Don a díi sɔ mɛn bɛ́ ǹ nə́ zɔnɔ,
kɔlɔ giɔ̀mɔ kakaa ná a ganaa,
a gɔ̀nɔn nə ka bɛ bɛ́ lɔn.
15A gòãn man
ka kɔlɔ fu sonbore bìbìn bɛ́ lɔn,
doa-n tán sana yoreen la.
A n siĩni ka Liban da bɛ́ lɔn.
A miã banban Liban dan bii wa.
16A sɔɔ min ni n nɔnɔɔ,
ka min na a dinmaa
tumu saa n mui.
Zeruzalɛmu nɛlɔn lɛn,
ma din foo dùũ wɔ lɛ n ka bɛ nɛ,
maa paa ǹ wɔ lɛ n ka bɛ nɛ.
Currently Selected:
LKK 5: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
