Loe 140
140
Lawa a min tamaa laanka a kirisibaa boo
1Loe-saalin goledɛnaa loe mɛn lɔ. Davida a loe.
2Dɛnaa Lawa, ma si min baraan kɛn la,
ma kanbaa min kakaarɛn kɛn-a,
3min mɛnɛn lɛn bɛ́ ke, ǹ nə́ sii baraa taasɛ ǹ gɔ́ɔ̃ nɛ,
ǹ nə́ zia yui baraabaraa.
4 #
Rɔm 3.13
Maǹ nə́ n lɛ loe sii baraa li, ka miɛ̃ bɛ́ lɔn,
sèwò baraa nə n lɛ giulun, ka miɛ̃ baraa bɛ́ lɔn. *Doa
5Dɛnaa Lawa, n nyan toa min baraan kɛn gɔn dɔ ma-a wa.
Ma kanbaa min kakaarɛn kɛn ganaa,
bɛn mɛnɛn bɛ́ giɛ maa bɔ a daa ǹ gɔn li.
6Din-koalin nə́ kan koa ma nɛ.
Ǹ nə́ biɛ laanka zɔ̀ɔ koa zii para-a,
maǹ gɔn diɛ ma-a walan. Doa
7Má pɛ Dɛnaa Lawa nɛ: N din nə maa Lawa lɛa.
N too kɔ, n maa gòã-kũ si.
8Dɛnaa Lawa, n din pàã kɛ n ma kirisibiɛ.
Zia-baa pinaa, n din nə́ ń ma mìi tamaa.
9Dɛnaa Lawa, n nyan toa min baraan kɛn gɔ́ɔ̃gɔ́ɔ̃ ǹ sii giala yɛ wa.
Ǹ sii mɛn yɔrɔ bɔ, n nyan toa a giala yɛ wa,
bɛ bie wa, ǹ tá re n dinin gole koe. Doa
10Min mɛnɛn bɛ́ ma gialaa paǹ tumaa li,
bɛn man boo baraa diɛ ma ganaa.
Haya, toa ǹ boo baraa lɛ yu ǹ dinin mìi ni.
11Toa tɛ nàn nə kaa ǹ la,
ǹ nyɛnaa ǹ nə ǹ zũ tɛ-n,
n nə ǹ zũ nyankɔrɔ zuzulu kɛ nɛ,
ǹ baran boo la ǹ soo duduu wa.
12Lɛwɔn babaraadɛnan kɛn doamaa bie ǹ giã gána lɛ-n wa.
Min baraa mɛn bɛ́ kakaarɛbaa ǹ sii zɛnɛɛ,
ka loo ka bɔ gána lɛ nɛ, ka nyan makara bɔ a-a wa.
13Ma á doɛ̃, máa Dɛnaa Lawa din tá re koe-yɛle a sii yɔrɔ boe,
a din tá re doobaa a sii yɔrɔ boe.
14Sonbore, min peperen tá re n tɔ guguru koe.
Min mɛnɛn gɔ́ɔ̃ bɛ́ fu, bɛn tá re giɛ̃ n yɔrɔ-a.
Currently Selected:
Loe 140: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
